Dasmariñas City Health Office 4

28/04/2026

Ngayong World Immunization Week, paalala natin sa mga Mommy at Daddy, 𝐁𝐚𝐤𝐮𝐧𝐚 𝐚𝐭 𝐏𝐫𝐨𝐭𝐞𝐤𝐬𝐲𝐨𝐧 𝐧𝐢 𝐁𝐚𝐛𝐲, 𝐌𝐲 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲.

Bumisita sa pinakamalapit na vaccination site sa inyong lugar at tiyaking kumpleto ang bakuna para sa malusog at ligtas na kinabukasan ni baby.

Sa ating paggunita ng World Immunization Week ngayong araw hanggang Abril 30—Magpabakuna, dahil Bakuna sa Lahat, Kayang-Kaya! 💉

Makilahok at magpabakuna dahil ang kalusugan ay responsibilidad ng bawat isa. 💚

28/04/2026

🔥🌞 𝐌𝐀𝐓𝐈𝐍𝐃𝐈𝐍𝐆 𝐈𝐍𝐈𝐓? 𝐇𝐔𝐖𝐀𝐆 𝐌𝐀𝐆𝐏𝐀𝐊𝐀𝐌𝐏𝐀𝐍𝐓𝐄! 🌞🔥

Ngayong tag-init, hindi biro ang tindi ng sikat ng araw! Ang sobrang init ay maaaring magdulot ng mga sakit na delikado sa kalusugan tulad ng 𝐝𝐞𝐡𝐲𝐝𝐫𝐚𝐭𝐢𝐨𝐧, 𝐡𝐞𝐚𝐭 𝐜𝐫𝐚𝐦𝐩𝐬, 𝐡𝐞𝐚𝐭 𝐞𝐱𝐡𝐚𝐮𝐬𝐭𝐢𝐨𝐧, 𝐚𝐭 𝐡𝐞𝐚𝐭 𝐬𝐭𝐫𝐨𝐤𝐞—na maaaring ikamatay kung hindi maagapan. 🥵💧

⚠️ 𝐁𝐚𝐤𝐢𝐭 𝐃𝐚𝐩𝐚𝐭 𝐌𝐚𝐠-𝐢𝐧𝐠𝐚𝐭?
• Mabilis maubos ang tubig sa katawan
• Maaaring magdulot ng pagkahilo, pagsusuka, at matinding panghihina
• Mas delikado sa 👶 sanggol, 👵 matatanda, buntis at may iniindang sakit

💡 𝐏𝐚𝐚𝐧𝐨 𝐌𝐚𝐤𝐚𝐤𝐚𝐢𝐰𝐚𝐬?
✅ Uminom ng maraming tubig kahit hindi pa nauuhaw.
✅ Palakasin ang katawan at resistensya sa pagkain ng masusustansya.
✅ Magsuot ng magaan at preskong damit at gumamit ng payong o sumbrero.
✅ Iwasan ang matinding sikat ng araw (10AM–4PM)
✅ Mag-ingat din sa mga sakit tulad ng food poisoning.
✅ Huwag pabayaan ang sarili at ang pamilya.
✅ Manatiling alerto.

𝐁𝐀𝐒𝐀𝐇𝐈𝐍 𝐀𝐓 𝐈𝐁𝐀𝐇𝐀𝐆𝐈 𝐀𝐍𝐆 𝐌𝐆𝐀 𝐒𝐔𝐌𝐔𝐒𝐔𝐍𝐎𝐃 𝐍𝐀 𝐈𝐍𝐅𝐎𝐆𝐑𝐀𝐏𝐇𝐈𝐂𝐒 𝐒𝐀 𝐈𝐁𝐀𝐁𝐀 𝐔𝐏𝐀𝐍𝐆 𝐌𝐀𝐒 𝐌𝐀𝐆𝐊𝐀𝐑𝐎𝐎𝐍 𝐏𝐀 𝐍𝐆 𝐊𝐀𝐀𝐋𝐀𝐌𝐀𝐍𝐆 𝐏𝐀𝐍𝐆𝐊𝐀𝐋𝐔𝐒𝐔𝐆𝐀𝐍 𝐍𝐆𝐀𝐘𝐎𝐍𝐆 𝐓𝐀𝐆-𝐈𝐍𝐈𝐓!

🚨 𝐓𝐀𝐍𝐃𝐀𝐀𝐍: Kapag may senyales ng matinding pagkapagod, pagsakit ng ulo, pagkahilo, o pagkawala ng malay—kumilos agad at humingi ng tulong!

💙 Sa tag-init, ang kaligtasan ay nasa tamang kaalaman at pag-iingat!

👉 𝐌𝐚𝐠-𝐢𝐧𝐠𝐚𝐭, 𝐦𝐚𝐧𝐚𝐭𝐢𝐥𝐢𝐧𝐠 𝐡𝐲𝐝𝐫𝐚𝐭𝐞𝐝, 𝐚𝐭 𝐚𝐥𝐚𝐠𝐚𝐚𝐧 𝐚𝐧𝐠 𝐬𝐚𝐫𝐢𝐥𝐢!

28/04/2026

‼️13 LUGAR SA PILIPINAS NASA “DANGER” LEVEL NG HEAT INDEX NGAYONG ARAW, DOH NAGBABABALA SA PANGANIB NITO‼️

Detalye sa comment section.

28/04/2026

Hi, Bestie! Sobrang init 'no?

Palamig muna. Ano? Tara?

28/04/2026

28/04/2026

📢 𝐌𝐀𝐇𝐀𝐋𝐀𝐆𝐀𝐍𝐆 𝐀𝐍𝐔𝐍𝐒𝐘𝐎: 𝐃𝐀𝐒𝐌𝐀𝐑𝐈Ñ𝐀𝐒 𝐂𝐈𝐓𝐘 𝐇𝐄𝐀𝐋𝐓𝐇 𝐎𝐅𝐅𝐈𝐂𝐄 𝐈𝐕 𝐏𝐑𝐄-𝐌𝐀𝐑𝐑𝐈𝐀𝐆𝐄 𝐎𝐑𝐈𝐄𝐍𝐓𝐀𝐓𝐈𝐎𝐍 𝐒𝐂𝐇𝐄𝐃𝐔𝐋𝐄

Magandang araw po sa lahat!

Bilang bahagi ng programa ng Dasmariñas City Health Office IV sa pakikiisa ng City Government of Dasmariñas sa pangunguna ni 𝐇𝐨𝐧. 𝐌𝐚𝐲𝐨𝐫 𝐉𝐞𝐧𝐧𝐢𝐟𝐞𝐫 𝐀𝐮𝐬𝐭𝐫𝐢𝐚-𝐁𝐚𝐫𝐳𝐚𝐠𝐚 para sa pagpapaplano ng pamilya, ang Pre-Marriage Orientation ay naglalayong magbigay ng gabay at suporta sa mga nagpaplano na magpakasal. Narito ang ilang detalye para sa schedule at requirement na inyong dadalhin.

📆 𝐏𝐄𝐓𝐒𝐀: 𝐄𝐕𝐄𝐑𝐘 𝐓𝐇𝐔𝐑𝐒𝐃𝐀𝐘
⏰️ 𝐎𝐑𝐀𝐒: 8:00 𝐀𝐌 𝐭𝐨 10:00 𝐀𝐌
🏨 𝐋𝐔𝐆𝐀𝐑: 𝐏𝐀𝐋𝐈𝐏𝐀𝐑𝐀𝐍 3, 𝐁𝐀𝐑𝐀𝐍𝐆𝐀𝐘 𝐇𝐄𝐀𝐋𝐓𝐇 𝐒𝐓𝐀𝐓𝐈𝐎𝐍

✴️ Ano ang mga Requirements na kailangan dalhin?

✅️ Magdala ng isang kopya ng Tree Planting Certificate na makukuha sa inyong Barangay
✅️ Magdala ng isang kopya ng Couples Valid Identification o Valid ID

Makipag-ugnayan lamang sa Paliparan 3 Health Center at lubos na inaanyayahan ang lahat ng mga magkasintahan na nagpaplano ng kanilang pagsasama. Tulungan nating paghandaan ang bagong yugto ng inyong buhay! Magpatala na sa Pre-Marriage Orientation! 😊

15/04/2026

Wishing you a fantastic birthday! Thank you for your unwavering commitment and excellence to City Health Office IV. You truly deserve the best. Happy birthday, Dr. Maharica S. Dionisio!

14/04/2026

📢 𝐌𝐀𝐇𝐀𝐋𝐀𝐆𝐀𝐍𝐆 𝐀𝐍𝐔𝐍𝐒𝐘𝐎 𝐒𝐀 𝐏𝐔𝐁𝐋𝐈𝐊𝐎: 𝐏𝐇𝐈𝐋𝐇𝐄𝐀𝐋𝐓𝐇 𝐎𝐏𝐓𝐎𝐌𝐄𝐓𝐑𝐘 𝐁𝐄𝐍𝐄𝐅𝐈𝐓 𝐏𝐀𝐂𝐊𝐀𝐆𝐄 👀🔎


Bilang bahagi ng programa ng Philhealth Yakap para sa mga batang edad 0-15 taong gulang na dependent ng Philhealth mula Paliparan 1, 2 at 3 maaari silang mag-avail ng serbisyo na Philhealth Optometry Benefit Package. Sa pangunguna ni Mayor Jenny Austria-Barzaga, katuwang ang Dasmariñas City Health Office 4 sa pamumuno ni 𝑫𝒓. 𝑴𝒂𝒉𝒂𝒓𝒊𝒄𝒂 𝑺. 𝑫𝒊𝒐𝒏𝒊𝒔𝒊𝒐 at sa pakikipagtulungan ng Almendras Galang Optical Clinic naglalayon ang programang ito na makapagbigay ng libreng serbisyo sa mata para sa mga kabataan sating lungsod. Narito ang ilang detalye para sa schedule, karagdagang kaalaman at mga dokumento na inyong dapat dalhin.

📆 𝐏𝐄𝐓𝐒𝐀: 𝐄𝐯𝐞𝐫𝐲 𝐓𝐮𝐞𝐬𝐝𝐚𝐲
⏰️ 𝐎𝐑𝐀𝐒: 1:00 𝐏𝐌- 4:30 𝐏𝐌
🏨 𝐋𝐔𝐆𝐀𝐑: 𝐁𝐫𝐠𝐲. 𝐏𝐚𝐥𝐢𝐩𝐚𝐫𝐚𝐧 3 𝐇𝐞𝐚𝐥𝐭𝐡 𝐒𝐭𝐚𝐭𝐢𝐨𝐧

✴️ 𝐌𝐠𝐚 𝐝𝐨𝐤𝐮𝐦𝐞𝐧𝐭𝐨 𝐧𝐚 𝐝𝐚𝐩𝐚𝐭 𝐝𝐚𝐥𝐡𝐢𝐧:
✅️ 𝗣𝗵𝗶𝗹𝗵𝗲𝗮𝗹𝘁𝗵 𝗜𝗗
✅️ 𝗠𝗗𝗥 (𝗠𝗲𝗺𝗯𝗲𝗿𝘀 𝗗𝗮𝘁𝗮 𝗥𝗲𝗰𝗼𝗿𝗱- 𝗰𝗵𝗶𝗹𝗱 𝗹𝗶𝘀𝘁𝗲𝗱 𝗮𝘀 𝗱𝗲𝗽𝗲𝗻𝗱𝗲𝗻𝘁)
✅️ 𝗣𝗦𝗔-𝗕𝗶𝗿𝘁𝗵 𝗖𝗲𝗿𝘁𝗶𝗳𝗶𝗰𝗮𝘁𝗲 𝗼𝗳 𝘁𝗵𝗲 𝗰𝗵𝗶𝗹𝗱

Ang 𝐏𝐡𝐢𝐥𝐇𝐞𝐚𝐥𝐭𝐡 𝐎𝐩𝐭𝐨𝐦𝐞𝐭𝐫𝐲 𝐁𝐞𝐧𝐞𝐟𝐢𝐭 𝐏𝐚𝐜𝐤𝐚𝐠𝐞 Package ay isang programa na naglalayong magbigay ng libreng serbisyong optometriya at preskripsyon ng salamin sa mata para sa mga batang Pilipino na may edad 0-15 𝐭𝐚𝐨𝐧. Ayon sa 𝑷𝒉𝒊𝒍𝑯𝒆𝒂𝒍𝒕𝒉 𝑪𝒊𝒓𝒄𝒖𝒍𝒂𝒓 𝑵𝒐. 2025-0002, ang package na ito ay nagkakahalaga ng Php 2,500 per case at saklaw ang mga sumusunod na serbisyo:
✅ 𝐊𝐨𝐦𝐩𝐫𝐞𝐡𝐞𝐧𝐬𝐢𝐛𝐨𝐧𝐠 𝐏𝐚𝐠𝐬𝐮𝐬𝐮𝐫𝐢 𝐬𝐚 𝐌𝐚𝐭𝐚: Kasama ang mga pagsusuri sa mata upang matukoy ang mga problema sa paningin.
✅ 𝐏𝐫𝐞𝐬𝐤𝐫𝐢𝐩𝐬𝐲𝐨𝐧 𝐧𝐠 𝐒𝐚𝐥𝐚𝐦𝐢𝐧: Kasama ang mga salamin sa mata na may regular na frame at lente.
✅ 𝐅𝐨𝐥𝐥𝐨𝐰-𝐮𝐩 𝐊𝐨𝐧𝐬𝐮𝐥𝐭𝐚𝐬𝐲𝐨𝐧: Kasama ang mga follow-up konsultasyon upang matiyak na ang salamin ay tamang-tama at magbigay ng mga payo sa pangangalaga sa mata.

Ang programa na ito ay bahagi ng 𝑼𝒏𝒊𝒗𝒆𝒓𝒔𝒂𝒍 𝑯𝒆𝒂𝒍𝒕𝒉 𝑪𝒂𝒓𝒆 𝑨𝒄𝒕 at naglalayong magbigay ng pantay-pantay na access sa mga serbisyong pangkalusugan para sa lahat ng mga Pilipino.

Kailan at paano makakapag-avail ng benepisyo na ito? Makakapag-avail ka ng benepisyo na ito sa mga accredited na optometriya clinic at health center. Para sa karagdagang impormasyon, pwede kang bumisita sa PhilHealth website o sa pinakamalapit na PhilHealth Office.

✳️ Laging tandaan: "𝑻𝒊𝒚𝒂𝒌𝒊𝒏𝒈 𝒎𝒂𝒍𝒊𝒏𝒂𝒘 𝒂𝒏𝒈 𝒑𝒂𝒏𝒊𝒏𝒈𝒊𝒏 𝒏𝒈 𝒊𝒏𝒚𝒐𝒏𝒈 𝒎𝒈𝒂 𝒂𝒏𝒂𝒌 𝒑𝒂𝒓𝒂 𝒔𝒂 𝒌𝒂𝒏𝒊𝒍𝒂𝒏𝒈 𝒎𝒂𝒔 𝒎𝒂𝒈𝒂𝒏𝒅𝒂𝒏𝒈 𝒑𝒂𝒈-𝒂𝒂𝒓𝒂𝒍 𝒂𝒕 𝒑𝒂𝒈𝒍𝒂𝒌𝒊!"

#𝐇𝐞𝐚𝐥𝐭𝐡𝐲𝐃𝐚𝐬𝐦𝐚𝐫𝐢ñ𝐚𝐬
#𝐏𝐡𝐢𝐥𝐡𝐞𝐚𝐥𝐭𝐡𝐘𝐚𝐤𝐚𝐩
#𝐎𝐩𝐭𝐨𝐦𝐞𝐭𝐫𝐲𝐁𝐞𝐧𝐞𝐟𝐢𝐭𝐏𝐚𝐜𝐤𝐚𝐠𝐞
#𝐀𝐝𝐨𝐥𝐞𝐬𝐜𝐞𝐧𝐭𝐇𝐞𝐚𝐥𝐭𝐡
#𝐁𝐚𝐠𝐨𝐧𝐠𝐏𝐢𝐥𝐢𝐩𝐢𝐧𝐚𝐬
#𝐇𝐞𝐚𝐥𝐭𝐡𝐲𝐏𝐢𝐥𝐢𝐩𝐢𝐧𝐚𝐬

13/04/2026

✨✂️ 𝐓𝐈𝐍𝐆𝐍𝐀𝐍 | 𝐎𝐏𝐄𝐑𝐀𝐓𝐈𝐎𝐍 𝐓𝐔𝐋𝐈 𝟐𝟎𝟐𝟔, 𝐏𝐎𝐑𝐌𝐀𝐋 𝐍𝐀 𝐒𝐈𝐍𝐈𝐌𝐔𝐋𝐀𝐍! ✂️✨

Isang makabuluhang pagsisimula ng linggo ang hatid ng ating serbisyong pangkalusugan sa pamamagitan ng Operation Tuli 2026! 💙

Sa pangunguna ni Mayor Jenny Austria-Barzaga, katuwang ang City Health Office sa pamumuno nina Dr. Mary Anne A. Barzaga at OIC ng Dasmariñas City Health Office 4 Dr. Maharica Dionisio, matagumpay na inilunsad ang programang naglalayong magbigay ng libreng tuli para sa mga kabataang lalaki sa lungsod.

Kaisa rin sa adhikaing ito ang Pagamutan ng Dasmariñas sa pangunguna nina Dr. Karlomagno Barzaga (Chief of Hospital) at Dr. Benedicto Pascual Jr. (Hospital Administrator), kasama ang iba pang dedicated CHO doctors, nurses, midwives at iba pang health workers. 👩‍⚕️👨‍⚕️

💡 Bago ang aktwal na pagtutuli, siniguro muna ang kaligtasan at kahandaan ng mga bata sa pamamagitan ng:
✅ Pre-screening na isinagawa na sa mga City Health Office at Barangay Health Station/Center
✅ Health education o tamang kaalaman tungkol sa proseso
✅ Debriefing exercise upang mabawasan ang kaba at takot
✅ Maayos na gabay mula sa mga eksperto lalo ang aftercare o pag-aalaga sa kabataan matapos ang tulian

🎁 Bukod dito, tumanggap din ang mga bata ng mga libreng gamot at snacks bilang bahagi ng kanilang aftercare.

💪 Layunin ng programang ito na mapanatili ang kalinisan, kalusugan, at kumpiyansa ng kabataang lalaki sa Dasmariñas.

📣 Patuloy ang ating panawagan sa mga magulang—suportahan ang ganitong programa para sa ligtas at maayos na kinabukasan ng inyong mga anak!



Health Education and Promotion Unit - DOH CHD Calabarzon Office of the Provincial Health Officer - Cavite Cavite Provincial DOH Office

13/04/2026

OPERATION TULI 2026
Inaanyayahan ang mga kabataang lalaki na may edad 12 taong gulang pataas na makilahok sa Operation Tuli 2026, na gaganapin sa Pagamutan ng Dasmariñas.

📌 Mahalagang Paalala:
• Ang stub/slot, consent form, at iba pang kinakailangang dokumento ay makukuha sa inyong barangay. Makipag-ugnayan sa barangay health center o city health office para sa karagdagang detalye.
• Mahigpit na walang walk-ins allowed.
• Kinakailangan ang pre-screening bago ang araw ng tulian upang:
a. Matiyak na maaari nang tulian ang bata (tagpos na)
b. Mabigyan ng kaukulang stub/slot
c. Mabigyan ng tamang gabay sa paghahanda at mga kinakailangang dokumento

Narito ang schedule ng bawat barangay—mangyaring sundin ang nakatakdang petsa at oras.

Makiisa at maging handa para sa ligtas at maayos na operasyon para sa ating mga kabataan!

31/03/2026

ANUNSYO SA PUBLIKO | Dasmariñas City Health Offices at Nasasakupang Barangay

Narito ang mga sakop na mga barangay ng bawat City Health Office dito sa Lungsod ng Dasmariñas at iba pang detalye para sa mga nangangailangan ng SERBISYONG PANGKALUSUGAN.

CHO - 1
Address : D. Mangubat St. Brgy Zone II (Dasma-Bayan)
Landmark: Near Dasca Cable Main Office and Alcantara Subdivision
Facebook: Dasmariñas City Health Office 1

CHO - 2
Address: Brgy Sta Cruz 1 Area E
Landmark: In front of Sta. Cruz 1 Elementary School

CHO - 3
Address: Burma St. Central A, San Marino City, Brgy Salawag Annex
Facebook: Dasmariñas City Health Office 3

CHO- 4
Address: Phase 3, Paliparan 3
Landmark: Besides Paliparan National High School
Facebook: Dasmariñas City Health Office 4

CHO-5
Address: Blk 47 Private Lot, Guyabano St. Brgy. Sto Nino II
Facebook: City Health Office V - Sto. Nino II

Please read and be guided acccordingly and please share!

Photo credits: CHO-1

31/03/2026

‼️ ZBB, BUCAS, PUROKALUSUGAN, PHILHEALTH YAKAP AT GAMOT PROGRAM, TULOY-TULOY ANG LIBRENG SERBISYO SA KABILA NG NATIONAL ENERGY EMERGENCY‼️

Tiniyak ni DOH Secretary Ted Herbosa na patuloy ang pagbibigay ng libreng serbisyo ng Zero Balance Billing (ZBB) sa basic accommodation ng lahat ng DOH Hospitals.

Magpapatuloy din ang libreng serbisyo ng mga Bagong Urgent Care and Ambulatory Service (BUCAS) Centers, ito man ay nasa DOH Hospital o Rural Areas.

Wala ring patid ang libreng primary care services ng PuroKalusugan na sanib-pwersang ginagawa ng DOH at LGUs.

Hinihikayat din ang lahat na magregister na sa PhilHealth YAKAP para maaccess ang benepisyo ng GAMOT program.