16/08/2025
मिति २०८२/०४/२९ गते बिहीवार करिब १० बजे बेलुका भक्तपुर, दुधपाटीमा रहेको संस्कृत फार्मेसीमा कार्यरत असिष्टेन्ट फार्मेसिष्ट श्री नबिन धामी माथि गुण्डागर्दि सैलीमा मादक पदार्थ सेवन गरी फार्मेसी प्रवेश गर्दै अराजक समूहद्वारा हातपात भएको प्रति यस नेपाल फर्मास्यूटिकल एसोसिएसन भत्सर्ना गर्दछ। तत्कालै जिल्ला प्रहरी परिसर भक्तपूरमा उजुरी दर्ता गराउँदा समेत सुनवाई नभएको सूचना प्राप्त भएको छ। दिनरात फार्मेसी सेवामा समर्पित स्वास्थ्यकर्मी माथि हातपात हुनुले हामी सम्पूर्ण फार्मेसी पेशाकर्मी असुरक्षित महसुस गरेका छौँ। मादक पदार्थ सेवन गरी अस्पतालको Emergency विभागबाट लिनुपर्ने सेवा सामुदायिक फार्मेसीबाट जबरजस्ती माग गर्दै धम्की र हमला भएको घटना निन्दनीय छ। साङ्घातिक हमला गर्ने अराजक समूहको यकिन गरि दोषीलाई हदै सम्मको कानुनी कारबाहीको लागि यस नेपाल फर्मास्यूटिकल एसोसिएसन जोडदार माग गर्दछ।
