23/08/2025
कुशे औँसी सनातन हिन्दु परम्परामा भदौ महिनाको अमावस्या (औँसी)का दिन मनाइने पर्व हो। कुशे औँसीमा पिताजीको मुख हेर्ने, अर्थात् बुवा दिवसको रूपमा मनाई बुवालाई विशेष सम्मान गर्ने र आमा बाबु नहुनेले तीर्थमा खासगरी गोकर्ण र विष्णुपादुकामा श्राद्ध, तर्पण, दान, पुण्य गरी पितृ तार्ने र आफू पुण्यात्मा बन्ने विश्वास गरिन्छ।
पिता सम्झना दिवस
जीवनको बाटोमा उज्यालो बनाइदिने,
आफ्नो सपना बिर्सी हाम्रो भविष्य सजाइदिने।
त्यो असीम माया, त्याग र धैर्यका धनी,
पिताज्यूहरू प्रति सर्मपित, तपाईंहरूको अमर कहानी।
कठिनाइमा पनि ढाल बनी उभिनु भयो,
हामीलाई हौसला, साहस दिनुभयो।
हासोमा लुकाएको पीडा, ममतामा ढाकिएको बल,
आज पनि सम्झिँदा आँखामा आउँछ नयनको जल।
पिता, तपाईंको अनुशासन जीवनको दिशा,
तपाईंको संस्कार हाम्रो असली परिचय।
समय बग्छ, तर सम्झना कहिल्यै हराउँदैन,
पिता, तपाईंको मायाले सधैं हामीलाई अँगाल्छ रैन्छ।
पिता सम्मान दिवसमा हाम्रो नमन,
तपाईंहरूको सम्झनामा श्रद्धा र अर्पण।
जीवनभरको प्रेरणा, अटूट सहारा,
तपाईंहरू हुनुहुन्छ हृदयमा सदैव उज्यालो तारा।
