Pulong Sa Kinabuhi

Pulong Sa Kinabuhi Spreading the word of God

18/02/2023

Daygon ang Dios nga niining taknaa nga kita anaa sa maayong kinabuhi. Una sa tanan, igsoon nahimo ko kining maong suwat niining maong taknaa tungod sa panghinaut nga ako usab makadasig diha sa matag makabasa niining sulat. Panalanginan unta ang matag malabyan niining maong pulong. Tungod Kay niining takna sa alas 12:00 sayong kabuntagon, ang Balaang Espirito sa Dios nagpabati o nagparamdam kanako. Mao ang gusto nako nga ipahibalo sa tanan nga magpaduol gayud kita sa Dios ug ilhon nato Siya nga mao Ang atong Ginoo ug Manluluwas. Kay niining mga panahuna nagkinahanglan gayud kita sa iyang pagluwas tungod Kay haduol na gayud kita sa katapusan. Mao nga ATONG DAYGON UG HIMAYAON ANG DIOS SA LANGIT. IN THE MIGHTY NAME OF LORD JESUS, WE PRAY. AMEN🙏

26/11/2022

Ang kalinaw sa Dios mag-uban niining taknaa...Daygon ug himayaon nato Ang Dios sa matag takna. Igsoon nanghinaut ko nga niining orasa anaa ka sa maayong panglawas ug kahimtang. Bendisyonan ug panalanginan unta ka sa atong Amahan didto sa langit. Igsoon nasayod ko nga daghan ang panahon diha sa atong kasing-kasing nga kanunay tang makapangutana sa atong Dios nganung nagpabilin tang ingon ani kapit.os luyo sa atong pagtahod ug pagsunod sa iyang balaod ug kabubut-on. Igsoon sultihan ko Ikaw, susama tag hunahuna. Kung makabalo lang unta ta ug unsay plano siguro dili jud ta moreklamo ug sama ani. Igsoon, suginlan ko kamo sa matag malabyan niining mensahi nga Ang inyong kinabuhi karun isip sumosunod sa atong Dios Amahan, sukwahi sa kanhi wala ko pa ilhi o wala pa ako pukawa sa atong gamhanang Amahan. Nasayud ko nga nasayud ka kung unsa ang mga buhat nga sukwahi sa balaod sa Dios, apan nia ako nagpamatuod kaninyo nga buhing saksi, nag-asoy niini kaninyo. BULAHAN ANG ADUNAY DALUNGGAN, BULAWANON NGA HUNAHUNA UG TIM-OS NGA KASING-KASING KAY MAANGKON NIMO ANG BENDISYON SA AMAHAN UG IPADALA NIYA DIHA KANIMO ANG IYANG BALAANG ESPIRITO. AMEN 🙏

09/09/2022

Igsoon, niining taknaa nga ikaw nagbasa niining mensahe, Ako nanghinaut nga ikaw tagaan sa grasya ug kalinaw. Igsoon, ato untang hunahunaon nga niining kalibutana kausa ra tang molabay ug dili na moagi pag-usab. Mao nga angay lang gyud natong buhaton ang makapahimoot pag-ayo sa atong Labaw nga Makagagahom. Niining kalibutan, ang atong mga binuhatan mao lang gyud usab kini ang timbangan nga gamiton sukdanan sa kung unsa ang ganti nga angay natong madawat gikan Kaniya. DAYGON ANG DIOS NGA KANUNAY NAGBUHAT SA MGA MAAYONG BUTANG ALANG SA IYANG KATAWHAN. AMEN🙏

09/09/2022

Ayaw hunahuna-a nga Ikaw karun ania misimba ug miduyog sa pag-ampo tungod sa imo lamang kabubut-on tungod Kay Ang tinood Dili lang Ikaw Ang nagdala dinhi sa imong kaogalingon Kon Dili Ang Balaang Espirito nga maoy naghari diha sa imong kasingkasing. Kay giila mo ang Dios nga maoy naghatag sa mga maayong butang nga imong naangkon ug nabati diha sa atong lawas ug kasingkasing. Kay nagatoo ka nga gimahal ug gipangga ka sa atong buhi ug hari nga Dios mao nga ANGAY LANG PAHARION NATO ANG BALAANG ESPIRITO DIHA SA ATONG KAOGALINGON ARON KITA MAGMADAOGON SA PAKIGLUMBA SA KINABUHI UG MAKA- ANGKON, MAKAKAON SA BUNGA SA KAHOY SA KINABUHI NGA WALAY KATAPUSAN. AMEN 🙏

08/09/2022

ANG PAGDAYEG, HIMAYA, KAALAM, MGA PASALAMAT UG PASIDUNGOG, GAHOM UG KUSOG IYA SA ATONG DIOS AMA HANGTOD SA KAHANGTURAN. AMEN 🙏

Kitang mga katawhan sa kalibutan angay na gayud kita karun nga mobalik na sa sabakan sa atong Langitnong Amahan. Maghinolsol sa atong mga kasaypanan, kalapasan, ug kasal-anan kay siya lang ang makahimo ug makahatag sa mga butang nga dili mahimo ug mahatag niining kalibutanan. Tungod Kay Siya lang ang makahatag sa mga butang nga ikalipay sa tibook nato nga kinabuhi mao nga angay gayud kitang moingon "ANG PAGDAYEG, HIMAYA, KAALAM, MGA PASALAMAT UG PASIDUNGOG, GAHOM UG KUSOG IYA LAMANG SA ATONG DIOS AMA HANGTOD SA KAHANGTURAN. AMEN 🙏

08/07/2022

Tinood nga kita nagpuyo sa kalibutan pero Dili kita anak sa kalibutan. Kay Ang kalibutan puno sa kasal.anan. Anak kita sa Dios. Dapat nga magpakabalaan ta aron mahisama kita Kaniya. Ang kalibutan may katapusan pero sa Langit himayang Walay katapusan..

24/06/2022

Together we can win the war against Satan by spreading the word of God

Address

Alicia

Website

Alerts

Be the first to know and let us send you an email when Pulong Sa Kinabuhi posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category