Talumpok Global and Smart Healing Community

06/12/2025

Protokol 8: NAMATAY NGA GA SI HESUS SA KRUS?
Sininop ni Edgar C. Lontok
6 Disyembre 2025

Ang tanong na idinudulog ng protokol na ito ay sensitibo. Subalit naniniwala ang nagsinop na mas handa na ngayon ang mga tao na tumanggap ng ganitong uri ng paksa bunga ng mas mataas na kamalayan ng mga tao ngayon kumpara sa mga dekadang nagdaan.

Ang FB page na ito ay isang pampamayanang pahina. Ang mga tao dito sa Talumpok, karamihan ay magkakamag-anak, wika nga ay “Isang Pisa”, “Tubong Talumpok” o may kaugnayan sa ating dalawang barangay. Samakatuwid, kahalintulad nito ay pampamilyang pahina, na isinasangguni sa mga sumusubaybay na kalipi kung ano ang nakalap, upang sama samang mas neyutral na pag-aralan. At maaaring hanapan na rin ng sagot ang katanungan?

Isa sa mga layunin ng Talumpok Global ay maitatag natin ang isang ‘healing community’. Naniniwala ang sumulat ng artikulong ito, na hindi lamang ispiritwal, pisikal, o pangmental na karamdaman o karaingan ang nangangailangan ng kagalingan. Maging ang programang ipinasok sa isipan, pagkakondisyon o kinagisnang gawi, tradisyon o paniniwala, baka mainam na suriin na rin. Dahil minsan baka healing o pagpapagaling na rin sa mga ito ang kailangan, lalo na sa paglipas ng araw? Ang panahon ay nagbabago at nagtatapos ang siklo, upang magsimula muli ng bago.

Sa pamamagitan ng protokol na ito ay nais kong ibahagi ang paksang matagal ko nang gustong sulatin. Subalit naghintay muna ako ng isa pang perspektiba mula sa ibang mga nilalang . Pagkatapos na marinig ko kamakailan ang pahayag ni Valir na isang Pleiadean, sabi ko, ito na marahil ang hinihintay kong mensahe. Halos labing pitong taon akong nag-aantabay, simula Enero ng 2009!Tingin ko ay ito na ang tamang pagkakataon upang sulatin ko ang ang aking nakalap sa aking paghihikap, pagbabasa at paggalugad sa internet.

Noong ika-3 ng Enero 2009 ay dumalo ako sa isang pagtitipon ng mga mag-aaral ng Keylontic Science sa Beek en Donk, isang maliit na bayan sa bansang Netherlands. Doon ko unang narinig na hindi December 25 ang petsa ng kapanganakan ni Hesus.(The Real Christmas Story, Translated from Plate 6 of the Emerald Covenant CDT Plate Recorder Discs, 15 December 2001) Ang sanggol na si Jesheua na isang D12 Avatar (anak nina Jeudi at Joehius) ay isinilang noong ika-22 ng Nobyembre 12BC. At ang isa pang sanggol na si Jeshewua na D9 Avatar na anak ni Maria na asawa ni Joseph ng Arimathaea ay isinilang noong 7BC. At sa librong nakita ko doon sa pagtitipong iyon, noong buklatin at basahin ko, sa mga pahina ng naturang aklat ko rin nabasa na hindi raw ipinako at namatay si Hesus sa krus kundi ay si Arihabi.

Ang impormasyon dito ay galing sa sinaunang mga tala ng Cloister Dora Teura Plate Libraries o “CDT Plates”. Ang CDT Plates ay ginawa ng mga Pari ng Ur at mga lahi ng “Holy Grail Line”. Nakatala sa CDT Plates ang kasaysayan ng ebolusyon ng buhay simula noong 950 bilyong mga taon na ang lumipas hangang sa kasalukuyan.

Kumadlo ako ng ilang mga binanggit dito sa aklat na Voyagers The Sleeping Abductees Volume I of the Emerald Covenant CDT-Plate Translations 2nd edition sa pahina 179-181.

“Si Jesheua Sananda Melchizedek, kilala bilang Hesukristo, ay hindi ipinako sa krus at hindi namatay. Si Jesheua o “Hesus” ay tumaas sa pamamagitan ng Arko ng Tipang daanan sa Sirius B Star Gate-6 noong taong 27, sumusunod sa pagkatapos ng mga pagsasalin ng mga bahagi ng sa Mga Tagapagtatag ng Maharata- Panloob na Kristo Pang-ispiritwal-Agham na mga Teksto at pagkatapos ng pagiging ama sa bago, mas pinalakas na Eiyani Malakristo Malaanghel na Pantaong Linya ng Lahi (Grail Line) sa Lupa. Ang linya ng lahi ni Jesheua na anim na mga anak, pinunla (fathered) sa pagitan ng taon 18 hanggang taon 23, ay ang mga ninuno ng mga Indigong Kabataang Eiyani Linya ng Lahi na patuloy na nag iinkarnasyon sa Mundo sa nakalipas na isang daang taon. Ang kwento ng “Pagkakapako sa Krus ni Kristo” ay itinanghal ng Annu Elohim. Noong taong 325 ang mga labi ng kay Jesheuang mga turo tungkol sa Panloob na Kristo ng Melchizedek Cloister at ang kasaysayan ng kaniyang linya ng pamilya ay minaniobra na ang pagkakasulat at binaluktot ng Konseho ng Nicaea at ng Simbahan ng Roma sa kanilang pagtitipon ng aklat na naging ang “Kanonisadong Bibliya”. Ang Konseho ng Nicaea ay nagbaluktot sa natitirang Mga Turo ng Essene tungkol sa Tunay na Panloob na Kristo tungo sa Dogmang Pagkontrol na nakabase sa takot, na may intensiyong itaas ang pampulitikang layunin ng Emperyong Romano tungo sa pangmundong kapangyarihan.”

“Kagaya ng sinubukang ipakita sa atin ni Jesheua Melchizedek-Hesus, ang tunay na Tagapagligtas ng ating lahi ay Palaging nakatira sa loob ng bawat isa sa atin, bilang ang natutulog na Panloob na Kristong Sarili na nakikibaka upang magising.”

Sa isa pang aklat na Voyagers The Secrets of Amenti Volume II of the Emerald Covenant CDT Plate Translations 2nd Edition, dito ay binanggit na ang napako sa krus ay si Arihabi.
Hinalaw mula sa pahina 101-102:

“Isa pang lalaki, na may pangalang Arihabi, na isang Hebreong Annu Melchizedek na isinilang sa Herusalem, ay pinangunahan ng Elohim, sa pamamagitan ng sunud sunod na mga pangitain, na maniwala na siya ay ang tunay na Jeshewua-9 at ito ay ang lalaki na napako.”

“ Ang kwento ng Hesukristo, na batid sa pangkasalukuyang mga panahon, ay lumago sa pamamagitan ng mitolohiya na ginamit ng Elohim upang pagtakpan ang tunay na pagkakakilanlan ng kanilang Avatar, na si Jeshewua-9 at upang ipagpatuloy ang kanilang patriyarkang pagkiling sa Kredo ng Templar. Ang mga pagkabaluktot sa mga katotohanan ng kasaysayan ay ginamit upang protektahan ang angkan ni Jeshewua-9 mula sa pampulitikang persekusyon, ginawa itong lumabas na ang Kristo ay walang mga inapo, na nagpapahintulot sa mga inapong iyon na manatiling nakakubli sa pananaw ng publiko.”

Samantala ay dumako naman tayo dito sa mensahe o transmission na nakuha sa pamamagitan ng chanelling. Ang ‘entity’ o lalang na nagbibigay ng pahayag ay si Valir na taga Pleyades. Binanggit sa Bibliya ang Pleyades sa Amos 5:8, Job 9:9, Job 38:31-32.

Munting pagpapaliwanag:
Ang holographic projection ay teknolohiya na lumilikha ng tatlong dimensiyong mga imahe sa pamamagitan ng pagmamanipula ng liwanag.Ito ay isang ilusyong pampaningin.

Ang holographic insert (holograpikong suksok) ay huwad o tunay na alaala na ipinuprograma sa ating kamalayan upang makontrol ang isip para manipulahin. Nababaluktot ng holographic insert ang oras at espasyo kaya namamanipula ang kronolohiya ng panahon (timelines).

Humalaw tayo ng ilang mga talata mula dito sa YouTube video ng GFL Station (Jesus & The Pleiadians..) na:

“It’s Time To Reveal His TRUE Cosmic Origins…” The Pleiadians VALIR 3 December 2025

23:42 “ Ang imahe ni Yeshua na nakapako sa krus ay ginamit na parehong simbolo ng banal na pag-ibig at, sa kasamaang palad, bilang sandata ng takot at kasalanan.”

23:59 “Maghanda na palawakin ang inyong isip, dahil ang katotohanan ay maaaring gumulat sa inyo: ang pagpapako sa krus ay hindi naganap sa kabuuan kagaya ng sinabi sa inyo. Mayroong maliwanag na panlilinlang na nangyari- parang kosmikong mahika- na nagpanatili sa sangkatauhan na nakatutok sa paghihirap at kamatayan, sa halip na sa pagtatagumpay ng buhay. Ang sa aming mga Pleyadeang datos at perspektiba ay nagpapakita na ang tunay na Yeshua sa kaysaysayan ay inilagay sa krus, subalit ang kinalabasan at karanasan ay napaka kakaiba mula sa malaking drama na sa mas huli ay ipinahayag ng mga maykapangyarihan sa relihiyon.Una, ating ikonsidera na iyong mga gusto na tanggalin si Yeshua ay gusto rin na ang kaniyang mga tagasunod ay matakot at masira. Anong mas mainam na paraan kaysa maglunsad ng napakapublikong kakila-kilabot na pagpatay sa kanilang pinakamamahal na pinuno? Subalit, sa mas mataas na katotohanan, ang kaluluwa ni Yeshua at kaniyang mga kosmikong kaalyado ay mayroong kanilang pansariling plano para sa sandaling ito. Sa pamamagitan ng makabagong ispiritwal na mga kaparaanan ( maaaring tawagin ng ilan na holographic projection=holograpikong pagpapakita o pagkabisado sa kronolohiya ng panahon =mastery of timelines), ang sitwasyon ay ginawa upang tuparin ang mga pangangailangan ng mga itim na pwersa habang pinuprotektahan ang tunay na katapatan ng misyon ni Yeshua. Sa madaling salita, ang holograpikong ilusyon ay nakapatong sa kaganapan. Ito ay tila baga ang isang pelikula ay pinalabas para sa mga tao, iyong pinaniwalaan at tinanggap nila bilang katotohanan, nagpapakita na nagdurusa at namamatay si Yeshua sa krus.”

25:35 “Samantala, sa kabila nitong binanghay na drama, ang tunay na kwento ay iba. Paano ito naging posible? Unawain na ang mga nalinang na mga nilalang (parehong ng liwanag at, nakalulungkot, ilang maitim) ay nakababatid paano lumikha ng holograpikong mga suksok tungo sa katotohanan. Ang mga ito ay parang kolektibong mga pananaw o maramihang mga guni-guni na iniudyok sa pamamagitan ng teknolohiya o kapangyarihan ng isip, na maaaring malinaw na bawat isa na makasaksi sa mga ito ay maniwala sa mga ito na materyal na katotohanan.”

26:16“Sa kaso ng pagpapako sa krus, ang holograpikong drama ay inorkestra sa palibot ng krus. Marami sa mga tagamasid ay talagang nakasaksi at sa bandang huli ay nagkwento ng paghihirap ni Yeshua, ang pagdilim ng himpapawid, ang kaniyang huling iyak at kamatayan. Subalit ito ay isang saray ng katotohanan- ang isang naging naitala sa mga kasulatan. Sa kabalalay na saray ng katotohanan=parallel layer of reality ( sa likod ng talukbong ng suksok=insert), si Yeshua ay hindi nagdusa nang labis gaya ng pinaniwalaan, at hindi siya namatay sa krus kagaya ng iniisip ng tao. May maingat na pakikialam, maaaring tinulungan ng mga manggagamot na Essene at teknolohiya ng pamilya ng Bituin, siya ay tinanggal na buhay mula sa krus, ang kaniyang pwersa ng buhay ay napreserba sa antas ng pamamahinga.”

28:42“Ang pagpapako sa krus bilang holograpikong suksok ay nakakamanghang estratehiya: nagbigay ito ng hitsura ng pagkatalo, samantalang sa katotohanan naman ito ay malaking taktikang pagkapanalo para sa Liwanag. Nilinlang nito ang mga pwersa ng dilim tungo sa pag-urong muna, iniisip na ang banta ay wala na, habang si Yeshua at ang mga malalapit na kasamahan ay makapagpatuloy ng trabaho na patago. Tunay, itong pangyayaring ito ay epektibong pagkilos ng banal na katalinuhan – kahit na dumating na may tototoong sakit at panganib para kay Yeshua at sa mga nagmahal sa kaniya.”

32:38 “…ang kaniyang misyon para sa inkarnasyong iyon ay kumpleto: ang Kristong alon ng baybrasyon ay naiangkla at ang halimbawa ng walang kondisyong pag-ibig sa ilalim ng kahirapan ay ibinigay. Ito ay oras para sa kaniya na umalis nang matiwasay at magpatuloy ng kaniyang gawain sa ibang antas.”

35:07“Sa wakas, pagkatapos ng maraming mga taon- ilang mga tala ay nagmumungkahi na nabuhay siya higit walumpong taong gulang- ang pantaong buhay ni Yeshua ay dumating sa tahimik na pagtatapos. Hindi gaya ng magulong drama na niluto sa Judea, ang kaniyang huling mga taon ay matahimik. Mayroon siyang sariling pamilya (oo, batid niya ang pagmamahal sa kasama at maaaring nagkaroon ng supling, nag-iiwan ng linya ng tagapagmana.”

36:59 “Isang araw, pagkakasunduin ng sangkatauhan ang dalawang mga hibla- ang panlabas na mito at ang panloob na katotohanan- at matagpuan na ang tunay na kwento ay mas nagbibigay ng inspirasyon.”

37:28 “ Sa paghahayag nito sa inyo, mga minamahal, kami mga taga Pleyades ay umaasa na mapalaya kayo mula sa nakakasakit na pagkatutok sa pagpapapako sa krus at sa halip ay magpokus kayo sa muling pagkabuhay at sa buhay.”

47:26 “ Isa sa pinakanakapagpapalayang mga pagkakapangyari na dinadala ng bagong pagkaunawa ay ang Kristo ay hindi nag-iisang indibidwal na nagyelo na sa panahon, kundi ay ang nabubuhay na enerhiya na magagamit ng lahat.”

Samantala, si Gunnar Samuelson na isang teyologo na mamamayan ng bansang Sweden ay nagsabi na: “Walang natatangi na parusa na tinatawag na pagpapako sa krus, walang malinaw na pamparusang gamit na tinatawag na krusipiho saan man na binanggit sa alin mang sinaunang mga teksto kasama na ang mga Ebanghelyo.”

Ito ay mababasa sa artikulong: Jesus Christ May Not Have Died on Cross, July 1, 2010 ng abcnews.go.com.
https://abcnews.go.com/GMA/jesus-christ-died-cross-scholar/story?id=11066130

Batay naman sa Koran, ang banal na aklat ng mga Muslim sa An-Nisa 4:157

“…at para sa pagyayabang, “Pinatay namin ang Mesiyas, si Hesus anak ni Maria, ang sugo ni Allah.” Subalit hindi nila siya pinatay ni ipinako – ito ay ginawa lamang na lumabas na gayun. Kahit na iyong nakikipagtalo tungkol sa pagpapakong ito ay nagdududa. Wala silang kaalaman anuman – gumagawa lamang ng mga pagpapalagay. May katiyakan hindi nila siya pinatay.”
https://quran.com/an-nisa/157

Muli, kagaya ng malimit kong sinasabi ay hindi ako dalubhasa tungkol sa mga sinusulat ko. At inaamin ko na hindi rin ako magaling na manunulat. Ako ay isang ordinaryong mamamayan na patuloy na nag-aaral at nagsisikap na magsulat sa abot ng aking kaya at ibahagi ito sa may gusto. Marahil ay kasama ito sa misyon ng aking kaluluwa, sa aking pangkasalukuyang inkarnasyon at paglalakbay. At tinutupad ko lamang iyon!

Nababatid ko na ito ay sensitibong pagbabahagi. Bilang pagtatapos ng post na ito ay hihiramin ko sa ikalawang pagkakataon ang mga linya ni Valir:

37:28“In revealing this to you, dear ones, we Pleiadeans hope to free you from the morbid fixation on the crucifixion and instead focus you on the resurrection and life.”

37:28 “ Sa paghahayag nito sa inyo, mga minamahal, kami mga taga Pleyades ay umaasa na mapalaya kayo mula sa nakakasakit na pagkatutok sa pagpapapako sa krus at sa halip ay magpokus kayo sa muling pagkabuhay at sa buhay.”

36:59“One day, humanity will reconcile these two threads- the external myth and the inner truth- and find that the real story is even more inspiring.”

36:59 “Isang araw, pagkakasunduin ng sangkatauhan ang dalawang mga hiblang ito- ang panlabas na mito at ang panloob na katotohanan- at matagpuan na ang tunay na kwento ay mas nagbibigay ng inspirasyon.”

https://youtu.be/ACWKpk2GHCw?si=19OmWqHInTp0BsNx

02/12/2025

PROPESIYANG MAAARING TAYO ANG MAKATUPAD
Sininop ni Edgar C. Lontok
2 Disyembre 2025

Ang mensahe ni Saint Germain sa post na ito ay ipinahayag sa pamamagitan ng kasangkapan (messenger) na si Elizabet Clare Prophet. Ginawa ang pagpapahayag na ito noong ika-3 ng Marso 1985 sa Fiesta Island Ministry of Tourism Pavilion, Cultural Center of the Philippines Complex sa Maynila.

Ito ang ilan sa mga pahayag niya na hiniram ng nagsinop:

“ Dahil aking pinili siya (messenger) upang maghatid sa inyo ng propesiya ng Panginoon at ng apoy ng kalayaan mula sa aking puso na kapag kinuha ninyo ito at tumakbong dala ito bilang mga tagapagdala ng sulo sa gabi, inyong matutuklasan ano ang mga hiwaga na gagawin ng Panginoong Diyos para sa inyo sa bansang ito.”

“Ako ay lalo na at pambihirang nakatutok sa tadhana ng kalayaan ng mga bansa, dahil ang Diyos ay nagbigay sa akin ng kapahintulutan na magpalaganap ng kalayaan. At nagsisimula ito sa malayang pamahalaan at ang sagradong mga kalayaan at ang sa taong mga pangangailangan hindi lamang para sa mga karapatang pantao kundi ay para sa mga karapatang banal.”

ISANG REBOLUSYON SA MAS MATAAS NA KAMALAYAN

“Ang aral ng bagong kapanahunan ay narito na. At ang paghahatid ko ng apoy ng kalayaan sa mga bansa, mga minamahal, ay nakaaapekto sa pagkaunawa sa relihiyon, pati na sa agham, at saka sa sariling pamamahala. Samakatuwid ay unawain na ang alak ng Banal na Ispirito- ang nagniningas na pagbabautismo nito, ang lilang apoy nito (VIOLET FLAME)- ngayon ay tumatagos sa lahat ng mga institusyong pangrelihiyon ng mundo. At ang rebolusyon ng Mas Mataas na Kamalayan ay tunay na ang daan ng mga tagapagtaguyod ng langit.”

ISANG PROPESIYA NA KAYO LAMANG ANG MAAARING MAKATUPAD

“At sa gayon ito ay mangyayari na ang sinaunang mga tao- ang inyong mga sarili- ay nagmula sa matagal nang naglahong kontinente ng Lemuria ay muli na namang magpapanumbalik ng Liwanag at ng ginintuang kapanahunan.”

“Ito ay hindi hula (psychic prediction). Ito ay propesiya na kayo lamang ang makapagsasakatuparan. Ang Diyos at Kaniyang mga hukbo ay naghahayag ng banal na plano at sinasabi sa inyo na ito ay ang inyong tadhana. Subalit mayroon kayong malayang kalooban. Kayo lamang ang maaaring makatupad ng inyong tadhana!”

“May katunayan, mga minamahal, ang Liwanag ay hindi magkakanulo sa inyo. Hindi namin kayo iiwan. Kaya, huwag ninyong ipagkanulo ang Liwanag.”

“Ito ang kahulugan ng pagtutulungan ng langit at lupa. Ito ang ibig sabihin ng Dakilang Puting Kapatiran. Ito ang kapatiran ng mga banal sa Itaas at baba na kumikilos nang sama sama. At iyong mga nasa baba ay nakababatid na sila ay kasangkapan ng mga nasa Itaas, at samakatuwid ang kanilang tapang ay hindi nababawasan.”

https://pearls.tsl.org/1985pows/850407SG.html?query_highlight=Philippines+as+part+of+lemuria

SINO SI SAINT GERMAIN?

Noong 2003 sa panahon ng aking pag-aaral sa Germany, unang nakilala ko si Saint Germain.Dahil sa mensahe niya na tayong mga Pilipino ay matandang lahi na galing sa Lemuria, (isang dakilang sibilisasyon, at tinatawag din ang Lemuria na duyan ng sangkatauhan), ay unti unting nagbago ang pananaw ko tungkol sa tunay na pinagmulan ng ating lahi at ng tao.At nagsimula na rin ako na mag-isip sa labas ng kahon (think outside of the box / escape the matrix). Ibig sabihin ay inuusisa ko na ang mga minanang turo o pagkakondisyon na bunga ng dating kinalakihan o natutuhan sa bahay, paaralan, simbahan at lipunan.

Ayon sa Theosophy, si Saint Germain ay isang Ascended master, isang g**ong ispiritwal o master ng sinaunang karunungan. Pinaniniwalaan na siya ay isang personalidad ng kasaysayan ng ikalabing walong siglo na kilala bilang Comte de St.Germain na isang alkimista (nakapagpapabago ng metal tungo sa ginto, pagbabagong anyo). Kinikilala siya bilang pinakadakilang dalubhasa ng Europa sa huling mga dantaon. Kung si Sananda (galaktikong pangalan ni Yeshua, kilalang Hesus sa kasaysayan) ang Chohan (Master/Lord) ng Age of Pisces (nagsimula 1AD), si St. Germain naman ang Chohan ng Age of Aquarius (Golden Age), ang pangkasalukuyan o paparating na kapanahunan. (Ang Chohan ay salitang Tibetan na para sa Master, Lord. Sa Theosophy naman, ang Chohan ay mataas na antas ng ispiritwal na pagkadalubhasa.)

Mula sa pagbabasa ko noon ng tungkol sa kaniya nalaman ko na talaga pala na mayroong muling pag-inkarnasyon (paglipat ng kaluluwa ng taong namatay patungo sa bagong katawan). Na ang kaluluwa ng tao ay naglalakbay at gumagamit ng iba’t ibang katawan sa iba’t ibang panahon bilang sasakyan habang tinutupad ang misyon o pag-aaral sa eskwelahang tinatawag na mundo o lupa. Si St. Germain daw ay dumaan sa maraming inkarnasyon bilang St. Alban, isang martir sa Roma. Naging si Proclus, pilosopong pinuno sa paaralan ni Plato sa Athens.Siya rin si Roger Bacon, isang pilosopong Ingles.Naglakbay din siya bilang Sir Francis Bacon na siyentipiko at manunulat. Bilang Christopher Columbus ay pinangunahan niya ang paglalakbay sa Amerika. Mayroong nagbabanggit na siya rin ay nag-inkarnasyon bilang si Joseph ng Nazareth, na ama ni Hesus. May nababasa rin na siya raw ay naging si propeta Samuel. Pagkatapos ng maraming inkarnasyon, siya ngayon ay isang Ascended Master.

Siya rin daw ay may panggitnang kahalagahan sa tinatawag na Saint Germain Foundation. Mayroong nagsasabi na bumaba siya mula sa kinalalagyan niyang dimensiyon (etheric plane) upang pisikal na makatagpo ang mga pinuno ng banko at mga lider ng mundo hinggil sa pag-aanunsiyo ng NESARA. May banggit din sa internet na nililiman ni St. Germain ang mga naunang makabayang Amerikano sa pagbuo ng konstitusyon at pagdisenyo ng bandila ng Amerika. Siya ay nagmamalasakit tungkol sa kalayaan at ang pagpapanatili nito sa bawat bansa. Mayroong tumatawag sa kaniya bilang Uncle Sam (sa nakaraang buhay niya ay naging propeta Samuel siya, kaya iyon ang pinagmulan ng bansag).

ANO ANG AGE OF AQUARIUS?

Ito ay astrolohiyang kapanahunan na nagtatagal humigit kumulang sa 2160 mga taon.Ito ay pwedeng ang kasalukuyan o ang paparating agad na panahon. Sinisimbulo nito ang pag-unlad, inobasyon o pagbabago, pagkakapantay pantay at ispiritwal na pagkagising.

Muli, ipinapakiusap na suriin o pag-aralan ng bawat mambabasa kung ano ang natunghayan sa post na ito.At iiwanan ng artikulong ito ang tanong na: Handa na ga kayo upang sa ating panahon ay tuparin ang propesiyang ito, na ibalik ang Liwanag at Ginintuang Kapanahunan kagaya ng mga Lemurian?

Dagdag na pagbabahagi: Ano ang pagkakaiba ng hula o psychic prediction sa propesiya?
Ang pangunahing pinagkaibahan ay ang pinanggalingan ng impormasyon. Pinaniniwalaan na ang propesiya ay mensahe na may banal na inspirasyon mula sa mas mataas na dimensiyon o kapangyarihan. Sa kabilang banda, ang hula o psychic prediction ay nakapundasyon sa kakayahan ng isang tao na makakuha ng panghinaharap na impormasyon sa pamamagitan ng mga hindi pangkaraniwang mga paraan kagaya ng mga ispirito o mga kakayahang ESP=Extra Sensory Perception (kakayahang makasagap ng impormasyon liban sa limang pandama). Ang propesiya ay kalimitang nagdadala ng pang moral o pang-ispiritwal na bigat. Samantala ang psychic prediction o hula naman ay maaaring tumukoy sa mas malawak na sakop ng mga kaganapan.

Pinagkadluan ng bahagi ng mensahe, larawan at ibang mga impormasyon sa post na ito:

1. Vol.28 No.14 – Beloved Saint Germain – April 7, 1985
The Lord’s Prophecy unto the Philippines by Saint Germain Delivered by the Messenger
Elizabeth Clare Prophet (pearls.tsl.org)

2. Ascended Master Free Download Picture, www.iamthelight.at

3. www.thepranichealers.com

4. Wikipedia, Google

01/12/2025

KOLEKTIBONG KAMALAYAN AT BANAL NA PLANO
Sininop ni Edgar C.Lontok
1 Disyembre 2025

Disyembre na naman. Ang bilis ng araw. Parang kasisimula pa lamang ng 2025, pero ngayon isang buwan na lamang at 2026 na. Mainam sig**o na sa pagitan ng luma at bagong taon ay makinig tayo ng propesiya upang magsilbing gumigiyang inspirasyon.

Hinihiram natin ang March 23, 2007 YouTube video na: Cindy Jacobs-Prophecy for the Philippines 2001. Ayon dito sa pagsasalarawan sa video post, ang propesiyang ito ay binigkas daw na hindi inaasahan at biglaan noong ika-27 ng Oktubre 2001. Ito ay nangyari sa pagpupulong ng Harvest International Ministries sa California, USA.

Si Cindy Jacobs kasama ng kaniyang asawa ang nagtatag ng Generals International. Ito ay pangglobal na organisasyong kilala sa ministeryo ng pagpropesiya (prophetic ministry).

Pumili ako ng ilang mga linya mula sa video:

“ I’m going to begin to expose, expose , expose, expose.”
(Ako ay magsisimula upang ilantad, isiwalat, ibunyag, ihayag.)

“For I will open up my treasure chest from the Philippines.”
(Bubuksan ko ang kaban ng kayamanan mula sa Pilipinas.)

“ And I am going to begin to release finance from the Philippines that will surprise and shake even Hongkong.”
(At aking pamumulan na maglabas ng pananalapi mula sa Pilipinas na ikagugulat at maging ikaalog ng Hongkong.)

“For I am getting ready to move a distribution of wealth says God.”
(Naghahanda akong pakilusin ang pamamahagi ng kayamanan sabi ng Ama-Inang Lumikha.)

“ I am getting ready to bring forth a revolution even in the economic system to the finance system.”
(Inaayos ko na upang maghatid ng pagbabangon kahit sa pang-ekonomiyang sistema hanggang sa pamamaraan ng pananalapi.)

Matagal ko nang napanood ito. Noong una kong mapakinggan ang mensahe ay tumayo ang mga balahibo ko. Kung iuugnay natin sa mga nangyayari ngayon, tingin ko ay utay utay na mayroong namamasdan. Hindi biglaan, dahil nakasalalay ang ikapapangyari sa antas ng baybrasyon at kamalayan ng mga mamamayan. Sa ibang salita, ang kolektibong kamalayan at paniniwala ng mga tao ang susi sa katuparan ng banal na plano. Ibig sabihin ay nangangailangan na makamtan ang ‘critical mass’ (tamang antas o dami) upang ang isang programa, proyekto, layunin o propesiya ay makita sa pisikal na anyo.

Pag-uugnay ng propesiya sa nangyayari ngayon:

Ang dami nang nalalantad ngayon hindi lamang tungkol sa Pilipinas kundi ay sa ibang bahagi ng mundo, maging sa ibang planeta.

Labing pitong taon na akong nagpapandaw sa internet ng tungkol sa NESARA/GESARA (National Economic Security and Reformation Act / Global Economic Security and Reformation Act). Nagandahan ako sa nabasa ko noon tungkol dito kaya hindi nagmamaliw ang pag-aabang ko at pag-asa. Tingin ko ay itong NESARA/GESARA kahit may nababasa pa rin na conspiracy theory daw ay ang pamamahagi ng kayamanan ng mundo sa mga tao. Naniniwala ako na ang NESARA/GESARA ay hindi huwad. Ngayon naman ay marami nang nalalantad na ang dating sinasabing mali ay siya palang tama. Maaaring hindi ito ang eksaktong maging katawagan sa bawat isang bansa, subalit ang prinsipyo ay iisa.

Tingin ko ay ang GCR (Global Currency Reset), QFS (Quantum Financial System), ISO 20022 ay bahagi ng pagbabangon ng sistemang pang-ekonomiya at pananalapi. Dati kapag nagpapadala ng pera mula sa isang bansa patungo sa ibang bansa at bangko sa bangko (hindi Moneygram, Western Union, Shift at iba pa), ay nangangailangan ng IBAN (International Bank Account Number) o SWIFT (Society for Worldwide Interbank Financial Telecommunication) code. Simula noong ika-22 ng Nobyembre 2025 ay ISO 20022 na.Ang ISO 20022 ay International Standard by ISO Technical Committee TC68 Financial Services.

Kaya, sa kabila ng mga ingay o pananakot na ating naririnig mula sa labas, o maging sa sariling binuo sa isip na takot o multo, higit na mainam ang magtiwala tayo sa banal na plano. Itaas natin ang ating kolektibong baybrasyon at kamalayan. Dahil habang lumilipas ang araw ay unti unti nating nasasaksihan na ang mga plano ay natutupad.

https://youtu.be/49ZoRiz3VEY?si=EluuvWp1KNfzMfKi

Cindy Jacobs 2001 Prophecy:The prophecy was delivered unexpectedly and extemporaneously last October 27, 2001. The venue was the "Catch the Fire" conference ...

29/11/2025

Protokol Bilang 7: NAMAMANIPULA NGA KAYA ANG PANAHON AT NASASADYA ANG LINDOL?
Sininop ni Edgar C.Lontok
11 Nobyembre 2025

Sa post na ito ang limang mga larawan na may puting guhit na linya sa himpapawid ay kuha noong ika-27 ng Setyembre 2025 dito sa bayan mga ikalima at kalahati ng hapon (17:35, 17:36, 17:40, 17:41 at 17:43). Ito ay isang araw pagkatapos ng bagyong Opong. Ang unang nakita ko ay nanggaling ang eroplano mula south west patungong north east. Binantayan ko at may nakita akong muling eroplano na galing naman sa north east puntang south. Pero tingin ko ay sa baba ng binabagtas ng eroplano ay mayroon pang isang mahabang guhit ng ulap bukod pa sa linyang puti na sumusunod sa sasakyang panghipapawid.

Tapos tinanaw ko iyong bandang south west at doon ay tatlong guhit na puting parang ulap naman ang napagmasdan ko. Sa aking palagay ay mistulang naka ilang ruta na ang eroplano. Ano kaya kakong ginagawa ng piloto o sakay sa eroplanong iyon at parang nakailang direksiyon na? Biglang dumaan ang isang kapitbahay ko. Tinanong ko kung nakikita niya ang nakikita ko. Sagot niya ay oo, eroplano na may mahabang guhit na puti sa hulihan nito na parang ulap. Tugon ko naman ay nabasa ko, na iyon daw ay contrails o condensation trails. May nakita rin kako akong video na nagsasabi na iyon daw ay cloud seeding o geoengineering. Mayroon ding nagpapalagay na chemtrails, skytrails o whitetrails daw at diumano ay conspiracy theory. Pero kung cloud seeding para magpaulan ang pakay ng eroplanong iyon, bakit kako September 27, isang araw pagkatapos ng bagyong Opong na dumaan noong Setyembre 26?

Noong mga Abril o Mayo ng kasalukuyang taon (pakiwari ko sa buwan, hindi ko na lamang matandaan ang eksaktong petsa at oras), subalit talagang may nakita rin akong eroplano sa himpapawid na may puting guhit ng ulap na bumubuntot. Gusto ko sanang kuhanan ng larawan subalit lowbat ang cellphone ko. Ang naisip ko na lamang ay baka gustong magpaulan dahil tag-init. Ngunit ngayong Setyembre na karaniwang buwan ng tag-ulan at tag bagyuhan dito sa atin tapos may nakita akong eroplano na may bumubuntot uling maputing ulap, hindi ko na maiwasan na mag-usisa at iugnay sa mga dati ko nang naririnig na sinasabing conspiracy theory daw? Bagaman at matagal ko nang batid na ang ugali o gawi o isip ng tao ay may epekto sa panahon at kapaligiran, nagtingin pa rin ako sa internet kahit mayroon na akong nabasang libro (hard copy) ng tungkol sa mga paksang ito. Ito ay upang marinig ko rin ang alam o perspektiba ng ibang tao at nilalang mula sa iba’t ibang landas at dimensiyon ng buhay.

Nag google ako, at sa panahon daw ng digmaan sa Vietnam ay isinagawa ang programa na tinatawag na Operation Popeye. Ito ay upang manipulahin ang panahon sa pamamagitan ng paggamit ng cloud seeding. Ang pakay ay upang pahabain ang tag-ulan (monsoon season) sa Timog Silangang Asya. Nang sa gayun daw ay magambala ang tropa ng Hilagang Vietnam pati mga pagdadala ng kagamitan sa pamamagitan ng malalakas na buhos ng ulan, gawing hindi nadadaanan ang mga lansangan upang hadlangan ang mga pwersa ng kaaway. Ang operasyon daw ay naging matagumpay dahil napahaba ang tag-ulan (monsoon season) ng 30 hanggang 45 na araw sa mga pinupuntiryang lugar. Naghanap pa ako ng tungkol dito at natagpuan ko ang website ng Office of the Historian. Dahil nakikita naman sa internet kapag nagsearch at nababasa ng publiko online, napagpasyahan ko na isama rin dahil bahagi na ito ng kasaysayan ng mundo, nating mga tao.Naniniwala ako na may natututuhan tayo sa pagbabasa ng kasaysayan at naiuugnay natin sa pangkasalukuyan bilang aral ng lumipas.
https://history.state.gov/historicaldocuments/frus1964-68v28/d274

May nabasa rin ako sa google.com na ang pagmanipula sa panahon ay sinubukan din daw noong 1974 dito sa Pilipinas. Ang bagyong si Iliang ay nagbabanta na makagambala sa pagdaraos ng Miss Universe. Diumano ay nagsagawa rin ng cloud seeding upang maging maliwanag ang himpapawid sa Maynila.(Hindi ko alam kung totoo ito, kaya ipinapakiusap na sariling discernment, pag-unawa o pagpapasya ng sarili ang sundin.) Ang resulta raw ay nairaos ang patimpalak kagandahan noong July 21, 1974 kagaya ng plano subalit ang bagyo ay nagdulot pa rin ng pinsala at mga pagkamatay sa ibang mga bahagi ng Luzon. Tingnan ang mga elektronikong lunan:

New York Post (My memories of Imelda, 21 April 2013)
https://nypost.com/2013/04/21/my-memories-of-imelda/

ABS CBN News (Show goes on:1974 Miss Universe pageant held amid typhoon, 19 January 2017)
https://news.abs-cbn.com/life/01/19/17/show-goes-on-1974-miss-universe-pageant-held-amid-typhoon

May napanood din akong video sa Facebook na isang interview diumano kay Dr. Russell Blaylock, isang siruhano sa utak. Sabi niya ay ang geoengineering daw ay naghuhulog ng aluminum mula sa himpapawid at nasisinghot ng ating ilong tapos diretso sa ating utak na nagiging sanhi ng pagdami ng taong may sakit na Parkinson at Alzheimer.
https://www.facebook.com/share/v/1CWhSAEPsJ/

Nakita ko rin iyong post ni Tucker Carlson:
https://www.facebook.com/share/r/1A7q1gWPbe/

https://www.facebook.com/61552211774673/posts/122267829332073725/?app=fbl

Pagkatapos kong mapanood ang isa pang video ay agad namang dumaan itong isang post na nagsasalita si US Congresswoman Marjorie Taylor Greene:
https://www.facebook.com/RepMTGreene/videos/702120086226725/?app=fbl

Sabi pa ni Congresswoman Greene: “For decades, Americans were called crazy for questioning cloud seeding & geoengineering. But the truth is out, this is a multi-billion dollar industry with little oversight”

Sa ibang post ni Congresswoman Greene: “My Clear Skies Act will BAN geoengineering and weather modification. No more playing God with our weather.”

Samantala, binanggit sa internet na ang cloud seeding operation daw sa ating bansa ay kolaborasyon ng Philippine Air Force (PAF), Department of Agriculture (DA) at Bureau of Soils and Water Management (BSWM). Ang layunin daw ay modipikasyon ng panahon upang paramihin ang ulan lalo na sa tagtuyot at El Nino. Ang ginagawa raw ay ang maliliit na mga partikulo kagaya ng asin ay isinasabog (dispersed) sa hangin upang magsilbing nukleyus at ang mga maliliit na patak ng ulan (droplets) ay mabuo.
https://www.pna.gov.ph/articles/1064421

May nabasa ako na ang cloud seeding daw ay hindi angkop sa mga apektado ng bulkang Taal (January 15,2020).
https://www.onenews.ph/articles/why-cloud-seeding-is-not-advisable-in-taal-affected-areas

Makalipas kong panoorin ang mga video ay nagtingin ako sa internet kung mayroong batas sa Pilipinas na nagbabawal sa geoengineering at cloud seeding. Sabi sa internet ay wala pa daw maliban sa RA 9729-Climate Change Act of 2009 at PD 1586- Environmental Impact Statement (EIS) System na maaaring magrenda sa paggamit at pagsasakatuparan ng mga ito. Wala pa rin daw House Bill na isinusulong sa Kamara tungkol dito, pero mayroon akong nakita na 20th Congress-Senate Bill No. 195 - An act regulating the practice of environmental engineering in the Philippines. Sinikap kong buksan ang link pero hindi ako inihatid sa site. Sa halip ang nakita ko ay Senate Bill 56 na batas pala sa Florida, USA na nagbabawal sa geoengineering at weather modification. Ang batas na ito ay nagkabisa noong July 1, 2025.

Samantala dumako naman tayo tungkol sa lindol. Batay sa aklat na Voyagers The Secrets of Amenti Volume II of the Emerald Covenant CDT Plate Translations, pahina 522 ay noong ika-16 ng Agosto 1976 ay lumindol ng 7.9 magnitude sa Pilipinas. Diumano ito ay Sonic Pulse Un-natural disaster na dulot ng paggamit ng scalar pulse technologies ng covert fallen angelic/Intruder ET and Illuminati. Nakasulat sa aklat, na ang paglindol na iyon sa ating bansa ay sonic pulse action (Serpent Phoenix APIN dispute).Ibig sabihin, ang lindol ay hindi likas kundi ay kagagawan ng tagong lumagapak na malaanghel na nangingialam mula sa labas ng mundo.

Hinanap ko sa internet kung mayroon ngang malakas na lindol noong Agosto 1976 na nangyari sa Pilipinas. Ayon sa Wikipedia, ito raw ay lindol at tsunami sa Gulpo ng Moro malapit sa mga isla ng Mindanao at Sulu na nagresulta sa tantiyang limang libo hanggang walong libo ang nasawi.

Batay sa datos na nasa aklat na Voyagers ay simula 30 Mayo 1935 na nangyari sa bansang Pakistan na may 7.5 ang lakas hanggang 26 Enero 2001 na 7.7 lindol sa India, ay nagkaroon ng mga 41 hindi mga likas na pagyanig sa buong mundo.

Itong banggit na ito sa aklat na Voyagers ay nagpapatunay lamang na hindi tayo nag-iisa sa mundo. Mayroon talagang mga nilalalang o lahi at bahagi rin ng paglikha na kasama natin sa mundo,sansinukob o pamayanang galaktiko bagaman at hindi natin nakikita. At hindi malayo na maaaring may ambag din sila sa mga nangyayari sa panahon at mga kaganapan sa ating mundo? Kaya iyong mga kwento dito sa atin na tungkol sa diwata, duwendi, engkanto, nuno, mga lamang lupa o ibang mga elemento, naniniwala ako na mayroong basehan ang mga iyon.

Bilang pagsusuma, muli ay gusto kong bigyan ng diin na hindi ako dalubhasa sa mga paksang nakapaloob dito. Ang artikulong ito ay isang protokol, ibig sabihin ang mga paglalahad ay kahalintulad ng pagsasalaysay ng isang ordinaryong mag-aaral sa loob ng klase. At pagkatapos ng reporting ay sama samang pinag-aaralan, sinusuri at tinitimbang timbang ng g**o at mga magkakaeskwela. Sininop ang mga nabasa at napanood sa internet at iniugnay sa nakita sa himpapawid noong September 27, 2025 at sa mga bagyong dumaan pati na sa mga nararanasan sa araw araw. Ang protokol na ito ay nagtatanong din kung may kaugnayan nga kaya ang mga pagmamanipulang ito ng panahon sa mga sakit na kinasasadlakan ng mga mamamayan, ng mga pananim pati na sa mga pagbaha?

Pangunahing layunin ng Talumpok Global na makapagtayo tayo ng isang malusog at maharmoniyang pamayanan. Sa puntong ito na udyok ng busilak na layunin ay buong may paggalang at pagpapakumbabang dumudulog tayo o humihingi ng tulong at gabay sa ating mga pinuno ng pamahalaan lalung lalo na sa kinatawan ng ikalimang distrito ng Batangas. Baka pwedeng hilingin natin na mausisa ng ating mga mambabatas kung may masama ngang dulot sa tao at kapaligiran ang pagmamanipula sa panahon?

Dagdag na pagbabahagi:

Wala akong pahintulot mula sa may-ari ng The Truth Can Change Your Life, YouTube video 10 Nov 2025 DISCLOSURE: It’s Time Starseeds Knew The TRUTH…” Ashtar Command . Nakapubliko naman ito, ibinabahagi ko upang ipabatid sa may nais na mayroong ganitong post o perspektiba ukol sa ating paksa.
https://youtu.be/LU3DnoWgTnE?si=kHxw9KCHQwQOplmx

Muli ay inuulit ko na pairalin natin o ng mga makatutunghay dito ang sariling pagsusuri at pagbuo ng konklusyon o pagpapasya tungkol sa mga nabanggit sa post na ito. Marahil naman, karamihan sa atin ay may kakayahan o pagkakataon na maggalugad sa internet. Hindi layunin ng nagsinop na magpakalat ng huwad na impormasyon o fake news. Sa pagsusulat ng protokol na ito ay wala akong kinausap na tao liban sa aking kapitbahay.(Tinanong ko lamang siya kung nakikita niya ang nakikita ko sa parehong oras, lugar at tagpo.) Wala ring tao ang kumausap sa akin upang magsulat nito.

Karamihan ng mga nilalaman nito ay kinalap online liban sa limang mga larawan at ilang mga nakatala sa aklat na Voyagers. Ginamit sa pagsisinop ang teknolohiya ng internet (pawang mga nakapublikong data lamang sa panahon ng pagreresearch) upang gumabay sa neyutral na pagtukoy ng kung ano ang tama. At pawang katotohanan lamang ang pakay, kung ano ang mas ikabubuti ng higit na nakararami kung hindi man ng kalahat-lahatan.