15/02/2026
देश निर्माणका बहसहरू विकास, रोजगारी र पूर्वाधारमा केन्द्रित भइरहेका बेला जनस्वास्थ्यसँग प्रत्यक्ष जोडिएको रगत व्यवस्थापन जस्तो अत्यन्त संवेदनशील विषय अझै पनि पर्याप्त प्राथमिकतामा परेको देखिँदैन।
रगतको अभावका कारण दैनिक रूपमा बिरामी, सुत्केरी, दुर्घटनाग्रस्त तथा आपतकालीन अवस्थामा रहेका नागरिकहरू जोखिममा परिरहेका छन्। यस्तो अवस्थामा रगत सुरक्षा र व्यवस्थापन केवल स्वास्थ्य क्षेत्रको मुद्दा मात्र होइन — यो जीवन र मृत्युको प्रश्न हो।
यसैले, सम्पूर्ण राजनीतिक दल तथा उम्मेदवारहरूलाई हार्दिक अनुरोध गर्दछौं कि रगत व्यवस्थापनलाई राष्ट्रिय प्राथमिकताको विषयका रूपमा स्वीकार गरी आफ्नो घोषणा–पत्र तथा एजेन्डामा स्पष्ट नीति, कार्ययोजना, बजेट व्यवस्था र दीर्घकालीन रणनीतिसहित समेटी अगाडि बढ्नुहोस्।
बलियो राष्ट्र निर्माणका लागि बलियो स्वास्थ्य प्रणाली आवश्यक छ र बलियो स्वास्थ्य प्रणालीका लागि सुरक्षित र व्यवस्थित रक्त सेवा अनिवार्य छ। 🩸🇳🇵
-ब्लड फर नेपाल परिवार
#रगतकाकुरा #रगतयात्रा #रगतसेवाहटलाईन
