Doc Tess Villaluz Heyrosa

25/02/2026

📣👁️ Mga Bol-anon, paminaw mo! 👁️📣

Naa tay FREE CATARACT SURGERY karong March sa:

📍 Sagbayan
🗓 March 17, 2026
⏰ 8:00 AM
📌 Sagbayan Gym

📍 Baclayon
🗓 March 23, 2026
⏰ 8:00 AM
📌 Baclayon Gym

⚠️ Reminder: Walay opera kung wala ma-screening para sigurado ug safe.

👉 Palihog adto sa inyong RHU para sa dugang detalye.
👉 Open ni sa tanang Bol-anon. Dala inyong ginikanan, silingan, pwede tibook barangay!

Daghang salamat sa Provincial Government of Bohol ug HANDS Philippines sa pag-suporta ani nga programa. 💛

Kita-kits ta, Bohol! Atong ibalik ang hayag nga panan-aw! ✨

25/02/2026

March 3, 2026
9-11 am San Roque Parish, Subangdako,
Mandaue City
Free Eye Check Up
Free Vision Screening
Free Cataract Screening
OPEN TO ALL! FIRST COME FIRST SERVE

25/02/2026

📢 WE ARE HIRING!
Clinic Staff & Scrub Tech (All-Arounder ni Doc Tess 😆)

Nangita mi ug:

✔️ Willing mo-travel around the Philippines (yes, dili ni laag, trabaho jud ni)
✔️ Willing mo-learn (dili kanang “kabalo nako tanan”)
✔️ Dili pilian ug trabaho

Pwede ka:
👩‍⚕️ Scrub sa OR
📋 Assist sa clinic
📦 Mukarga gamit
🤝 Mu-atubang pasyente
✨ Pwede pud magpa-sosyal basta human ang trabaho

What we offer:
💸 Above minimum daily rate
🏠 Naay subsidized boarding house para sa mga lagyo
🍱 Free lunch (oo, pakan-on mo namo kay di mi ganahan ug gutom 😅)
💛 Real experience, real mission, real trabaho

⚠️ Serious applicants only please.
Kanang magpasa ug resume unya kung tawagon for interview kay seen-zoned ra mi?
Kanang pareporton na unya kalit lang ma-LBM?
Auto-pass ta ana, bes. 😌

Kung ready ka mo-work, mo-kat-on, ug mo-grow — welcome ka diri.

📍 Drop your resume (kanang tinud-anay, dili copy-paste nga template nga 20 kopong-kopong pa 😆)
at:
Rm 214, Eye Clinic ni Doc Tess
Mendero Medical Center

📧 Or email: juanaclinics@yahoo.com

Apply na. Basin ikaw na ang next kauban namo sa pagbalik sa kahayag sa atong mga pasyente. 💛👁️

24/02/2026

PUBLIC SERVICE ANNOUNCEMENT
(nga medyo sermon gamay 😂)

Mao ni address sa akong duha ka private clinics:
Starting March 2, 2026, consultation fee will be:

👁️ P600 – old patients
👁️ P700 – new patients

Ayaw lang sad ninyo hangyoa nga libre tanan ha. Kay naa pud tay bayranan — abang sa clinic, sweldo sa staff, kuryente, tubig… ug siyempre, ang pang lepstek sa inyong eye doctor.

Pakan-a sad tawn ko ug lami. Malooy mo. Huhuhu. 😭

Pero di maguol! Naa man tay FREE services:
📍 Free Eye Clinic sa City Soho (atbang VSMMC) – monthly ko mag announce sa schedule.
📍 Kung naay sponsor nga muhangyo ug libreng check-up, pwede ra pud mo moadto.

Pero reminder lang:
Libre ang check-up, pero kung naay ireseta, kamo jud ang mupalit. Dili ta mag practice ug mendicant mentality. Dili tanan libre. Usahay kinahanglan pud ta mag-kugi para sa atong kaayuhan. 💪

Sa Free Cataract Surgery, klaro ta ha:
✔️ Muadto sa libreng screening dili sa akong private clinic, kay hala mo maka-bayad jud mo ug consultation fee hehehe
✔️ Complete requirements (Updated PhilHealth MDR + Certificate of Indigency)
✔️ TINUOD nga indigent (kapitalon para intense)

Kato lang gyud ni sa mga nag- kinahanglang tabangan.
Kung dili indigent, ihatag nalang nato ang slot sa mas nanginahanglan.

Kaysa tinuod lang — daghan na kaayong niduol nga “indigent” with matching certification pa, pero klaro man nga dili. Maka-lain ug buot. Diniyos baya ni atong pagtabang.

Kana lang. Murag taas na ni nga wali.
Doktor ra ko, dili pari. 😅

24/02/2026

A Heartwarming Story from Panaon 💛

Si Renieglen Maningo, 45 years old.
Usa ka yanong fish peddler. Kada buntag, musakay siyag motor isuroy dala ang paninda nga isda -kay mao ni ang source of income sa ilang pamilya. Kung dili maka suroy ug isda, wala puy kita.

Pero sa hinay-hinay …. nagkangit-ngit ug kagabon iyang panan-aw.

Ang iyang anak, varsity player sa Panaon LGU, nakabantay si Vice Mayor Ann Paylaga nga pirmi daw maghinuktok ang bata, murag bug-at kaayo’g gidala. Gipangutana niya,
“Unsay problema nimo, dong?”

Ug didto mibuto ang tinuod nga kasakit.
Nitug-an ang bata — nga ang iyang papa dili na kakita. Dili na ka-drive. Dili na ka-trabaho. Wala nay panginabuhian ilang pamilya.

Imagine the fear of a child nga makita ang iyang amahan nga kusog ug kugihan sauna, unya karon maglakaw nga mangapkap. Ang amahan nga pirmi niya kasaligan, karon siya na ang guyod guyuron.

Timing pud nga giimbitar mi nila Mayor Tatay ug Vice Mayor Ann Paylaga to conduct a cataract surgery mission sa Panaon, Mis Occ.

Pag-check nato, both eyes ni Renieglen naay cataract.

Light Perception OU
Aninag na lang ang kalibutan para niya.

We decided to operate both eyes.

Pagkahuman sa surgery… ang pinaka makahilak nga part…

Pag-abli niya sa iyang mata.

Ang first niyang nakita — iyang asawa ug iyang anak.

Naghinalakay sila.
Nihilak ang asawa nga dugay nang nag-antus.
Nihilak ang anak nga dugay nang nagpakalig-on.
Apil ang staff nga naghatag ug post-op instructions — nibakho man ug apil.
Hilak sa kalipay nga way kabutangan!

That moment was more than just restored vision.
It was a father seeing his family again.
It was a provider given a second chance.
It was a family pulled back from darkness.

Perteng lipaya sa iyang asawa.
“Maka-paninda na siya ug balik.”
“Makakita na siya namo.”

Mao ni ang reason why we do what we do.
Ending cataract blindness is not just about surgery.

It’s about restoring dignity.
It’s about saving families.
It’s about bringing light back — dili lang sa mata, kundi sa kasingkasing.

22/02/2026

20 years na ko nga eye doctor.
Karon pako nakakita og 10 years old nga mas isug pa kaysa iyang kadungan nga mga gors.

Grade 5.
Taga Iligan City.
Congenital Cataract.

Giingnan namo nga mag-local anesthesia rata ha kay wa tay himan para sa general anesthesia.
Buot pasabot — magmata siya, dili cya pakatulgon.

Kabalo mo unsay iyang gibuhat?

Ni-volunteer siya nga siya ang mu-una.

Wa gyud siyay luha nga gilugmaw.
Wala siyay pagduha-duha.
Perteng kalmaha.
Wa koy nakit-an nga kakuyaw sa iyang dagway.
Kalma ra jud.

“Doc, gusto lang jud ko makakita.”

Kana ra gyud.

Dili gadget.
Dili sapatos.
Dili birthday party.
Dili butang nga gipangayo sama sa ubang bata.

Makakita lang.

Maka-kita sa iyang pamilya.
Maka-tuon sa iyang mga subjects.
Makakab-ut sa iyang mga damgo.

Samtang nag-opera mi, kalmaha ra jud niya. Nakapamalandong sad kog slight kay 10 years old pa lang ning bataa, pero ang iyang determinasyon murag pang-dagkong tao na.

Lupig tanan apil ko. Kay hastang talawana raba nako. Mahadlok man gani kog dagum itusok sa akong panit !

Usahay kitang mga dako na, dali ra kaayo ta mu-give up.
Pero kaning nga bata? Pwerte!
Mas dako pa iyang kaisug kaysa iyang kahadlok.

Inday, kung ing-ani ka ka-strong karon,
wala jud koy duda nga layo ka ug maabtan.

Pero mas importante — nakita namo imong kaisug.

Mao ni ang rason nganong padayon ta sa atong advocacy to .
Dili lang para matambalan ang mata.
Kung dili para mahatagan og kahayag ang kaugmaon sa mga bata sama ni Inday Macey. ✨

No One In Need
MJB Cares Foundation

22/02/2026

22/02/2026