Kasimbayan - UTS

01/12/2025

29/11/2025

29/11/2025

ANG KAPAHAYAGAN NG KASIMBAYAN – UTS SA PAGLABAN SA KORAPSYON!

Sa gitna ng mga maanomalyang proyekto ng ating pamahalaan, kami sa Kapatirang Simbahan para sa Bayan-UTS ay tumatayo bilang tinig ng katarungan at liwanag ng katotohanan, dala ang pag-ibig ng Diyos para sa bayang pagod na sa kasinungalingan at pang-aabuso ng iilang naghaharing uri sa ating lipunan. Nananawagan kami para sa isang mataas na pamantayan ng integridad, transparency, at pananagutan sa pamahalaan.

Tulad ni Propeta Amos sa kanyang panawagang; “Bumuhos ang katarungan na parang tubig,” buong tapang naming ipinahahayag: Ang katiwalian ay kasalanan laban sa Diyos at laban sa Bayan ng Diyos. Ito ay hindi lamang paglabag sa patakaran, kundi isang pag-atake sa tiwala, karapatan, at kinabukasan ng bawat mamamayan na dapat labanan at panagutin, walang puwang para sa pagtatago; walang lider o opisyal ang dapat palampasin.

Kaya kami, bilang tagapagdala ng mensahe ng katarungan at katapatan ay tumitindig kasama ang taong bayan kasabay ang panawagan na “ Panagutin ang lahat ng sangkot sa korupsyon mula sa pinakamataas hanggang sa pinakamababang kawani ng pamahalaan.” Tinatanggap naming ang anumang uri ng korapsyon—ay labag sa batas ng bayan at ng Diyos.

Kaya hinikayat namin ang bawat mamamayan na sumama sa pagkilos sa darating na Nobyembre 30 sa Crossing, Calamba, upang bahain ng panawagan at protesta ang lansangan laban sa katiwalian at kawalan ng pananagutan sa ating pamahalaan.

Ito ay hakbang tungo sa radikal na transparency, pananagutan, at tunay na reporma sa ating lipunan. Higit sa lahat, ito ay pagsasabuhay ng ating pananampalataya na ang katarungan may katapatan ay uusbong, at ang katiwalian ay babagsak sa diwa at lakas ng nagkakaisang lakas sambayanan.

28/11/2025

Magkita-kita tayo sa pagkilos, ang pagbaha sa Crossing Calamba sa November 30!

nayan mga Kurakot!

28/11/2025

26/11/2025

Ngayong araw ay nagsagawa ang mga mag-aaral ng UTS, kasama ang KASAMA-LR, ng Wednesday Forum upang talakayin ang malawakang korapsyon at katiwalian na patuloy na nagpapahirap sa sambayanang Pilipino.

Inilahad sa talakayan ang samu’t saring anyo ng kahirapan, pang-aabuso, at pang-aapi na nararanasan ng mamamayan, lalo na ng mga kababaihan, dahil sa kapabayaan at katiwalian ng iba’t ibang ahensya at mismong Estado.

Malinaw na ipinakita sa forum ang matinding epekto ng korapsyon sa mga pangunahing pangangailangan ng tao, ang pagkasira ng pang-ekonomiyang kalagayan, ang kawalan ng dekalidad na edukasyon, ang kakulangan sa serbisyong pangkalusugan, at ang pagkait sa maraming serbisyong dapat ibinibigay ng pamahalaan para sa ikabubuti ng lahat.

Sa kabuuan, nananawagan kami sa lahat na labanan ang korapsyon at panagutin ang mga tiwali. Inaanyayahan din ang bawat isa na lumabas sa ating mga komportableng kalagayan at makiisa sa malawakang pagkilos upang isigaw ang ating panawagan para sa buhay, kabuhayan, at karapatan.

Sama-sama tayong kikilos sa Nobyembre 30! Baha sa Crossing Calamba!

25/11/2025

Ngayong araw, November 25, 2025, Ang kapatirang simbahan para sa Bayan Ay namahagi ng Debosyonal Polyeto "huwag Kang Kukurap! Imulat ang iyong mata" sa SHS at College Student ng PCU.

27/07/2025

Ang Kapatirang Simbahan para sa Bayan-UTS ay nakikiisa sa panaghoy at panawagan ng masa sa State of the Nation Address. Kinikilala ng KASIMBAYAN-UTS ang buhay na pananampalatayang nagsasapamuhay ng mga huwaran ni Jesus, na pangunahing nakatuon sa propetikong pagtatanyag ng katarungan para sa lahat ng may buhay.

Itinatanyag ang makatarungang buhay, ang sapat na sahod na nagbibigay dignidad, at tunay na malayang nagsasapamuhay ng karapatan. Buhay! Sahod! Karapatan!

Sa kasalukuyang krisis na hinaharap ng bayan dulot ng pananalasa ng bagyo, hindi katanggap-tanggap ang tinurang ito ay “New Normal” at “Hindi Emergency”. Ito bunga ng paniniil at pangangamkam ng lupang minana ng mga katutubo dulot ng pagkaganid ng mga nasa kapangyarihan. Walang ibang pinananagot kundi ang Gobyerno na siya dapat na lumilikha ng mga kapakipakinabang na proyekto para sa masa. Subalit pansariling kapakinabangan lamang ang pangunahing inaatupag. Hindi pansamantalang ayuda ang solusyon!
Climate Justice Now!

Iwinawaksi ang korapsyon at ang walang habas na paggamit ng kapangyarihan at posisyon ni Sara Duterte nang kaniyang lustayin ang kaban ng bayan. Impeach Sara Now!

Kamtin nawa ng bawat isa ang kalasag at sikhay ng matibay na paninindigan upang hamunin, iwaksi, at durugin ang tanikala ng mga sistemang mapang-api at lumalapastangan sa diwa ng buhay sa pamamagitan ng ating nagkakaisa at nagluluwal ng mga pag-asa at pagkilos tungo sa paghilom ng sangnilikha at pamumuhay sa katarungan.

"Sisigaw laban sa inyo ang mga bato ng pader, at aalingawngaw sa buong kabahayan. Mapapahamak kayo! Nagtatag kayo ng lunsod sa pamamagitan ng kasamaan; itinayo ninyo ang bayan sa pamamagitan ng pagpatay." (Habakkuk 2:11-12)

-KTR

14/07/2025

Gabriela Women's Party 1st Nominee, Hon. Sarah Elago on Post-Electoral Discussion:

“May mga lugar na hindi nagre-report ng kaso dahil sa takot, kaya dapat palakasin ang pagkilos para sa malinis na halalan.

Ang pagbitbit sa politika ng pagbabago ay hindi mahirap isipin. Mainam na magtala tayo ng mga posisyon sa mahahalagang usapin ng lipunan.

Sa eleksyon, napapanahon na hindi [dapat] mapalagpas ang pagkakataon upang itaas ang antas ng kamulatan ng maraming mamamayan. Mas malakas kung sama-sama, nagkakaisa at organisado ang ating pagkilos para sa pagbabago.”

14/07/2025

Rev. Euvelyn Guerrero’s Biblio Theological Reflection at STREAM Fellowship:

“Anything against God’s will is evil. Kung kaya’t ang mga ka demonyohan na ginagawa ng emperyo ay siyang inilantad, Truth is an enemy of evil. Galit si Christ sa mga hipokrito.

Mahalagang basahin ang kalalagayan sa perspektiba ng mga biktima ng inhustisya, sa pagdurusa at paghihirap ng mga mamamayan, sa perspektiba ng mga walang kapangyarihan o powerless, at sa biktima ng kasamaan o ng kasalanang institusyonal.

Patuloy tayong magningas at mag-init upang maisagawa ng sama-sama ang minimithing tunay na pagbabago, kapayapaan na nakabatay sa katarungan.”

14/07/2025

25/02/2025

Ngayong araw, ipinamalas nating muli ang ating di nagmamaliw na pag-ibig sa Diyos at sa bayan.

Sa gitna ng pagod at maraming gawaing ating ginagampanan, sinikap nating patuloy na maging tapat sa ating pananampalataya, sa pamamagitan ng ating pagsama sa hanay ng mga mamamayang nakikibaka.

Mula Camp Bagong Diwa, patungong Department of National Defense, nagtuloy tayo sa JB Music sa Quezon City kasama ang mga makabayang lingkod-bayan, nag martsa kasama ang maraming estudyante, manggagawa, maralita, magsasaka, at ang malawak na hanay ng mamamayan, sumama tayo sa pagsalubong sa bawat isa sa EDSA Shrine at idinaos ang ating sama-samang pag gunita sa ika-39 anibersayo ng People Power Revolution sa People Power Monument -- dito natin isinigaw ang ating mga panawagan at panalangin.

Mga kapatid, patuloy tayong hinihimok na maging kaisa ng mga inaapi, binubusabos at sinisikil. Inaanyayahan tayong makialam, lumahok at tumindig para sa mga pinaka nangangailangan.

Ang ating pag-alaala ngayong araw ay isa lamang sa marami pa nating gawaing pang pananampalataya.

Magsasama-sama tayong muli sa mga susunod na pagkilos, pagsamba at pakikibaka.

Matagumpay tayo ngayong araw. At magpupunyagi pa sa mga susunod na araw.

Kaisa sa hanay ng mamamayan, ang
Kasimbayan-UTS + Kasimbayan-TK + UCCP (BAC, SLJ, NESTCON, UCC, STC) + CYF SLJ + YAP JUST + Southern Tagalog Region Ecumenical Affairs Movement (STREAM).

Ang tao, ang bayan, kasama ang simbahan,
tuloy-tuloy ang laban!

Buhay ang Diwa ng EDSA! Buhay ang Nagpupumiglas na Pananampalataya!
**𝘚𝘰𝘮𝘦 𝘱𝘩𝘰𝘵𝘰𝘴 𝘢𝘳𝘦 𝘵𝘢𝘬𝘦𝘯 𝘧𝘳𝘰𝘮 𝘚𝘰𝘶𝘵𝘩𝘦𝘳𝘯 𝘛𝘢𝘨𝘢𝘭𝘰𝘨 𝘌𝘹𝘱𝘰𝘴𝘶𝘳𝘦.