https://www.facebook.com/173733825815604/

Nutrisyon ng Bulakin Uno, Tuloy ang Pag-Asenso, Bulakin (2025)

31/03/2024

Sa anim na linggong pakikipagtulungan sa Brgy. Bulakin I, Dolores, Quezon, ang limang praktikumers mula sa UPLB BS Nutrition ay nagtagumpay sa pagsasagawa ng pitong interbensyong pangnutrisyon.

(1) Angat Barangay: BHW at BNS Bilang Tulay 🫱🏻‍🫲🏻
(2) Angat BNC: Bayani ng Community 💪🏻
(3) Gulayan sa Bulakin, Ating Pagyamanin 🌱
(4) Pag-asa Mula sa Pabasa: Wastong Gabay kay Mommy Para sa Tamang Nutrisyon ni Baby 📖
(5) What’s Cookin’ Bulakin: Swak sa Bulsa, Sagana sa Sustansya 👩🏻‍🍳
(6) Dagdag Kabuhayan, Bagong Ugnayan (Kalabasa Ice Cream Recipe Development) 🍦
(7) SISA: Saligan ng mga Impormasyong Swak sa mga Nanay na Aktibong Nagpapasuso (Breastfeeding Support Group) 🤱🏻

Sa bawat hakbang ng aming mga proyekto at aktibidad, kasama namin ang Barangay Development Council, Barangay Nutrition Committee, at ang dedikadong labing-tatlong mga Barangay Health Workers at Barangay Nutrition Scholars.

Sa bawat araw, nakita namin ang dedikasyon ng bawat isa sa pagtataguyod ng kalusugan at nutrisyon sa komunindad. Dahil sa inyong tulong at suporta, natamo natin ang tagumpay na ito.

Kung kaya’t kami ay lubos na nagpapasalamat sa lahat ng aming nakasama sa mga nakaraang linggo. Kami ay umaasa na ang lahat ng nasimulan ay maipagpapatuloy, at lahat ng naiambag ay magdudulot ng patuloy na pag-unlad. Nawa’y mapanatili ang pagkakaisa at pagmamahal para sa mas malusog at masiglang komunidad.

Gayundin, nagpapasalamat po kami sa lahat ng mga nag-abot ng tulong-pinansyal at donasyon upang maisakatuparan ang mga nasabing interbensyong pang-nutrisyon. Kung hindi po dahil sa inyong tulong at kabutihan ay hindi po namin maisasagawa ang aming mga programa, proyekto, at aktibidad.

Muli, mula po sa aming puso, maraming salamat po sa inyong lahat. Hanggang sa muli, Barangay Bulakin I! ❣️

𝗡𝘂𝘁𝗿𝗶𝘀𝘆𝗼𝗻 𝗻𝗴 𝗕𝘂𝗹𝗮𝗸𝗶𝗻 𝗜, 𝗧𝘂𝗹𝗼𝘆 𝗮𝗻𝗴 𝗣𝗮𝗴-𝗮𝘀𝗲𝗻𝘀𝗼!
- 𝘓𝘶𝘳𝘦𝘦𝘯, 𝘓𝘢𝘶𝘳𝘦𝘯𝘤𝘦, 𝘚𝘢𝘮, 𝘠𝘯𝘢, 𝘢𝘯𝘥 𝘒𝘪𝘢𝘯𝘢

31/03/2024

𝘽𝙖𝙡𝙞𝙠𝙖𝙣 𝙣𝙖𝙩𝙞𝙣 𝙖𝙣𝙜 𝙢𝙜𝙖 𝙣𝙖𝙜𝙞𝙣𝙜 𝙞𝙣𝙩𝙚𝙧𝙗𝙚𝙣𝙨𝙮𝙤𝙣𝙜 𝙥𝙖𝙣𝙜-𝙣𝙪𝙩𝙧𝙞𝙨𝙮𝙤𝙣 𝙣𝙖 𝙞𝙨𝙞𝙣𝙖𝙜𝙖𝙬𝙖 𝙣𝙜 𝙐𝙋𝙇𝘽 𝙋𝙧𝙖𝙘𝙩𝙞𝙘𝙪𝙢𝙚𝙧𝙨 𝙨𝙖 𝙣𝙖𝙠𝙖𝙡𝙞𝙥𝙖𝙨 𝙣𝙖 𝙥𝙞𝙩𝙤𝙣𝙜 𝙡𝙞𝙣𝙜𝙜𝙤 𝙥𝙖𝙧𝙖 𝙨𝙖 𝘽𝙧𝙜𝙮. 𝘽𝙪𝙡𝙖𝙠𝙞𝙣 𝙐𝙣𝙤... ✨

30/03/2024

𝐌𝐚𝐲 𝐧𝐚𝐧𝐚𝐥𝐨 𝐧𝐚! 🤩

Taos puso po kaming nagpapasalamat sa lahat nang nakilahok sa fundraising initiative na 🎟️ 𝗥𝗼𝗹𝗲𝘁𝗮 𝗻𝗴 𝗦𝘂𝘀𝘁𝗮𝗻𝘀𝘆𝗮: 𝗥𝗮𝗳𝗳𝗹𝗲 𝗳𝗼𝗿 𝗮 𝗖𝗮𝘂𝘀𝗲. Kami po ay lubos na nagagalak sa inyong pagsuporta sa aming layunin na mangalap ng pondo para sa mga programang pangnutrisyon sa Brgy. Bulakin I, Dolores, Quezon. 🏠

Malugod din naming binabati ang mga nanalo sa ginanap na raffle draw noong ika-26 ng Marso.
🥇𝗠𝗮𝗷𝗼𝗿 𝗣𝗿𝗶𝘇𝗲𝘀:
1st Prize (20kgs Dumbbell Set) - Sigmund Gene Tia
2nd Prize (Non-slip Workout Mat) - Adam Calamba
3rd Prize (Jumping Rope) - Mary Carmel Afable
🥈𝗖𝗼𝗻𝘀𝗼𝗹𝗮𝘁𝗶𝗼𝗻 𝗣𝗿𝗶𝘇𝗲𝘀:
Resistance Band Set - Shirley Villasis
Protein Shaker - Alberto Herrera at Mary Carmel Afable
Salad Portable Cup - Katie Castillo at Jhane Escoza

Gaya po ng aming ipinangako, lahat po nang sumali sa aming raffle ay makakatanggap ng isang 📒 𝗗𝗶𝗴𝗶𝘁𝗮𝗹 𝗛𝗼𝗺𝗲-𝗕𝗮𝘀𝗲𝗱 𝗪𝗼𝗿𝗸𝗼𝘂𝘁 𝗚𝘂𝗶𝗱𝗲, na dinisenyo upang tulungan ang mga Pilipino na magsimula o manatiling aktibo mula sa kanilang mga sariling tahanan. Amin po itong ipinadala via email. 📧 Kung kayo po ay hindi pa nakakatanggap, maaaring mag-message lang po sa aming FB page.

Muli, maraming salamat po sa inyong walang sawang suporta at pakikiisa. Sana ay patuloy ninyong isapuso ang diwa ng pagtulong at pagmamalasakit. 💖🫡

29/03/2024

𝗣𝗿𝗼𝗴𝗿𝗮𝗺𝗮 𝟳: 𝗗𝗮𝗴𝗱𝗮𝗴 𝗞𝗮𝗯𝘂𝗵𝗮𝘆𝗮𝗻, 𝗕𝗮𝗴𝗼𝗻𝗴 𝗨𝗴𝗻𝗮𝘆𝗮𝗻! 💰🍦

Noong Marso 21, 2024, isinagawa ang "Dagdag Kabuhayan, Bagong Ugnayan" at ipinresenta ng UPLB BS Nutrition Practicumers ang livelihood project sa isang pagtitipon na kasama ang mga miyembro ng Kalipunan ng Liping Pilipina (KALIPI), Barangay Nutrition Scholars, at Barangay Health Workers. Kabilang din sa mga dumalo ang Barangay Captain, Barangay Secretary, at Barangay Treasurer ng Bulakin I.🌟👩‍👩‍👧‍👧

Nagsimula ang presentasyon sa pamamagitan ng panonood ng video tutorial, kung saan ipinakita ang proseso ng paggawa ng Kalabasa Ice Cream. 🎃🍦 Kasunod ng video, nagkaroon ng isang malawak na talakayan ukol sa standardized recipe at maingat na costing strategy. Binigyang pansin din kung paano tiyakin ang konsistensiya ng produkto, kalidad, at financial viability, na nagpapakita ng potensyal ng proyekto bilang isang sustainable na mapagkukunan ng kita para sa komunidad.💰

Sumunod ang isang sesyon ng sensory evaluation, na nagbibigay sa mga dumalo ng pagkakataon na matikman ang Kalabasa Ice Cream. Ang mahalagang yugtong ito ay nagbigay-daan sa agarang feedback sa lasa, teksto, at kabuuang kalidad ng ice cream. 🍨👩‍👩‍👦‍👦

29/03/2024

𝗣𝗿𝗼𝘆𝗲𝗸𝘁𝗼 𝟲: 𝗦𝗜𝗦𝗔: 𝗦𝗮𝗹𝗶𝗴𝗮𝗻 𝗻𝗴 𝗺𝗴𝗮 𝗜𝗺𝗽𝗼𝗿𝗺𝗮𝘀𝘆𝗼𝗻𝗴 𝗦𝘄𝗮𝗸 𝘀𝗮 𝗺𝗴𝗮 𝗡𝗮𝗻𝗮𝘆 𝗻𝗮 𝗔𝗸𝘁𝗶𝗯𝗼𝗻𝗴 𝗡𝗮𝗴𝗽𝗮𝗽𝗮𝘀𝘂𝘀𝗼

Nagsimula na ang ating breastfeeding support group! 🎉👶🤱 Sa ating pambungad na sesyon noong Marso 19, 2024, pinaanyayahan natin ang mga kasapi ng ating breasftfeeding support group na “SISA: Saligan ng mga Impormasyong Swak sa mga Nanay na Aktibong Nagpapasuso” .💖

Ito ay isang pagpapakilala kung saan ipinaliwanag ang layunin ng grupo at itinakda ang mga inaasahang aktibidad sa mga susunod na pagpupulong. 📅👩‍👧 Kasama rin sa mga tinalakay ang mga dapat asahan na gawain sa grupo, tulad ng pakikilahok sa Facebook group at mga pagpupulong, ang pag-re-recruit ng mga bagong ina, ang pagsiguro ng pagpapalaganap ng tamang impormasyon, at mga tamang pagkukunan ng mga impormasyon at tulong tungkol sa pagpapasuso. Ipinakita rin nating ang tamang mga teknik sa pagpapasuso. 🌟🤱

29/03/2024

𝗣𝗥𝗢𝗚𝗥𝗔𝗠𝗔 𝟰 | 𝗣𝗮𝗴-𝗮𝘀𝗮 𝗠𝘂𝗹𝗮 𝘀𝗮 𝗣𝗮𝗯𝗮𝘀𝗮: 𝗪𝗮𝘀𝘁𝗼𝗻𝗴 𝗚𝗮𝗯𝗮𝘆 𝗸𝗮𝘆 𝗠𝗼𝗺𝗺𝘆 𝗣𝗮𝗿𝗮 𝘀𝗮 𝗧𝗮𝗺𝗮𝗻𝗴 𝗡𝘂𝘁𝗿𝗶𝘀𝘆𝗼𝗻 𝗻𝗶 𝗕𝗮𝗯𝘆 🤰💡

Nagsimula ang Phase 1 ng proyektong ito noong March 9, 2024, kung saan lahat ng Barangay Health Workers (BHW) at Barangay Nutrition Scholars (BNS) ay dumalo sa isang oryentasyon tungkol sa Pabasa sa Nutrisyon. Sa araw na ito, nagkaroon ng diskusyon tungkol sa buod ng Pabasa, pati na rin ang mga laro o aktibidad na nakapaloob sa Nutri Guide. 📒

Upang maipagpatuloy ang Pabasa sa mga susunod na taon, nagkaroon din ng Pabasa sa Nutrisyon Leaders Training (Phase 2) noong ika-13 hanggang ika-15 ng Marso, 2024. Limang BHW/BNS ang dumalo sa kumpletong sesyon nito. Ang layunin ng tatlong araw na training ay madagdagan ang kaalaman 🧠 at mahasa ang galing 📝 pagdating sa usaping nutrisyon ng mga kalahok. Ito na rin ang kanilang naging pagsasanay upang maging opisyal na Pabasa Leader sa Brgy. Bulakin I.

Apat na araw matapos ang training, ang mga Pabasa Leaders ay sama-samang isinagawa ang Aktuwal na Pabasa sa Nutrisyon (Phase 3) kasama ang walong (8) nanay at (1) tatay sa Bulakin I Day Care Center. Ang lahat ng mga dumalo ay nakilahok sa diskusyon at mga aktibidad na may kinalaman sa nutrisyon. 🍽️ Bilang pasasalamat sa kanilang aktibong partisipasyon, ang lahat ay nakatanggap ng sertipiko at isang balot ng vermicast at punla ng mga gulay na maaaring itanim nila sa kanilang mga bakuran. 🪴

Sa Hulyo 2024 inaasahang maituloy ang Pabasa sa barangay base sa BNAP 2024 at Plan of Action. Sa kasalukuyan, lubos na ikinagagalak ng mga practicumers na mayroon ng limang (5) Pabasa Leaders sa Brgy. Bulakin I. ❤️

Tiyak na ang Nutrisyon ng Bulakin Uno, Tuloy ang Pag-asenso! ⬆️

26/03/2024

Nasimulan mo na ba ang New Year’s Resolution mo na ? 🧐
Kung hindi pa, don’t worry! We gotchu!
Simulan mo na ang iyong fitness journey sa pamamagitan ng pagsali sa aming fundraising raffle na pinamagatang, “𝐑𝐨𝐥𝐞𝐭𝐚 𝐧𝐠 𝐒𝐮𝐬𝐭𝐚𝐧𝐬𝐲𝐚.” 🎡💪🏻
Sa halagang Php 50, mayroon kang tsansang manalo ng (1) dumbbell set 🏋️‍♀️, (2) yoga mat 🧘‍♀️, (3) jumping rope 🤸🏻‍♀️ , at iba pang mga kagamitang pang-ehersisyo! Ang malilikom na pondo mula sa raffle na ito ay makakatulong sa pagpapatupad ng mga programang pangnutrisyon sa Barangay Bulakin I, Dolores, Quezon. 🇵🇭
Sundin lamang ang mga sumusunod na panuto para makasali.
1. Punan ang Order Form sa link na ito: bit.ly/RoletaNgSustansya
2. Ipadala ang bayad sa mga sumusunod na payment channels:
• Gcash: 0963-659-1957 (Laurence Cerado)
• Landbank at BDO (tingnan ang QR code na naka-post)
3. I-screenshot at i-upload ang Proof of Payment sa Order Form.
4.Abangan ang mga mananalo sa raffle draw at tumutok sa aming Official page.
Bilang pasasalamat sa inyong walang sawang suporta, lahat nang sasali sa aming raffle ay makakatanggap ng LIBRENG ACCESS sa isang 📔𝐇𝐨𝐦𝐞-𝐛𝐚𝐬𝐞𝐝 𝐖𝐨𝐫𝐤𝐨𝐮𝐭 𝐆𝐮𝐢𝐝𝐞📔 na tiyak makatutulong sa iyo para makamit mo ang iyong ! 💪🏻
Ano pang hinihintay mo? Bili ka na ha! 🤗
Maraming salamat po. ❤️

26/03/2024

𝗚𝘂𝗹𝗮𝘆𝗮𝗻 𝘀𝗮 𝗕𝘂𝗹𝗮𝗸𝗶𝗻, 𝗔𝘁𝗶𝗻𝗴 𝗣𝗮𝗴𝘆𝗮𝗺𝗮𝗻𝗶𝗻 (𝗣𝗵𝗮𝘀𝗲 𝟮)

Noong ika-17 ng Marso, nagsama-sama ang mga practicumers, Brgy. Health Workers, Councilor for Agriculture, at Sangguniang Kabataan ng Brgy. Bulakin I upang linisin at pagandahin ang community garden ng barangay. 🪴

Sa pagtutulungan ng mga miyembro ng nabuong gardening committee, nakapaglagay ng panibagong tarpaulin sa gulayan at naitanim ang mga sibol ng pechay at mustasa sa lupang may halong vermicast. Bukod pa rito, nakapagpatayo rin ng pansamantalang bakuran sa paligid ng mga tanim. 🎋

Sa kasalukuyan, ang gulayan ay araw-araw na binibisita at dinidiligan ng mga kasapi ng gardening committee.👩‍🌾 Sa pamamaraang ito, masisigurong ang mga tanim ay maaalagaan at sisibol pa ng mas maganda. ✨

Ang mga practicumers ay lubos na nagpapasalamat sa lahat ng nakasama sa pagbuo, pagpapaganda, at pagpapanatili ng Brgy. Bulakin I Community Garden. ❤️

18/03/2024

𝗣𝗿𝗼𝗴𝗿𝗮𝗺𝗮 𝟲: 𝗪𝗵𝗮𝘁'𝘀 𝗖𝗼𝗼𝗸𝗶𝗻', 𝗕𝘂𝗹𝗮𝗸𝗶𝗻?: 𝗦𝘄𝗮𝗸 𝘀𝗮 𝗕𝘂𝗹𝘀𝗮, 𝗦𝗮𝗴𝗮𝗻𝗮 𝘀𝗮 𝗦𝘂𝘀𝘁𝗮𝗻𝘀𝘆𝗮!

Noong ika-16 ng Marso, ginanap ang “What’s Cookin’ Bulakin: Swak sa Bulsa, Sagana sa Sustansya.” Ang interbensyon na ito ay isang nutrition education seminar 👩‍🏫 at cooking demonstration 🍳 na ginanap sa Bulakin Elementary School.

Sa pangunguna ng UPLB BS Nutrition Practicumers, kasama ang ilang Barangay Health Workers at Sangguniang Kabataan ng Brgy. Bulakin I, naging matagumpay at maayos ang daloy ng programa. Dalawang maikling diskusyon ang naganap: (1) ang susi sa balenseng pagkain 🍛 at (2) pagplaplano, pagbili, at paghahanda ng masustansiyang pagkain 🛒. Tatlong iba’t ibang putahe naman ang niluto ng mga dumalo, kabilang dito ang meaty veggie patty, instant noodles with veggies and egg, at sinigang na corned beef. Ang mga putaheng ito ay siniguradong sagana sa sustansya at swak sa bulsa na tiyak magugustuhan ng bawat miyembro ng pamilya. 👨‍👩‍👦‍👦

Sa pagtatapos, nag-uwi ang lahat ng mga kalahok ng bayong na may nilalamang mga ingredients para kanilang subukang ang mga recipe sa kani-kanilang mga tahanan. 🏠

Nagpapasalamat ang mga UPLB BS Nutrition Practicumers sa mga nanay na dumalo at nagpalamas ng kanilang angking galing sa pagluluto sa ginanap na cook off. Patuloy natin abangan ang natitira pang mga proyekto ng UPLB BS Nutrition Practicumers sa kanilang huling linggo sa Brgy. Bulakin I. 🧡

12/03/2024

𝗣𝗿𝗼𝘆𝗲𝗸𝘁𝗼 𝟯 - 𝗔𝗻𝗴𝗮𝘁 𝗕𝗡𝗖: 𝗕𝗮𝘆𝗮𝗻𝗶 𝗻𝗴 𝗖𝗼𝗺𝗺𝘂𝗻𝗶𝘁𝘆 🤝🏻

Upang masiguro na ang nutrisyon sa Bulakin I ay patuloy ang pag-asenso, isinagawa ng UPLB BS Nutrition Practicumers ang “Angat BNC: Bayani ng Community.” Isa itong oryentasyon na dinaluhan ng mga miyembro ng Barangay Nutrition Committee (BNC) at ibang miyembro ng Sangguniang Barangay ng Bulakin I, noong Marso 9, 2024. Ang layuning ng proyekto na ito ay mas mapagtibay ang naitatag ng samahang pang-nutrisyon noong nakaraang taon. 📝

Sa araw na ito, limang iba’t ibang paksa ang tinalakay ng mga practicumers. Kabilang rito ang isang diskusyon tungkol sa kung ano ang BNC, mga tungkulin ng mga miyembro nito, at iba’t ibang bahagi ng Barangay Nutrition Action Plan o BNAP. Naturuan din ang mga kalahok kung paano mag-compute ng age in months, at ang kaibahan ng nutrition-specific at nutrition-sensitive interventions. Parte rin ng programa ang pagtuturo sa mga kalahok ng kumpletong proseso ng Nutrition Planning and Program Cycle. Ang huling paksa naman ang siyang nagtalakay ng utilisasyon ng badyet para sa katuparan ng mga programa, proyekto, at aktibidad na nakalista sa BNAP. ✍🏻

Pagkatapos ng diskusyon, nagbigay ng makabuluhang pagtatapos na mensahe si Kapitan Rico R. Adriano sa mga kalahok at mga practicumers. Iginawad din ng mga practicumers ang sertipiko sa lahat ng mga nakadalo sa nasabing proyekto. Nagpapasalamat ang mga practicumers sa lahat ng mga dumalo - sa kapitan ng Bulakin I, mga Konsehal, Barangay Secretary, Barangay Treasurer, Barangay Nutrition Scholars, KALIPI President, Day Care Worker, BHW President, at SK Chairman. 👥

Dalawang linggo na lamang ang natitira pero marami pa kayong dapat abangan. Kaya naman patuloy niyo kaming samahan sa pag-abot ng layuning maitaas ang antas ng nutrisyon sa Bulakin I. Maraming salamat po! ✨

10/03/2024

𝙋𝙖𝙜𝙥𝙪𝙥𝙪𝙡𝙤𝙣𝙜 𝙠𝙖𝙨𝙖𝙢𝙖 𝙣𝙜 𝙎𝙖𝙣𝙜𝙜𝙪𝙣𝙞𝙖𝙣𝙜 𝙆𝙖𝙗𝙖𝙩𝙖𝙖𝙣 𝙣𝙜 𝘽𝙧𝙜𝙮. 𝘽𝙪𝙡𝙖𝙠𝙞𝙣 𝙄 🤝

Ang UPLB BS Nutrition Practicumers ay nagpatawag ng maikling pagpupulong kasama ang Sangguniang Kabataan ng Brgy. Bulakin I noong ika-9 ng Marso, Sabado. 🗓️

Dumalo sa pagpupulong na ito sina Mary Nof Chozas (SK Councilor for Health) ⚕️, Rexcel Caneo (SK Councilor for Agriculture) 🌱, at Rico Dimaano (SK Councilor for Sports) 🏀.

Sa pagpupulong na ito iprinesenta ng mga practicumers ang kanilang mga interbensyong pang-nutrisyon para sa barangay. Pinag-usapan din ang posibleng pagtutulungan upang makamit ang tagumpay ng mga susunod pang proyekto ng mag-aaral.

Lubos na nagpapasalamat ang mga practicumers sa Sangguniang Kabataan at Sangguniang Barangay ng Bulakin I sa patuloy na pagsuporta sa lahat ng kanilang gawain. 🧡

Nutrisyon ng Bulakin Uno, Tuloy ang Pag-asenso! ⬆️

08/03/2024

𝗣𝗿𝗼𝘆𝗲𝗸𝘁𝗼 𝟮 | 𝗔𝗻𝗴𝗮𝘁 𝗕𝗮𝗿𝗮𝗻𝗴𝗮𝘆: 𝗕𝗛𝗪 𝗮𝘁 𝗕𝗡𝗦 𝗕𝗶𝗹𝗮𝗻𝗴 𝗧𝘂𝗹𝗮𝘆 👥

Noong Marso 6, isinagawa ng UPLB BS Nutrition Practicumers ang isang training-workshop para sa mga Barangay Health Workers (BHW) at Barangay Nutrition Scholars (BNS) ng Bulakin Uno. Ginanap ito sa Bulakin I Barangay Hall, mula 8:30 ng umaga hanggang 4:30 ng hapon. 🕟

Sa ilalim ng proyektong “Angat Barangay: BHW at BNS Bilang Tulay,” ang mga kalahok ay nakatapos ng limang (5) modyul. Kabilang rito ang rebyu sa pagsukat ng timbang at taas ng mga sanggol at mga bata 📏, digitisasyon ng mga anunsyo 💻, paggawa ng lactation corner 🤱, at oryentasyon ng Pabasa sa Nutrisyon 📒. Ang bawat paksa ay may kaakibat na aktuwal na,
aktibidad upang hasain ang kaalaman at kasanayan ng mga kalahok.

Sa huling bahagi ng programa, nagkaroon ng paggagawad ng sertipiko ng pagdalo para sa mga BHWs at BNSs. Ganoon din ay nangyari ang maikling pagbabahagi sa naging tagumpay ng naunang proyektong, “Gulayan sa Bulakin, Ating Pagyamanin.” 🌱

Lubos na nagpapasalamat ang mga practicumers sa suporta ng Sangguniang Barangay ng Bulakin I. Mangyaring umantabay lamang sa page na ito upang makibalita sa implementasyon ng mga interbensyong pang-nutrisyon. ❤️

Nutrisyon ng Bulakin Uno, Tuloy ang Pag-Asenso

31/03/2024

31/03/2024

30/03/2024

29/03/2024

29/03/2024

29/03/2024

26/03/2024

26/03/2024

18/03/2024

12/03/2024

10/03/2024

08/03/2024

Address

Website

Alerts

Shortcuts

Share

Category