10/07/2025
नवनिर्मित अप्रेशन थिएटर भवनको उद्घाटन कार्यक्रम सम्पन्न
मिति २०८२ साल असार २६ गते विहीबार
======================
लुम्बिनी प्रदेश सरकारको नियमित बजेटबाट यस लुम्बिनी प्रदेश प्रहरी अस्पताल नेपालगंज बाँकेको हाताभित्र नव निर्मिति अप्रेशन थिएटर भवनको मिति २०८२।०३।२६ गते प्रमुख अतिथी लुम्बिनी प्रदेशका माननीय मुख्यमन्त्री श्रद्धेय श्री चेतनारायण आचार्य ज्यूबाट समुद्घाटन कार्यक्रम सम्पन्न भएको छ ।
उक्त समुद्घाटन कार्यक्रममा बिशेष अतिथी लुम्बिनी प्रदेशका आन्तरिक मामिला तथा कानुन मन्त्रालयका प्रमुख माननीय श्री आदेश कुमार अग्रवाल ज्यू, लुम्बिनी प्रदेशका माननीय स्वास्थ्य मन्त्री श्री खेम सारु ज्यू, लुम्बिनी प्रदेशका माननीय ज्यूहरु, जिल्ला समन्वय समिति नेपालगंज बाँकेका प्रमुख श्री ज्ञानेन्द्र कुमार चौधरी ज्यू, लुम्बिनी प्रदेशका विभिन्न मन्त्रालयका सचिव ज्यूहरु, नेपाल प्रहरी अस्पताल महाराजगंज काठमाण्डौंका प्राविधिक प्रहरी नायव महानिरीक्षक डा.गोपेश कुमार ठाकुर ज्यू, लुम्बिनी प्रदेश प्रहरी कार्यालय दाङका प्रमुख प्रहरी नायव महानिरीक्षक राजेन्द्र प्रसाद भट्ट ज्यू, विभिन्न सुरक्षा निकायका कार्यालय प्रमुख तथा अधिकृत ज्यूहरु, पूर्व प्रहरी कर्मचारीहरु, विभिन्न सरकारी कार्यालय तथा गैरसरकारी अस्पतालका प्रमुख ज्यूहरु, व्यवस्थापक ज्यूहरु, बिशेषज्ञ चिकित्सक ज्यूहरु, संचारकर्मी ज्यूहरू, लगायत सिनियर प्रहरी अधिकृत उपस्थिती रहेको थियो ।
साथै उद्घाटन समारोह कार्यक्रममा प्रमुख अतिथि लुम्बिनी प्रदेशका माननीय मुख्यमन्त्री ज्यूले यस अस्पतालको वृद्वि विकासको लागि पुर्णरुपमा सहयोग गर्ने प्रतिवद्वता व्यक्त गर्नु भएको थियो ।
