28/10/2025
आजको घटना “कहिलेकाहीँ यो “heroism” होइन, तर परिस्थितिले बाध्य पारेको जिम्मेवारी हो।
आज म मेरो क्लिनिक सकेर घर फर्कँदै थिएँ। त्यति बेलामा केही मानिसहरू महिलाहरूलाई बोलाउँदै थिए — “कृपया सहयोग गर्नुहोस्, एक महिलाले बाटोमै बच्चा जन्माएकी छिन्।”
यो सुनेर म तुरुन्तै त्यहाँ पुगेँ। त्यो महिला पहिले नै बच्चा जन्माइसकेकी थिइन्, तर प्लासेण्टा अझै ननिस्किएको अवस्था थियो।
मैले तुरुन्तै वरिपरिका मानिसहरूलाई स्टेराइल ग्लोभ्स र कोर्ड क्ल्याम्प ल्याउन भनें, र मेरो क्लिनिकबाट पनि आवश्यक उपकरण मगाएँ।
त्यो समयमा मैले त्यहाँका महिलाहरूलाई साडीको सहायताले घेराबार बनाउन अनुरोध गरेँ ताकि गोपनीयता कायम रहोस्। त्यसपछि मैले प्लासेण्टा डेलिभर गरी बच्चालाई सुरक्षित रूपमा छुट्याएँ।
त्यो बेला डर लाग्थ्यो — धेरै bleeding हुन सक्थ्यो, infection पनि हुन सक्थ्यो।
तर उनीहरू अस्पताल जान मान्नुभएन, त्यसैले उपाय नभएर मैले त्यहीँ गर्नुपर्यो।
पछि मैले इटहरी अस्पतालमा सम्पर्क गरेर आमा र बच्चा दुबैलाई अस्पताल पठाएँ ताकि थप उपचार र निगरानी गर्न सकियोस्।
PS : फोटो मैले खिचेको होइन — त्यहाँ उपस्थित व्यक्तिले खिचेर मलाई पठाएको हो।
