11/04/2025
***वसन्त ऋतुचर्या ***
नया बर्ष संगै हामी बसन्त ऋतुको मध्यमा छौँ। हामीले ऋतु अनुसार जीवनशैली व्यवस्थापन गर्न सक्यौ भने शरीरमा उर्जा रही रहने र रोगबाट पनी बच्न सकिन्छ।
वसन्त ऋतुमा पालना गर्नु पर्ने आहार, बिहार र व्यबहारलाई वसन्त ऋतु चर्या भनिन्छ।
हाम्रो शरिर स्थित दोषहरुको संचय, प्रकोप र प्रसरमा बाहिरी वातावरण र सुर्य चन्द्रको अवस्थाले ठुलो प्रभाव पार्दछ।
तसर्थ हामीले स्वस्थ रहनको लागि ऋतु चर्याको पालना गर्नु पर्छ।
अहिले वसन्त ऋतुको समय हो। यो बेलामा सुर्य दक्षिणायन हुन्छ, सुर्यको प्रकाश कडा खालको हुन्छ। वातावरणको तापक्रम बढेको हुन्छ। शरिरको अग्नि कम्जोर हुन्छ, पाचन शक्ति घट्छ र जाडोमा संचय भएको कफ दोषको प्रकोप हुन जान्छ।
यस्तो बेलामा तितो, टर्रो र पिरो खानेकुरा खानु राम्रो हुन्छ। खाना थोरै र समय लगाएर खादा राम्रो हुन्छ।
गहुँ र जौको अन्न हितकर हुन्छ। पानीमा मह राखेर खानु स्वस्थकर हुन्छ।
शरीर सोधन गर्न बान्ता (वमन कर्म ) गर्नु राम्रो हुन्छ। शरीरमा मालिस गर्नु, चन्दन र केसरको पाउडर शरीरमा दल्नु श्रेस्कर हुन्छ।
मुखमा मनतातो पानी राखेर केहीबेर धारण गरेर बस्नु फाइदाजनक हुन्छ।
आँखामा गाजल लगाउनु राम्रो हुन्छ।
यो बेलामा दिउसो सुत्नु हुदैन। मैथुन कर्म कम गर्नु पर्छ। गुलियो, नुनिलो र अमिलो खाना एकदम कम खानु पर्छ।
महांकाल आयुर्वेद उपचार केन्द्र
०१४९८७९१७, 985-1069555
