07/10/2025
नेपाल सरकारले भारतको Sresan Pharma द्वारा उत्पादन गरिएको Coldrid Cough Syrup प्रयोगपछि बालबालिकाको मृत्युका घटनाहरूको खबर आएपछि गम्भीर सतर्कता जारी गरेको छ।
स्वास्थ्य तथा जनसंख्या मन्त्रालय ,औषधि व्यवस्था विभागले सबै औषधि उत्पादक, आयातकर्ता, विक्रेता, फार्मेसी र चिकित्सकहरूलाई निम्न निर्देशनहरू दिएको छ :
*औषधि उत्पादन वा आयात गर्दा Ethylene Glycol र Diethylene Glycol परीक्षण गरिएको मात्र औषधि प्रयोग/वितरण गर्नुपर्ने।
*मन्त्रालयमा दर्ता भएका औषधिहरू मात्र बिक्री र वितरण गर्नुपर्ने।
*चिकित्सकहरूले पनि दर्ता भएका औषधिहरू मात्र prescribe गर्नुपर्ने।
*आम नागरिकले चिकित्सकको सल्लाह बिना कुनै पनि खोकिको सिरप प्रयोग गर्न नहुने।
विभागले यस विषयमा कडाइका साथ निगरानी गरिरहेको छ र जनस्वास्थ्यको सुरक्षाका लागि सबैको सहयोग अपेक्षा गरेको छ।
