20/02/2026
Magandang araw po. Narito po ang ilang mga panuntunan sa pag-avail ng libreng serbisyo ng Philhealth YAKAP Program sa ilalim ng Caloocan City Health Department.
Ang patient registration or ang tinatawag na EMPANELMENT sa Ascoville Health Center, maging ito man ay dahil sa tulong ng ating Health Center Encoder or kung dumaan sa self-registration process ng EGOVPH Super App ay nagsisilbing unang bahagi pa lamang ng pag-rehistro sa YAKAP. Ang pagkuha ng gamot sa ilalim ng GAMOT App ng Philhealth ay maaari lamang ma-avail ng ating mga empaneled members kapag sila ay dumaan na sa proseso ng First Patient Encounter. Ito ay maiksing interview na kinakailangang tapusin ng isang kukuha ng serbisyo para siya ay maging eligible sa GAMOT Package ng Philhealth. Ito po ay may kabuuang pribilehiyo na Dalawampung-libong Piso(20,000.00). Hindi po ito convertible into cash at tanging ang mga gamot lang na nakalista sa GAMOT ang pwedeng makuha sa mga GAMOT-accredited Pharmacies and Drugstores ng Philhealth. Limitado lang ang mga gamot na kabilang sa listahan kaya huwag po tayong magtaka kung ilan sa mga gamot po ninyo ay maaaring hindi maibibigay dahil sa kadahilanang ito.
Sa kasalukuyan, ang Caloocan City North Medical Center ay tumatanggap lamang ng SCHEDULED VISITS sa kanilang laboratory services dahil sa taas ng patient load. Mariin po naming ipapaalala na ang pagpunta sa CCNMC para sa ating laboratory services ay dapat naka-ayon sa schedule na ibibigay ng doktor ng center. Huwag po tayong didiretso sa CCNMC hangga't walang schedule na ibinibigay ang doktor ng Health Center.
Iwasan din po natin ang pagmamadali dahil sa kasalukuyan, limitado lang po ang ating manpower. Nag-iisa lang po ang doktor ngayon, at maaaring hindi po niya matugunan ang inyong mga hinaing pero humihingi po kami ng paumanhin at kaunting pag-intindi sa ano mang maaaring idulot na kabagalan ng sistemang ito. Lahat ng ito ay parte ng transition period dahil ang mga programang ito ay bago pa lamang at nangangailangan ng maturity period para maging ganap at uniporme ang pagpapalakad.
Maraming salamat po sa inyong patuloy na pag-suporta.
-Dr. Apostol
This is the official page of Malaria Health Center situated in Ascoville Rd. Malaria, Caloocan City.
