https://www.facebook.com/365061186690403/

Agoncillo Nutrition Action Office, Agoncillo, Batangas, Agoncillo (2026)

16/04/2026

1/2 Healthy Public Food Procurement Training

Ngayong ika-16 ng Abril 2026, nagkaroon ng pagsasanay ang Batangas Provincial Health Office sa Sotogrande Hotel, Bauan, Batangas ukol sa Healthy Public Food Procurement (HPFP). Dumalo sa nasabing pagsasanay sina Dr. Richard B. Landicho, Nurse II Ma. Krissel G. Caringal, at Nurse I / MNAO Ella Rafaela Padua-Mabilangan.
Layunin ng training na palakasin ang kaalaman sa pagpapatupad ng mas masustansya at ligtas na pamantayan sa pagbili at paghahanda ng pagkain sa mga pampublikong institusyon.

Sa isinagawang pagsasanay, tinalakay ang kahalagahan ng pagkakaroon ng tamang nutrition standards sa mga feeding programs at iba pang serbisyong pangkalusugan, pati na rin ang mga gabay sa pagpili ng masustansyang pagkain na naaayon sa pangangailangan ng iba’t ibang sektor tulad ng mga bata, buntis, at iba pang vulnerable groups. Binigyang-diin din ang papel ng mga lokal na pamahalaan sa pagtataguyod ng mas maayos na food procurement systems na sumusuporta sa kalusugan ng komunidad.

Ibinahagi rin nina Nurse Krissel na nagsisimula na ang ganitong inisyatibo sa Agoncillo—hindi na bumibili ng bottled water at mas pinipili ang masustansyang pagkain sa mga trainings at meetings, habang iniiwasan ang processed foods.
Ang kanilang pagdalo ay nagpapakita ng patuloy na dedikasyon sa pagsusulong ng kalusugan at nutrisyon sa komunidad.

15/04/2026

Maternal and child health and Nutrition 🤰

Ngayon araw ng Abril 15, 2026, nagsagawa ng komprehensibong Nutrition Counseling si Nurse Ella Rafaela Padua-Mabilangan para sa isang buntis mula sa Barangay Coral na Munti. Layunin ng aktibidad na ito na mapalawak ang kaalaman ng buntis hinggil sa wastong nutrisyon sa panahon ng pagbubuntis upang masiguro ang kalusugan ng ina at ng dinadalang sanggol.

Sa isinagawang counseling, ginamit ni Nurse Ella ang Pinggang Pinoy bilang gabay sa tamang paghahati ng pagkain sa bawat kainan, na binibigyang-diin ang balanseng nutrisyon na binubuo ng sapat na gulay, prutas, protina, at carbohydrates. Ipinaliwanag din niya ang 10 Kumainments bilang praktikal na gabay sa araw-araw na pagpili ng masustansyang pagkain at pagpapanatili ng malusog na pangangatawan.

Bukod dito, tinalakay rin ang Mission at Vision ng Agoncillo Nutrition Action Office upang maipabatid ang patuloy na layunin ng pamahalaang lokal na mapabuti ang kalagayan ng nutrisyon sa komunidad.

Samantala, bilang bahagi ng serbisyong pangkalusugan, isinagawa rin ni Midwife Beverly C. Matubis ang pagbibigay ng anti-tetanus vaccine upang maprotektahan ang ina at ang sanggol laban sa tetano, isang mapanganib na impeksyon na maaaring makaapekto sa bagong silang.
Binigyang-diin din ni Midwife Bev ang kahalagahan ng pagkumpleto ng walong (8) Antenatal Care (ANC) visits upang masubaybayan ang kalusugan ng ina at sanggol, gayundin ang kahalagahan ng exclusive breastfeeding sa unang anim na buwan matapos manganak upang maprotektahan ang sanggol laban sa sakit at mapalakas ang resistensya nito.

13/04/2026

Vitamin A Supplementation para sa mga batang edad 6-59 months, isinagawa!

Buwan na ng Abril kaya naman muling isinagawa ang Vitamin A supplementation para sa mga batang may edad 6–59 months old sa iba’t ibang barangay sa Bayan ng Agoncillo. Ang gawaing ito ay pinangunahan ng mga Barangay Nutrition Scholars (BNS) katuwang ang mga Barangay Health Workers (BHW) bilang bahagi ng patuloy na pagsisikap ng pamahalaan na mapanatili ang kalusugan at nutrisyon ng mga kabataan sa komunidad.

Ang pamamahagi ng Vitamin A ay isinagawa sa pamamagitan ng house-to-house visits upang masigurong maaabot ang lahat ng benepisyaryo.

Layunin ng programang ito na mapalakas ang resistensya ng mga bata laban sa iba’t ibang sakit, mapanatili ang maayos na paningin, at masuportahan ang kanilang tamang paglaki at development. Sa tulong ng Vitamin A supplementation, inaasahang mababawasan ang kaso ng malnutrisyon at iba pang kakulangan sa micronutrients sa komunidad.

Nagpakita rin ng aktibong pakikilahok ang mga magulang at tagapag-alaga upang mapatakan ng Vitamin A ang kanilang mga anak.

Patuloy naman ang panawagan ng mga health workers sa komunidad na suportahan ang mga ganitong programa upang masiguro ang kalusugan ng bawat batang Agoncillian.

13/04/2026

BNS Online Meeting
Abril 13, 2026

Noong Abril 13, 2026, isinagawa ni MNAO Ella Rafaela Padua-Mabilangan ang isang online meeting na dinaluhan ng mga Barangay Nutrition Scholars (BNS) mula sa iba’t ibang barangay. Layunin ng pulong na mapalakas ang koordinasyon at maibahagi ang kasalukuyang kalagayan ng implementasyon ng mga programang pangnutrisyon sa kani-kanilang nasasakupan.

Sa nasabing pagpupulong, nagkaroon ng kumustahan hinggil sa pagbibigay ng Vitamin A supplementation sa mga batang may edad 6–59 buwan. Ibinahagi ng mga kalahok ang kani-kanilang karanasan at mga good practices na maaaring i-adopt ng ibang barangay upang higit pang mapabuti ang implementasyon ng nasabing programa.

Tinalakay rin ang mahahalagang usapin ukol sa Operation Timbang, kabilang ang mga proseso at kahalagahan nito sa pagtukoy ng nutritional status ng mga bata sa komunidad. Bukod dito, napag-usapan din ang tungkol sa honorarium ng mga BNS at ang mga kinakailangang ulat na dapat maipasa sa takdang panahon upang matiyak ang maayos na monitoring at evaluation ng mga programa.

Sa kabuuan, naging makabuluhan ang nasabing online meeting sapagkat nagbigay ito ng pagkakataon sa mga BNS na magbahaginan ng kaalaman at karanasan, na makatutulong sa mas epektibong pagpapatupad ng mga programang pangnutrisyon sa bawat barangay.

13/04/2026

Ngayong Abril 13, 2026, nagtungo sina MNAO Ella Rafaela Padua-Mabilangan, Midwife Sally V. Aala, HRH Manny Lunar, at Dianne Alcancia sa Barangay Bilibinwang. Sa nasabing pagbisita, ibinahagi nila ang Mission at Vision ng Agoncillo Nutrition Action Office sa Punong Barangay na si Kapitan Crising Almanzor at sa mga Barangay Functionaries.

Tinalakay rin nila ang iba’t ibang Nutrition Laws and Policies na naipatupad na sa bayan ng Agoncillo, at hinikayat ang barangay na i-adopt ang mga ito upang mas mapalakas ang mga programang pangkalusugan at nutrisyon. Nagkaroon din ng feedback patungkol sa lagay ng kalusugan at nutrisyon sa Brgy. Bilibinwang sa tulong nina BNS Lissa Mendoza at Sarmiento Gerry II at mga Barangay Health Workers.

Bukod dito, ipinaliwanag din ang tungkol sa EO 51 reporting mechanism upang matiyak ang maayos na sistema ng pagre-report ng mga paglabag sa Executive Order No. 51 o Milk Code of the Philippines.

10/04/2026

ALAM NIYO BA?

Buwan na naman ng Vitamin A supplementation ngayong Abril, kung kaya't paanyaya ng Agoncillo Nutrition Action Office na papatakan ang inyong mga anak na may edad na 6-59 buwan sa mga mag-iikot na mga Barangay Nutrition Scholars at Barangay Health Workers para makatanggap ng vitamin A drops, gayundin sa mga kapapanganak na nanay.

Isa sa karaniwang problemang pang-nutrisyon dito sa Pilipinas ay ang Vitamin A deficiency na nagdudulot ng pagkahina ng ating katawan sa paglaban nito sa impeksyon, pagbagal ng paglaki ng mga bata at ng development ng ilang mga organo. Sa mga pagkakataon namang hindi agad mabibigyang pansin, ito ay maaaring mauwi sa pagkabulag at kamatayan.

Huwag balewalain ang nutrisyon para sa malakas at maayos na paggana ng bawat organo sa ating katawan. Patuloy ding sundin ang Pinggang Pinoy at ang 10 Kumainments. Sama-sama tayo sa pagkamit ng isang masiglang komunidad para sa mas malusog na Magandang Agoncillo.

08/04/2026

𝐒𝐚𝐥𝐮𝐝𝐨 𝐬𝐚 𝐚𝐭𝐢𝐧𝐠 𝐦𝐠𝐚 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫𝐬 (𝐁𝐍𝐒)—ang mga frontliners na tahimik na nagbabantay sa kalagayang nutrisyon ng bawat pamilya sa komunidad. Mula sa growth monitoring, pakikipag-usap sa mga magulang, hanggang sa pagpapatupad ng feeding programs—sila ang unang kumikilos upang maagapan ang malnutrition. 💚

Ngayong World Health Workers Week, tampok ang temang
✨ “Health Workers are VIPs”—at tunay na kabilang dito ang ating mga BNS.

👏 Maraming salamat, BNS! Kaagapay namin kayo sa Nutrisyong Sapat Para sa Lahat!

25/03/2026

Pamamahagi ng Food Packs para sa Nutritionally At-Risk Pregnant Women

Noong Marso 18, 2026, matagumpay na isinagawa ang pamamahagi ng 25 food packs mula sa Provincial Health Office para sa mga buntis na kabilang sa nutritionally at-risk na grupo. Ang aktibidad ay dinaluhan ng mga piling buntis mula sa iba’t ibang barangay, kasama ang mga Barangay Nutrition Scholars (BNS) na aktibong sumusuporta sa programa.

Nagbigay ng pambungad na mensahe si Nurse Ma. Krissel G. Caringal, Nurse II, kung saan binigyang-diin niya ang kahalagahan ng wastong nutrisyon sa kalusugan ng ina at sanggol.
Ibinahagi naman ni MNAO Ella Rafaela Padua-Mabilangan ang Mission at Vision ng Agoncillo Nutrition Action Office upang higit na maunawaan ng mga kalahok ang layunin at direksyon ng mga programang pangnutrisyon sa munisipyo.

Tinalakay ni MNPC Peachy V. De Villa ang konsepto ng Pinggang Pinoy para sa mga buntis at nagpapasusong ina, na nagbibigay gabay sa tamang balanse ng pagkain. Dagdag pa rito, ipinaliwanag din ang kahalagahan ng pagkakaroon ng walong (8) antenatal care visits upang masiguro ang maayos na pagbubuntis at kalusugan ng ina at sanggol.

Nagbahagi rin ng kaalaman si Dr. Edgardo Beltran tungkol sa kahalagahan ng oral health sa panahon ng pagbubuntis. Isinagawa rin niya ang pagsusuri sa oral health ng bawat buntis na dumalo sa aktibidad.

Sa kabuuan, naging matagumpay ang nasabing gawain sa pagbibigay ng sapat na kaalaman at suporta sa mga nutritionally at-risk na buntis, na naglalayong mapabuti ang kanilang kalagayan at kalusugan.

23/03/2026

Magandang Araw po!
Nangangailangan po ng breast milk ang ating kababayan na taga Barangay Banyaga para sa kanilang Baby Dwight Aviel A. Ebora. Siya po ay ipinanganak noong March 14,2026 at kasalukuyang nsa Neonatal Intensive Care Unit (NICU) sa Batangas Medical Center.

Sa mga may mabubuting puso mangyari po lamang na makikilagay po ang breast milk sa container at makikimessage po sa akin upang magawan ng paraan para madala sa kanila ang breast milk na idodonate ninyo.

Maari din po kayong makipag-ugnayan kung sino ang kakilala niyo sa RHU .

Mayroon din pong ref exclusive for breast milk para sa idodonate nio pong milk.

Maraming Salamat po!

23/03/2026

𝗧𝗜𝗬𝗔𝗡 𝗡𝗔 𝗛𝗘𝗔𝗟𝗧𝗛𝗬, 𝗘𝗡𝗘𝗥𝗚𝗬 𝗥𝗘𝗔𝗗𝗬!

Kaisa ang Pamahalaang Panlalawigan ng Batangas, sa pamamagitan ng Batangas Provincial Health Office, sa obserbasyon ng bansa sa 𝗣𝗵𝗶𝗹𝗶𝗽𝗽𝗶𝗻𝗲 𝗗𝗶𝗴𝗲𝘀𝘁𝗶𝘃𝗲 𝗛𝗲𝗮𝗹𝘁𝗵 𝗪𝗲𝗲𝗸 ngayong ikalawang linggo sa buwan ng Marso 2026.

Sa gabay ng temang, "𝑬𝒎𝒑𝒐𝒘𝒆𝒓𝒊𝒏𝒈 𝑭𝒊𝒍𝒊𝒑𝒊𝒏𝒐𝒔 𝒕𝒐 𝒄𝒂𝒓𝒆 𝒇𝒐𝒓 𝒕𝒉𝒆𝒊𝒓 𝒅𝒊𝒈𝒆𝒔𝒕𝒊𝒗𝒆 𝒉𝒆𝒂𝒍𝒕𝒉," sama-sama nating isulong ang pagkain nang masusustansyang pagkain gamit ang Pinggang Pinoy bilang gabay at ang kahalagahan ng maagang pagpapatingin sa doktor kung may mga nararamdamang sintomas.

para sa isang !

24/02/2026

San Luis Nutrition Benchmark Visit

Ngayong ika-24 ng Pebrero 2026, bumisita sa Bayan ng Agoncillo si MNAO Erica Cabesuela kasama ang Municipal Nutrition Program Coordinator (MNPC) Cherrylyn Salazar at mga BNS na sina Aida Gamo, Nancy Atienza, Manilyn Capuno mula sa Bayan ng San Luis para sa isang Nutrition Benchmark Visit. Layunin ng kanilang pagbisita na matuto at makakuha ng mga best practices mula sa mga programang pang-nutrisyon ng Agoncillo.

Ang Bayan ng Agoncillo ay kasalukuyang nasa ikalawang taon bilang Green Banner Seal of Compliance Awardee, isang pagkilalang iginawad sa ginanap na MELLPI Pro noong Pebrero 10, 2026. Ang parangal na ito ay patunay ng patuloy na pagsusumikap ng lokal na pamahalaan at ng buong Municipal Nutrition Committee sa pagpapatupad ng mga epektibo at sustenableng programa para sa kalusugan at nutrisyon ng komunidad.

Mainit at malugod na tinanggap ang delegasyon mula sa San Luis ni HRMO Angelica Anne Leonor, kasama sina MNAO Ella Rafaela Padua-Mabilangan, MNPC Peachy V. De Villa, at BNS Maribel Lagrante. Nagkaroon ng makabuluhang talakayan at palitan ng kaalaman ukol sa mga estratehiya, inisyatiba, at mga matagumpay na programa na nakatulong upang makamit ng Agoncillo ang nasabing pagkilala.

Ang ganitong benchmark visit ay hindi lamang pagpapalitan ng impormasyon kundi pagpapalakas din ng ugnayan ng dalawang bayan sa layuning mapabuti ang kalagayang nutrisyon ng bawat pamilya at komunidad. Nawa’y magsilbi itong inspirasyon upang higit pang mapaigting ang mga programang pangkalusugan at pangnutrisyon sa bawat lokalidad.

Agoncillo Nutrition Action Office

16/04/2026

15/04/2026

13/04/2026

13/04/2026

13/04/2026

10/04/2026

08/04/2026

25/03/2026

23/03/2026

23/03/2026

24/02/2026

Address

Website

Alerts

Shortcuts

Share

Category