09/12/2024
Maayong gabii sa tanan!
Kani nga post is in response sa Facebook post ni Mam Marina Largo Alesna kabahin sa wala na prioritize nga PWD patient kaniadtong December 3, 2024.
Una sa tanan, ang mga lihok sa mga Healthworkers sa RHU (mao ni ang mga Nurses, Midwives, BHWs, BNSs, Utility workers, Encoders og uban pang RHU staff), kay nag agad sa instruction nga gihatag sa amung Department Head or amung gitawag nga Municipal Health Officer, si Dr. Gimbert Escasinas. Ang mga kaso nga iprioritize kay ang mga emergency cases (naglisud og ginhawa, gipang atake, etc). Gawas ana, naa tay mga pasyente nga naka IV therapy or sa atong panultihon, gitauran og dextrose, gipritioritize sad ni sila kay under strict monitoring ni nga mga klase sa pasyente og naa sad ni silay tambal nga pagadawaton nga magsunod jud og schedule og dili dapat ilangay. Tanang pasyente nga gihilantan (dili mumatter pila ka adlaw ang hilanat) instructed na nga ipa CBC ni doctor. Sa kana nga case, naa jud mga pasyente ma una og tawag while waiting sa ilang lab results.
Sa lain nga bahin, kaning mga pasyente nga naay ginagmay nga samad (natunok og lansang, atong adlawa naa tay patient nga napaakan og bitin, ang usa napaakan og ilaga) instructed sad ang mga staff nga dili iapil sa lista, idiretso ra og cater sa nurse kay dili na namu iadto ni doctor para dili magdasok ang mga pasyente sa RHU. Naa na silay madawat nga mga injection og need pa sad na sila og monitoring sa nurse og taud2x jud ang panahon nga igahin ana nga pasyente sulod sa RHU mao nang unahon na sila.
If naay patient or tagtungod sa patient nga muhangyo nga magpa una, pwede ra makaduol sa atong doctor og muhatag sa ilang rason kay mag agad ra sad ang mga staff sa priority number.
Sa mga naay mureklamo nga naay limit ang number of patients nga icater sa doctor, yes tinuod na. Kay ang atong doctor dili ganahan iyahang dali dalion og check up ang mga pasyente para dili sad makompromiso ang kalidad sa serbisyo sa atong doctor mao na naay limit jud.
Mangayo mi og pasensya kanimo Mam Marina Largo Alesna og sa pamilya sa kung unsay kakulangan sa parte sa RHU kabahin sa serbisyo nga inyong nadawat gikan namu.
Nagkalahi2x ang mga kaso nga amung gidawat sa RHU busa mangayo mi sa inyong pagsabot.
Para maklaro ang tanang concerns, andam muatubang ang RHU staff together sa atong Municipal Health Officer ninyo Mam.
Daghang Salamat og maayong gabii kanatong tanan!
