30/08/2024
🔸 ĀKI Innovations would like to acknowledge the passing of Kiingi Tuheitia Potatau Te Wherowhero Tuawhitu. Our hearts are heavy at this time with this loss. We send our sincere aroha to Makau Ariki, Whatumoana, Korotangi, and Ngawai Hono i te Po.
An official post from wrote:
𝘒𝘶𝘢 𝘸𝘩𝘶𝘪𝘢 𝘵𝘦 𝘬𝘶𝘱𝘦𝘯𝘨𝘢 𝘰 𝘛𝘢𝘳𝘢𝘮𝘢𝘪𝘯𝘶𝘬𝘶 𝘬𝘪𝘢 𝘩𝘢𝘰 𝘪 𝘵𝘦 𝘮𝘢𝘵𝘦. 𝘒𝘶𝘢 𝘬𝘰𝘩𝘪𝘬𝘰𝘩𝘪𝘢 𝘵𝘦 𝘵𝘢𝘶 𝘰 𝙏𝙚 𝙒𝙝𝙖𝙧𝙚 𝘼𝙧𝙞𝙠𝙞 𝘩𝘦𝘪 𝘪𝘬𝘢 𝘵𝘢𝘵𝘢𝘯𝘨𝘪 𝘮𝘢𝘢 𝘵𝘦 𝘵𝘪𝘯𝘪, 𝘮𝘢𝘢 𝘵𝘦 𝘮𝘢𝘯𝘰.
Kua riro a Kiingi Tuheitia Pootatau Te Wherowhero Tuawhitu ki te maakohakoha o te poo, ki te maarirerire o te poo. Kua kotahi atu ki a nunui maa, ki a roroa maa i te tau o Paengarau.
E te Kiingi, pikitia te pane o Te Mata o Tuutonga, pikitia ngaa tihi o Taupiri Kuao. Tirohia ngaa maunga whakahii o te Motu. Purea too hau ki te maarakiraki, horea too hau ki te maatongatonga. Maiangitia too hau ki te raawhiti, whiuwhiua too hau ki te uru. Pareparea too hauhunga ki Te Kaahui Maunga, kia ia rere mai ki te take o Taupiri e tuu nei.
Whoatu e te Kiingi ki ngoo Waka, ki ngoo Iwi, ki ngoo Hapuu paarangaranga o te Motu.
Houhia too huarahi ki te poo, mana o te poo, tini o te poo. Te poo taiopeope i te tangata, te poo oopeti i te iwi nui tonu.
Rukutia te paringa rua o Mooriaanuku, kauria te moana o aake aake kia tau koe ki te taahuna o Rongomaawhitiwhiti, ki te aakau o Hawaiki whakariterite.
Rire Rire Hau! 𝙋𝙖𝙞𝙢𝙖𝙖𝙧𝙞𝙚
