06/04/2026
बले काण्डमा बोलिन् समिक्षा अधिकारी ! भन्छिन् : मन मिल्दा चमत्कार, नमिल्दा ब'ला'त्कार” भनेको सु्दा पिढा हुन्छ'
चर्चित गायिका समिक्षा अधिकारीले हालै सामाजिक सञ्जालमार्फत अत्यन्तै भावुक र संवेदनशील स्टाटस सार्वजनिक गर्दै पी'डि'तहरूको पक्षमा खुलेर बोलेकी छिन्। आफ्नो विगतका पी'डादायी अनुभव सम्झिँदै उनले लेखेकी छन् कि, “एउटा पीडितको मन अर्को पीडितले जस्तो कसैले बुझ्न सक्दैन।” उनले आफू त्यो घ'टनाबाट धेरै अगाडि बढिसकेको भए पनि ती दिनहरू सम्झिँदा अझै पनि मन चिरिने बताएकी छन्।
समिक्षाले समाजको व्यवहारप्रति प्रश्न उठाउँदै आफूले विगतमा कस्तो मानसिक पी'डा सहनुपरेको थियो भन्ने कुरा स्पष्ट पारेकी छन्। उनी भन्छिन्, समाजले बाँच्न नदिँदा आफू “दिनदिनै मरीमरी बाँच्नुपरेको” अवस्था थियो। १८ वर्ष नपुगेकी छोरी भएर एक्लै समाजसँग लड्नुपरेको अनुभव सुनाउँदै उनले त्यो समय आफ्नो परिवार बाहेक कसैले साथ नदिएको उल्लेख गरेकी छन्। साथ दिन खोज्नेहरूमाथि समेत चरित्रमाथि प्रश्न उठाइने प्रवृत्तिले आफू झन् कमजोर बनेको उनले बताएकी छन्।
उनले पीडितमाथि सोधिने “किन ढिलो बोलिस्?” भन्ने प्रश्नप्रति कडा आपत्ति जनाउँदै यस्तो प्रश्नले पीडितको घाउ अझ गहिरो बनाउने बताएकी छन्। डर, सामाजिक दबाब र “मलाई नै गलत भन्लान् कि?” भन्ने मानसिक अवस्थाले धेरै पीडितहरू लामो समयसम्म मौन बस्न बाध्य हुने उनको भनाइ छ। साथै, “मन मिल्दा चमत्कार, नमिल्दा ब,लात्का,र” भन्ने समाजको सोचले झन् पीडा दिने उनले उल्लेख गरेकी छन्।
समिक्षाले सबैलाई अनुरोध गर्दै कसैको पीडालाई अरूसँग तुलना नगर्न र संवेदनशील बन्न आग्रह गरेकी छन्। उनले भनेकी छन्, “हरेक घाउको आफ्नै गहिराइ हुन्छ,” र यस्तो पीडा भोग्नेले मात्र यसको वास्तविकता बुझ्न सक्ने बताएकी छन्। उनले समाजलाई आत्ममूल्याङ्कन गर्न आग्रह गर्दै हरेक घरमा दिदीबहिनी र छोरीहरू हुने भएकाले यस्ता विषयमा बोल्दा संवेदनशील हुनुपर्ने धारणा राखेकी छन्। अन्त्यमा, संगम बिष्ट सम्बन्धी प्रकरणमा दुवै पक्षको सत्य बाहिर आउनुपर्ने र दोषीलाई कडा कारबाही हुनुपर्ने माग गर्दै उनले आफू सधैं पीडितहरूको पक्षमा उभिने प्रतिबद्धता व्यक्त गरेकी छन्...👍☺️☺️
