29/03/2026
कामदा एकादसीको महत्त्व
आज कामदा एकादसी हो। यो चैत्र महिनाको शुक्ल पक्षमा पर्ने एकादसी हो। यसको नामबाटै यसले इच्छा (कामना) पूरा गर्ने शक्ति बोकेको बुझिन्छ।
कामदा एकादसीको व्रत गर्नाले:
· सबै मनोकांक्षा पूर्ण हुन्छन्।
· भगवान विष्णुको विशेष कृपा प्राप्त हुन्छ।
· पापको नाश हुन्छ र गलत कर्मको प्रभाव (अभिशाप) समेत हट्छ।
एकादसी हिन्दु धर्मको एक महत्वपूर्ण व्रत हो। यो महिनामा दुई पटक आउँछ—कृष्ण पक्ष र शुक्ल पक्षमा। यस दिन भगवान विष्णुको पूजा गरिन्छ। व्रत बसेर, सात्विक भोजन गरेर र पवित्र रही मन, वचन र कर्मले भगवानको आराधना गरिन्छ।
एकादसी व्रतले मनलाई शुद्ध बनाउँछ, पापको नाश गर्छ र मोक्षको मार्ग देखाउँछ। यसले शरीरलाई पनि विश्राम दिने र पाचन प्रणालीलाई सफा गर्ने वैज्ञानिक महत्त्व राख्छ। यो आत्मशुद्धि, संयम र भक्तिको दिन हो।
