25/03/2026
An paglimpyo han CR diri la responsibilidad han management han hospitalβshared responsibility ini.
Oo, trabaho han management nga magbutang hin sapat nga janitorial staff, mag-set hin regular nga cleaning schedule, ngan maghatag hin suplay. Pero bisan ano ka maopay an sistema, kun waray disiplina an nagamit, mawawara gihapon an kalimpyo.
An limpyo nga CR nagtikang ha simple nga mga buhat:
βοΈ Pag-flush
βοΈ Diri pagkalat
βοΈ Husto nga paggamit han pasilidad
βοΈ Paghugas han kamot
Respeto iniβdiri la ha lugar kundi ha masunod nga gagamit.
Kay an tinuod nga kalimpyo, diri la trabaho han usa.
Responsibilidad ini naton ngatan.
π’ π’π£ππ¦π¬ππ π‘π π£ππππ¬ππ
π’π¦π£ππ§ππ π¦π πππ¦π§π₯ππ§π’ π‘π πππ§π¨πππ
An Catubig District Hospital karuyag maghatag sin pahibaro parte san mga isyu nga naglilibot mahitungod san kalimpyo san amon mga Comfort Room (CR) ngan san suplay sin tubig san pasilidad.
Una, karuyag namon ipahibaro sa publiko nga an amon ospital mayda regular ngan istrikto nga iskedyul han paglimpyo. An amon mga Institutional Workers (IWs) nagbubuhat sin paglimpyo ngan pagdisinfect san CR makadamo kada adlaw. Dugang pa, ginbubuhat gihapon an mga kinahanglanon nga pag-ayo ngan maintenance basi masiguro nga an amon pasilidad padayon nga nagana ngan malimpyo.
Base san mga inspeksyon san Department of Health (DOH) Licensing Team ngan san Provincial Quality Assurance Team, an amon ospital ginkilala nga usa san pinakamalimpyo nga ospital sa probinsya. Ini nagpapakita san amon padayon nga paningkamot sa paghatag sin malimpyo ngan dekalidad nga palibot para sa healthcare.
Naoobserbatan nga an diri husto nga paggamit san CR sugad san paglabog sin napkin, tisyu, ngan iba pa nga basura aa toilet bowl ngan lababo nakakadugang sin pagbabara ngan kahugawan. Gin-aaghat namon an ngatanan nga pasyente ngan watchers nga magbuhat sin husto nga paglabog sin basura ngan buligan an pagmintinar san kalimpyo sa sulod san ospital.
Mahitungod san suplay sin tubig, sadto mayda natural nga tinubdan sin tubig tikang sa kabukiran an ospital; pero sa paglabay san panahon, nagtikang ini sin pag-ubos. Yana, bisan padayon an ospital sa pagseguro sin suplay san tubig sumala san kapasidad, may mga higayon nga limitado an suplay labi na kon panahon sin tag-araw. Basi masolusyunan ini, naghimo na an ospital sin mga paagi sugad san pag-deploy sin personnel nga mano-mano nagdadara sin tubig basi magpadayon an serbisyo para sa mga pasyente. Tikang pa san pandemya, nadugangan an suplay sin tubig pinaagi san koneksyon sa suplay san Local Government Unit, nga nakakabulig sa padayon nga distribusyon sin tubig sa sulod san pasilidad.
Ginpapatin-aw liwat namon nga an Catubig District Hospital sakop san Provincial Government of Northern Samar, kun diin may pondo nga ginlalaan para sa padayon nga pag-ayo ngan pagpauswag san imprastraktura san ospital.
Karuyag namon ipahayag an amon dako nga pasalamat kan Hon. Harris Christopher M. Ongchuan, Provincial Governor, ngan kan Mayor Solomon G. Vicencio tungod san ira padayon nga suporta ngan dedikasyon sa Catubig District Hospital. An ira liderato ngan bulig dako an naiaambag basi makahatag kami sin dekalidad nga serbisyo panlawas sa amon komunidad.
Ginsisiguro namon ha publiko nga an ngatanan nga ginbangon nga mga isyu naaksyunan na, ngan padayon kami sa paghatag sin malimpyo, ligtas, ngan dekalidad nga serbisyo panlawas.
Nag-aampo kami sin kooperasyon, pagsabot, ngan responsableng paggamit san mga pasilidad san ospital tikang sa publiko. An pagmintinar san kalimpyo responsibilidad san ngatanan.
Para san opisyal nga mga reklamo o report, alayon pakigkoordinar direkta sa administrasyon san ospital.
Salamat.
β Administrasyon han Catubig District Hospital
