Kathmandu Medical College Public Limited

14/05/2026

धुलिखेल नगरपालिका र केएमसी–दुवाकोटबीच छुट सम्झौता
धुलिखेलवासीलाई काठमाडौं मेडिकल कलेज दुवाकोटमा विशेष सहुलियत उपचार

काठमाडौं । काठमाडौं मेडिकल कलेज शिक्षण अस्पताल दुवाकोट, भक्तपुर र काभ्रेको धुलिखेल नगरपालिकाबीच नगरवासी तथा कर्मचारीहरूलाई विशेष छुटसहित सहुलियत दरमा स्वास्थ्य सेवा उपलब्ध गराउने सम्झौतापत्रमा हस्ताक्षर भएको छ ।
सम्झौतापछि धुलिखेल नगरपालिकाका स्थायी बासिन्दा, जनप्रतिनिधि, कर्मचारी तथा उनीहरूका परिवारले काठमाडौं मेडिकल कलेज शिक्षण अस्पताल दुवाकोटमा विभिन्न उपचार तथा परीक्षण सेवामा विशेष छुट सुविधा पाउने भएका छन् । अस्पतालले नगरपालिकाका नागरिकलाई प्राथमिकताका साथ सेवा प्रदान गर्नेछ भने आवश्यक विशेषज्ञ सेवा, उपचार तथा स्वास्थ्य परीक्षणमा सहुलियत दिइने जनाएको छ ।
सम्झौताअनुसार बिरामी दर्ता कार्ड निःशुल्क, जनरल बेड शुल्कमा २५ प्रतिशत, क्याबिन शुल्कमा १० प्रतिशत तथा आईसीयू, एचडीयू, सीसीयू र अपरेशन थिएटर सेवामा २५ प्रतिशत छुट उपलब्ध हुनेछ । त्यसैगरी प्रयोगशाला परीक्षणमा ५० प्रतिशत, सिटी स्क्यान तथा एमआरआईमा २५ प्रतिशत (फिल्म शुल्क बाहेक), एक्स–रे, अल्ट्रासाउन्ड, डेन्टल एक्स–रे तथा ओपीजीमा २५ प्रतिशत छुट दिइनेछ । ईसीजी, इन्डोस्कोपी, कोलोनोस्कोपी, एनपीएल प्रक्रिया, इको, टीएमटी, होल्टर, एबीपीएम, ईईजी, एनसीटी, एनएसटी लगायत परीक्षण सेवामा २५ प्रतिशत छुट रहनेछ । फिजियोथेरापी, दन्त उपचार (सामग्री लागत बाहेक), ईआरसीपी, एमआरसीपी तथा क्याथ ल्याब सेवामा समेत २५ प्रतिशत छुट प्रदान गरिनेछ । तर क्याथ ल्याब सामग्री, स्टेन्ट, गाइड वायर, बलुनलगायत उपभोग्य सामग्री तथा प्रत्यारोपण सेवामा भने छुट हुने छैन ।
छुट सुविधा लिन नगरपालिकाको सिफारिस वा परिचय खुल्ने कागजात अनिवार्य रूपमा पेश गर्नुपर्नेछ । स्थायी बासिन्दाले नागरिकता प्रमाणपत्र र १६ वर्षमुनिका बालबालिकाले जन्मदर्ता प्रमाणपत्र पेश गर्नुपर्नेछ । सम्झौता २०८३ जेठ ४ गतेदेखि २०८३ चैत ३० गतेसम्म लागू रहने तथा आवश्यकताअनुसार दुवै पक्षको सहमतिमा नवीकरण गर्न सकिने जनाइएको छ ।
सम्झौताअनुसार नगरपालिकाका बासिन्दामध्ये उपचारका लागि आउने पहिलो २० जनालाई अस्पतालमा उपलब्ध सेवामा २०८३ असार मसान्तसम्म शतप्रतिशत छुट प्रदान गरिनेछ । त्यसैगरी २०८३ असार मसान्तसम्म उपचारका लागि आउने अन्य सेवाग्राहीलाई ५० प्रतिशत छुट उपलब्ध गराइने व्यवस्था गरिएको छ ।
सम्झौतापत्रमा काठमाडौं मेडिकल कलेज शिक्षण अस्पतालका तर्फबाट प्रशासकीय प्रबन्धक अर्चना थापा र जनसम्पर्क प्रमुख सुधा कट्टेलले हस्ताक्षर गरेका छन् भने धुलिखेल नगरपालिकाका तर्फबाट कार्यवाहक नगर प्रमुख निराजन जंगम तथा नगर स्वास्थ्य शाखा प्रमुख सन्दीप केसीले हस्ताक्षर गरेका छन् । यो सम्झौताले धुलिखेल नगरपालिकाका नागरिकलाई गुणस्तरीय स्वास्थ्य सेवा सहज, सुलभ र सहुलियत दरमा उपलब्ध गराउन थप सहयोग पुग्ने अपेक्षा केएमसीले गरेको छ

13/05/2026

केएमसी र कृषि विकास बैंकबीच छुटसम्बन्धी सम्झौता
भक्तपुरको दुवाकोटस्थित काठमाडौं मेडिकल कलेज शिक्षण अस्पताल र कृषि विकास बैंकबीच आफ्ना सेवाहरूमा विशेष छुट उपलब्ध गराउने विषयमा द्विपक्षीय सम्झौता सम्पन्न भएको छ ।
सम्झौताअनुसार केएमसीले बैंकका ग्राहक, कर्मचारी, पूर्वकर्मचारी तथा उनीहरूका परिवारलाई अस्पतालमा उपलब्ध विभिन्न सेवाहरूमा २५ प्रतिशतसम्म छुट दिने भएको छ । त्यसैगरी बैंकले आफ्ना विभिन्न सेवाहरूमा केएमसीका कर्मचारी, डाक्टर, नर्स तथा उनीहरूका परिवारलाई विशेष सहुलियत उपलब्ध गराउने भएको छ ।
केएमसी युनिट–दुवाकोटमा सम्पन्न सम्झौताअनुसार अस्पतालले निःशुल्क टिकटको व्यवस्था गर्नेछ । साथै बेड, आईसीयू, एचडीयू, सीसीयू तथा शल्यक्रिया शुल्कमा २५ प्रतिशतसम्म छुट प्रदान गरिनेछ । यस्तै दाँत, मुटु, प्रसूति लगायत अस्पतालमा उपलब्ध अन्य सेवाहरूमा पनि सहुलियत दिइने भएको छ ।
अर्कोतर्फ बैंकले अस्पतालका कर्मचारी, डाक्टर तथा नर्सहरूलाई खाता खोल्न, क्रेडिट कार्ड, भिसा कार्ड, मोबाइल बैंकिङ, इन्टरनेट बैंकिङ, विदेशी मुद्रा सटही, लकर शुल्कलगायत सेवामा विशेष छुट दिने भएको छ । साथै विभिन्न प्रकारका ऋणमा लाग्ने ब्याजदरमा पनि निश्चित सहुलियत उपलब्ध गराउने भएको छ ।
सम्झौतापत्रमा केएमसी अस्पतालका तर्फबाट प्रमुख प्रशासकीय अधिकृत नारायण प्रसाद दाहाल तथा कृषि विकास बैंकका तर्फबाट उपमहाप्रबन्धक (सेल्स तथा मार्केटिङ) सुशील हुमागाईंले हस्ताक्षर गरेका थिए । यो सम्झौता २०८३ साल वैशाख ७ गतेदेखि लागू हुनेछ ।
यसका साथै केएमसी दुवाकोटले उपचारका लागि आउने सम्पूर्ण सर्वसाधारणका लागि २०८३ चैत्र मसान्तसम्म सीटी स्क्यान र एमआरआई बाहेक अस्पतालमा उपलब्ध सेवाहरूमा ५० प्रतिशत छुट दिने विशेष योजना पनि सञ्चालनमा ल्याएको छ ।

12/05/2026

केएमसीमा भव्य रूपमा मनाइयो अन्तर्राष्ट्रिय नर्स दिवस

काठमाडौं मेडिकल कलेज शिक्षण अस्पताल सिनामंगल तथा दुवाकोटमा ६२औँ अन्तर्राष्ट्रिय नर्स दिवस भव्य रूपमा मनाइएको छ । अस्पतालमा मंगलबार आयोजित विशेष कार्यक्रममा वक्ताहरूले नर्सिङ पेसाको महत्व, कर्तव्य, समर्पण र स्वास्थ्य सेवामा नर्सहरूको अतुलनीय योगदानबारे प्रकाश पार्नुभएको थियो ।
कार्यक्रममा अस्पताल निर्देशक प्राडा. मीना थापाले नर्सहरू स्वास्थ्य सेवाको मेरुदण्ड भएको उल्लेख गर्दै बिरामीको उपचारमा चिकित्सकसँगै नर्सहरूको भूमिका अत्यन्त महत्वपूर्ण रहने बताउनुभयो । उहाँले नर्सिङ सेवा पेशा मात्र नभई, मानवताको सेवा भएको धारणा राख्नुभयो ।
त्यसैगरी मेट्रोन बन्दना रिजालले नर्सिङ पेशा धैर्य, करुणा र अनुशासनको प्रतिक भएको बताउँदै बिरामीको सेवामा समर्पित रहनु नै साँचो नर्सको पहिचान भएको उल्लेख गर्नुभयो । उहाँले केएमसीका नर्सहरूले उच्च व्यावसायिकता र आत्मीय सेवामार्फत संस्थाको गरिमा बढाइरहेको बताउनुभयो ।
प्रशासन प्रमुख नारायण प्रसाद दाहालले अस्पतालको सेवा प्रवाहलाई प्रभावकारी बनाउन नर्सहरूको योगदान सधैं अग्रस्थानमा रहने बताउनुभयो । उहाँले नर्सहरूको मेहनत, संवेदनशीलता र जिम्मेवारीबोधकै कारण अस्पतालप्रति सेवाग्राहीको विश्वास बढ्दै गएको धारणा राख्दै आगामी दिनमा पनि इमान्दारिता, सहानुभूति र मुस्कानसहितको सेवालाई निरन्तरता दिन आग्रह गर्नुभयो । यस्तै सुपरभाइजर रक्षा भट्टराईले नर्सहरू बिरामीको सबैभन्दा नजिक रहेर सेवा गर्ने जनशक्ति भएकाले उनीहरूको भूमिका अनुपम रहेको बताउनुभयो ।
अन्तर्राष्ट्रिय नर्स दिवस आधुनिक नर्सिङ सेवाकी अग्रणी व्यक्तित्व फ्लोरेन्स नाइटिंगेलको जन्मदिनको अवसर पारेर प्रत्येक वर्ष मे १२ मा मनाइन्छ । उहाँको जन्म सन् १८२० मे १२ मा इटालीमा भएको थियो । नाइटिंगेलले बिरामीको सेवा, सरसफाइ, अनुशासन र मानवीय व्यवहारमार्फत नर्सिङ पेशालाई सम्मानित र व्यवस्थित बनाउनुभएको थियो ।
यस वर्ष ‘हाम्रा नर्सहरू, हाम्रो भविष्य— सशक्त नर्सहरूले जीवन बचाउँछन्’ भन्ने नारासहित दिवस मनाइएको हो । नर्सहरू अस्पताल, स्वास्थ्य संस्था, आपतकालीन सेवा, शल्यक्रिया कक्ष, प्रसूति सेवा, वृद्ध स्याहार तथा समुदायस्तरको स्वास्थ्य सेवासम्म हरेक क्षेत्रमा महत्वपूर्ण भूमिका निर्वाह गर्छन् । बिरामीलाई औषधि उपलब्ध गराउने, उपचारमा सहयोग गर्ने, स्वास्थ्य अवस्था निगरानी गर्ने, मानसिक सान्त्वना दिने तथा परिवारलाई परामर्श दिने जस्ता जिम्मेवारी नर्सहरूले निभाउँदै आएका छन् ।
कार्यक्रमका वक्ताहरूले केएमसीका नर्सहरूले मुस्कानसहित गुणस्तरीय सेवा प्रदान गरिरहेको उल्लेख गर्दै आगामी दिनमा पनि पेशाप्रतिको इमान्दारिता, अनुशासन र सेवाभावलाई निरन्तरता दिन आग्रह गर्नुभएको थियो । कार्यक्रममा केक काटेर शुभकामना आदानप्रदान गरिएको थियो । यो दिवस मनाउनुको मुख्य उद्देश्य नर्सहरूको योगदानको सम्मान गर्नु, स्वास्थ्य क्षेत्रमा उनीहरूको महत्वबारे जनचेतना फैलाउनु तथा नयाँ पुस्तालाई नर्सिङ पेशातर्फ आकर्षित गर्नु हो ।

12/05/2026

Healing Hands. Caring Hearts. Endless Dedication
Happy International Nurses Day to all the amazing nurses of KMC Hospital. Thank you for being the true heroes of healthcare.

07/05/2026

अब घरघरमै केएमसी
केएमसीमा उपचार गर्न घरबाटै नाम दर्ता
काठमाडौं मेडिकल कलेज शिक्षण अस्पतालले अबदेखि बहिरंग –ओपीडी) सेवा लिनका लागि घरबाटै अनलाइन नाम दर्ता गर्ने सुविधा उपलब्ध गराएको छ । यो सुविधापछि अस्पतालको कार्ड बनाउन र पैसा तिर्न घन्टौं लाइन बस्नुपर्ने झन्झट हटेको छ । सेवाग्राहीले घरमै बसेर आफ्नो मोबाइलबाट बहिरंग सेवा लिन र शुल्क पनि भुक्तानी गर्न सक्नेछन् ।
नाम कसरी दर्ता गर्ने <
मोबाइलको प्लेस्टेरबाट ‘काठमाडौं मेडिकल कलेज पब्लिक लिमिटेड’ एप डाउन लोड गरी सेवाग्रहीको नाम तथा लिन चाहेको सेवाका बारेमा भिडियोमा देखाइए अनुसार फारम भरेर ई–सेवामार्फत भुक्तनी गर्नुपर्नेछ ।

05/05/2026

04/05/2026

विज्ञप्ति

26/04/2026

Kathmandu Medical College successfully conducted welcome and orientation program for post graduate students of year 2026(MS, MS, MES, MN Nursing) . We wish all our newly enrolled students a successful learning journey ahead !!

23/04/2026

📢 Notice for Shareholders

All concerned shareholders are hereby informed to kindly collect their Right Share Certificates from the Administration Department of KMC.

Distribution Details:

Certificate Distribution Start Date: 2083/01/13 onwards

Right Share Issue Period:

From: 2082/01/08
To: 2083/02/12
Issued on a proportionate basis

Shareholders are requested to contact the Administration Department during office hours for collection and any further information.

Thank you.

KMC Administration

21/04/2026

काठमाडौं मेडिकल कलेज शिक्षण अस्पताल (केएमसी), सिनामंगलले मस्तिष्कसम्बन्धी जटिल समस्या भएकी ५२ वर्षीया एक महिलाको सफल उपचार गरेको छ ।

17/04/2026

मातातिर्थ औंसीको हार्दिक शुभकामना