What are the opening hours?

Monday 07:00 - 09:00 Tuesday 07:00 - 09:00 Wednesday 07:00 - 21:00 Thursday 07:00 - 09:00 Friday 07:00 - 09:00 Sunday 07:00 - 09:00

https://www.facebook.com/104414838524025/

Dr Amrit Bhusal, Kathmandu (2026)

12/05/2026

SEE रिजल्ट जीवनको अन्तिम नतिजा होइन !

असफलताले केही समय चिन्ता हुन्छ, तनाव हुन सक्छ, तर सही व्यवहार, माया र समर्थनले हामी बच्चालाई अझ बलियो बनाउन सक्छौं।
यस्तो बेलामा अभिभावकको भूमिका अत्यन्त महत्वपूर्ण हुन्छ।
यदि आफ्नो बच्चाले SEE मा फेल भए भने के गर्नुपर्छ र के गर्नुहुँदैन — उनीहरूको मानसिक स्वास्थ्य जोगाउन:
गर्नुपर्ने कुराहरू :

१. उनीहरूको भावना स्वीकार गर्नुहोस् – दुःख, निराशा वा डर व्यक्त गर्न दिनुहोस्। बिना रोकटोक सुन्नुहोस्।
२. सकारात्मक कुरा गर्नुहोस् – “यो अन्त होइन”, “फेरि प्रयास गर्न सकिन्छ” भन्नुहोस्। नतिजाभन्दा प्रयासलाई महत्व दिनुहोस्।
३. समर्थन गर्नुहोस्, तुलना नगर्नुहोस् – हरेक बच्चाको क्षमता फरक हुन्छ। उनीहरूको रुचि र बलियो पक्ष पत्ता लगाउन मद्दत गर्नुहोस्।
तुलना नगर्नुहोस्।
४. नयाँ बाटो खोज्नुहोस् – रिटेस्ट, प्राविधिक शिक्षा, व्यावसायिक तालिम, कला, खेलकुद वा अन्य करियर विकल्पहरूबारे छलफल गर्नुहोस्।
कम तनावपूर्ण वातावरण बनाउनुहोस् – बाहिर घुम्न, खेलकुद, संगीत, कला वा साथीहरूसँग समय बिताउन प्रोत्साहन दिनुहोस्।

५. आवश्यक परे विशेषज्ञ सहयोग लिनुहोस् – लामो समयसम्म चिन्ता, निद्रा नलाग्ने, डर वा अपराधबोध भए काउन्सेलर वा मनोचिकित्सकसँग परामर्श गर्नुहोस्।

नगर्नुहोस् :

१. गाली वा तुलना नगर्नुहोस् – “अरूले पास गरे, तिमी किन गर्न सकेनौ?” जस्ता शब्दहरूले गहिरो मानसिक चोट पुर्‍याउँछन्।
२. सजाय वा उपेक्षा नगर्नुहोस् – कुटपिट, मोबाइल खोस्ने, मौन रहने वा एक्लो पार्ने काम नगर्नुहोस्।
३. तुरुन्तै पढाइको दबाब नदिनुहोस् – रिजल्ट आएपछि तुरुन्तै पढाइको दबाब दिनुले मनोवैज्ञानिक हानि पुर्‍याउँछ।
४. दोष लगाएर अपराधबोध नगराउनुहोस – “तिमीले गर्दा परिवारको इज्जत गयो” भन्नुले अपराधबोध र लाज बढाउँछ।
५. अभिभावकले आफूलाई धेरै दोष नदिनुहोस् – तपाईंको अत्यधिक अपराधबोधले घरको वातावरण तनावपूर्ण बनाउँछ।

महत्वपूर्ण सन्देश:
असफलता भनेको एउटा चरण मात्र हो, अन्त होइन।
माया, धैर्य, विश्वास र सही मार्गदर्शनले बच्चालाई मानसिक आघातबाट जोगाउन सक्छ।

सधैं सम्झनुहोस् — कुनै पनि नतिजाभन्दा बच्चाको मानसिक स्वास्थ्य र आत्मविश्वास धेरै महत्वपूर्ण छ।
Stay positive, stay healthy

30/04/2026

Remember the Date: Friday & Saturday.
8 AM - 6 PM
National Academy Hall, Kamaladi

31/03/2026

The Campaign Begins.

19/03/2026

कर्णाली र सुदूरपश्चिम प्रदेशका पहाडी र हिमाली क्षेत्रमा सर्तकताको लागी जनहितमा जारी अनुरोध ।

27/02/2026

"दक्ष जनशक्ति, दिगो सेवा: स्वास्थ्य सुरक्षामा हाम्रो दृढ प्रतिबद्धता"
२९ औँ स्वास्थ्य सेवा दिवसको अवसरमा सबै स्वास्थ्यकर्मीहरू, चिकित्सकहरू, नर्सहरू, स्वास्थ्य स्वयंसेविका तथा स्वास्थ्य क्षेत्रमा समर्पित सम्पूर्ण व्यक्तित्वहरूलाई हार्दिक शुभकामना!

सबैलाई निरोगी, स्वस्थ र खुसी जीवनको कामना गर्दछु ।
आउनुहोस्, मिलेर निरोगी नेपाल निर्माणमा सबैले योगदान गरौं ।

24/01/2026

बहुमत सधैं सत्य हुँदैन — यो कुरा इतिहासले बारम्बार सिद्ध गरेको छ।
स्वार्थ, पैसा, प्रचार, डर वा भीडको मनोविज्ञानले गर्दा धेरैजसोले गधालाई गाई नै भन्न थाल्छन्।
तर एउटा इमानदार, साहसी व्यक्तिले मात्रै पनि 'यो त गधा नै हो' भनेर बोलेको हुन्छ — र गधा गधा नै रहन्छ।
सत्य बहुमतको मतमा होइन, तथ्य, विवेक र नैतिकतामा निर्भर हुन्छ।
आगामी निर्वाचन हाम्रो लागि मात्र एउटा मतदान होइन — यो हाम्रो देशको भविष्यको परीक्षा हो।
हामीले यो परीक्षामा भीड हेरेर, ट्रेन्ड हेरेर, पैसाको प्रभावमा, जात/क्षेत्र/धर्मको नाममा वा सामाजिक सञ्जालको 'भाइरल' प्रचारमा फस्नु हुँदैन।

मत दिनुअघि सोधौं आफैंलाई यी प्रश्नहरू:

१. यो उम्मेदवार/दलले विगतमा के-के वास्तविक काम गरे?
२. के ती कामले मेरो गाउँ/शहर/परिवारको जीवन सुधार्‍यो?
३. उनीहरूको निष्ठा र इमान्दारिता को प्रमाण के छ?
४. भ्रष्टाचार, ढोंग वा स्वार्थका काण्डहरूबाट मुक्त छन् कि छैनन्?
५. उनीहरूले समर्पण देखाएका छन् कि केवल सत्ताको लागि सौदाबाजी गरेका छन्?
६. मेरो मतले आफ्नो बच्चाको भविष्य लाई उज्यालो बनाउँछ कि अँध्यारोमा धकेल्छ?

मतदान भनेको भावनाको होइन, विवेकको कुरा हो।
एउटा गलत मतले ५ वर्षसम्म गलत नेतृत्व आउँछ — जसले हाम्रो शिक्षा, स्वास्थ्य, रोजगारी, शान्ति र समृद्धिलाई खोसेर लैजान सक्छ।
एउटा सही मतले इमानदार, समर्पित र योग्य व्यक्तिलाई जिताउँछ — जसले देशलाई साँच्चै अगाडि बढाउँछ।

भीडको होइन, विवेकको पक्षमा उभिनुहोस्।

स्वार्थी बहुमतको होइन, सत्यको पक्षमा मत दिनुहोस्।

किनकि लोकतन्त्र तब बलियो हुन्छ जब मतदाता सुसूचित, जागरूक र निडर हुन्छन्।

आफ्नो विवेक जागृत राखौं।

इमान्दारिता, समर्पण र विगतको योगदान हेरेर मात्र मत खसालौं।

यो हाम्रो साझा जिम्मेवारी हो — नेपालको उज्ज्वल भविष्य निर्माण गर्ने जिम्मेवारी।

जागौं, सोचौं, र सही छनोट गरौ !
जय देश !
जय विवेकपूर्ण मतदान !

23/01/2026

तपाई हाम्रो जीवन पनि ज्ञानको संगीत बन्दै जाओस्।

शुभ सरस्वती पूजा !

21/01/2026

दलले त हरेक ५ वर्षमा "नयाँ लुगा" फेर्छ, तर असल मान्छेले देशको अबस्था फेर्छ।
• चुनावमा उम्मेदवार छनोट गर्दा दलको झण्डा मात्र हेरेर होइन ।
व्यक्तिको गुणस्तर हेर्ने हो भने देशले राम्रो प्रतिनिधि पाउँछ !

छनोट कसरी गर्ने ?

√ विगतको "ट्र्याक रेकर्ड" जाँच्नुहोस् - के गरे ?
• विकासका काम, जनतासँग बस्ने कि फोटो मात्र खिच्ने ?
• भ्रष्टाचार/ठगीका केस छन् कि "सफा इमेज" छ ?
• स्थानीय कि पर्यटक उम्मेदवार?
•आफ्नो क्षेत्रका समस्या बुझ्छन् कि चुनाव आएपछि मात्र "हजुर भन्दै घर" आउँछन् ?

√ चरित्र र इमानदारी हेर्नुहोस्
• बोल्ने र गर्न सकिने एजेण्डा हुन्छन् कि "प्रतिबद्धता" मात्र फेसबुक स्टाटस वा फगत चुनाबी गफ हुन ?
√ क्षमता र समर्पण
• योजना छ कि आफु जितेर आएपछि मात्रै सबै ठीक हुन्छ" भन्ने सपना मात्र?
अब :
भोट कसरी हाल्ने ?
पार्टी होइन, व्यक्ति हेरेर।
"यो त मेरो चिनजान हो" भनेर होइन, " यस्ले काम गर्छ" भनेर।
अतः
फागुन २१: सोचेर भोट हालौं— नत्र फेरि ५ वर्ष "अर्को पटक राम्रो आउँछ नि" भनेर कुर्दै बस्नु सिवाय केही हुँदैन ।

21/12/2025

सहीका लागी खाने तेल गलतका लागी तोरीका फूल !

05/12/2025

आफ्नै आँखा अगाडि देखिएका कतिपय विषय त सत्य नभएर भ्रम हुन सक्छन् भने अरुले भनिदिएका र सुन्नमा आएका विषयलाई लिएर धारणा बनाउने समाज हो हाम्रो।

हाम्रो समाजमा भ्रमकै वरिपरि जिन्दगी बिताउने, भ्रम फैलाउनेको कमी छैन।

त्यसैले भ्रमको पछि नलाग्न आग्रह गर्दछु ।

28/11/2025

हामी नेपालीहरूको सबैभन्दा ठूलो कमजोरी— निर्वाचनको बेला मात्र होइन, पाँच–पाँच वर्षसम्म पनि हामी भावनामा बग्छौँ, जात–जाति, क्षेत्र, पार्टीको झण्डा र नेताको फोटो हेरेर भोट हाल्छौँ ।
अनि भोलिपल्टदेखि तिनै नेतालाई गाली गर्न थाल्छौँ। यो चक्र वर्षौंदेखि चलिरहेको छ, र हामी आफैं यसको मतियार बनेका छौँ।
नेताहरूमाथि गाली गर्नु सजिलो छ, तर प्रश्न त आफैंसित सोध्नुपर्छ—
हिजो तिनै नेतालाई भगवान बनाएर भोट हालेको को थियो?
चुनावको बेला पैसा, रक्सी, झोला–बोरा बाँडेको स्वीकार गर्ने अनि पछि "यी सब भ्रष्ट छन्" भनेर कराउने को हो?

अब समय बदल्नुपर्छ।
यो पटक भावना होइन, विवेकले भोट हालौँ।

उम्मेदवारको विगत हेर्ने, उसले गरेको काम हेर्ने, उसको पारिवारिक पृष्ठभूमि, सम्पत्ति कसरी बढ्यो, उसले बोलेको कुरा र गरेको काममा कति तालमेल छ भनेर हेर्ने।

पार्टीको नाम होइन, व्यक्तिको चरित्र र क्षमता हेर्ने।

एउटा इमान्दार, सक्षम र दूरदृष्टि भएको मान्छेले जुनसुकै पार्टीबाट उठे पनि हामीलाई फाइदा हुन्छ। अनि एउटा अयोग्य र भ्रष्ट मान्छेले "हाम्रो पार्टी" को टिकट लिएर आए पनि उसले देशलाई डुबाउँछ।

यो चुनाव हाम्रो र हाम्रा सन्ततिको भविष्यको लागि हो।
गाली गरेर, उफ्रेर, स्टाटस लेखेर मात्र केही हुँदैन।

सही मान्छेलाई सही ठाउँमा पुग्न दिने जिम्मेवारी हाम्रो हो।
सोचौँ है, एक पटक गम्भीर भएर सोचौँ।

अब अलमलमा नपरी, डर र लोभमा नपरी, विवेकले भोट हालौँ।

जय नेपाल ! 🇳🇵

Dr Amrit Bhusal

12/05/2026

30/04/2026

31/03/2026

19/03/2026

27/02/2026

24/01/2026

23/01/2026

21/01/2026

21/12/2025

05/12/2025

28/11/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 09:00
Tuesday	07:00 - 09:00
Wednesday	07:00 - 21:00
Thursday	07:00 - 09:00
Friday	07:00 - 09:00
Sunday	07:00 - 09:00