Master Godangel

25/10/2025

Godangel bani 25 Oct. 2025,
प्रिय आमा-बाबा, युवा नानुहरु हजुरहरु सबैमा कल्याणको कामना गर्दै आजको गड्याञ्जल वाणी तर्फ प्रवेश गर्ने अनुमति चाहन्छु।

आज यो संसारमा प्रेम सेलाएर गएको छ,प्रेम सेलाएकै कारण आज न्याय हराएको छ,एक मान्छेले अर्को मान्छेलाई,एक धर्मले-अर्को धर्मलाई चढाई रहेको छ। प्रेमलाई उजागर गरौं,सबैमा प्रेमभाव बिस्तार गरौं भन्ने एउटा ध्यायको साथ प्रेमवाद दर्शन अगाडी बडिरहेको छ। हामी कुनै पनि जात र धर्मको हुनु अगाडि हामी केवल मान्छे थियौं। जब हामी धर्तीमा आएपछि हामीलाई जात र धर्ममा बिभाजित गरिन्छ अनि त्यहाँ बाट मान्छे भन्ने हराएर जातको ट्याग लगाईन्छ त्यसपछि धर्मले लपेटेर एउटा सम्प्रदायमा बिभाजन गरिन्छ तब सम्म मानवता भन्ने भुलिसकेको हुन्छ। हामी यो कुरा बिर्सनु हुन्न कि सारा संसारका मान्छे एकै हौं,सारा धर्म ग्रन्थले देखाएको मार्ग एउटै प्रेमको मार्ग हो,तसर्थ हामी सबैले जाति र सम्प्रदाय भन्दा माथि उठेर प्रेममा जिउनु पर्छ,सबै धर्महरुलाई आफ्नै धर्म ठानि सहिष्णुताको भावनाले सर्बधर्ममा जिउनु पर्छ तब मात्रै संसारमा दिगो शान्ति छाउँछ अनि फेरि रामराज्य सुरु हुन्छ।

हामीले ओडेको आकाश एउटै छ,बिछ्याइएको धर्ती एउटै छ अनि हामी सबैको रगत रातै छ तर फेरि किन हामी एक अर्कामा जात र धर्मको ट्यागले अपमान गर्छौ? किन एक अर्कामा घृणाको भावना राख्छौ? हाम्रो ऋषि माहात्माहरुले कहिले पनि घृणाको भाव बाड्नु भएको थिएन,उहाँहरु सबैले प्रेमकै सन्देश दिनु भएको थियो तर आज त्यो प्रेम बिर्सिएर हामी अप्रेममा जिईरहेका छौ,यसैको कारण आज ब्यक्ति,समाज,राष्ट्र हुँदै संसारमै अन्याय अशान्ति फैलिएर गरेको छ। प्रियजन हामीले प्रेम सब्द बोलिमा सबैले कहन्छौ तर प्रेम बोलीमा होइन कर्ममा ढालिनु पर्छ। प्रेमले मात्रै यो संसारमा दिगो शान्ति स्थापित गर्न सक्छ,प्रेम त्यस्तो जडि हो जसले अंगुलिमाल जस्तोको हातको तरवार पनि भुँइमा खसाई दिन्छ,प्रेम त्यस्तो औषधि हो जसले पिडामा पनि जिउने साहस दिन्छ,प्रेम त्यस्तो शक्ति हो जसले हारेर ढलिसकेकोलाई पनि उठाउदछ।

प्रेमको राज्यमा करुणाको मुल फुट्छ
प्रेमको राज्यमा न्यायीक राज्य बन्छ
जात भन्दा माथि केवल मान्छे रहन्छ
प्रेमले सिंचे यही धर्ती पनि स्वर्ग बन्छ ।

प्रेम सेलाउँदा आज यो धर्ती धुरुधुरु रुँदैछ
अप्रेमको वाण चल्दा निर्दोष सारा मर्दैछ
बुद्ध वाणी ओझेल पर्दा अशान्तिले राप्यो
अबोध-निर्दोषलाई शान्ति मृगतृष्ण बन्यो ।

शान्ति बाहिरी मिल्ने छैन जति चिच्याएरै हेर
आफै भित्र शान्ती मिल्छ प्रेमले रसाएर हेर
शान्ति-शान्ति जपे पनि त्यहाँ शान्ति मिल्दैन
प्रेमले संसार सिंचिन्न जब प्रेम कर्ममा ढल्दैन ।

प्रेम सेलाएकै कारण अबोध प्राणी हेपिन्दैछन्
प्रेम सेलाएरै आज हेर मान्छे-मान्छे टुट्दैछन्
अप्रेमकै कारण आज जात-जातिमा लड्दैछन्
अप्रेमको परिणाम आज धर्म-धर्म फुट्दैछन् ।

प्रेममा हुन्छ एकता अनि दु:ख बाट छुट्ने शक्ति
प्रेममै हुन्छ करुणा अनि सेवा,समर्पण र भक्ति
प्रेममा हुन्छ सांसारिक मोह बाट छुट्ने जुक्ति
प्रेममै हुन्छ क्षमा अनि पापकर्म बाट मुक्ति ।

यही सन्देशको साथमा आजको गड्याञ्जल वाणी बाट बिदा चाहन्छु।
Jai Prem!
With love and blessings,
Guruhajur

23/10/2025

प्रियजन्
सबै सबैलाई मेरो न्यानो प्रेम चढाउदै भाइटिकाको बिषेश दिन्मा सबैलाई Happy भाइटिका विश गर्छु । Happy Vaitika !
सबैको कल्याणको कामना गर्दै सारा प्राणी जगत्को मँगल होस् भनि भगवान् समक्ष बिन्ति चढाउदै .. एउटा भाइटिकाको सवालमा सानो कथा पस्किने अनुमति चाहन्छु ।
Story
यमराज र यमुना
धेरै वर्ष पहिलेको कुरा हो —मृत्युदेव यमराज र उनको प्रिय बहिनी यमुना (यमी) थिए ।यमुना दाजुलाई अत्यन्त माया गर्थिन्, तर यमराज सधैं व्यस्त —आत्मा लैजानैमा ।वर्षौँ बित्यो, बहिनीले दाजु देख्न नपाएको ।
एकदिन यमुनाले ईश्वरलाई प्रार्थना गरिन् —
“मेरा दाजु एकपटक घर आउन्,ताकि म उहाँलाई आशीर्वाद दिन सकूँ ।”
उनको मनको न्यानो प्रेमले यमराजको हृदय पग्लियो ।त्यो दिन कार्तिक शुक्ल द्वितीयाको बिहान —यमराज आफैं बहिनीको घर पुगे ।
यमुनाले दाजुका लागि विशेष पूजा गरिन्
बहिनीले स्नान गरिन्, घर सफा गरिन्,फूलको माला, मिठा परिकार, दियो र टीका सबै तयार पारिन् ।दाजुलाई आसनमा बसालेर पञ्चरङ्गी टीका लगाइन्,र हात जोडेर भनिन् —
“हे दाजु, तिम्रो आयु लम्बियोस्,तिमी सधैं सुखी, निरोगी र उज्यालो रहोस् ।”
यमराज यति भावुक भए कि रोए र भने —
“हे बहिनी, तिम्रो प्रेम र आशीर्वाद अमर रहोस् ।आजदेखि जसले पनि आफ्नो दाजुभाइलाई यस्तो श्रद्धा र प्रेमले टीका लगाउँछ —उसको आयु पनि लम्बिन्छ, मृत्यु टाढा रहन्छ ।”
त्यो दिनदेखि नै भाइटीका पर्व सुरु भयो भएको रे —र आज पनि त्यही विश्वासले यो पर्व मनाइन्छ ।

(Moral of the Story)
प्रेम मृत्यु भन्दा बलियो हुन्छ ।यमराजजस्ता कठोर मृत्युका देवता पनि बहिनीको माया अघि झुक्छन् ।
--
यहि नै शन्देसका साथ बिदा हुन्छु । जय प्रेम ।
With Love and blessings
Master Godangel

20/10/2025

प्रिय आमा बाबा युवा नानुहरु हामी सबैको मनमा, घरमा दियो बलोस, तिहार , नेपाल संवत र छठको शुभ कामना 🙏
Love and blessings
Jai prem

फूल भिडियो लागि यहाँ क्लिक गर्नुहोला ।👇
https://youtu.be/hx48ktSXetI?si=zIaijKbbepQUXOze

18/10/2025

𝐆𝐨𝐝𝐚𝐧𝐠𝐞𝐥 𝐛𝐚𝐧𝐢 𝟏𝟖 𝐎𝐜𝐭. 𝟐𝟎𝟐𝟓,
प्रिय आमा-बाबा युवा नानुहरु हजुरहरु सबैमा कल्याण अनि मंगलको कामना गर्दै आजको गड्याञ्जल वाणी तर्फ प्रवेश गर्ने अनुमति चाहन्छु।

एक दिनको कुरा हो एका देशमा एकजना राजा हुनुहुन्थ्यो उहाँ सधै पुजा-पाठ गर्ने र धर्म कर्ममा बिश्वास गर्नु हुन्थ्यो,राजाले सधैं सोच्नु हुन्थ्यो भगवानलाई कसरी देख्न सकिन्छ होला? भगवानलाई देख्न राजाले जताततै नियाल्नु हुन्छ मन्दिर गुम्बा धाउनु हुन्छ तर कतै पनि भगवानलाई देख्नु हुन्न,अन्ततः राजाले देश भरिका जनता सामु उद्घोष गर्नु हुन्छ जसले मलाई भगवान देखाउनु सक्छ उसलाई म ठुलो पुरस्कारले सम्मान गर्नेछु,म भगवानलाई देख्न चाहन्छु।

राजाको यो उद्घोष सुन्न साथ त्यो राज्यमा बस्ने एकजना सन्तले भन्नू भयो महाराजको भगवानलाई देख्ने इच्छा म पूरा गरिदिन सक्छु, राजालाई भगवान देखाउन सक्छु भनिसके पछि देखाउनै पर्थ्यो कि देखाउन नसक्ने भए झुठो बोले बापत उसले ठुलो डण्डा सजाय भोग्नु पर्ने थियो,तर ती सन्तले आँट गरेर राजालाई भन्नू भयो महाराज म हजुरलाई भगवान देखाउन सक्छु। सन्तको कुरा सुनेर राजाले सन्तलाई दरबारमा बोलाएर भन्नू हुन्छ ए सन्त ! तिमीले के साँच्चै भगवान देखाउन सक्छौ? किन मलाई भगवान देखाउनु सक्छु भन्यौं? यत्तिकैमा सन्तले भन्नू भयो हो महाराज म हजुरलाई भगवान देखाउन सक्छु यदि हजुरलाई भगवान देखाउन सकिन भने बरु म मर्न तयार छु महाराज ! सन्तको कुरा सुने पछि राजाले ल ठिक छ मलाई भगवान देखाउ भन्नू हुन्छ।

राजालाई सन्तले भन्नू हुन्छ महाराज हजुरलाई भगवान देखाउनु अगाडी मलाई एक ग्लास दूध दिनु हवस् त्यो दूध म पिउन चाहन्छु, साच्चिकै राजाले सन्तलाई एक ग्लास दूध ल्याई दिनु हुन्छ,राजाले एक ग्लास दूध दिनु भए पछि सन्तले फेरि राजालाई भन्नू हुन्छ महाराज मलाई घ्यु पनि दिनु हवस् तर त्यो घ्यू चै आफै निर्मित भएको अर्थात बिना दूध बाट निर्मित घ्यु।

सन्तको कुरा सुनेर राजाले भन्नू हुन्छ ए मुर्ख ! दूध दही बाट नै घ्यु बन्ने हो बिना दूधको दही महि अनि घ्यु कसरी बन्न सक्छ? त्यसपछि सन्तले भन्छ महाराज दूध बाट दही मही बन्छ अनि दूध बाटै घ्यु बन्छ भने खै म दुधमा घ्यु देख्दिन त,खै कहाँ छ दुधमा घ्यु?सन्तको यस्तो कुराले राजा हैरान हुँदै भन्नू हुन्छ ए मूर्ख सन्त दूध बाट घ्यु निकाल्नलाई धेरै प्रोसेस अपनाउनु पर्छ,दुधलाई दही बनाउनु पर्छ अनि दहीलाई महि बनाउनु पर्छ अनि त्यही बाट बल्ल घ्यु निस्किन्छ त्यो घ्यु त्यही दुधमा निहित छ त्यसलाई निकाल्न धेरै प्रोसेस गर्नु पर्दछ।

राजाको कुरा सुनिसके पछि सन्तले भन्नू हुन्छ महाराज ! भगवान पनि त्यही हो,भगवानलाई हेर्न प्रोसेस छ त्यत्तिकै भगवानलाई देख्न सकिन्दैन,जसरी हजुरले भन्नू भयो दूध बाट दही मही हुँदै घ्यु निकाल्ने एउटा प्रोसेस छ त्यसरी नै भगवानलाई हेर्ने पनि प्रोसेस् छ। त्यत्तिकै कहाँ देखिन्छ र? जसरी दुधमा घ्यु नदेखिन्दैमा दुधमा घ्यु छैन भन्न मिल्दैन त्यसैगरी यो संसारमा भगवान नदेखिन्दैमा यहाँ भगवान नै छैन,भगवानको अस्तित्व छैन भन्न मिल्दैन,भगवानलाई हेर्न पनि प्रोसेसमा जानू पर्छ महाराज,सन्तको कुरा सुने पछि राजाले बल्ल महशुस गर्नु हुन्छ भगवानको अस्तित्व रहेछ तर भगवानलाई हामीले हेर्ने प्रोसेस रहेछ।

प्रियजन,
यो कथा बाट हामीले सिक्नु पर्ने नैतिक ज्ञान् यो हो कि भगवान हाम्रो बाहिरी आँखाले नदेखिन्दैमा भगवान नै छैन भन्न मिल्दैन किनकि भगवान जताततै हुनुहुन्छ,अरुले जेसुकै भनुन् तर हामीले असल कर्म गर्न कहिले छाड्नु हुँदैन,खराब कर्मको नतिजा खराब नै आउँछ त्यसैले सधै असल कर्म सेवाको कर्म रोज्नु पर्छ। भगवान यो बाहिरी आँखाले नदेख्दैमा भगवानको अस्तित्व नै छैन भन्ने भ्रममा पर्नु हुन्न,हामीले जे कर्म गरेको छौ त्यो कर्मको फल अवस्य मिल्नेछ, अत: हामीले सधै विनम्रतामा भगवानको अस्तित्वलाई स्वीकार गर्दै असल सेवाको कर्म गर्दै हाम्रो मानव कर्तव्यलाई पूरा गर्नु पर्छ।
Jai Prem
With love and blessings
Guruhajur,

13/10/2025

11/10/2025

𝗚𝗼𝗱𝗮𝗻𝗴𝗲𝗹 𝗯𝗮𝗻𝗶 𝟭𝟭 𝗢𝗰𝘁. 𝟮𝟬𝟮𝟱,
प्रिय आमा-बाबा युवा नानुहरु हजुरहरु सबैमा कल्याणको कामना गर्दै आजको गड्याञ्जल वाणी तर्फ प्रवेश गर्ने अनुमति चाहन्छु ।

"ईर्ष्या"

ईर्ष्या मानव जीवनमा शत्रुताको एक रूप हो। ईर्ष्या एक पीडादायी र विचलित पार्ने नकारात्मक भावना हो जसले मनमा असहजता निम्त्याउँछ। ईर्ष्याले अरुको सफलता उपलब्धि, खुशी, धन, राम्रा गुणहरु, परिवार र स्थिति संग असहज हुने भावना उत्पन्न गर्दछ, ईर्ष्याको मुल कारण अरुको प्रगति वा उपलब्धिहरु ग्रहण र सहन गर्न नसक्नु अर्थात असमर्थ हुनु हो।

ईर्ष्या एक विचलित पार्ने भावना वा मनोवृत्ति हो। जसले हाम्रो मानसिक शान्ति गुमाईदिन्छ र हामीलाई अशक्त बनाउँछ ताकि हामी आत्म-नियन्त्रण गुमाउँछौं। ईष्र्याले हामी साँच्चै कुनै चीज वा कसै सँग संलग्न हुन्छौं, हामी रिसाउँछौं वा ईर्ष्या गर्छौं, हामीसँग निश्चित रूपमा मनको शान्ति हुँदैन, एक अर्थमा आत्म-नियन्त्रण गुमाउँछौं किनभने हाम्रो दिमागमा सबै प्रकारका पागल आवेगहरू आउँछन् यस्ता विचलित पार्ने भावना र मनोवृत्तिले हामीलाई साँच्चै अरूको विनाशकारी र हानिकारक हुने कार्य गर्न संलग्न गराउने छ, अन्ततः आत्म-विनाशकारी हुन्छ र अन्तमा हार आफ्नै हुनेछ।स्वाभाविक रूपमा विभिन्न संस्कृतिहरूले भावनाहरूलाई फरक-फरक रूपमा परिभाषित र निर्दिष्ट गर्छन् र यी भावनाहरूमा विभिन्न भावनाहरूको विशाल दायरा समावेश हुन्छ।

प्रियजन,
अरूको खुशीमा आनन्दित हुनु र करुणाको अभ्यास गर्नु, सन्तुष्ट हुनु र सबै प्रति करुणा राख्नु ईर्ष्या मुक्त जीवन बिताउनु, सकेको बरु अरुको खुशीमा मुस्कान थपिदिनु, अरूको खुशी र सफलतामा वास्तविक आनन्दको अनुभव लिनु सक्नु पर्छ। वितेको कुराहरूको बारेमा पछुताउनु अनि भविष्यको बारेमा चिन्ता गर्नुको सट्टा हामी वर्तमान क्षणमा प्रेम र करुणाले ओतप्रोत भएर बाँच्नु नै हाम्रो लागि बुद्धिममतापुर्ण हुनेछ।

आफू संग भएको कुरामा आनन्द लिनु र सन्तुष्ट हुनु पनि ईर्ष्या बाट बच्ने एउटा तरिका हो। हामी संग जे छ त्यो कुराको मुल्य बुझेर त्यही कुराहरु बाट खुशी फुलाउनु सक्नु पर्छ, खुशी शान्ति कहिँ बाहिरी भौतिक कुरामा हुँदैन, खुशी शान्ति आफै भित्र उमार्नु पर्छ, जसको बिजन किन्न कुनै धन सम्पत्ति चाहिन्न। सृफ सकारात्मक विचारको बिजन लगाउनु पर्छ, ईर्ष्या बाट बच्नको लागि हामीले सकारात्मक र शुद्ध विचारहरू अपनाउनु पर्छ।

जीवनलाई सन्तुलित र शान्तिपूर्ण बनाउन नियमित ध्यानको अभ्यासले मनलाई शान्त बनाउन सकिन्छ, ईर्ष्या जस्ता नकारात्मक भावनाहरू बाट मुक्त गर्न लाई मानव जीवनमा ध्यानको ठुलो महत्त्व हुन्छ। ध्यानको माध्यम बाट सकारात्मक उर्जा प्राप्त गरि जीवनको अर्थ र मुल्य बुझिन्छ। हामी को हौं? हाम्रो यश धर्तीमा कर्तव्य केके हुन्? यावत कुराको आत्माबोध हुनेछ र लोभ,हिंसा, ईर्ष्या जस्ता नकारात्मक भावना वा मनोवृत्तिको न्यूनीकरण हुँदै जानेछ। साथै अरूलाई क्षमा गर्नाले मनको बोझ हलुका हुन्छ र रिस र ईर्ष्या हट्छ। सबै प्राणीहरू प्रति करुणा राख्नाले मन शुद्ध हुन्छ र क्रोध र ईर्ष्या स्वतः गायब हुन्छ, किनकि ईर्ष्याले अलगाव सिर्जना गर्दछ, जबकि करुणाले सम्बन्ध सिर्जना गर्दछ।
Jai Prem !
With love and blessings,
Guruhajur.

04/10/2025

𝗚𝗼𝗱𝗮𝗻𝗴𝗲𝗹 𝗯𝗮𝗻𝗶 𝟰 𝗢𝗰𝘁 𝟮𝟬𝟮𝟱,
प्रिय आमा-बाबा, युवा नानुहरु हजुरहरु सबैमा कल्याण मंगलको कामना गर्दै आजको गड्याञ्जल वाणीमा प्राणीहरुलाई पनि प्रेम गरौं भन्ने निवेदनका साथ अगाडी बढ्ने अनुमति चाहन्छु।

प्राणीहरुलाई प्रेम गरौ (Love the animals)

यो धर्तीमा हामी बाँची रहँदा हामीले भुल्नु नहुने कुरा यो धर्ती हामी मान्छेको निम्ति मात्रै नभएर सारा पशुप्राणीहरुको पनि साझ घर हो। वहाँहरुको पनि यो धर्तीमा हामी मान्छे झै जिउने अधिकार छ भन्ने कुरा कहिले भुल्नु हुन्न । हामीले प्राणीहरुको सेवा गर्नु पर्छ कारण सबैभन्दा ज्यादा सेवा वहाँलाई आवश्यक हुन्छ जो सबैभन्दा ज्यादा निर्बल छ,अनि सबैभन्दा ज्यादा निर्बल अरु कोइ नभएर प्राणीनै हुन्छ। जसको कानुनी आवाज छैन, उहाँहरुको कुनै अदालत छैन।

एउटा बालक,वृद्ध निर्बल भए तापनि वहाँहरुको त परिवार हुन्छ, कानुन हुन्छ, तर प्राणीको केही हुँदैन, यसर्थ नै मान्छेले ज्यान पनि लिन्छ, जुन कुरा अतिनै निर्दयता र ठुलो पाप हो। हामी ती अबोध निर्बल प्राणीहरुलाई प्रेम गर्नु पर्छ, यो धर्तीमा हाम्रो मानव कर्तव्य मध्ये सबैभन्दा ठुलो कर्तव्य नै प्राणीको सेवा गर्नु हो। वहाँहरुको उद्वार गर्नु, रक्षा गर्नु हामी सबैको दायित्व हो।

हामी मान्छेहरुले प्राणीहरुको भाषा हुँदैन भन्छौं, प्राणीहरुको भाषा अनि विवेक हुँदैन भनेर वहाँहरुलाई हेप्ने थिचोमिचो शोषण गर्ने र मार्ने जस्तो अमानवीय पाप कर्म गर्छौ तर सबै प्राणीहरुको भाषा हुन्छ, प्राणीहरुबीच एकअर्कामा कम्युनिकेशन भइरहेको प्रत्यक्ष अप्रत्यक्षरुपमा छर्लङग छ। कैंयौ प्राणीहरुले वा चराहरुले एक अर्कालाई बोलाउने, खतराको संकेत आदानप्रदान गर्ने आदि गर्दै गरेको कुरा हामी धेरैले अवलोकन् गरेकै छौ। हामी मान्छेहरुले मात्रै नबुझेको हो वहाँहरुको भाषा र विवेक।

प्राणी अथवा चराहरुले आफ्नो बच्चालाई कति माया गर्छ, आफ्नो बच्चाको लागि आफ्नो ज्यान सम्म दिन पछि हट्दैन। प्राणीहरुको भाषा अवश्य हुन्छ फरक यो हुन सक्छ कि मान्छेको र अरु प्राणी पिच्छेको सन्चारको अवस्था र स्थिति फरक, तर फरक हुँदैमा प्राणीहरुको भाषा नै छैन र वहाँहरुको विवेक नै हुँदैन भन्नु बडो निर्दयीभाव, अज्ञानता वा मुर्खता नै हो। यसर्थ प्राणीहरुको भाषा हुँदैन वहाँहरुको विवेक हुँदैन भन्नु भनेको अरुको भाषाको अस्तित्वै छैन भनेर भन्नु हो।

प्रियजन हामी प्राणीको सेवाको खातिर अगाडि बढ्ने क्रममा थुप्रै बाधा अबरोधहरु आउँछ तर त्यो बाधा-अबरोध बाट हामी पछाडि कहिले हट्नु हुन्न यदि हामी नै पछाडि हट्यौ भने ती अबोध निर्बल प्राणीहरुको उद्धार कसले गर्ने? अबोध जो एकदमै असहाय छ जसको कानुनी अदालत छैन उसको ज्यान कसले बचाउने? यो संसारको चिन्ता कसले गर्ने? यसर्थ असल काम गर्दै अगाडी बढ्दा थुप्रै बाधा अबरोधहरु आउँछ,गाली गलोच आरोप लाल्छानाहरु आउछन् तर हामी ती अबोध निर्बल प्राणीहरुको आवाज बनेर सेवा गर्न निरन्तर-निरन्तर अगाडी बढिरहनु पर्छ, प्रेमले अगाडी बढ्न कहिले रोकिनु हुन्न तब मात्रै यो संसारले शान्तिको स्वास फेर्ने छ।

हामी प्रेमवादीहरु मानव अधिकारको निम्ति मात्रै होइन प्राणी अधिकारको निम्ति बुलन्द आवाज बन्नु पर्छ, वहाँहरुलाई धर्मको नाममा, संस्कारको नाममा ठुलो शोषण बध गरिन्छ यस्तो क्रूर अमानवीय विरुद्ध बुलन्द आवाज बन्नु पर्छ। भगवान बुद्धको करुणालाई आत्मसात गर्दै प्राणीहरुको रक्षा गरौं, सारा प्राणीको रक्षार्थ हामीले आफ्नो जीवन समर्पित गरौ।
Jai Prem
With love and blessings
Guruhajur,

02/10/2025

𝐇𝐚𝐩𝐩𝐲 𝐝𝐚𝐬𝐡𝐚𝐢𝐧 𝟐𝟎𝟖𝟐
Happy Dashai 2082

प्रियजन्
नेपालको सन्दर्भमा यसपटकको बडादशैं—
पहिलाको जस्तो उमंग र रमाइलोपन छैन।
किनभने नेपाल मातृभूमि,
भर्खरै कैयौँ सहिदको रगतले भिजेको छ,
धेरै जना अझै अस्पतालको शैय्यामा छन्। अनि
त्यो पीडा केवल वहाँहरुको मात्र होइन—
हामी सबैको साझा पीडा हो। देशकै पिँडा हो ।
जो जानुभयो चिरशान्तिको कामना अनि घाइतेहरु सिघ्र स्वास्थ लाभको कामना ।

दशैंको सन्धर्भमा,
दशैं भनेको केवल रमाइलो मात्र होइन—
यो त आशा र विजयको पर्व हो।
यसले हामीलाई सम्झाउँछ—
अन्धकारपछि उज्यालो आउँछ,
बलिदानपछि नयाँ बिहान जन्मिन्छ ।

त्यसैले, यस दशैंमा हाम्रो हार्दिक चाहना छ—
देश चाँडै पुनर्निर्माण होस्,
शान्ति र न्यायको जग मजबुत होस्,
र प्रत्येक परिवारको आँगनमा
फेरि खुशी र आशाको उज्यालो फर्कियोस्।
सबैलाई
बडादशैं २०८२ को हार्दिक शुभकामना
Jai prem
With Love and blessings
Master Godangel

29/09/2025

Nepali Hami "Flute" by Master Godangel
Full video link https://youtu.be/-LPQcBtGDIs?feature=shared

29/09/2025

𝗛𝗮𝗽𝗽𝘆 𝗱𝗮𝘀𝗵𝗮𝗶𝗻 𝟮𝟬𝟴𝟮!

प्रिय आमाबाबा नानुहरु आज फुलपाती अनि महान् चाड बडा दशैंको शुरुवातको दिनमा स्वस्थ र दिर्घायुको कामनाका साथ हजुर सबैमा मँगलमय शुभकामना ब्यक्त गर्दछु ।
Happy Dashai ! 2082 !
***
आयु द्रोणसुते श्रेयं दशरथे शत्रुक्षेयं राघवे।
ऐश्वर्यं नहुषे गतिश्च पवने मानं च दुर्योधने।।
शौर्य शान्तनभे बलं हलधरे सत्यं च कुन्तीसुते।
विज्ञानं विदुरे भवतु भवतां कीर्तिश्च नारायणे।।
ॐ जयंती मंगला काली भद्रकाली कपालिनी
दुर्गा क्षमा शिवा धात्री स्वाहा स्वधा नमोऽस्तु‍ते।।
Once again,
Happy Dashai ! 2082 !
________________________________________
यसै विसेस्का साथ अबोध प्राणीहरुको भावना ईँगित् एक सानो लेख
समर्पण गर्दछु :-
________________________________________
कसैको लागि दशैं कसैको लागि दशा ?
*
कोहि आनन्दको रमझम्मा नाचिरहँदा
टाढाटाढाबाट आएर
आफन्तजन्बीचमा उल्लासका साथ भेटघाट भइरहन्दा
म भने
म बाट खोसेर
मेरो आमाको घाँटी रेटीएको शोकमा डुबेको छु ।
मेरो प्राण प्रिय आमालाई खोसेर मारीएको शोकमा
सहनै नसक्ने गरि पिंडाको दहमा डुबेको छु ।
शायद मेरो भाग्य यस्तो हो कि ?
मान्छेहरुको कु्रर्ता हो ?
म भन्दा बलियोहरुले म - बिचरा - निर्धालाई
माया गर्नुको सट्टा टुहुरा बनाएको शोकमा डुबेको छु ।
म मर्नु न बाँच्नु भएको छु । हे नाथ !
आमाको सट्टामा मेरो प्राण लिइएको भए हुन्थ्यो नि !
हाय ! मेरो जीवन् !
म निस्पट्टै अन्धकारको हाहाकारमा डुबेको छु ।
हाय !
*
अरुहरु खित्का छोडेर हाँसिरहँदा
म रुईरहेको कस्ले सुन्ने ?
अरुहरु खुशी बाँडिरहँदा
मेरो निसाहाय–दुःखी–अनुहार आँशुले पोतिएको कस्ले हेर्ने ?
अरुहरु मासुको स्वाद लिइरहन्दा
त्यो मेरो आमाको ज्यान हो भनि कस्ले बुझ्ने ?
अरुहरु खुशीका साथ नया र न्यानो बेडमा पल्टिरहन्दा
मेरो न्यानो आमाको कोख, सदा–सदालाई, खोसिएको कस्ले देख्ने ?
अनि,
आमाबाबाले आफ्नो छोराछोरीहरुलाई कति माया दिइरहेको देख्दा
मलाई प्रश्न उठ्छ :
आफ्नै ठानेर पालेको मेरो आफ्नै मालिकले
मलाई किन मार्छ ?
मलाई किन बेच्छ ?
म बाट स्वाद वा पैसा लिएर आफ्नो छोराछोरीहरुलाई खुशी तुल्याउनु पर्ने ?
आफ्नो छोराछोरी माझमा के : वहाँहरु जस्तै म पनि एक थिइन र ?
मेरो चाँहि खुशी खुशी हैन ?
मेरो चाँहि आँशु आँशु हैन ?
हे नाथ !
म यहिँ वीस गर्दैछु कि
म बाट मेरो आमालाई सदाको लागि खोसिनुको सट्टा मलाई मारीएको भए !
हे भगवान् !
अर्थात मेरो आमालाई दया गरि नमार्दिएको भए !
*
साच्चैनै मेरो आमालाई नमार्दिनुभएको भए
म सदा झैं मेरी आमाको न्यानो काखमा सुत्न पाउँथे
मेरो आमाको हिमाल जस्तो प्यारो अग्लो ढाँडमा चढेर पर सम्म हेर्दै खेल्न पाउँथे
मेरो आमाले खान लागेको घाँसलाई म चोरेर खाइदिएर आमालाई खुशी तुल्याउँथे
मेरो आमाको बुबु स्रवण गर्न पाउँथे ।
जसरी
मालिकका बच्चाहरुले आफ्नो आमाबाबा बाट माया पाइरहेकाछन्
मलाई त कस्ले माया दिने ?
मलाई माया दिने मेरी आमाको घाँटि रेटीएको छ
मलाई न्यानो काख दिने मेरी आमाको मुटु निकालिएको छ
मलाई शितल्ताको छाहारी दिने मेरी आमाको शरीरलाई भट्भट् उम्लिने तेलमा खारिएको छ
अब मेरो खुशी काहाँ छ ?
सिद्धियो ......!!!
म निर्धा निशाहाय टुहुरा
यो मेरो भाग्याको दोष हो ?
कि
मेरो मालिक कहलिएका मान्छेहरुको क्रुरर्ता हो ?
मलाई थाहा छैन !
तर यति थाहा छ
मेरो आमाको गुमाईले मेरो सारा संसार गुमेको छ
सारा आकाशले थिचेको छ
हाय !
मेरो आमाको सट्टामा मलाई नै मारीएको भए ।
________________________________
________________________________
Note :
यो लेख धर्म बिशेष हैन तर प्राणीहरुको ईगिँत आवाज हो !
कुनै पनि धर्मको नाममा बली हुनु वा प्राणीको हत्या हुनु
कदाचित धर्म हुन सक्दैन ।
"मेरो धर्म नै सर्बधर्म हो
अत : सारा धर्महरु
निर्बल र आवाजबिहिन् प्राणीमाथि दया राख्ने बनोस्
तर हिँसा र हत्या गर्ने हैन
यहिँ बिन्ति र ध्यायका साथ सदा अघि बढिरहने म सर्बधर्मको एक बटुवा हुँ ।"

प्राणीहरुको दुःखलाई आफ्नै दुःख सम्झिने मान्छे बनौं
वहाँहरुको ज्यानमा रमाउने राक्षसी स्वाभावको मान्छे हैन तर ज्यान बचाउने करुणादत्त प्रेमीलो बन्न सकौं !
5.
अनि गहिराइबाट यो बुझ्ने बनौ कि :
वहाँहरुलाई पनि आफ्नो बच्चा वा आमा खोसिदिंदा हामीलाई झैं पिंडा हुन्छ
वहाँहरुको पनि आँशु हुन्छ,
वहाँहरुलाई पनि आफ्नो ज्यानको माया लाग्छ
वहाँहरुलाई पनि खुशी मन पर्छ,
वहाँहरुलाई पनि बाँच्न मन् पर्छ ।
*** *** ***
सबै धर्मलाई हत्या मुक्त बनाउ
भन्ने आग्रह नै
मेरो सबैभन्दा ठुलो धार्मिक आग्रह हो ।
Jai prem
With love and blessings
Guru Hajur

27/09/2025

𝐆𝐨𝐝𝐚𝐧𝐠𝐞𝐥 𝐛𝐚𝐧𝐢 𝟐𝟕 𝐒𝐞𝐩𝐭 𝟐𝟎𝟐𝟓,
प्रिय आमा-बाबा, युवा नानुहरु सबैमा कल्याणको कामना गर्दै गड्याञ्जल वाणी तर्फ प्रवेश गर्दछु।

"जसलाई शान्ति चाहिएको छ उसैलाई मारे पछि कसको लागि शान्ति?"

आज संसारमा कहिँ कतै पनि शान्ति छैन, जताततै अशान्ति,अप्रेम र घृणाले यो संसार घायल छ, यो घायल संसारलाई प्रेम र करुणाले सम्बोधन गर्न प्रेमवाद दर्शन उदाएको हो। प्रेमवाद दर्शन संसारमा दिगो शान्ति स्थपित गर्न अगाडी सरेको छ तर प्रेम केवल सब्दमा मात्रै नभई कर्ममा ढाल्नु पर्ने जिगिर गर्दछ। यदि सबैमा प्रेम कर्ममा ढाल्ने हो भने यो संसारमा कहिँ कतै अशान्ति,हिंसाको नाम रहने थिएन अनि यो संसार सुन्दर एउटा स्वर्ग झै बन्ने थियो। प्रेमवाद दर्शनले उठाएका मुद्दाहरू हरेक राष्ट्रहरुमा सम्बोधन गर्न सके अवस्य संसारमा शान्तिको जग बस्नेछ। हामी मान्छेहरुमा भएको लोभ र घमण्डको कारण आज संसारमा अशान्ति अप्रेम घृणा बढेर जाँदा यो पृथ्वीको आयु पनि दिनहुँ घड्दै गइरहेको छ।

प्रियजन सम्पूर्ण ईश्वरीय सृस्‍टिको आधार प्रेम हो र सम्पूर्ण अस्तित्वको आधार पनि प्रेम नै हो। यहीं प्रेमभाव मानव भित्र जाग्रीत भएपछी मात्र वास्तविक शान्ति प्राप्त हुन्छ। हामीले आफू भित्र जब सम्म प्रेमभाव जागृत गर्न सक्दैनौं र प्रेम कर्ममा ढाल्न सक्दैनौं तब त्यो प्रेमको नारा एउटा प्राण बिनाको शारिर झै बन्नेछ। हामी सबै शान्ति-शान्ति भन्दै शान्तिको निम्ति भौतारी रहेका छौ तर शान्ति आउने मुल ढोका प्रेमलाई बन्द गरि रहेका छौ, अत: सबैभन्दा पहिला शान्ति आउने मुल ढोका खोल्न जरुरी त्यो शान्ति आउने मुल ढोका भनेको प्रेम। जब हामीले हामी भित्र प्रेमलाई स्वागत गर्छौ तब आफै शान्ति आउछ।

कसरी शान्ति ल्याउछौ, खूनमा हात धुन्छौ
शान्ति प्रतिक परेवालाई, पिन्जडामा थुन्छौ,

कसरी न्याय ल्यौउछौ, आफै नै छौ खराबी
जसले गर्यौ प्रसन्शा, उसलाई मात्र चुन्छौ,

कसरी असल बन्छौ, बुद्वलाई नै दिन्छौ दण्ड
राम्रो असल मान्छे थुन्न, जालहरु बुन्छौ,

कसरी भयौ इमान्दार, आफै नै छौ घुसि छली
उल्टो कुरा जस्ले गर्यौ, उसलाई मात्र सुन्छौ,

कसरी बुद्व भयौ, दारा किट्छौ क्रोधले
जसले आपत जनाउदैछ, मार्छु,काट्छु भन्छौ,
Jai Prem!
With love and blessings
Guruhajur

20/09/2025

Godangel bani 20 Sept 2025,
प्रिय आमा-बाबा, युवा नानुहरु सबैमा कल्याणको कामना गर्दै गड्याञ्जल वाणी तर्फ प्रवेश गर्दछु।

🌿 जीवन र प्रेमवाद 🌿

(१)
जीवनमा उतार–चढाव धेरै आउँछ,
तर पनि मन बलियो बनाएर अडिनुपर्छ।
आकाश खसे झैँ अन्धकार भए पनि,
साहस भए फेरि उठ्न सकिन्छ। ✦

(२)
सपना त क्षणभंगुर धुवाँ जस्तो हुन्छ,
सोचेझैँ कहाँ जीवन सजिलै बन्छ र।
आज छौँ, भोलि छैन यो चोला,
यसर्थ शान्तिमै बाँचौँ सदा सर्बदा। ✦

(३)
अन्तमा लिएर जाने केही नै छैन,
भएको सबै छोडेरै जानुपर्छ।
एक मुठ्ठी अन्नले पेट भरिन्छ,
एक सरो कपडाले जिउ ढाकिन्छ। ✦

(४)
प्रिय प्रेमवादीहरू, हार नमान्नु है,
आँधीबेहरी आए पनि डर नमान्नु है।
तुफानले हल्लाएको त्यो हरियो रुख,
फेरि हरियो भएर उठ्छ सर्लक्क। ✦
अझ दह्रिलो बनेर … ✦

(५)
रोपौँ सबै प्रेमवाद गाउँ–सहरमा,
एक दिन फुल्छ सुन्दर धर्तीमा।
हाम्रो दुख लेखिन्छ इतिहासमा,
भविष्यको एउटा प्रेरणाको पन्नामा। ✦