Calapan City Health and Sanitation Department

24/07/2025

24/07/2025

21/07/2025

21/07/2025

𝐄𝐦𝐩𝐨𝐰𝐞𝐫𝐞𝐝 𝐘𝐨𝐮𝐭𝐡 𝐒𝐲𝐦𝐩𝐨𝐬𝐢𝐮𝐦, 𝐢𝐬𝐢𝐧𝐚𝐠𝐚𝐰𝐚 𝐩𝐚𝐫𝐚 𝐬𝐚 𝐊𝐚𝐛𝐚𝐭𝐚𝐚𝐧 𝐧𝐠 𝐁𝐚𝐫𝐚𝐧𝐠𝐚𝐲 𝐒𝐚𝐩𝐮𝐥
Hulyo 20, 2025

Sa pangunguna ng Barangay SK Federation, isang makabuluhang aktibidad ang isinagawa para sa kabataan ng Barangay Sapul sa pamamagitan ng Empowered Youth Symposium na may temang “Kabataang Maginhawa, Panatag at Matatag.”
Layunin ng programa na palakasin ang kamalayan ng mga kabataan hinggil sa Mental at Reproductive Health — mga isyung mahalaga at napapanahon sa kasalukuyan.

Tampok sa programa ang mga sumusunod:
✅ Psychosocial support sessions para sa kalusugang pangkaisipan
✅ Mga talakayan ukol sa HPV, Cervical Cancer, at HIV awareness
✅ Libreng HIV testing

Ang mga aktibidad na ito ay naglalayong maghatid ng kaalaman, emosyonal na suporta, at lakas ng loob sa kabataan upang kanilang mapangalagaan ang sariling kalusugan — pisikal man o mental.

Ang programa ay naging posible sa tulong at suporta ng Sangguniang Barangay ng Sapul, HRH assigned Nurse Christine Abdon, Nurse Nathaniel Armada, Nurse Enriquita Perilla, at sa pakikipagtulungan ni Sir Leo Cuya ng Purple Rain Clinic.

Ang kabataang may sapat na kaalaman, gabay, at suporta ay magiging matatag na haligi ng isang mas malusog at maunlad na komunidad.

“𝑆𝑎 𝑘𝑎𝑏𝑎𝑡𝑎𝑎𝑛𝑔 𝑚𝑎𝑦 𝑘𝑎𝑎𝑙𝑎𝑚𝑎𝑛 𝑎𝑡 𝑚𝑎𝑙𝑎𝑠𝑎𝑘𝑖𝑡, 𝑠𝑖𝑔𝑢𝑟𝑎𝑑𝑜𝑛𝑔 𝑚𝑎𝑦 𝑚𝑎𝑔𝑎𝑛𝑑𝑎𝑛𝑔 𝑘𝑖𝑛𝑎𝑏𝑢𝑘𝑎𝑠𝑎𝑛.”

19/07/2025

19/07/2025

𝐂𝐇𝐒𝐃, 𝐍𝐚𝐤𝐢𝐢𝐬𝐚 𝐬𝐚 𝐂𝐥𝐞𝐚𝐧-𝐔𝐩 𝐃𝐫𝐢𝐯𝐞 𝐬𝐚 𝐂𝐢𝐭𝐲 𝐇𝐚𝐥𝐥 𝐆𝐫𝐨𝐮𝐧𝐝𝐬!

Bilang tugon sa panawagan para sa isang malinis at maayos na kapaligiran, buong sipag at malasakit na nakiisa ang mga kawani ng City Health and Sanitation Department (CHSD) sa isinasagawang Clean-Up Drive sa paligid ng City Hall ngayong Hulyo 18, 2025

Mula sa paglilinis sa loob ng health centers hanggang sa paglilinis ng mga bakanteng lugar, ipinamalas ng CHSD ang tunay na —dahil ang pagbabago ay dapat nagsisimula sa sariling bakuran.

“Malinis na Simula, Para sa Maayos na Bayan Sigurado, Aksyon Agad!”

17/07/2025

17/07/2025

❕DOH: PANATILIHIN ANG KALINISAN SA MGA PAARALAN PARA MAIWASAN ANG HAWAHAN NG SAKIT, GAYA NG HAND FOOT AND MOUTH DISEASE❕

Sa pagpapatuloy ng klase sa mga paaralan, paalala ng DOH na panatilihin ang kalinisan sa katawan at paligid, lalo na sa mga silid-aralan at lugar kung saan namamalagi ang mga bata.

Kahit pababa ang trend ng bilang ng mga kaso ng Hand Foot and Mouth Disease (HFMD) mula Mayo 18-31, 2025 (1,964 cases) papuntang Hunyo 1-14, 2025 (1,363 cases), hindi dapat maging kampante dahil mabilis itong makahawa kung hindi mag-iingat.

Ang isang batang may HFMD ay maaaring makahawa ng higit sa 2 na ibang bata, at maari pa itong dumami kapag nasa closed spaces gaya ng bahay at eskwelahan.

🖐👣 Ang mga kadalasang sintomas ng HFMD ay:
📌 lagnat
📌 singaw sa bibig
📌 sakit sa lalamunan
📌 mga butlig sa palad, talampakan, o puwit

❗️Makaiiwas sa HFMD sa pamamagitan ng:

✅Paghuhugas ng kamay gamit ang sabon at malinis na tubig, o paggamit ng alcohol-based sanitizer
✅Pag-iwas sa paghawak sa mukha, lalo na sa mata, ilong, at bibig
✅Pagpapanatili ng kalinisan at pagdisinfect ng mga kagamitan

15/07/2025

15/07/2025

𝐌𝐞𝐝𝐢𝐚 𝐅𝐨𝐫𝐮𝐦 𝐬𝐚 𝐂𝐚𝐥𝐚𝐩𝐚𝐧: 𝐏𝐚𝐠𝐭𝐚𝐥𝐚𝐤𝐚𝐲 𝐬𝐚 𝐑𝐞𝐩𝐫𝐨𝐝𝐮𝐜𝐭𝐢𝐯𝐞 𝐇𝐞𝐚𝐥𝐭𝐡 𝐧𝐠 𝐊𝐚𝐛𝐚𝐭𝐚𝐚𝐧 𝐧𝐠𝐚𝐲𝐨𝐧𝐠 𝐖𝐨𝐫𝐥𝐝 𝐏𝐨𝐩𝐮𝐥𝐚𝐭𝐢𝐨𝐧 𝐃𝐚𝐲 𝟐𝟎𝟐𝟓

Sa pagdiriwang ng World Population Day 2025, nagsagawa ng isang Media Forum ang Commission on Population and Development (CPD) MIMAROPA, katuwang ang Pamahalaang Lungsod ng Calapan at PIA-MIMAROPA noong Hulyo 15 sa Calapan City Convention Center. Tema ng forum ang “Empowering Adolescents and Youth: Conversations on Reproductive Health and Informed Family Choices.”

Layunin ng forum na bigyang-pansin ang mga isyung gaya ng reproductive health ng kabataan, maagang pagbubuntis, at kahalagahan ng family planning batay sa tamang impormasyon. Dumalo rito ang mga kinatawan mula sa media, lokal na pamahalaan, at mga tagapagtaguyod ng kalusugan upang magsagawa ng makabuluhang talakayan.

Kinatawan ng lungsod si City Administrator Angel M. Navarro sa ngalan ni Mayor Atty. Doy C. Leachon, kasama sina CPD MIMAROPA Regional Director Regnaldo O. Wong, City Health Officer Dr. Basilisa M. Llanto, at City Population Officer Dr. Ma. Teresita N. Bolor bilang mga pangunahing tagapagsalita.

Binigyang-diin sa pagtitipon ang kahalagahan ng pagbibigay ng tama at sapat na impormasyon sa kabataan upang makagawa sila ng matatalinong desisyon ukol sa kanilang kalusugan, relasyon, at kinabukasan.

Sa kabuuan, layunin ng aktibidad na pagtibayin ang ugnayan ng mga ahensya upang makabuo ng isang lipunang may malusog na pamilya at empowered na kabataan.

𝑃ℎ𝑜𝑡𝑜 𝐶𝑜𝑢𝑟𝑡𝑒𝑠𝑦: 𝐶𝑖𝑡𝑦 𝐼𝑛𝑓𝑜𝑟𝑚𝑎𝑡𝑖𝑜𝑛 𝑂𝑓𝑓𝑖𝑐𝑒