Barangay Laon Health Center

17/07/2025

17/07/2025

PABATID: Sa kabila ng kumakalat na mga impormasyon tungkol sa rabies, nais ipabatid ng Bataan Provincial Health Office ang mga DOH-accredited Animal Bite Treatment Centers dito sa lalawigan ng Bataan:

Jose C. Payumo Jr. Memorial Hospital - San Ramon, Dinalupihan

Dinalupihan RHU III - Old San Jose, Dinalupihan

Hermosa RHU - Palihan, Hermosa

Orani District Hospital - Maria fe, Orani

Bataan General Hospital and Medical Center - Tenejero, Balanga City

Balanga City Health Center I - San Jose, Balanga City

Orion RHU - Wawa, Orion

Limay RHU - Townsite, Limay

Mariveles RHU I - Poblacion, Mariveles

Ayon sa datos, ang karaniwang pinagmumulan ng human rabies death ay kagat mula sa a*o. Dahil dito, ipinapayo ng Bataan PHO ang responsableng pangangalaga ng a*o at pusa. Ito pa rin ang pinakamabisang paraan upang masiguro na ang inyong mga alagang hayop ay hindi nagdadala ng rabies virus (lyssavirus).

Bukod sa a*o't pusa, ang rabies ay maaari ring magmula sa paniki, unggoy, at tao; maaari itong maipasa sa pamamagitan ng kagat, kalmot, o pagdila sa sugat; organ transplant mula sa taong namatay sa rabies; paglanghap ng maruming hangin mula sa tinitirahan ng apektadong paniki; at pagkain ng hilaw na karne ng hayop na may rabies.

Tandaan, ang rabies ay maaaring maagapan kung makukumpleto ang bakuna laban dito, ngunit kung hindi maaagapan ay tiyak na mauuwi sa kamatayan sa oras na lumabas na ang sintomas.

Maging responsable, pabakunahan ang inyong mga alagang hayop upang rabies ay maiwasan. Sama-sama tayo sa pagkamit ng isang ligtas na komunidad na puno ng responsable at matatag na pamilyang Bataeño.

17/07/2025

ALAM NIYO BA?
Hindi lamang sa taong gumagamit may epekto ang ipinagbabawal na gamot. Malaki rin ang naidudulot na negatibong epekto nito sa pamilya at komunidad. Ayon sa World Health Organization (WHO), ang iligal na paggawa, pagbebenta, at paggamit nito ay konektado sa mga krimen gaya ng human trafficking, online scamming, lalo't pati na sa kondisyon sa kalusugan na kadalasang nauuwi sa malulubhang karamdaman at kamatayan.

Kaakibat nito ay nais bigyang-diin ng Provincial Health Office ang pag-asa para sa mga indibidwal na nasa madilim na mundo ng droga. Ipinapaalala na hindi pa huli ang lahat, mayroon pang oras at pagkakataon para umahon mula sa inyong pagkakalunod sa paggamit ng iligal na droga. Maaari kayong magtungo sa pinakamalapit na RHU sa inyong lugar dahil ang lokal na pamahalaan dito sa Bataan ay mayroong programang 'Community-Based Drug Rehabilitation Program' (CBDRP) na naglalayong magbigay ng suporta at tulong para sa mas epektibong pagtigil ng bisyo.

Tandaan, kapalit ng panandaliang libang na dulot ng droga ay ang pagkasira ng inyong mental at pisikal na kalusugan, pagkawasak ng pamilya, at pagkasira ng inyong maayos na estado sa lipunan. Bukod pa rito ay mataas din ang tyansang ikaw ay makulong, at magdulot ng pagkabaliw o kamatayan.

Iwasan ang droga, maging matalino sa inyong pipiliing landas. Kailanman ay hindi nakapagbigay ng magandang buhay ang droga kaninuman. Sama-sama tayo sa pagpili ng mas maliwanag na kinabukasan.

07/07/2025

ALAM NIYO BA?
Gaganapin ang malawakang blood donation drive sa The Bunker sa darating sa ika-16 ng Hulyo. Ito ay sa ilalim ng inisyatibo ng Bataan Provincial Health Office, bilang pakikiisa ng Pamahalaang Panlalawigan ng Bataan sa pagdiriwang ng National Blood Donor's Month ngayong buwan.
Hinihikayat ang lahat na nasa edad 18 pataas na may timbang na higit sa 50kg. na makiisa sa gawaing ito.
Bukod sa tulong na maihahatid ng dugo sa mga nangangailangan, ang pag-donate ng dugo ay may benepisyong hatid sa pisikal at mental na kalusugan ng mga nakilahok gaya na lang ng pag-develop ng mga bagong blood cells.
Sama-sama tayo sa pagkamit ng isang nagtutulungan na komunidad para sa mas matatag na pamilyang Bataeño.

ALAM NIYO BA?
Gaganapin ang malawakang blood donation drive sa The Bunker sa darating sa ika-16 ng Hulyo. Ito ay sa ilalim ng inisyatibo ng Bataan Provincial Health Office, bilang pakikiisa ng Pamahalaang Panlalawigan ng Bataan sa pagdiriwang ng National Blood Donor's Month ngayong buwan.

Hinihikayat ang lahat na nasa edad 18 pataas na may timbang na higit sa 50kg. na makiisa sa gawaing ito.

Bukod sa tulong na maihahatid ng dugo sa mga nangangailangan, ang pag-donate ng dugo ay may benepisyong hatid sa pisikal at mental na kalusugan gaya na lang ng pag-develop ng mga bagong blood cells.

Sama-sama tayo sa pagkamit ng isang nagtutulungan na komunidad para sa mas matatag na pamilyang Bataeño.

05/07/2025

ALAM NIYO BA?
Ang mga karaniwang uri ng parasitikong bulate na maaaring puminsala sa kalusugan ng tao ay ang tapeworm, hookworm, roundworm, at whipworm; at ang mga kadalasang nagkakaroon nito ay ang mga nasa edad 1-19 na taong gulang.
Kung kaya't ngayong National Deworming Month, muling ipinapaalala ng Bataan Provincial Health Office na makiisa sa ating isinasagawang malawakang 'OPLAN: Goodbye Bulate'. Ito ay ginaganap dalawang beses sa isang taon, tuwing Enero at Hulyo, upang masiguro ang laban natin kontra malnutrisyon sapagkat ang mga bulateng ito ay mga parasitikong umaagaw sa sustansya at nutrisyon ng inyong katawan at maaaring magdulot ng impeksyon.
Bukod dito, ilan sa maaari pang maranasan ay pananakit ng tiyan, anemia, pagkakaroon ng bulate at/o dugo sa dumi, pagtatae, sobrang pagkapagod, at abnormal na pagbaba ng timbang.
Dahil ang mga parasitikong bulateng ito ay naninirahan sa bituka ng tao o hayop, naililipat ang mga itlog nito mula sa dumi ng tao patungo sa lupa at maaaring mailipat muli sa tao sa pamamagitan ng kontaminadong pagkain at/o tubig, hindi paggamit ng sapin sa paa, kakulangan sa kalinisan sa katawan, na pinalalala naman mababang immune system.
Kung kaya't ipinapayo rin ng Bataan PHO na palaging panatilihin ang kalinisan at sanitasyon. Sama-sama nating wakasan ang malnutrisyon upang sigla ng pamilyang Bataeño ay di mawala.

24/06/2025

📢 HEALTH CARAVAN SA BARANGAY LAON! 🩺🚑
Isang makabuluhang aktibidad ang handog ng Philippine Red Cross, katuwang ang Pamunuan ng Barangay Laon, para sa kalusugan ng mga tiga Barangay Laon!

Sama-sama po nating salubungin ang Red Cross Health Caravan na magdadala ng mga libreng serbisyong medikal para sa ating komunidad!

📍 Lugar: Barangay Laon, Covered, Court
📅 Petsa: June 28,2025 / Saturday
🕘 Oras: 9:00 A.M

🩺 Mga serbisyong handog:
✅ Blood Letting
✅ Medical check up
✅ Random Blood Sugar Testing / Blood Typing
✅ Libreng konsultasyon sa doktor
✅ Health promotion at paalala sa tamang pangangalaga ng katawan

Bukas ito po ito sa lahat ng bata, matanda, at senior citizens, NO REGISTRATION PUNTA LANG PO KAYO!

05/06/2025

𝗡𝗔𝗧𝗜𝗢𝗡𝗔𝗟 𝗗𝗘𝗡𝗚𝗨𝗘 𝗔𝗪𝗔𝗥𝗘𝗡𝗘𝗦𝗦 𝗠𝗢𝗡𝗧𝗛
Ngayong Hunyo, atin pong ipinagdiriwang ang National Dengue Awareness Month. Ito po ay nagsisilbing paalala sa kahalagahan ng kalinisan, kaalaman, at maagap na pagkilos upang labanan ang dengue.
Ang dengue ay isang sakit na nakukuha sa kagat ng lamok at maaaring magdulot ng malubhang karamdaman o maging sanhi ng kamatayan kung mapapabayaan.
Kaisa po ng Provincial Health Office ang Pamahalaang Panlalawigan ng Bataan sa pagpapalaganap ng kaalaman at kamalayan tungkol sa dengue.
Hinihikayat po ang bawat isa na maging mas mapanuri at responsable sa pagpapanatili ng kalinisan ng kapaligiran, upang mapigil ang pagdami ng lamok na nagdadala ng nasabing sakit.

𝗡𝗔𝗧𝗜𝗢𝗡𝗔𝗟 𝗗𝗘𝗡𝗚𝗨𝗘 𝗔𝗪𝗔𝗥𝗘𝗡𝗘𝗦𝗦 𝗠𝗢𝗡𝗧𝗛

Ngayong Hunyo, atin pong ipinagdiriwang ang National Dengue Awareness Month. Ito po ay nagsisilbing paalala sa kahalagahan ng kalinisan, kaalaman, at maagap na pagkilos upang labanan ang dengue.

Ang dengue ay isang sakit na nakukuha sa kagat ng lamok at maaaring magdulot ng malubhang karamdaman o maging sanhi ng kamatayan kung mapapabayaan.

Kaisa po ng Provincial Health Office ang Pamahalaang Panlalawigan ng Bataan sa pagpapalaganap ng kaalaman at kamalayan tungkol sa dengue.

Hinihikayat po ang bawat isa na maging mas mapanuri at responsable sa pagpapanatili ng kalinisan ng kapaligiran, upang mapigil ang pagdami ng lamok na nagdadala ng nasabing sakit.

05/06/2025

Ngayong National Dengue Awareness Month, narito ang ilang paalala tungkol sa dengue. Maging maagap sa pagsusulong ng kalinisan at kamalayan upang mapigilan ang pagkalat ng sakit. Sama-sama nating labanan ang dengue!

29/05/2025

𝗠𝗚𝗔 𝗗𝗔𝗣𝗔𝗧 𝗔𝗟𝗔𝗠𝗜𝗡 𝗧𝗨𝗡𝗚𝗞𝗢𝗟 𝗦𝗔 𝗠𝗣𝗢𝗫
Kaugnay sa deklarasyon ng World Health Organization (WHO) na nagtatakda sa MPOX bilang isang Public Health Emergency of International Concern (PHEIC) bunsod ng pagtaas ng bilang ng mga ka*o nito sa Africa, mahalagang maunawaan ng publiko ang mga pangunahing impormasyon ukol sa nasabing sakit.
Pinapayuhan ang publiko na maging handa at maagap sa pag-iwas sa banta ng MPOX. Narito ang mga dapat malaman at tandaan upang maprotektahan hindi lamang ang sarili, kundi pati ang ating mga mahal sa buhay mula sa posibleng pagkalat ng sakit.

26/05/2025

ALAM NIYO BA?
Isa sa mga pangunahing sanhi ng pagkamatay ng tao sa buong mundo ay ang aksidente sa kalsada. Kaya't ngayong Road Safety Month, ipinapaalala ng Bataan Provincial Health Office na dagdag ingat sa lahat ng oras; maging responsableng Bataeño at sundin ang mga sumusunod:
-Sa pagtawid, tingnan ang magkabilang direksyon at tumawid lamang sa tamang tawiran
-Maglakad sa sidewalks at tingnan ang daanang nilalakaran
-Kung magbibisikleta, gamitin ang nakalaang daan para sa mga bisikleta at maging alerto
-Kung magmamaneho ng de-motor na sasakyan, laging isaalang-alang ang kondisyon ng inyong
sasakyan;
-Bago magmaneho ay i-check ang preno, ilaw, langis, tubig, baterya, gulong, gas, at makina ng
sasakyan
-Magmaneho lamang kung ikaw ay nakapasa sa paper and practical exam ng LTO at mayroon nang lisensya para magmaneho
-Sundin ang mga batas trapiko
-Huwag magmaneho ng nakainom at huwag gumamit ng kahit anong mobile device habang nagmamaneho.
Tandaan, lahat tayo ay mayroong karapatang gumamit ng mga pampublikong daan, maging responsable sa paggamit ng mga kalsada upang maiwasan ang aksidenteng magaring magdulot ng pagkakulong, malubhang kalagayang medikal, o pagkamatay.
Sama-sama tayo sa pagkamit ng isang lalawigang mayroong ligtas na mga kalsada para sa matatag
na pamilyang Bataeño.

ALAM NIYO BA?
Isa sa mga pangunahing sanhi ng pagkamatay ng tao sa buong mundo ay ang aksidente sa kalsada. Kaya't ngayong Road Safety Month, ipinapaalala ng Bataan Provincial Health Office na dagdag ingat sa lahat ng oras; maging responsableng Bataeño at sundin ang mga sumusunod:
-Sa pagtawid, tingnan ang magkabilang direksyon at tumawid lamang sa tamang tawiran

-Maglakad sa sidewalks at tingnan ang daanang nilalakaran

-Kung magbibisikleta, gamitin ang nakalaang daan para sa mga bisikleta at maging alerto

-Kung magmamaneho ng de-motor na sasakyan, laging isaalang-alang ang kondisyon ng inyong
sasakyan;

-Bago magmaneho ay i-check ang preno, ilaw, langis, tubig, baterya, gulong, gas, at makina ng
sasakyan

-Magmaneho lamang kung ikaw ay nakapasa sa paper and practical exam ng LTO at mayroon nang lisensya para magmaneho

-Sundin ang mga batas trapiko

-Huwag magmaneho ng nakainom at huwag gumamit ng kahit anong mobile device habang nagmamaneho.

Tandaan, lahat tayo ay mayroong karapatang gumamit ng mga pampublikong daan, maging responsable sa paggamit ng mga kalsada upang maiwasan ang aksidenteng magaring magdulot ng pagkakulong, malubhang kalagayang medikal, o pagkamatay.

Sama-sama tayo sa pagkamit ng isang lalawigang mayroong ligtas na mga kalsada para sa matatag
na pamilyang Bataeño.

26/05/2025

ALAM NIYO BA?
Ang thyroid ay isang glandula sa ating katawan na matatagpuan sa harapang bahagi ng ating leeg. Ito ang responsable sa pagbuo ng thyroid hormones na siya namang tumutulong sa atin na gumamit ng enerhiya mula sa mga pagkaing ating kinakain; mapanatili ang tamang init o temperatura ng ating katawan; at tumutulong sa ilang bahagi ng ating katawan na gampanan nang maayos ang kanilang mga tungkulin.
Kung kaya't ngayong World Thyroid Day, kinikilala ng Bataan Provincial Health Office ang importansya ng glandulang ito at ipinapaalala sa lahat na pahalagahan at alagaan ito sa pamamagitan ng:
-Pagsunod sa '10 Kumainments' at pagkain ng masusustansyang pagkain base sa rekomendasyon ng 'Pinggang Pinoy' at alinsunod sa ASIN Law o RA 8172 (Act of Salt Iodization Nationwide), isang batas na istriktong ipinatutupad sa Lalawigan ng Bataan upang masigurong may iodine na makukuha sa mga pagkaing may asin na makatutulong naman sa pagbuo ng thyroid hormones;
-Palaging mag-ehersisyo;
-Huwag manigarilyo o gumamit v**e, at iwasan din ang pag-inom ng alak.
Ipinapayo rin na magtungo sa pinakamalapit na health center o primary care facility sa inyong lugar upang magkaroon ng pagkakataong masuri ng eksperto ang inyong thyroid gland. Tandaan, ang maagang pagtuklas ay makatutulong upang maagang maagapan at magamot ang sakit.
Sama-sama tayo sa pagkamit ng isang malusog na komunidad para sa matatag na pamilyang
Bataeño.

ALAM NIYO BA?
Ang thyroid ay isang glandula sa ating katawan na matatagpuan sa harapang bahagi ng ating leeg. Ito ang responsable sa pagbuo ng thyroid hormones na siya namang tumutulong sa atin na gumamit ng enerhiya mula sa mga pagkaing ating kinakain; mapanatili ang tamang init o temperatura ng ating katawan; at tumutulong sa ilang bahagi ng ating katawan na gampanan nang maayos ang kanilang mga tungkulin.

Kung kaya't ngayong World Thyroid Day, kinikilala ng Bataan Provincial Health Office ang importansya ng glandulang ito at ipinapaalala sa lahat na pahalagahan at alagaan ito sa pamamagitan ng:

-Pagsunod sa '10 Kumainments' at pagkain ng masusustansyang pagkain base sa rekomendasyon ng 'Pinggang Pinoy' at alinsunod sa ASIN Law o RA 8172 (Act of Salt Iodization Nationwide), isang batas na istriktong ipinatutupad sa Lalawigan ng Bataan upang masigurong may iodine na makukuha sa mga pagkaing may asin na makatutulong naman sa pagbuo ng thyroid hormones;

-Palaging mag-ehersisyo;

-Huwag manigarilyo o gumamit v**e, at iwasan din ang pag-inom ng alak.

Ipinapayo rin na magtungo sa pinakamalapit na health center o primary care facility sa inyong lugar upang magkaroon ng pagkakataong masuri ng eksperto ang inyong thyroid gland. Tandaan, ang maagang pagtuklas ay makatutulong upang maagang maagapan at magamot ang sakit.

Sama-sama tayo sa pagkamit ng isang malusog na komunidad para sa matatag na pamilyang
Bataeño.

21/05/2025

ALAM NIYO BA?
Hindi pa rin nawawala ang banta ng tigdas sa mga chikiting. Ngayong napapanahon ang sakit na ito, muling ipinapaalala ng Bataan Provincial Health Office na kumpletuhin ang bakuna ng inyong mga anak kontra tigdas, dahil ang bakuna pa rin ang pinakamabisang paraan upang maiwasan ang pagkakaroon nito.
Ang tigdas ay isang nakahahawang sakit na maaaring maipasa sa pamamagitan ng paglanghap ng hanging may dala ng virus na ito. Tandaan, ito ay hindi lang simpleng sakit dahil maaari rin itong mauwi sa kamatayan kung hindi mabibigyang pansin.
Gawing protektado at bibo ang inyong mga anak. Tanggalin ang inyong alalahanin, magtungo sa pinakamalapit na health center sa inyong lugar upang malaman ang schedule ng pagbabakuna, ito ay ligtas, mabisa, at libre. Gawing fully-immunized child ang inyong mga anak, dahil ang batang bakunado, bibo.
Sama-sama tayo sa pagkamit ng isang malusog at protektadong komunidad para sa mas matatag na pamilyang Bataeño.

ALAM NIYO BA?
Hindi pa rin nawawala ang banta ng tigdas sa mga chikiting. Ngayong napapanahon ang sakit na ito, muling ipinapaalala ng Bataan Provincial Health Office na kumpletuhin ang bakuna ng inyong mga anak kontra tigdas, dahil ang bakuna pa rin ang pinakamabisang paraan upang maiwasan ang pagkakaroon nito.

Ang tigdas ay isang nakahahawang sakit na maaaring maipasa sa pamamagitan ng paglanghap ng hanging may dala ng virus na ito. Tandaan, ito ay hindi lang simpleng sakit dahil maaari rin itong mauwi sa kamatayan kung hindi mabibigyang pansin.

Gawing protektado at bibo ang inyong mga anak. Tanggalin ang inyong alalahanin, magtungo sa pinakamalapit na health center sa inyong lugar upang malaman ang schedule ng pagbabakuna, ito ay ligtas, mabisa, at libre. Gawing fully-immunized child ang inyong mga anak, dahil ang batang bakunado, bibo.

Sama-sama tayo sa pagkamit ng isang malusog at protektadong komunidad para sa mas matatag na pamilyang Bataeño.