RHU Abulug

06/08/2025

Ang pagpili ng family planning method para sa mga kababaihan ay mahalagang hakbang para sa kalusugan, pagpaplano ng pamilya, at pag-iwas sa hindi inaasahang pagbubuntis. Dapat ito ay naaayon sa pangangailangan, kalusugan, at personal na desisyon ng bawat babae, at dapat ay may gabay mula sa health professional.

Higit 9 milyong kababaihan na ang gumagamit ng family planning methods ayon sa datos ng DOH.

✅ Gaya nila, may karapatan ka ring pumili ng pinakamainam na family planning method na swak sa’yo!

🔎 Basahin ang larawan para sa karagdagang impormasyon.

03/08/2025

26/07/2025

🚨MGA IITLUGAN NG LAMOK, MAS MARAMI DAHIL SA ULAN; DOH 4T GAWING REGULAR KONTRA DENGUE🚨

Bahagyang tumaas ang kaso ng dengue sa unang dalawang linggo ng Hunyo. Mula 8,233 noong June 1-14, tumaas ito sa 10,733 pagdating ng June 15-28. Pinaghahandaan na ng DOH ang pagtaas sa kaso ng dengue dahil sa sunod sunod na pag-ulan at pagbaha nitong mga nakaraang linggo.

Paalala ng DOH na gawin ang 4Ts para walang pamahayan ang lamok dengue na aedes. Maging alerto matapos maipon ang ulan sa paligid at mga lalagyan kung saan nangingitlog ang lamok na ito.
Gawin ang:
❗️Taob
❗️Taktak
❗️Tuyo
❗️Takip ️

Tandaan: Kung walang lamok, walang dengue!

25/07/2025

Mahalagang mag ingat lalo na tuwing tag-ulan. Iwasang lumusong sa baha at agad na magpatingin sa Doktor o pumunta sa pinakamalapit na Health Center/Health station kapag may naramdamang sintomas.

21/07/2025

Nagsagawa ng pagpupulong ang RHU Abulug staff, Disease Surveillance Officers (DSO), mga opisyal ng barangay, at ilang empleyado ng pampublikong paaralan upang talakayin ang tumataas na kaso ng dengue sa lugar.

📚Bilang tugon, isinagawa ang health education tungkol sa dengue, Oplan Taob Kontra Dengue, Indoor Residual Spraying at pamamahagi ng chlorine sa mga may-ari ng dug well.

👥 Ang aktibidad na ito ay bahagi ng patuloy na kampanya upang mapigilan pagkalat ng dengue at mapanatili ang kalinisan at kalusugan sa komunidad.

19/07/2025

PAALALA: Kung sakaling malulubog sa baha, agad na maghugas ng katawan gamit ang tubig at sabon upang makaiwas sa mga sakit na dulot ng mga mikrobyo mula sa mga dumi at basura.

🚨 DOH, NAGBABALA LABAN SA LEPTOSPIROSIS NA MAAARING MAKUHA SA BAHA 🚨

Huwag maglaro at iwasang lumusong sa baha. Mapanganib ang mga mikrobyo mula sa mga basura at dumi na maaring magdulot ng leptospirosis. 🦠

Maaaring magkaroon ng komplikasyon sa atay, bato, at puso ang taong mapapasukan ng mikrobyong leptospira sa katawan.

Kung sakaling malulubog sa baha, agad na maghugas ng katawan gamit ang tubig at sabon. Agad ding kumonsulta sa doktor kung lumusong sa baha nang may sugat o kung makararanas ng sintomas tulad ng lagnat at pananakit ng katawan.

Tumawag sa Telekonsulta hotline 1555 (press 2) para sa mabilis na konsultasyon. 📞

18/07/2025

5-Day Basic Life Support at Standard First Aid Training ng RHU at MDRRMO

Matagumpay na naisagawa ang limang araw na Basic Life Support (BLS) at Standard First Aid (SFA) Training para sa mga kawani ng Rural Health Unit (RHU) ng Abulug, kasama ang mga staff mula sa Municipal Disaster Risk Reduction and Management Office (MDRRMO).

Lubos ang aming pasasalamat sa mga tagapagsanay mula sa Provincial Health Office sa pagbabahagi ng kanilang kaalaman at kasanayan. Ang inyong dedikasyon ay malaking bahagi sa pagpapalakas ng kapasidad ng aming mga health at emergency responders. Sa pamamagitan ng patuloy na pagsasanay at pagtutulungan, mas pinagtitibay natin ang kakayahan ng ating komunidad na harapin ang mga hamon ng kalikasan at aksidente.

18/07/2025

TINGNAN: Courtesy Call ng Provincial DOH Office (PDOHO) Staff sa Tanggapan ng Punong Bayan ng Abulug

Isinagawa kahapon, July 17, 2025, ang isang makabuluhang courtesy call ng mga kinatawan mula sa Provincial DOH Office sa tanggapan ni Mayor Marie Angelie A. Vargas ng Abulug.

Ang mga kawani ng PDOHO ay pinangunahan ni Development Management Officer (DMO) V, Jefrey Garcia, kasama ang incoming DMO IV ng Abulug, Jade Martha Cabauatan, outgoing DMO IV, Llexter Guzman at Administrative Officer, Ashley Dana Arao. Kasama rin sa dumalo ay ang ating Municipal Health Officer, Apple Pie Marie Apaga at DOH-Doctor to the Barrio, Janford Galano.

Sa nasabing pagpupulong, buong puso namang ipinahayag ni Mayor Vargas ang kanyang buong suporta sa mga programa ng DOH at ng Municipal Health Office—isang patunay ng kanyang malasakit at pagtutok sa kalusugan ng bawat Abulugeño.

11/07/2025

Tuwing buwan ng Hulyo, ginugunita natin ang National Deworming Month 🐛Hinihikayat ang publiko na sumailalim ang mga bata 🧒🏻 sa deworming o pagpurga.

Magkaisa tayo para sa malinis na kapaligiran at tamang sanitasyon! Sama-sama nating gawin ang W.O.R.M.S. para sa mas malusog na komunidad!

👏 W - Wash Hands / Maghugas ng kamay nang maigi gamit ang sabon at tubig.
🚽 O - Observe proper use of toilet / Gumamit ng palikuran nang maayos at laging panatilihing malinis.
🍲 R - Reduce exposure to unwashed, uncooked, and undercooked food / Iwasan ang hilaw, hindi nahuhugasan o kulang sa luto na pagkain.
✅ M - Mass Deworming / Magpapurga
👟 S - Sapatos o tsinelas ay suotin

👨‍⚕️ Kung nakakaramdam ng sintomas ng sakit tulad ng Soil-transmitted Helminthiasis (STH), magtungo agad sa pinakamalapit na health station/center para magpakonsulta.

❗️BUKOD SA LEPTOSPIROSIS, MGA BATANG NAGLALARO SA BAHA PWEDENG MAGKA-ASCARIASIS DALA NG MGA BULATE❗️

Babala ng DOH, hindi lang Leptospirosis ang maaaring makuha sa baha, kundi ang mga Soil-transmitted Helminths (STH) infections, tulad ng Ascariasis, Trichuriasis, at Ancylostomiasis. Madalas na tinatamaan ng mga STH ay ang mga batang hindi nagpapurga.

Ayon sa datos ng DOH noong 2024, 57% pa lang ng batang 1-4 years old ang nagpapurga sa kabila ng libreng Deworming tablets na binibigay sa mga health center.

Ilan sa mga sintomas ng STH infections ang:
✔️Pananakit ng tiyan
✔️Pagtatae
✔️Panghihina
✔️Rectal prolapse (Paglabas ng laman ng pwet)
✔️Mabagal na paglaki ng katawan at isipan ng bata

Paalala ng DOH sa mga magulang, huwag hayaang maglaro sa baha ang mga bata at gawin ang W.O.R.M.S para maiwasan ang impeksyon na dala ng mga bulate! 🪱

08/07/2025

Ngayong napapanahon na naman ang Hand, Foot, and Mouth Disease (HFMD), muli tayong nagpapaalala sa mga mainam na gawin upang maiwasan natin na madapuan ng ganitong sakit, lalong-lalo na ang mga bata.

24/06/2025

ANNOUNCEMENT:
TB CARAVAN AND VOLUNTARY HIV SCREENING!

DATE: July 3, 2025
AM Alinunu Barangay Hall
PM Lucban Barangay Hall
July 4, 2025
AM Dana-ili Barangay Hall
PM Calog Sur Barangay Hall

This activity aims to detect missed TB cases from the community in vulnerable/
high risk populations or groups.
It is onsite same-day diagnosis especially for adults.
Thank You and God Bless!

02/06/2025

𝐏𝐀𝐆𝐋𝐔𝐋𝐔𝐍𝐒𝐀𝐃 𝐍𝐆 𝐏𝐔𝐑𝐎𝐊𝐀𝐋𝐔𝐒𝐔𝐆𝐀𝐍 | 𝐁𝐀𝐑𝐀𝐍𝐆𝐀𝐘 𝐒𝐓𝐀. 𝐅𝐈𝐋𝐎𝐌𝐄𝐍𝐀, 𝐁𝐀𝐆𝐔 𝐀𝐓 𝐂𝐄𝐍𝐓𝐑𝐎
MAYO 27, 28, AT 30, 2025

Matagumpay ang paglulunsad ng 𝐏𝐔𝐑𝐎𝐊𝐀𝐋𝐔𝐒𝐔𝐆𝐀𝐍 sa tatlong barangay ng Bayan ng Abulug—isang programang naglalayong palakasin ang lokal na sistemang pangkalusugan sa pamamagitan ng pagbibigay-diin sa promosyon ng kalusugan at pagpigil at pagkontrol ng mga sakit. Ito ay isang mahalagang hakbang tungo sa pagtitiyak na ang bawat Abulugeño ay may pantay-pantay na akses sa abot-kaya, inklusibo, at dekalidad na serbisyong medikal.

Ang tagumpay ng programang ito ay naging posible sa tulong at suporta ng Kagawaran ng Kalusugan, sa pakikipagtulungan ng Pamahalaang Lokal ng Abulug sa pamamagitan ng Municipal Health Office sa pangunguna ni Dr. Apple Pie Marie Apaga, gayundin ng mga Kapitan ng Barangay at ibang Opisyales, Barangay Health Workers, mga boluntaryo, at mga tagapagbigay-serbisyo na buong pusong naghatid ng libre at komprehensibong serbisyong medikal.

Kabilang sa mga serbisyong ibinigay ay:
✅ Bakuna (Immunization)
✅ Nutrisyon
✅ Serbisyo para sa Tuberculosis at HIV/AIDS
✅ Chest X-ray screening
✅ Pagsuri at pangangalaga sa mga di nakahahawang sakit (Non-communicable diseases)
✅ Kalusugan ng ina (Maternal Health)
✅ Pag-iwas sa kanser (Cancer Prevention and Control)

Ito ay simula pa lamang. Sama-sama nating isusulong at palalawakin ang inisyatibong ito upang makabuo ng mas malusog, mas matatag, at mas empowered na mga komunidad—kung saan ang 𝘉𝘢𝘸𝘢𝘵 𝘈𝘣𝘶𝘭𝘶𝘨𝘦ñ𝘰, 𝘙𝘢𝘮𝘥𝘢𝘮 𝘢𝘯𝘨 𝘒𝘢𝘭𝘶𝘴𝘶𝘨𝘢𝘯.