21/02/2026
मानवताको मिसाल: पारस अस्पतालमा डा. सफिउर रहमानको पहलमा रमजान भर इफ्तारको व्यवस्था..
पारस अस्पताल बिराटनगर,
पवित्र रमजान महिनामा मानवताको सच्चा उदाहरण पेश गर्दै पारस अस्पताल परिसरमा डा. सफिउर रहमानको अग्रसरतामा विगत कैयौं वर्षदेखि इफ्तारको विशाल व्यवस्था गरिदै आएको छ। डा. सफिउर रहमानले यस सम्बन्धमा आफ्नो भनाइ राख्दै भने, 'हाम्रो लागि मानवता नै पहिलो प्राथमिकता हो। रमजान आपसी मेलमिलाप र सेवाको महिना हो। बिरामीहरूको सेवामा खटिएका उनीहरूका आफन्तजन र हासा कर्मचारीहरूले कुनै कठिनाइ महसुस नगरुन् भन्ने हाम्रो चाहना हो। अल्लाहले हामी सबैलाई यो सेवाको अवसर प्रदान गरेकोमा हामी आभारी छौं।" यस पहलको मुख्य उद्देश्यप अस्पतालभित्र भर्ना भएका बिरामीहरूका परिजन तथा कुरुवाहरू, अस्पतालका कर्मचारीहरू, र वरपरका आम मानिसहरूलाई रोजाको समयमा हुने कठिनाइलाई मध्यनजर गर्दै उनीहरूसम्म इफ्तार पुर्याउनु रहेको छ।
