Yadab Raut, Ilam, Ilam (2025)

16/09/2025

तपाईंसंग मेरो वा म संग खिचिएको कुनै तस्विर छ भने कमेन्ट्मा पोस्ट गरिदिनुस त ।
Post a picture of mine or with me in the comment.

13/09/2025

सार्वजनिक सेवालाई सुधार गर्ने सजिलो र व्यवहारीक उपायहरुः

• हरेक मन्त्रालयको संरचना खुला बनाउ, सबैले सबैलाई देखुनः इलाम मालपोत कार्यालयबाट उदाहरण लिन सकिन्छ, जापानबाट सिकेर कुर्सिबिना नै सेवा प्रवाह गर्ने व्यवस्था गरौं अझ सकिन्छ भने ।
• यहि अवसरको सदुपयोग गरेर मन्त्रालय संख्या घटाउने तथा मन्त्रालयमा शाखा तथा कर्मचारीको संख्या घटाउने, जसले गर्दा हाल मन्त्रालयहरु भत्किएकोले थप समस्या गर्दैनः धेरै कर्मचारी भएर काम गर्न असजिलो भएको हो,
• जनताले पनि अब चेतनशील हुन पर्छ, मौका पर्नसाथ चौका हान्ने परम्पराको अन्त्य गर्ने,
• नतिजामा आधारित सेवा प्रवाहको व्यवस्था, साथै जिल्ला तथा अन्य कार्यालयमा समस्या पर्दा तत्काल लिखित समाधानको उपाय पठाउन सक्ने सहायता केन्द्र स्थापना गर्ने,
• दलगत रहेका ट्रेड युनियनको अन्त्य र सेवा प्रदायकको रेटिङ्ग गर्ने व्यवस्था, पदलाई भन्दा पनि कामलाई सम्मान गर्ने परम्परा सुरु गर्ने,
• काम गर्ने फस्ने र नगर्ने आनन्दले बस्ने संस्कृतिको अन्त्य र नियामक निकायहरुको कार्यपद्दतिमा सुधार गर्ने,
• कर्मचारीले गर्नपर्ने कामहरुको बारेमा नियमित तालिम तथा सिकाइका अवसरहरु उपलब्ध गराउन पर्ने,
• कार्यालयको कामको सन्दर्भमा अनावश्यक दवाब, प्रभावहरुको अन्त्य गरिनुपर्ने,

यति गरियो भने सार्वजनिक सेवा प्रवाहले मुहार फेर्न धेरै समय लाग्दैन ।

समाजबाटै राजनितीज्ञ, कर्मचारी, शिक्षक बन्ने हुँदा वहाँहरुलाई राम्रो बनाउन समाजलाईनै राम्रो बनाउनुको विकल्प पनि छैन ।

12/09/2025

यो साताको समसामयिक अप्डेट ।

12/09/2025

आन्दोलनको क्रममा विभिन्न व्यवसाय, कार्यालयमा भएका तोडफोड तथा आगजनिको क्रममा त्यहिँ रहँदा जलेर बिग्रिन्छ भनेर घर लगेर सामानको सुरक्षित गरिदिनुहुने महानुभावहरुलाई अब सामानहरु फिर्ता गरिदिनहुन अनुरोध छ, अब पनि सामान फिर्ता गरिएन भने चाहिँ चोरि गरेको पुष्टि हुन्छ है, फेरि सबै फोटो भिडियो छन्, CCTV को नि रेकर्ड हुने रहेछ । बिचार गरौं है ।

12/09/2025

कर्मचारी संयन्त्रलाई पुर्व सचिव शारदा प्रसाद त्रिताल सरको सुझाव-

संक्रमणकालमा प्रशासनयन्त्रले आफ्नो खुबी देखाउन सक्नुपर्छ !
देश अहिले विषम परिस्थितिमा छ । सर्बसाधारण नागरिक लगायत सबै क्षेत्रमा असुरक्षा र अन्योलको अवस्था छ ।

विभिन्न अपराधिक तत्वहरुले यस विषम परिस्थितिमा नाजायज फाइदा लिन अनेक अराजक हर्कत अपनाउँछन् भन्ने देखिएकै छ ।

राजनीतिक रुपमा सरकार नभएको अवस्था छ । सरकार कस्तो र कसरी गठन हुन्छ भन्ने नै अन्योल छ । सरकार गठन भए पनि गैरदलीय सरकार गठन हुने सम्भावना रहेको हुँदा नीतिगत र कार्यान्वयन तहमा अनावश्यक दलीय दवाव र प्रभाव कम होला ।

अहिले मन्त्री र तिनका आसेपासेहरुको दवाव हुँदैन ।

अहिले कम्तिमा शान्ति सुरक्षा कायम गर्ने र निर्धारित अन्य कार्यहरु गरी नागरिकमा सुरक्षा र विश्वासको वातावरण निर्माण गर्नु अत्यावश्यक छ ।

यस्तो समयमा निष्पक्ष रुपमा शान्ति सुव्यवस्था, सेवा प्रवाह र स्वीकृत योजना तथा कार्यक्रमको निर्वाध कार्यान्वयन गर्न सक्ने अवस्था सिर्जना गर्न सकिन्छ ।

आगजनी र तोडफोडबाट क्षतिग्रस्त संरचनाको सामान्य मर्मत संभार गर्दा हुन्छ वा वैकल्पिक न्यूनतम व्यवस्था गरेर हुन्छ ती संयन्त्रबाट हुने सेवालाई नियमित गर्नु आवश्यक छ ।

प्रशासनयन्त्र, खासगरी योग्य र इमान्दार प्रशासकहरुको लागि अहिलेको अवस्था चुनौती र अवसर दुबै हो ।

यस्तै विषम परिस्थितिमा हो प्रशासकहरुको खुबी परीक्षण हुने ।

यस परिवेशमा नेपाली सेना लगायतका सुरक्षा निकायहरुसँग उचित समन्वय गरी आवश्यक व्यवस्था गर्न प्रशासकहरु सफल हुनुहुनेछ भन्ने कुरामा म चैं विश्वस्त छु ।

12/09/2025

गाईको सुन्दर चित्र बनाउनु र गोठमा गाई पाल्नु फरक विषय हो ।

11/09/2025

काठमाडौं, ललितपुर र भक्तपुर जिल्लाहरुमा निषेधाज्ञा तथा कर्फ्यु सम्बन्धी अद्यावधिक जानकारी ।

मिति: २०८२/०५/२६

10/09/2025

काठमाडौं, ललितपुर र भक्तपुर जिल्लाहरुमा निषेधाज्ञा तथा कर्फ्यु सम्बन्धी अद्यावधिक जानकारी ।

मिति: २०८२/०५/२५

10/09/2025

फेसबुकको वालमा एकथरिले कपिड म्यासेज धेरै नै घुमाइरहेका छन्—जेनजी रिभोल्युसनलाई बदनाम गराउने खालका। “जेनजीले गर्दा नेपाल नै नरहने भयो, नेपाल १० वर्ष पछाडि धकेलियो, अर्थतन्त्र डामाडोल हुने भयो” भनेर।

बिचारा ती जेनजी, हामिलाई यत्रो वर्ष लाचार बनाएको व्यवस्था हटाउन आफ्नै सहादत दिए, बन्दुकको गोली खाए, घाइते भए। थियो र हामिमा त्यति हिम्मत गर्ने?

उनिहरुलाई चाहिँदा हामिसंग ति भाईबहिनीहरुको लागि लड्ने हिम्मत त थिएन । याद छ कि बिर्सिनुभयो? सम्झिदा लाज लाग्छ कि नाई? अहिले ठुला कुरा गर्नुहुन्छ।

हिशा हुनुहुन्नथियो, सिंहदरबार जल्नु हुँदैनथ्यो, सुप्रिम कोर्ट जल्नु हुँदैनथ्यो—त्यसमा मलाई पनि दुःख छ, तपाईंलाई दुःख छ, तपाईंले चिनेका हरेक जेनजीलाई पनि दुःख छ। तर त्यो तिनीहरूले चाहेका पनि होइनन्, गरेका पनि होइनन्। त्यो तपाईंका नेताहरूले यत्रो वर्ष पालेका गुन्डाहरूको काम हो। ति सबै प्रशिक्षित थिए, परिचालित थिए। सिंहदरबार र अदालतमा भएका कागजात, प्रणाम किन जलाइयो? कसको लागि जलाइयो? त्यो बुझ्ने ल्याकत त पक्कै होला नि तपाईंहरूसँग?

तर ठिकै छ, म बुझ्छु—तपाईंको छटपटी, माउपाटि नरहँदा चित्त पक्कै दुखेको होला। आखिर यत्रो वर्षको मेहनत खेर गयो भन्ने। चिन्ता नगर्नुहोस् न भन्या यो पनि एउटा एक्सपीरियंस हो। तपाईंहरूको भाग्य बलियो भए फेरि पनि काम लागिहाल्छ।

तर बिन्ति छ—हामीलाई लाचार, फ्रस्टेट बनाएको व्यवस्था हटाउन प्रिय भाइबहिनीहरूको जेनजी क्रान्तिलाई कलंकित नगरिदिनुहोस्।

10/09/2025

निषेधाज्ञा तथा कर्फ्यू सम्बन्धमा नेपाली सेनाको अपिल ।

Yadab Raut

16/09/2025

13/09/2025

12/09/2025

12/09/2025

12/09/2025

12/09/2025

11/09/2025

10/09/2025

10/09/2025

10/09/2025

Address

Telephone

Website

Alerts

Contact The Practice

Shortcuts

Share

Category