Eman Gamil

03/11/2022

🌹🌹صباح الخير عزيزى المتابع 🌹🌹

فى كثير من الأحيان ينبغى عليك أن تجعل عقلك لا قلبك صندوق بريدك على الأقل لأن صدمات العقل اهون بكثير من صدمات القلب

دى البيدج التانية بتاعتى
https://www.facebook.com/profile.php?id=100082567099402
و اللى بنزل عليها كل حاجة اعمل متابعة للبيدج علشان يوصلك كل جديد من كورسات و اماكن تدريب و اماكن عمل و كتب و مواقع للبحث و الكورسات المعتمدة بدون مقابل مادى و اون لاين
و ده جروب تليجرام
https://t.me/+PDu9_kZrPSxkZjNk
بينزل عليه كل حاجة تخص الكورسات و الكتب يلا مستنى اى انضم للجروب و اعمل متابعة للبيدج و لاف ع البوست ده علشان يوصل لغيرك

28/09/2022

محاضرة الرهاب الاجتماعى يوم اليوم 28/9/2022 الساعة 8 مساء على برنامج زوم
هتقولى هستفاد اى لما أحضرها ؟؟
هقولك انك فى نهاية المحاضرة
هيكون عندك معلومات عن كل النقاط التالية 😍😍 و مش بس كدا لا ده هيكون فى نهاية المحاضرة شرح عن مهارات التواصل الاجتماعي و ده ب مناسبة بداية الدراسة ♥️♥️
تعريف الرهاب الاجتماعى ✅
تصنيف الرهاب الاجتماعى ✅
مواقف الرهاب الاجتماعى ✅
بعض النظريات للرهاب الاجتماعى ✅
أعراض الرهاب الاجتماعى ✅
اسباب الرهاب الاجتماعى ✅
مقياس الرهاب الاجتماعى ✅
علاج الرهاب الاجتماعى ✅

شوفت هتستفاد قد اى من غير ما تدفع ربع جنيه و لو عاوز شهادة حضور من البورد الامريكي موجودة بس دى برسوم
يلا مستنى اى
ادخل و ضيف صحابك و كمان الحق سجل اسمك لأن العدد محدود
ده لينك الجروب
https://t.me/+PDu9_kZrPSxkZjNk
بالتوفيق للجميع يارب 🌹

28/05/2022

https://psychotherapist4.blogspot.com/2022/05/blog-post_28.html ما هو الاختلال النفسى و ما الفرق بينه و بين الاضطراب النفسى و هل لو عندى سمات الاختلال النفسى يكون حقا عندى اختلال

مرحبا بكم معالج نفسي وإدمان كل ما تريد معرفته عن العلاج النفسي والادمان

28/05/2022

الاختلال النفسى
هتكلم الفترة القادمة عن الاختلال النفسى و من هم المختلين نفسيا و اى سمات المختلين نفسيا و كيف يتلاعب المختل نفسيا مع الآخرين ازاى احمى نفسى منهم و اذا كنت محاط ب مختلين نفسيا اتخلص ازاى منهم و هبدا النهاردة كلامى ب

★ما هو الاختلال النفسى ؟
★هل المختلين نفسيا يمثلون مشكلة فعلية ؟
★هل المختلين نفسيا لهم سمات ؟

لقد بدأ استخدام مصطلح الاختلال النفسى بشكل كبير خلال ستينات القرن الماضي و لقد إستمرت المناقشات حول مصطلح الاختلال النفسى لعقود و ذلك لأنه من الرغم أن المصطلح مقبول بشكل عام و لكن قد تم استخدامه فى بعض الأحيان بشكل غير صحيح و ذلك لأن كثير من الأشخاص قد استخدموا هذا المصطلح للإشارة إلى اى شخص لا يعجبهم و فى سبعينيات القرن الماضي فى السويد كان ينظر إلى المصطلح نفسه باعتباره وصمة عار لذلك أستخدم تعبير بديل و هو من يحتاجون إلى رعاية خاصة ثم عادوا فى الثمانينات إلى تسمية المختلين نفسيا
أن المختلين نفسيا بلا شك قد يمثلون خطر على جميع من حولهم و على المجتمع بأكمله بشكل عام و قد انشاء دكتور روبرت دى هير قائمة ب سلوكيات المختلين نفسيا و قد كان رأيه فيه ب منتهى الوضوح:_
المختلون نفسيا موجودون و عددهم اكبر ب كثير مما يعتقد معظمنا
يعتبر الاختلال النفسى شاءعا بنفس قدر شيوع مرض الفصام الفارق أن أفعال المختلين نفسيا أسوأ بكثير مما قد يقدم عليه مرضى الفصام
أن المختلين نفسيا مسؤولون عن كثير من تصرفاتهم

اللباقة و الجاذبية الخارجية
تقدير مبالغ فيه للذات
عدم تأنيب الضمير أو الشعور ب الذنب
القسوة و عدم التعاطف
الكذب المرضى. الاندفاع
المكر و التلاعب. التأثر السطحى
عدم السيطرة على السلوك
الحاجة إلى التحفيز
عدم تحمل المسؤلية
مشكلات سلوكية مبكرة
سلوك معاد للمجتمع بعد سن البلوغ
نمط المعيشة الطفيلى
تعدد العلاقات الجنسية
غياب الأهداف الواقعية بعيدة المدى
عدم تقبل تحمل مسؤولية أفعالهم
إرتكاب اعمال إجرامية

26/05/2022

كلما اقتربت من الحقيقة ، كانت الكذبة افضل . و اذا كانت الحقيقة نفسها قابلة للاستخدام ، ستكون أفضل كذبة على الاطلاق.
_اسحاق عظيموف

10/05/2022

كان هيشغله و يفتحله مصدر رزق بس لما سمع منك انه مش امين مشغلوش
كان هيشغله لولا كلامك عليه

كانت هتبقى ليها أصحاب كتير بس انت قولت عليها ل باقى البنات أن سمعتها وحشة و نصحتهم يبعدوا عنها
مكنتش هتبقى وحيدة و تنتحر لولا كلامك

عمل حاجة غلط و تاب و ربنا سامحه و غفرله و انت لسة بنتكلم عليه طب ليه
ليه تتكلم على غيرك و تهز صورته قدام الناس ليه تأذى شخص ب كلامك ليه

كان هيخطبها بس لما سمع منك أنها مش محترمة مخطبهاش
كان هيخطبها لولا كلامك عليها

صلح نفسك اتكلم مع نفسك عن نفسك
ارجوك متاذيش حد بكلامك

07/05/2022

مشكلة كتير مننا بيعانى منها و هى الأفكار السلبية و للاسف ماثرة على حياتنا و علاقتنا مع الآخرين و مش عارفين نتخلص منها
كيفية التخلص من التفكير السلبى https://psychotherapist4.blogspot.com/2022/05/blog-post.html

30/04/2022

كلمة واحدة لطيفة يمكن أن تضفى الدفء على ثلاثة أشهر من الشتاء

29/04/2022

الافضل أن تحافظ على نفسك نظيفا و لامعا ؛_ انك انت النافذة التى ترى من خلالها العالم ب اسره

جورج برنارد شو

29/04/2022

فى ناس كدا اول أما نشوف عليهم أعراض زى
1) الاستقرار معدوم مع توتر و قلق نفسى و الارتباك
2) الانطواء و الانعزال عن المجتمع
3) العلاوي الغير منطقية
4) خيال و إدراك مشوه و وعى مفقود و شرود ذهنى
5) التبلد و عدم المبالاة
6) انعدام الرغبة في ممارسة الأنشطة المختلفه
7) التهرب من المسؤوليات
8) الاضطرابات الحركية

بنقول عليهم عندهم فصام و لكن ف الحقيقة فى متلازمات كتير متشابهة في أعراضها مع الفصام زى متلازمة جانسر
متلازمة الجانسر واسبابها وطرق علاجها : https://psychotherapist4.blogspot.com/2022/04/blog-post_29.html

17/04/2022

نكمل كلامنا فى دورة النوم و هتكلم فى المقال النهاردة عن عن أسباب التوقف عن التنفس اثناء النوم و علاج الوزن الزائد له علاقة ب التوقف عن التنفس هل التوقف عن التنفس اثناء النوم يدل على وجود أمراض عضوية و اى العلاج
https://psychotherapist4.blogspot.com/2022/03/blog-post_30.html

12/04/2022

مشكلة بتحصل لكتير مننا و هى أننا بنمشى احنا و نايمين السؤال بقا هل ده مرض نفسى ولا عضوى ولا اى حكايته بالظبط
تعالى و انا اقولك على اللى فيها
أولا كدا ده اسمه الجوال الليلى
كل ما يخص الجوال الليلى من حيث الأسباب و الإرشادات هنا ف الينك ده
https://psychotherapist4.blogspot.com/2022/03/blog-post_26.html?m=1

05/04/2022

نكمل كلامنا فى دورة النوم و النهاردة نتكلم عن اضطراب يصيب كثير من الأشخاص و هو الجاثوم.
تعريف الجاثوم و اسبابه و من هم أكثر عرضة للإصابة بيه و إرشادات للتخلص منه
https://psychotherapist4.blogspot.com/2022/04/blog-post.html

04/04/2022

مشكلة كتير من الأمهات مع اولادها و هى التبول في الفراش و بيفكروا أن الاولاد بتدلع عليهم لكن فى الحقيقة ده اضطراب من ضمن اضطرابات النوم و هو اضطراب بلل الفراش و علشان تعرف كل ما يخص هذا الاضطراب ادخل اللينك ده
بلل الفراش واضطراب بلل الفراش : https://psychotherapist4.blogspot.com/2022/03/blog-post_22.html

30/03/2022

الصحة العقلية ألجيدة أكثر من مجرد غياب مرض عقلى أنه اسلوب ايجابى من الرفاهية يتضمن الشعور بالرفاهية و العمل بشكل جيد ، الصحة العقلية ألجيدة هى التى تمكننا من عيش الحياة بالكامل.

28/03/2022

نكمل كلامنا فى دورة النوم و هتكلم النهاردة عن حاجات بتحصل لكتير مننا فى فترة من الفترات و مش عارفين اى السبب و نتخلص ازاى منها زى بتنام بصعوبة و بتصحى بليل كتير و صعب انك تفتكر الحاجة بسهولة بتصحى بدرى و لو صحيت متعرفش تنام تانى .
لو كنت بتعانى من ده و عاوز طريقة تتخلص من كل ده من غير اى أدوية يبقى المقال ده ليك
https://psychotherapist4.blogspot.com/2022/03/blog-post_52.html

26/03/2022

نكمل كلامنا فى دورة النوم و هتكلم النهاردة عن اضطرابات النوم فى الدليل التشخيصى الاحصائي الخامس للاضطرابات النفسية و عن اضطراب الأرق و ازاى اتخلص من اضطراب الأرق بدون تناول اى عقاقير فى اللينك ده
https://psychotherapist4.blogspot.com/2022/03/blog-post.html

24/03/2022

نكمل كلامنا فى دورة النوم و هتكلم النهاردة عن أنواع النوم و ماذا يحدث عند الحرمان من النوم و تقدر كام يوم تفضل صاحى من غير نوم ابدا علشان تعرف كل ده ادخل الينك ده
https://psychotherapist4.blogspot.com/2022/03/blog-post_27.html

22/03/2022

النوم ضرورى للإنسان كالطعام و الماء و الهواء و قد أجمع العلماء على أن النوم أثناء الليل مهم جدا لصحة الأبدان . طبعاً بيركز معظم الباحثين على الإضطرابات و المشكلة النفسية أثناء اليقظة و لا يتناولون اضطرابات النوم على الرغم من أننا بنام ثلث أعمارنا و علشان كدا هتكلم الفترة الجاية عن كل شيء يخص النوم.
هبدا كلامى النهاردة ب تعريف النوم و اى اللى هيحصل لو مدة النوم قلت و أهمية النوم و الأدلة على أن يوجد نوع من أنواع النشاط المستمر و الذى يختلف بالطبع إلى حد ما عن اليقظة
كل ده ف اللينك ده

https://psychotherapist4.blogspot.com/2022/03/blog-post_14.html

10/03/2022

انتشار من فترة مخدر الشبو و ده كان بسبب انخفاض السعر
أثر الشبو و المدة التي يظل الجسم فيها تحت تأثير الشبو و طرق العلاج و مدة العلاج و اعراض انسحابه من الجسم و هل فعلا الشبو بيسبب الوفاة
فى اللينك ده
https://psychotherapist4.blogspot.com/2022/03/blog-post_15.html

08/03/2022

مشكلة موجودة في كتير من البيوت و هى أن دائما الأم و الأب بيعاملوا ولادهم زى ما هم كانو بيتعاملو زمان و اكتر كلمة بتتكرر فى اى حوار بين الابن أو الابنة و بين الوالدين انا و فى سنك كنت بعمل اكتر منك طيب سؤال انت و فى سن ابنك كنت بتدرس و بتدرب و بتشتغل علشان تصرف على نفسك و كنت بتساعد فى البيت و اللى تعبان تروح تزوره كنت بتعمل كل ده لا طبعا كنت كل اللى بتعمله هو انك بتشتغل مكانش عندك تعليم كانت الايام احسن من كدا كنت لما بتيجى تتجوز كنت تتجوز ف اوضة و ب دبلتين مش مطلوب منك شقة و دهب ب مية الف مش مطلوب منك 25 الف قاعة المسؤلية اللى ابنك متحملها هو و ساكت كبيرة اوى ف بلاش تضغط عليه و تقوله انت بتعمل اى يعنى طب بس كفاية قلقه على مستقبله و برضوا هكذا البنت زمان مكانش فى تعليم للبنات لكن دلوقتى فيه تعليم و البنت ليها احلام عاوزة توصلها ف بلاش تحبطى فيها و تقولى اى لازمته كدا كدا هتتجوزى على فكرة هى اه هتتجوز لكن برضو التعليم مطلوب علشان تكون ام مثقفة و زوجة صالحة تتشتغل و تتعامل مع الناس و تجرب الضغط علشان تقدر تستوعب أن عصيبة زوجها غصب عنه مش بمزاجه اصل محدش بيحس بالتانى غير اللى مر بنفس تجربته
خليكم مصدر دعم ل ولادكم علشان ميدوروش على ده برا و بعد فاوت الاون تكتشفو أن سر البيت برا و أن ولادكم بقيوا بعاد عنكم و بلاش تكونوا سبب ف أن ولادكم يتعبوا نفسيا رفقاً بقلوبهم
قربوا من ولادكم و حبوهم و بلاش تفرقوا بينهم لان ده هيزرع العدواة بينهم و هيكون فى غيرة ازرعو المحبة بينهم علموهم يكونوا ف كتف بعض و سند بعض

08/03/2022

كتير مننا لاحظ ظهور الزومبى فى الأيام الأخيرة و انتشار بسرعة كبيرة خصوصا في الولايات المتحدة الأمريكية و ظهر أيضا فى مصر لكن مش عارفين اى السبب هل هو نتيجة لإدمان مادة معينة من ضمن المواد المخدرة أما سبب آخر و لكن فى الحقيقة هو بسبب تعاطى مخدر و هو يعتبر عقار جديد من عقارات الهلوسة و هو
★★ مخدر الفلاكا ★★
مخدر الفلاكا هو مادة كيميائية قد يتم تصنيعها فى الصين و الولايات المتحدة الأمريكية و اسمها العلمى هو ألفا بى فى بى
قد يكون سبب انتشاره السريع بين الشباب هو أنه مخدر زهيد الثمن ف قد يكون فى استطاعة الجميع شراءه
و بناءا على المعهد الأمريكى ف أن مخدر الفلاكا قد يأخذ شكل حبيبات بيضاء ذات رائحة كريهة يعرفها كثير من يتناولها و قد يتم تعاطى هذا المخدر عن طريق الاستنشاق أو الحقن و يتم تعطيها عن طريق السجائر الالكترونيه
قد تسبب الفلاكا الهلوسة، الجنون،تصرفات غريبة، فقدان التحكم فى القدرات العقلية، و قد تؤدى إلى. زيادة النزعة الحيوانية لدى الإنسان
★ قد يتم ذلك بعد تعاطى مخدر الفلاكا ثلاث مرات
قد تتخلص عمل مخدر الفلاكا فى زيادة إفراز مادة الدوبامين فى المخ بجرعات كبيرة جدا و هى مادة مسؤولة عن نقل الإشارات العصبية في الجسم كما أن الفلاكا يمنع الجسم من التخلص من الدوبامين الزائد فيزيد تركيزها بجرعات تفوق الوصف فى المخ مما ينتج عنه الشعور بالنشوة و الهلوسة الشديدة و النشاط الحركي الزائد
قد يكون لتعاطى مخدر الفلاكا خطورة مقارنة بكل عقاقير الهلوسة بأنها لا تعطى الشعور بالنشوة فقط و لكن قد تعطى إحساسا كاذبا المتعاطى أن لديه قدرات خارقة فيتحول خلال لحظات من التعاطى إلى ما يشبه بالشخصيات المرعبة فى الأفلام مثل الزومبى و مصاصى الدماء و قد يؤدى أيضا ادمان الفلاكا إلى الهلوسة و التخريف من قبل المتعاطين له يقوم بتعبير جنونى فى سلوك الإنسان و يؤدى إدمانها إلى الجنون الحتمى و اغلب متعاطيها يموتون
قد يؤدى تعاطى مخدر الفلاكا إلى حدوث سخونة شديدة في الجسم مما يدفع المتعاطين إلى التخلص من الملابس معتقدين أن الملابس هى السبب فى ذلك
السؤال سبب حيرة للجميع هل تعاطى مخدر الفلاكا له علاج؟؟ و الإجابة نعم مخدر الفلاكا له علاج زى اى مخدر من ضمن المواد المخدرة الأخرى و قد يمر علاج تعاطى مخدر الفلاكا بعدد من المراحل و لكى يبدأ المدمن فى خوض هذه المراحل قد يكون للأسرة الدور الكبير و الأساسى فى توجيه من وقع فى ادمان الفلاكا و سرعة عرضه على متخصص لأن أعراض انسحاب مخدر الفلاكا من الجسم قد تكون المرحلة الأخطر و يجب أن يكون المدمن فى هذه المرحلة داخل مؤسسة علاجية متخصصة مع العلم أن عدم الاهتمام بذلك ة التخلص منه مبكراً قد يكون ثمنه حياة من تحب
من الجدير بالذكر أن العلاج النفسى و التأهيل من ادمان الفلاكا ياتى ك مرحلة تالية بعد انسحاب المخدر من الحسم حتى لا يعود مرة أخرى إلى هذه الحياة و يعود إلى حياته الطبيعية من جديد
و أعراض إنسحاب مخدر الفلاكا من الجسم هى الخمول و الاكتئاب الشديد و هى الأعراض الانسحابية التى تظهر قبل تناول جرعة الفلاكا و التى تجعل المدمن فى بحث مستمر عن جرعات اكبر فى وقت سريع
قد تكون خطورة هذا العقار على المدى الطويل فى أنه يتسبب فى ارتفاع درجة حرارة الجسم مما قد يتسبب فى الفشل الكلوي و تدمير الجهاز العصبى.

04/03/2022

هو إنا ليه بخاف من الموت اوى كدا هو انا طبيعى ولا محتاج اتعالج ؟؟

السؤال ده كتير اوى مننا بيساله لنفسه و مش بيكون لاقى إجابة
و كتير بيقول طب إنا لو روحت ل معالج اروح اقوله اى انا بخاف من الموت!!

خلينا متفقين الأول أنه من الطبيعى اخاف من الموت بس اللى مش طبيعى ابدا أنه يتحول لنوع من أنواع القلق المرضى يعنى يسيطر على تفكيرى و ده بيكون اسمه
وسواس الخوف من الموت
اسباب وسواس الخوف من الموت
1) العمر حيث تشير دراسة إلى أن كبار السن يخافون من الاحتضار
2) مشاكل صحية حيث الشخص الذى يعانى من مشاكل صحية بدنية يكون لديه الكثير من الخوف و القلق عند التفكير فى المستقبل و القلق
3) اضطراب قلق المرض و ده بيكون الشخص لديه خوف كبير و قلق مفرط على صحته مما قد يمتد إلى الخوف من الموت أيضا
4) التعرض للصدمات حيث من الممكن أن يكون الفرد المصاب قد مر بحادثة موت شخص عزيز عليه فى صغره سواء كان يتذكرها او لا و سببت له صدمة نفسية
5) الخوف من فقدان السيطرة فى طريقة الموت و كل ما يتعلق بلحظة الموت هو أمر خارج عن سيطرتنا
6) الخوف من أن يكون الاحتضار بيه الم

#أعراض الواسوس الخوف من الموت

1) القلق الفورى بمجرد التفكير في الموت
2) الإصابة بنوابات قلق و هلع أكثر تكرارا
3) الاكتئاب
4)تجني المواقف أو الأماكن التى يتم فيها الحديث عن الموت
5) العزلة و تجنب الاصدقاء و العائلة لفترات طويلة
6) الدوخة. 7) التعرق.
8) الم فى المعدة
9) عدم انتظام ضربات القلب

السؤال بقا اعمل اى علشان اقدر اتغلب على وسواس الخوف من الموت
#اول حاجة لازم تتأكد أن عملية الموت بحد ذاتها عملية غير مؤلمة
#تانى حاجة لازم تتوجه لمعالج نفسى ف أن العلاج النفسى يعمل على تغيير نمط التفكير فى الموت


ربنا يفرحكم 😍

03/03/2022

اتكلمت ف مقال عن الهستيريا و أعراضها و أسبابها و انواعها و اتكلمت عن الهستيريا التحولية و النهاردة هكمل كلامى عن النوع التانى من انواع الهستيريا و هو
★ الهستيريا الفصامية ★

الهستيريا الفصامية بنسمع عنها كتير لكن مش عارفين هى اى و اى اعراضها و أسبابها و اى العلاج و هل فى فرق بين الهستيريا الفصامية و بين الفصام ولا لاء
:_ فى حالة الهستيريا الفصامية بيفقد فيها المصاب الذاكرة و تتحول شخصيته لشخص تانى غير الشخص المعتاد عليه
ف الهستيريا الفصامية بيواجه المريض بعض الصعوبات التى تتعلق ب الإدراك و الوعى و الهروب من بعض المواقف.

1) الواحدة و قلة الاصدقاء المقربين
2) القلق الاجتماعي المستر و المفرط
3) التفسير الغير صحيح للأحداث
4) تبلد المشاعر أو محدودة
5) الأفكار المهوسة و الشكوك فيها و الشكوك المستمرة حول ولاء الآخرين
6) الإيمان بالقوى الخاصة مثل التخاطر
7) تصورت غير عادية مثل الشعور بوجود شخص غايب
8) أسلوب غريب فى الكلام مثل أنماط الكلام الغامضة
9) ارتداء الملابس بطرق غريبة مثل الظهور بشكل غير مهندم أو ارتداء ملابس غير متوافقة

الفصام هو مرض عقلى شديد بيفقد فيه الأشخاص الاتصال بالواقع لكن الهستيريا الفصامية الشخص المصاب بيمر بنوابات ذهانية قصيرة يصاحبها توهمات أو هلوسة لكن غير متكررة تكرار نوبات الفصام و مش زيها فى الطول و الحدة
#يوجد فرق رئيسى و هو أن المصابيين ب الهستيريا الفصامية يمكن عادة توعيتهم بالفارق بين أفكارهم المشهوهة و الواقع لكن المصابين ب الفصام لا يمكن فصلهم عن توهماتهم

#الاسباب
تناول المخدرات فى فترة المراهقة
وجود تاريخ عائلى للإصابة ب اضطراب الشخصية الفصامية (الهستيريا الفصامية)

#العلاج
العلاج النفسى مهم جدا لتغيير طريقة التفكير و إعادة الثقة ف ما حوله
#دور الأسرة مهم جدا جدا
ف يجب على الأسرة تقديم التشجيع و تعزيز المهارات التكيفية مع الظروف و البيئة و أيضا تقليل القلق و التوتر و اهم حاجة تحسين الثقة فى المنزل .

25/02/2022

اتكلمت قبل كدا عن الهستيريا و أسبابها و طرق العلاج و ده لينك المقال https://www.facebook.com/100578115690579/posts/149450340803356/

و النهاردة هتكلم عن نوع من أنواع الهستيريا و هو الهستيريا التحولية
و هنعرف مع بعض يعنى اى هستيريا تحولية و أعراضها و أسبابها و سمات الشخصية لمريض الهستيريا التحولية

:_
هى نوع من أنواع الهستيريا المنتشرة و بتنشاء نتيجة لكثرة الخوف و القلق المبالغ فيه و كبت اى صراعات تحدث و ضغوط يمر بها الفرد إذا لا يستطيع التحكم فى تصرفاته و مشاعره
يرافق الهستيريا التحولية عدد من النوابات و التشنجات التى تؤدى إلى التهيج العاطفى و فقدان الوعى

★ الهستيريا التحولية تصيب الرجال و النساء ليست النساء فقط لكنها أكثر شيوعا بين النساء من بين سن ال 15 حتى 25 و تقل الإصابة به بعد سن ال 45 عاما




الإحساس بالتصلب فى عضلات العنق. تشجنات فى الجسم
الحمرار العينين. الصراخ بشكل مبالغ فيه و اتباع العنف
الضغط بحدة على الأسنان. اضطرابات فى دقات القلب
عدم القدرة على الثبات الجسماني

سرطان المخ. الإصابة ب الاكتئاب. اضطرابات الشخصية
الخرف. ادمان الكحوليات. اضطرابات الهوس

فقدان شخص غالى. التوقف عن العمل.
كثرة التعرض لأزمات نفسية و صدمات عصبية
ذكريات الماضي و خصوصاً لو كانت مؤلمة لأنها من أهم العوامل اللى بتحفز المخ على الحزن و الكاءبة


دائما بيهدد اللى حواليه ب الانتحار و ده بيكون لهدف جذب الإنتباه
ضعف قوة التحمل. يهتم بمظهره الخارجى أكثر من اللازم.
يتخذ قرارت بشكل سريع و لا يعطى بنفسه فرصة للتفكير
مشاعره و انفعالاته متغيرة طول الوقت
عادة لا يتمكن من القيام ب اى عمل مطالب بيه

24/02/2022

فى شخص غالى عليا مر بظروف صعبة اوى و هو دلوقتى بيحاول يتعافى منها و انا مش عارف/ عارفة اساعده ازاى ؟؟؟
ف الحقيقة كتير اوى مننا بيتحط ف نفس الموقف ده و المشكلة أن مش بنكون عارفين اى المفروض نعمله

الشخص اللى مر بظروف صعبة بيكون محتاج دعم فى مرحلة التعافى
السؤال هنا بقا ازاى اقدر ادعمه 🤔🤔
علشان تقدر تدعمه يبقى المفروض تركز على الحاجات اللى يقدر يعملها مش الحاجات اللى ميقدرش يعملها و كمان تشجعه على انه يقدر ياخد القرارات تقعد معاه و تتكلم بهدوء و تخليه يشوف الحاجات الجميلة اللى اتعلمها ف الفترة اللى حصلت له الظروف فيها و أنه قد اى اتعلم حاجات جميلة ف اصعب وقت عدى عليه و ده دليل أنه قوى و أنه يعتمد عليه و أنه حكيم و بيعرف يتصرف ف اى حاجه و اهم حاجة بلاش تحسسه أنه صعبان عليك لأن مفيش حد بيحب الشعور ده خد بالك ده اصعب شعور ممكن حد يحس بيه لانه كمان هيترجم ده انك بتسال عليه و بتكلمه و انك واقف جمبه علشان بس صعبان عليك و انك بتعمل عمل خير مش علشان بتحبه و هنا هو هيبدا يحس أن مفيش حد بيحبه
خليك جمبه و طمنه دايما قوله إنه لسة روحه حلوة و قد اى الناس بتحبه قوله كلام حلو زى الحزن مش لايق عليك او مثلا اى يرضيك و اعمله ليك فى كلام كتير حلو هيخلى الشخص ده ممتن ليك .

16/02/2022

***الهستيريا***

كلنا بنسمع عن الهستيريا بس مش عارفين يترى هى مرض عقلى ولا اضطراب نفسى و هل فعلا فى منها أنواع و يترى اى اعراضها و هى فعلا وراثة ولا لاء و هل ليها علاج و المفروض اتعامل ازاى لو ف حياتى شخص عنده هستيريا

#الهستيريا:_ هى مرض نفسى عصبى تظهر فيه اضطرابات انفعالية مع خلل فى الحس و الحركة و هو اضطراب تحتوى فيه الانفعالات المزمنة على ظهور أعراض جمسيه ملهاش اى أساس عضوى عند الفرد الهستيرى بهدف الهروب من القلق النفسى أو من موقف مؤلم جدا من غير ما يعرف اى الدافع

:_
ليها نوعين من الأسباب
(١)الأسباب الطبية و هى انفصام الشخصية و الاكتئاب و الاضطرابات العصبية و الدماغية و الهوس الحاد و الاضطراب ثنائي القطب و وجود اورام فى المخ و اضطرابات الشخصية
(٢) الأسباب النفسية و هى بتكون بسبب المعايير الاجتماعية و الفشل فى حب او زواج غير سعيد أو صدمة عنيفة أو التعرض لحادث أو جرح

الدور الأكبر
#و يرجع محللى التفسير الفسيولوجي إلى ضعف قشرة المخ بسبب الاستعداد الوراثي و عاد ما بيكون المريض النفسى ذا تكوين جسدى نحيف

#الأعراض :_
الأعراض الحسية :_ العمى الهستيرى و الصمم الهستيري و فقدان حاسة الشم و فقدان حاسة الذوق
الاضطرابات العقلية :_ اضطرابات الوعى
اضطرابات الكلام
#التعامل مع المريض
ماينفعش ابداااا اهتم بالمريض أثناء النوابات الهستيرية لأن بيثبت النوابات لدى المريض لاعتقاده أنها التى تجذب الإنتباه

#العلاج النفسى
بيستخدم المعالج النفسى التنويم الايحاءى لإزالة الأعراض
#انواع الهستيريا
١_الهستريا الانفصالية
٢_الهستريا التحويلية
و هتكلم عنهم بالتفصيل ف المقال القادم باذن الله

09/02/2022

لا تصبح مشغول ب كسب لقمة العيش لدرجة انك نسيت أن تكسب حياة

فى الواقع أن أغلبنا بيدور دايما أنه ازاى يكسب المال و أنه ازاى يترقى ف شغله و ده بسبب اعتقاد خاطىء الا و هو أن الفلوس هى اللى هتخلينا مبسوطين و نقدر نعمل كل حاجة نفسنا فيها
فى ناس وصلت لدرجة أنها هى و نايمة عقلها الباطن بيفكر فى الشغل
فى الاول و فى بداية حياة اى شخص بيكون متحمس جدا و مش بيحس بالتعب لأنه شايف نتيجة حلوة للتعب ده لكن بعد كدا مع الوقت الشغف هيختفى و اما يقعد يفكر كدا مع نفسه هيتلاقى أن العمر عدى من غير يعمل حاجة تفرحه لأن كان كل هدفه هو أن يوصل ل مكانة معينة ف المجتمع
إنا مش بقول متشتغلش و مش بقول أن الفلوس ملهاش لازمة لكن فى جملة "
"بتقول
الحاجة اللى بتزيد عن حدها بتقلب
ضدها"
اى ده يعنى اى ؟!
هقولك يعنى ماينفعش أعطى وقتى كله لشغلى و لدرستى
لازم اقسم يومى يعنى لازم يكون فى وقت للشغل و وقت للتجمع مع الأسرة و وقت للتجمع مع صحابى و ف اخر اليوم لازم يكون فى وقت علشان أكون مع نفسى اصفى ذهنى قبل ما النوم

ي صديقى صحتك النفسية هى الحياة و لا اى شىء فى الحياة يعوضها ف الصحة النفسية قد تجلب لنا المال إنما المال لا يجلب الصحة النفسية

09/02/2022

هى اى العلاقات اللى ممكن يكون عمرها قصير ؟؟ و اى السبب في كدا ؟؟؟
هى ممكن العلاقات دى لو طولت من غير ما الطرفين يستكشفوا بعض كويس تكون مؤذية؟؟!!
#اولا كدا العلاقات اللى عمرها قصير هى العلاقات مع اللاشىء
س/ اى ده يعنى اى العلاقة مع اللاشىء ؟!
دى علاقة مع الهوا مع الفراغ يعنى اللى غالبا بيكون فراغ اليكترونى
★العلاقة مع اللاشىء لو طولت من غير ما الطرفين يستكشفوا بعض كويس بتكون مؤذية لأبعد الحدود

★★★العلاقة مع اللاشىء★★★
فى الحقيقة أنا شوفت ناس كتير بتعمل علاقات حب او صداقة على الانترنت مع ناس ما شافوهمش لحد الان
بصراحة كتير منها بتكون علاقات ظريفة و لطيفة
و بصراحة برضوا العلاقات اللى زى دى بيكون فيها مشكلة كبيرة فى بعض الأوقات
اى ده معقولة 🤔🤔
تخيل بقا صدمة أنا عارفة 🙂
#طب هى اى بقا ياترى المشكلة دى ؟!
★بص ي سيدى المشكلة هى انك بتسقط على الطرف التانى ف العلاقة صفات و تخيلات مش بتاعته
اى ده امال بتاعة مين 🤔🤔. بتاعتك انت
طبعا هتقول اللى هو ازاى بتاعتى إنا
هقولك . يعنى بتكمل اجزاء الصورة اللى ناقصة بمواصفات من خيالك و ممكن تكون مش حقيقية و ي سلام بقا لو الطرف التانى عجبته الفكرة و قرار يكون (قدامك )و حط تحتها خط كدا 🙂🙂🙂 زى ما انت عاوز

بصراحة انت هنا ممكن تكون عامل علاقة مع نفسك 🙂
#طبعا الأصعب من كل ده أن الطرفين يتعملوا كدا مع بعض و كل واحد يتعامل مع التانى على حسب الصورة اللى رسمها ف دماغه للطرف التانى
★★ و فى الحقيقة كل واحد مش عامل علاقة غير مع نفسه و اللاشىء
عاوزة اقولك بقا أن العلاقات اللى زى عمرها قصير و لو طولت من غير ما يعرفوا بعض كويس بتكون مؤذية اوى

08/02/2022

"من الجيد أن تكون غاضبا و الغضب قد يكون مفيدا أو مثمرا احيانا''

من الطبيعى جدا أننا بنتحط ف مواقف مش لطيفة و بنتعصب أو مواقف صعبة لكن برضو من الطبيعى جدا أن اى إنسان تفكيره ايجابى و ناضج يقدر يستفد من الغضب ده لان حياتنا مش هتقف عند اللحظة دى من ضمن المواقف اللى هتكلم عنها هتكلم عن المواقف اللى بتحصل ف الدراسة اوقات نتيجة الامتحانات مش بتكون بالتقدير اللى كنا بنتمناه ف إنا لو فضلت زعلانة و قافلة على نفسى كدا إنا مستفدتش حاجة خالص بالعكس ضيعت وقتى و كمان فى دراجات ضايعة ف المفروض ك إنسانة بتفكر بطريقة إيجابية استفدت من الغضب ده و احاول اعوض ده طبعا السؤال هنا هتعوضى ازاى ده ؟؟ ما هو اكيد مش هدخل امتحان تانى🙂 بس ممكن اعوضه انى اخد كورس ينمى عندى مهارة معينة ف مجال شغلى و بكد ال cv بتاعى هيكون حلو و التقدير مش هياثر اوى
قيس بقا ع كدا ف كل المواقف اللى بتحصل ف حياتك حاول تستفد بكل لحظة ف حياتك قبل ما الوقت يعدى

علشان أما تخرج من فترة الغضب و الزعل دى تلاقى نفسك استفدت حاجة و تفرح ب الانجاز ده و كمان انشغالك ب الحاجة اللى قررت انك تعملها هتعدى فترة الزعل دى بسرعة
بالتوفيق للجميع يارب ♥️