Jeevan Vigyan

27/01/2026

Your PATH reveals itself in silence with L P Bhanu Sharma
Watch Episode 5:- Living With Purpose in A Chaotic World

25/01/2026

आफूलाई चिन्ने र आत्मबोधतर्फ अग्रसर गराउने ध्यान–साधनामुखी कार्यक्रम ‘बोध विज्ञान’ २०८२ माघ ६ गते बानेश्वर, काठमाडौँमा सफलतापूर्वक सम्पन्न भएको छ।

एक सातासम्म सञ्चालन भएको यस कार्यक्रममा सहभागीहरूले आफ्नो जीवनशैली र सोचमा सकारात्मक परिवर्तन आएको अनुभव गरेका छन्। कार्यक्रममा श्रद्धेय रमेश गुरुदेव र श्रद्धेय भानु गुरुदेवद्वारा योग र ध्यानका वैज्ञानिक तथा प्रयोगात्मक सूत्रहरूमा आधारित अभ्यास गराइएको थियो।

यस साधनाले सहभागीहरूलाई बाह्य व्यस्तताबाट आफूभित्र फर्कने कला सिकाउनुका साथै आत्मचिन्तन, आत्मपहिचान र आफ्नो अन्तर्निहित क्षमतालाई चिन्न र प्रयोग गर्न प्रेरित गराएको थियो।

कार्यक्रममा विभिन्न पेशा, व्यवसाय तथा भौगोलिक क्षेत्रबाट २७५ जना साधकहरूको सक्रिय सहभागिता रहेको थियो।

24/01/2026

🇳🇵आरोग्य पर्यटनमार्फत समृद्ध नेपालको आधार
श्रद्धेय भानु गुरुदेवको दिव्य सन्देश
“नेपालको आरोग्य पर्यटनलाई विश्वस्तरीय ब्राण्डका रूपमा स्थापित गर्न सक्यौं भने देशको दिगो समृद्धि सुनिश्चित गर्न सकिन्छ।”

उपराष्ट्रपतिको कार्यालयद्वारा २०८२ माघ ९ गते आयोजित
‘स्वास्थ्य र समृद्धिका लागि स्वजागरण’ कार्यक्रममा श्रद्धेय भानु गुरुदेवले सम्बोधन गर्दै भन्नुभयो—
नेपालसँग विश्वलाई प्रदान गर्न सक्ने शान्ति, ध्यान र आरोग्यका अद्वितीय ज्ञान, विधि र पद्धतिहरू प्रशस्त छन्। ती मूल्यवान सम्पदालाई आधार बनाएर नेपाललाई विश्वभरिका साधक तथा आरोग्य पर्यटकको आकर्षक गन्तव्यका रूपमा विकास गर्न सशक्त राष्ट्रिय आरोग्य पर्यटन भाष्य निर्माण गर्नु आजको आवश्यकता हो।

उहाँले द्वन्द्व, अशान्ति र असन्तुलनको मूल जरा मानव मनमै रहेको उल्लेख गर्दै अबको राष्ट्रिय तथा वैश्विक अभियान बाह्य परिवर्तनभन्दा आन्तरिक रूपान्तरणमा केन्द्रित हुनुपर्ने स्पष्ट धारणा व्यक्त गर्नुभयो।

कार्यक्रममा सम्माननीय उपराष्ट्रपति रामसहाय प्रसाद यादवले धन्यवाद ज्ञापन गर्दै, जुनसुकै क्षेत्रमा पनि इमान्दारिता, लगनशीलता र निरन्तरताका साथ अघि बढे सफलता सुनिश्चित हुने बताउनुभयो। योग र ध्यान साधनामा पनि इमान्दार अभ्यास अपरिहार्य रहेको उल्लेख गर्दै उहाँले योग–ध्यानलाई दैनिक जीवनशैलीको अभिन्न अंग बनाउन सबैलाई आह्वान गर्नुभयो।

कार्यक्रमका क्रममा श्रद्धेय भानु गुरुदेवले सहभागीहरूलाई स्वजागरण अभ्यास पनि गराउनुभएको थियो। उपराष्ट्रपतिको उपस्थितिमा सम्पन्न उक्त कार्यक्रममा कार्यालयका सचिव, सहसचिव, सुरक्षा निकायका उच्च अधिकारीहरू तथा सम्पूर्ण कर्मचारी एवं सुरक्षाकर्मीहरूको उल्लेखनीय सहभागिता रहेको थियो।

आन्तरिक जागरणबाट राष्ट्रिय समृद्धितर्फ
— यही हो जीवन विज्ञानको मार्ग।

24/01/2026

जीवन विज्ञान सत्संग

24/01/2026

सत्य जिन्दगानी भो | Gurudev Song | Rajan Siwakoti | Shanti Shree Pariyar || Jeevan Vigyan Song

✍️ रचना: रमेश गुरुदेव🎤 गायक: राजनराज सिवाकोटी🎤 गायिका: शान्तिश्री परियार🎵 संगीतकार: शिशिर योगी💃 प्रस्तुति: जीवन ...

23/01/2026

वसन्त पञ्चमी तथा सरस्वती पूजाको शुभकामना !

21/01/2026

ध्यान र आध्यात्मिक यात्रा सत्यको सामना

यो भिडियो नियोजित थिएन।गुरु रमेश नेपालसँगको पोडकास्ट अन्तर्वार्तामा म प्रश्न सोध्दै गर्दा अचानक रोकिएँ।सत्य य....

21/01/2026

When You Don’t Know Where You’re Going, No Road Can Help You

Watch Episode 5 :- Living With Purpose in A Chaotic World now!

19/01/2026

जीवन विज्ञानकी परिकल्पनाकार श्रद्धेय वसन्ती गुरुमाको स्मृति दिवसका अवसरमा २०८२ माघ ४ गते बानेश्वरमा विशेष सत्सङ्ग भएको छ ।
सो अवसरमा श्रद्धेय भानु गुरुदेवले ध्यान र सेवाले भविष्यसँग जोड्ने बताउनुभयो । उहाँले ध्यानले आफूलाई जगाउने र सेवाले अरूलाई जगाउने बताउँदै यी दुवैले मानिसलाई भविष्यसँग जोड्ने पुलको काम गर्ने स्पष्ट पार्नु भएको हो । मानिसले सेवामार्फत अरूको जीवनमा प्रगति ल्याएपछि मात्र आफ्नो जीवनमा प्रगति आउने स्पष्ट पार्दै ध्यानको गहिराइमा पुगेपछि सेवाभाव जन्मने बताउनुभयो ।
कार्यक्रममा श्रद्धेय रमेश गुरुदेवले जीवनलाई सेवामा समर्पित गरे मात्र समस्याहरूबाट मुक्ति पाइने बताउनुभयो । जीवनका बन्धनहरूबाट मुक्त हुनका लागि मौनको अभ्यास गर्नुपर्ने बताउँदै उहाँले मौनबाट नै आफूलाई भेट्ने र ईश्वर प्राप्त गर्ने स्पष्ट पार्नुभयो ।
गुरुदेवद्वयले वसन्ती गुरुमाको स्मरण गर्दै उहाँकै प्रेरणाले जीवन विज्ञानले मानिसहरूलाई ध्यान र सेवाको बाटोमा अग्रसर गराएको बताउनुभयो ।
जीवन विज्ञानकी संरक्षक श्रद्धेय देवी गुरुमाको उपस्थितिमा आनन्द इभेन्ट्स बानेश्वरमा भएको कार्यक्रममा जीवन विज्ञानका प्रशिक्षकहरू र योग ध्यानका अभ्यासीहरूको सहभागिता थियो ।

18/01/2026

गुरुमा बसन्ती स्मृति दिवस !