https://www.facebook.com/100681128781713/

Nisarg Orthopaedics Team, Dr. Sriram/ Dr. Omkar, Dhangadhi (2025)

10/08/2022

३ महिना पहिला हाम्रो टिमले जांघको जोर्नीको भाग टुटेको ( posterior wall with posterior column with anterior column with quadrilateral plate acetabulum fracture with communited fracture of iliac blade ) बिरामीको सफलतापूर्वक सल्यक्रिया( modified Stoppa approach with lateral iliac window+ Kocher Langenbeck approach) गरेको थियो । यो शल्यक्रिया एकदमै जटिल प्रकृतिको मानिन्छ र यसको लागि विशेष खालको औजारहरूका साथसाथै अब्बल टिम पनि जरुरत पर्छ। ठूल्ठूला सुविधासम्पन्न अस्पतालहरुमा तथा मेडिकल कलेजहरुमा मात्र सम्भव हुने यस्तो जटिल प्रकृतिको शल्यक्रिया सुदूरपश्चिममै गर्न पाउँदा हामी एकदमै गौरवान्वित महसुस गर्छौं । ३ महिना पछि जचाउन आउंदा बिरामी बिना सहायता हिड्डुल गर्न सक्ने, पलेटी कसेर बस्न सक्ने र टुक्रुक्क भुइँमा बस्न सक्ने हुनु भएको छ। बिरामीको सन्तुष्टि र खुशी देखेर एकदमै खुशी महसुस भयो। यस्ता जटिलभन्दा जटिल प्रकृतिका शल्यक्रिया पनि गर्दैजाने र सुदूरपश्चिम बासीलाई सुदुरपश्चिममै सेवा दिने अठोटका साथ हाम्रो टिम अगाडि बढेको छ । यो शल्यक्रिया हाडजोर्नी विशेषज्ञद्वय डा. श्रीराम खाती र डा. ओमकार विष्ट तथा एनेस्थेसियोलोजिस्ट डा हेमन्त ओझा र डा सुनिल भट्टको टिमले गरेको हो।

24/05/2022

हामीले निसर्ग अस्पताल धनगढीमा मेरूदण्डको शल्यक्रिया नियमित रूपमा सुरु गरेको पनि एक बर्षभन्दा बढी भैसकेछ। गर्दन देखी कम्मर सम्मको हड्डी भाँचिएका बिरामीहरूको शल्यक्रिया एक बर्षदेखि नियमित रूपमा गरेर सेवा दिन पाउंदा हामी एकदमै खुशी छौं । केही बर्ष पहिला सम्म मेरूदण्डको हड्डी भाँचिएका बिरामीहरू नेपालगन्ज, काठमाडौं या भारततिर जानुपर्ने बाध्यता थियो। बिरामीलाई टाढासम्म पु-याउंदा झन जटिलता बढेर निको हुनसक्ने सम्भावना भएका बिरामीहरूमा समेत प्यारालाइसिस् को सम्भावना बढ्ने डर हुन्थ्यो। बिरामीले एकपल्ट शल्यक्रिया भैसकेपछि फेरि समय समयमा जचाउन जान नसक्ने अवस्था आउंथ्यो। यस्तो जटिल शल्यक्रिया सेवा समेत सुदूरपश्चिममै दिन पाउंदा हामी एकदमै गौरवान्वित महसुस गर्छौँ। यी शल्यक्रियाहरू न्युरोसर्जन डा सुरेश सापकोटा, अर्थोपेडिक सर्जनद्धय डा श्रीराम खाती र डा ओमकार बिष्ट तथा एनेस्थेसियोलोजिष्टद्धय डा हेमन्त ओझा र डा सुनिल भटृ सम्मिलित टीमले गरेको हो।

23/03/2022

हाडजोर्नी शल्यक्रियामध्येकै जटिल मानिने हिप तथा पेल्भिस (hip and pelvis surgery) सर्जरी हाम्रो टिमले नियमित रूपमा सफलतापूर्वक गर्दै आएको छ। झण्डै एक बर्ष देखि नियमित रूपमा सुदूरपश्चिममै सेवा उपलब्ध भएकाले धेरै जना बिरामीहरू टाढा टाढा जानुपर्ने बाध्यताको अन्त्य भई अनावश्यक सास्ती भोग्नबाट बचाउन सकेकोमा हामीलाई गर्व महसुस हुन्छ। हामी त्यस्ता शल्यक्रियाहरू गर्न प्रतिवद्ध छौं जुन सुदूरपश्चिममा पहिले भएकै छैनन्।

19/01/2022

Happy patients happy surgeons:

यो सानी नानीको पुरै खुट्टा भुइमा नटेकिने र औंलाको टुप्पोमा टेकेर हिड्नु पर्ने (equinous deformity of foot with pes cavus) समस्या थियो । हामीले शल्यक्रिया ( tendoachillis lengething with z- plasty with planter fascia release) गरेर नानीको खुट्टा सिधा बनाएर पुरै भुइमा टेक्न मिल्ने बनायौँ । प्लाष्टर हटाएपछि खुट्टा सिधा भएको देखेर नानी एकदमै खुशी देखिन्थिन् । नानीले सधैं साथीहरुले तिम्रो खुट्टा बाङ्गो छ भनेर जिस्काउने गरेको तर अब गएर साथीहरुलाई देखाउने र खै त मेरो खुट्टा बाङ्गो भन्छु भन्दै खुशी हुँदै हांसीमात्र रहिन। नानीको यो हंसिलो मुहार देखेर हामीलाई पनि एकदमै खुशी मिल्यो। यो शल्यक्रिया हाडजोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिष्ट डा हेमन्त ओझा र डा सुनिल भट्टको टिमले गरेको हो।

17/01/2022

घाँस दाउरा काट्ने क्रममा रूखबाट लडेर उठ्न बस्न तथा हिडडुल गर्न नसक्ने अवस्था आएपछि गाउलेहरुले घरसम्म बोकेर ल्याइपु-याएछन। बाहिरी घाउ केही पनि नभएको हुनाले बिस्तारै ठिक हुने आशाले ३ हप्ता सम्म घरमै राखेछन्। यतिका दिनसम्म पनि बस्न सम्म नसकेपछि अस्पताल ल्याउदा मेरुदण्डको हड्डी दुई ठाउँमा भांचिएर (D11 and L1 burst fracture with paraparesis) खुट्टाहरूमा समेत कमजोरी भएको पत्ता लाग्यो। शल्यक्रिया (posterior decompression + pedicle screw fixation) पछि उहाँ वाकरको सहाराले हिडडुल गर्न सक्ने अवस्थामा पुग्नुभएको छ। बिरामीको खुशी देख्दा हामी उपचारमा संलग्न चिकित्सक त झनै खुशी भयौँ। यो शल्यक्रिया न्युरोसर्जन डा सुरेश सापकोटा, हाडजोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिष्ट डा हेमन्त ओझा र डा सुनिल भट्टको टिमले गरेको हो। रुखबाट, भीरबाट, घरको छतबाट तथा कुनैपनि उचाईबाट खस्दा मेरुदण्डको हड्डी भाचिने सम्भावना बढी हुन्छ र समयमै उपचार हुन नसकेमा प्यारालाइसिस समेत हुनसक्छ।

13/11/2021

हाम्रो टिमले एक पछि अर्को गर्दै विभिन्न प्रकारका हाडजोर्नी सम्बन्धि जटिल शल्यक्रियाहरु गर्ने क्रममा अर्को अति नै जटिल र जोखिमपूर्ण मानिने पेल्भीस फ्र्याक्चर ( p***c diastasis with sacroiliac joint disruption with crescent fracture of iliac wing) को सफलतापुर्वक शल्यक्रिया गरेको छ। यस्तो चोट एकदमै ठूलो दुर्घटनाहरुमा मात्र लाग्ने र धेरै रक्तस्राव भएर तथा टाउको, छाती वा पेटको चोटले ज्यान सम्म जान सक्छ। मध्यरातमा बिरामीको आकस्मिक उपचार गरेर र बिरामीलाइ रगत चढाउने जोहो गरेर अर्को दिन बिहानै हामीले शल्यक्रिया गर्ने निर्णय लियौं। यस्तो शल्यक्रिया ठुल्ठुला मेडिकल कलेज तथा सुबिधासम्पन्न अस्पतालहरूमा मात्र हुने गर्छ। यस्ता जटिल शल्यक्रियाहरु पनि सुदूरपश्चिममै गरेर सेवा दिन पाउदा हामी एकदमै खुशी छौँ। हाडजोर्नी सम्बन्धि जुनसुकै समस्याको लागि पनि बिरामीले टाढा धाएर सास्ती भोग्नु नपरोस भन्ने उद्देश्यका साथ हामी लागि परेका छौँ। यो शल्यक्रिया हाडजोर्नी विशेषज्ञद्वय डा श्रीराम खाती, डा ओमकार बिष्ट तथा एनेस्थेसियोलोजिष्ट डा हेमन्त ओझा को टिमले गरेको हो।

09/08/2021

हामीले बाङ्गो हातलाई अप्रेसन गरेर सिधा बनाएको खबर सामाजिक सन्जालमा शेयर गरेपछि झण्डै एक दर्जन जति सोही प्रकृतिका बिरामीहरू हाम्रो सम्पर्कमा आए । धेरै जसो बिरामीको उही कथा भेटियो, वाल्यकालमा हात भाँच्चिएको र गाउँघरमा उपचार नपाएर वा उचित उपचार नपाएर हात बाङ्गो भएको पाइयो। बच्चाको टुटेको हड्डी आफै जोडिहाल्छ र बाङ्गो भए पनि उमेर बढ्दै गएपछि आफै सिधा आइहाल्छ भन्ने गलत बुझाइ व्याप्त रहेको पाइयो। बचपनमा कुहिनोको हड्डी भाचिएर उचित उपचार नपाउँदा हात बाङ्गो हुदै गएको र नसा तन्किदै गएर हात कमजोर हुदै गएको(Lateral condyle non-union with Cubitus valgus deformity with tardy ulnar nerve palsy) १५ बर्षको नानीको सफल शल्यक्रिया ( dome osteotomy and deformity correction, anterior transposition of ulnar nerve and in situ fixation of lateral condyle) गरेर हात सिधा बनाउन सफल भयौं । नानीको अनुहारको खुशी नै हाम्रो खुशी हो। ठूल्ठूला सुविधासम्पन्न अस्पतालहरुमा समेत बिरलै मात्र हुने यस्तो खाले शल्यक्रिया सुदूरपश्चिममै गरेर बिरामीको अनुहारमा खुशी देख्न पाउँदा हामी एकदमै खुसी छौं । यो शल्यक्रिया हाडजोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिस्ट डा हेमन्त ओझाको टिमले गरेको हो ।

07/08/2021

एकछिन् पछाडी फर्केर हेर्दा हाम्रो टिमले हाडजोर्नी विशेषज्ञको दायराभित्र पर्ने चोटपटक लागेका बिरामीको गर्दन देखी खुट्टाको औंला सम्म सबै हड्डीको सफल शल्यक्रिया गर्न भ्याएछ। पछाडी फर्केर हेर्दा यत्तिको सेवा दिन सकेकोमा एकदमै खुशी महशुस भयो। केही समय पहिलासम्म सुदूरपश्चिममा सम्भव नहुने शल्यक्रियाहरु पनि सुदूरपश्चिममै गरेर काठमाडौँ, नेपालगञ्ज तथा भारतका विभिन्न शहरहरुमा गएर बिरामीहरुले सास्ती भोग्नु पर्दाको अवस्थामा घरनजिकै छिटोछरितो सेवा दिन पाउँदा हामी एकदमै गौरवान्वित महसुस गर्छौं र अझै सेवा सुविधा विस्तार गर्दै लान हामी प्रतिवद्ध छौं।
Looking back our team has operated all the bones from cervical spine to toes (cervical spine, dorsal spine, lumbar spine, scapula, clavicle, humerus, radius, ulna, carpals/scaphoid, metacarpals, phalanges, sacrum, pelvis and acetabulum, femur, patella, tibia, fibula, tarsals/calcaneum/talus/lisfranc, metatarsals, phallenges, tendon injuries, soft tissue injuries, joint dislocations ) that fall in the field of orthopaedic surgeon. We feel so happy that we could do this much at nisarga hospital dhangadi. We have done many complex surgeries which were not possible in far west Nepal before.

27/07/2021

यस्तो टेढो हातलाई सिधा बनाउन सकिन्छ भनेर न त धेरैजसोले सुनेकै हुन्छन् न त यसको बारेमा केही थाहा नै हुन्छ । बाङ्गो भइसकेको हात खुट्टाहरु बाङ्गो नै रहन्छन् भन्ने बुझाइ अझैपनि धेरैजसो गाउँघरमा व्याप्त छ। २१ वर्षीय यी युवकलाई बचपनमा कुहिनोमा चोट लाग्यो र गाउँघरमै उचित उपचार नपाउँदा भाँचिएको हड्डी टेढो जोडीन गई हात नै टेढो( malunited supracondylar humerus fracture with cubitus varus deformity/gunstock deformity) हुनपुग्यो । हामिले यस्तो टेढो हातलाई पनि सिधा बनाउन सकिन्छ भन्दा युवक एकदमै खुशी भएँ र कता कता साच्चिकै सिधा होला र भन्ने पनि लाग्यो होला। उहाँलाई अब हात सिधा हुनु असम्भव जस्तै लाग्थ्यो र अब जिवनभर तेत्तिकै रहन्छ भन्ने लागेको थियो । अप्रेसन (reverse step cut osteotomy and fixation with anatomical locking plate) गरेर हात सिधा बनाइसकेपछि अप्रेसन भन्दा पहिला र अप्रेसन पश्चातको फोटोहरु देखाउँदा ती युवक खुसीले गदगद भएँ। ठुल्ठुलो अस्पतालहरू तथा मेडिकल कलेजहरुमा पनि बिरलै मात्र हुने यस्तो अप्रेसन सुदूरपश्चिमै गरेर युवकको अनुहारमा खुशी देख्न पाउँदा हामी एकदमै खुसी छौं । बिरामीको बिश्वासको बदला विश्वस्तरीय गुणस्तरिय सेवा दिन हाम्रो टिम प्रतिबद्ध र सक्षम छ। केही समय पहिले सम्म जटिल र असम्भव मानिदै आएका हाडजोर्नी सम्बन्धी समस्याहरूलाई सम्भव बनाउन हामी लागिपरेका छौं । यो शल्यक्रिया हाडजोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिस्ट डा हेमन्त ओझाको टिमले गरेको हो।

24/07/2021

We are highly indepted to all of our teachers for guiding us throughout this journey and making us what we are today. We wish happy teachers day to all of our teachers starting from our parents at home. 🙏🙏🙏🙏

22/07/2021

८१ वर्षीय हजुरआमा घरमै चिप्लिनु भयो र दायाँ खुट्टा झस्केँ जस्तो मान्नुभयो र दाया जांघनेर दुखाई सुरु भयो। त्यसपछि उहाँ हिड्डुल गर्न र उभिन नसक्ने हुनुभयो । ढाड एकदमै कुप्रो परेको हुनाले उहाँलाई सुत्न समेत गाह्रो हुने र टाढासम्म यात्रा गर्न असहज हुने भएकाले घर नजिकैको अस्पतालमा डाक्टरलाई देखाउनुभयो । सायद आमाको ढाड एकदमै कुप्रो( senile kyphosis with multiple osteoporotic compression fractures of spine) परेको भएकाले होला डाक्टरले आमाको कम्मरको नसा च्यापिएर दुखाइ भएको भनेर औषधि दिएर घर पठाएछन् । डेढ महिनासम्म पनि केही सुधार नभएपछि उहाँ हामी कहाँ आइपुग्नुभयो। हामीले जाँच गरेर हेर्दा उहाँको एउटा खुट्टा छोटो र एउटा लामो भएको देखियो र दुखाइको प्रकृति हेर्दा आमाको जांघको हड्डी भाचिएको (fracture right neck of femur) पत्ता लाग्यो। आमाको घरको जिम्मेवार व्यक्तिहरुसँग सबै उपचार विधिहरु र यसका जोखिमहरू बारे सर सल्लाह गरिसकेपछि जोखिमपूर्ण नै भए पनि आमाको शल्यक्रिया गरेर जोर्नी फेर्ने ( bipolar hemireplacement arthroplasty) सल्लाह भयो। अप्रेशन पश्चात आमाको स्वास्थ्य एकदमै छिटो सुधार भयो र आमालाई वाकरको सहाराले हिड्डुल गर्नसक्ने भएर घर पठाउन सफल भयौं । यो उमेरमा उमेर धेरै भएर मात्र पनि जटिल मानिने यो शल्यक्रिया ढाड कुप्रो परेको र छातीको अवस्था कमजोर रहेको हुनाले अझै झन जटिल थियो र डेढ महिनासम्म आमा ओछ्यानमा मात्र सिमित भएकोले यसले जटिलता झन बढाइदिएको थियो। अत्यन्तै जोखिमपूर्ण यो शल्यक्रिया सफलतापूर्वक गरेर ओछ्यानमा मात्र सिमित आमालाई हिँडडुल गर्न सक्ने बनाउन पाउँदा हामी एकदमै खुसी छौं। यो अप्रेशन हाडजोर्नी विशेषज्ञद्वय डा श्रीराम खाती र डा ओमकार विष्ट तथा एनेस्थेसियोलोजिस्ट डा हेमन्त ओझाको टिमले गरेको हो।

14/07/2021

हाम्रो टिमले जांघको जोर्नी फुस्केर जोर्नीको भाग समेत टुटेको (Posterior hip dislocation with posterior wall with posterior column acetabulum fracture) बिरामीको सफलतापूर्वक सल्यक्रिया गरेको छ । यो शल्यक्रिया जटिल प्रकृतिको मानिन्छ र यसको लागि विशेष खालको औजारहरूका साथसाथै अब्बल टिम पनि जरुरत पर्छ। ठूल्ठूला सुविधासम्पन्न अस्पतालहरुमा तथा मेडिकल कलेजहरुमा मात्र सम्भव हुने यस्तो जटिल प्रकृतिको शल्यक्रिया सुदूरपश्चिममै गर्न पाउँदा हामी एकदमै गौरवान्वित महसुस गर्छौं । यस्ता जटिलभन्दा जटिल प्रकृतिका शल्यक्रिया पनि गर्दैजाने र सुदूरपश्चिम बासीलाई सुदुरपश्चिममै सेवा दिने अठोटका साथ हाम्रो टिम अगाडि बढेको छ । यो शल्यक्रिया हाडजोर्नी विशेषज्ञद्वय डा. श्रीराम खाती र डा. ओमकार विष्ट तथा एनेस्थेसियोलोजिस्ट डा हेमन्त ओझाको टिमले गरेको हो।

19/06/2021

उखु पेल्ने कोलुमा पेलिएको हात बचाउन पाउँदा हामी एकदमै खुशी छौं ।

घरको आर्थिक अवस्था कमजोर भएपछि एकजना युवाले सानैबाट भएपनि आफै काम सुरुवात गर्ने र यसैबाट भएको आम्दानीले आफ्नो खर्च पनि चलाउने र पढाइ पनि अगाडि बढाउने निर्णय लिएर गर्मी सिजनमा जुस बनाएर बेच्ने उद्देश्यले उखु पेल्ने कोलु चलाउन थाल्नुभयो। दुर्भाग्यवश उहाँको हात नै कोलुमा पेलिन पुग्यो र रगताम्य हात लिएर उहाँ रातिको समयमा हाम्रो इमेरजेन्सी कक्षमा आइपुग्नुभयो । उहाँ हात बच्छ कि बच्दैन भनेर एकदमै चिन्तित हुनुहुन्थ्यो । हामीले उहाँको हातको अवस्था राम्रोसँग हेर्यौं र सम्भावित सवै परिणामहरू बारे राम्रोसँग बिरामीसँग छलफल गरिसकेपछि राति नै उहाँको शल्यक्रिया गरियो । शल्यक्रिया पश्चात उहाँको घाउ क्रमिक रुपमा सुधार हुँदै गयो र एक महिनापछि उहाँ यो हातले लेख्न सक्ने र दैनिक कामकाजहरु गर्नसक्ने अवस्थामा पुग्नुभयो । उहाँले अस्पताल आएर आफूले नियमित दैनिक कामकाजहरु सबै गर्नसक्ने बताउँदा हाम्रो खुशीको सिमा नै रहेन।

18/06/2021

दुबईबाट अप्रेसन गराउन धनगढी आउँदाको खुशी!!!

बैदेशिक रोजगारको क्रममा दुवइ पुग्नुभएका एकजना युवा कुर्कुच्चाको पछाडिपट्टि दुख्ने र सुन्निने समस्या भएर धेरैबेर उभिन र हिडडुल गर्न गाह्रो पर्ने समस्याले ग्रसित हुनुभयो। दुवइमा स्वास्थ्य परीक्षण गराउंदा उहाँलाई Insertional Tendoachillis Tendinopathy with Partial Tendoachillis Rupture भएको कुरा पत्ता लाग्यो र अप्रेसन गराउन सल्लाह दिइयो। दुबईमा अप्रेशन गराउँदा झण्डै ३-४ लाख सम्म खर्च आउने भएपछि आर्थिक अवस्थाले नभ्याउने भएर उहाँ नेपाल फर्किनुभयो र काठमाडौंमा पनि हाडजोर्नी विशेषज्ञ डाक्टरको सल्लाह लिनु भयो र अप्रेसन गर्नुपर्ने नै सल्लाह पाउनुभयो। अन्त्यमा उहाँ हामीकहाँ आइपुग्नुभयो र उहाँलाई हामीले सबै उपचार विधिहरु सम्झाईसकेपछि उहाँले हामीलाई विश्वास गर्नुभयो र धनगढीमै अप्रेशन गर्न राजी हुनुभयो। अप्रेसनपछि क्रमिक रुपमा सुधार हुँदै गएर दुई महिनापछि पुरै निको भएर दुखाई हराएर गयो र पहिलेजस्तै हिँडडुल गर्न सक्ने अवस्थामा पुग्नुभयो । दुवइको भन्दा झण्डै दश गुणा कम खर्चमा अप्रेसन भएर निको भइसकेपछि उहाँ एकदमै खुशी भएर फेरी बैदेशिक रोजगारको लागि दुवइ फर्किनुभयो । हामी प्रतिको विश्वासको लागि धेरै धन्यवाद र स्वास्थ्यलाभको कामना गर्दछौं। यो शल्यक्रिया हाड जोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिस्ट डा हेमन्त ओझाको टिमले गरेको थियो।

15/06/2021

दायाँ कांधको हड्डीमा गम्भीर प्रकृतिको चोट लागेर जोर्नीसम्म टुटेको(Floating shoulder/superior shoulder suspensory complex injury/clavicle fracture with scapula fracture with intraarticular extension) बिरामीको हाम्रो टिमले सफल शल्यक्रिया गर्न सफल भएको छ । यस्तो प्रकृतिको चोट नै एकदमै दुर्लभ भएकाले यस्तो चोटको शल्यक्रिया ठूल्ठूला मेडिकल कलेज तथा अस्पतालहरुमा पनि बिरलै मात्र हुने गर्छ। चोटपटक लागेर हड्डी भाँच्चिएका, हातखुट्टा बाङ्गोटिङ्गो भएका, हाडजोर्नी सम्बन्धि इन्फेक्सन भएका तथा हाडजोर्नी सम्बन्धी कुनैपनि समस्या भएका बिरामीहरुले टाढा जानु नपरोस र अनावश्यक दुःख भोग्नु नपरोस् भनेर जस्तोसुकै जटिल, सम्बेदनशील र जोखिमपूर्ण शल्यक्रिया गर्न पनि हाम्रो टिम प्रतिबद्ध र सक्षम छ। यो शल्यक्रिया हाडजोर्नी विशेषज्ञद्वय डा श्रीराम खाती र डा ओमकार बिष्ट तथा एनेस्थेसियोलोजिस्ट डा हेमन्त ओझाको टिमले गरेको हो।

$९२ वर्षीय जेष्ठ नागरिक आमा जांघको हड्डी टुटेर(fracture right neck of femur) एकदमै दुखाइ र हिड्न नसक्ने अवस्थामा हामीकहाँ...$

13/06/2021

९२ वर्षीय जेष्ठ नागरिक आमा जांघको हड्डी टुटेर(fracture right neck of femur) एकदमै दुखाइ र हिड्न नसक्ने अवस्थामा हामीकहाँ आइपुग्नुभयो । एकदमै कमजोर स्वास्थ्य अवस्था, नियमित चुरोट सेवनले गर्दा फोक्सोमा खराबी भई रगतमा अक्सिजनको मात्रा ८८% मात्र भएको(COPD with room air oxygen saturation of 88%), उमेर धेरै भएपछि हुने बिर्सिने रोग(senile dementia) भएको र चोट लागे पश्चात राम्रोसँग होस नहुने बिरामी (delirium) पनि भएको पाइयो। एकदमै कमजोर स्वास्थ्य अवस्थाका बाबजुद जोखिमपूर्ण भए पनि आमाको लागि अप्रेसन(Cemented Bipolar Hemiarthroplasty) बाहेक अन्य विकल्प थिएन र परिवारसँग को सल्लाहपछि हामी आमाको अप्रेसन गर्ने निर्णयमा पुग्यौँ। जोर्नी बदल्ने यस्तो खाले शल्यक्रिया सुदूरपश्चिममै एकदम विरलै मात्र हुने भएकाले यसमा चाहिने सामान धनगढीमा उपलब्ध नभएको र लकडाउन को कारण आमाको अप्रेसनमा चाहिने समान काठमाडौंबाट झिकाउनै ३-४ दिनको समय लाग्यो। अप्रेशन पश्चात हामी आमालाई दोस्रो दिन बाटै बसाउन र उभ्याउन सफल भयौं र वाकरको सहाराले हिड्न सक्ने बनाएर घर पठाउन सफल भयौं। घरका सदस्यहरुले नै अब आमा बस्न र हिँड्न सक्ने अवस्थामा पुग्नुहुन्छ होला भन्ने आशा राखेका थिएनन् र उनीहरूले सोचेभन्दा राम्रो स्वास्थ्य अवस्थामा आमालाई पुर्याउन सक्दा हामी एकदमै हर्षित छौं। आमाको अप्रेसन हाडजोर्नी विशेषज्ञद्वय डा. श्रीराम खाती र डा.ओमकार विष्ट तथा एनेस्थेसियोलोजिस्ट डा. हेमन्त ओझाको टिमले गरेको थियो। We thank anesthesiologist Dr. Hemanta Ojha for his heroic intraoperative management in such a high risk patient, physician Dr. Hitesh Joshi for handling the medical part and COPD, psychiatrist Dr. Prabhat Sapkota for handling delirium part and all operation theatre and hospital team.

01/06/2021

हाम्रो टिमले तीन दिनमा तीनओटा मेरुदण्डको हड्डी भाँचिएको बिरामीहरूको उपचार गरेको छ जसमध्ये दुईजनाको शल्यक्रियामार्फत र एकजनाको शल्यक्रिया नगरी उपचार गरिएको हो। निसर्ग अस्पतालमै सिटिस्क्यान सेवा सुरुवात भएपछि बिरामीहरूको उपचार गर्न अझै सहज भएको छ । न्युरोसर्जन डा सुरेश सापकोटा र अर्थोपेडिक सर्जनद्वय डा श्रीराम खाती र डा ओमकार बिष्ट सम्मिलित टिमले मेरुदण्डको हड्डी भाँचिएका बिरामीहरूको सफल शल्यक्रिया गर्दै आउनुभएको छ। पहिले काठमाडौंका सुविधासम्पन्न अस्पतालहरुमा मात्र सम्भव हुने मेरुदण्डको शल्यक्रिया अब सुदुर पश्चिममै नियमितरुपमा भइरहेकोमा हामी एकदमै खुशी छौं। हाडजोर्नी सम्बन्धी कुनै पनि समस्या भएका, चोटपटक लागेर हड्डी भाँचिएका तथा अन्य चोट लागेका कुनै पनि बिरामीले टाढा जानु नपरोस भनेर जटिलभन्दा जटिल शल्यक्रिया सेवा पनि सुदुर पश्चिममै उपलब्ध गराउन हाम्रो टिम सक्षम र प्रतिबद्ध छ।

Nisarg Orthopaedics Team, Dr. Sriram/ Dr. Omkar