20/09/2025
Subject: Request for Support – Iligan City CPF Dragons Representing the Philippines in Singapore 🏀🇵🇭
Maayong adlaw, Sir!
Nanghinaut ko nga maayo ang imong kahimtang diha karon. Nagpadala ko ani nga mensahe uban sa dakong pagtahod ug pagpasidungog, kabalo ko nga dako gyud kaayo ang imong gugma ug suporta sa atong mga kabatan-unan bisan asa ka man sa kalibutan.
Gusto nako ipahibalo ug ipaambit kanimo ang makapadasig nga istorya sa atong kaugalingong Iligan City CPF Dragons – usa ka grupo sa mga batan-ong talento nga mga manlalaro sa basketball, nga dili lang maayo sa dula, apan pulos usab sila honor students sa ilang mga eskwelahan.
Daghan na kaayong kadungganan ang ilang gidala para sa Iligan:
🏆 Kampyon – NBL (National Basketball League-Phils.) Kabataan Season 3 National Finals sa Iloilo (2024)
🏆 Kampyon – National Youth Basketball League (NYBL) sa National University, SM Cebu (2025)
Tungod sa ilang kadaugan, nakadawat sila ug higayon nga makarepresenta sa Pilipinas sa umaabot nga 13th Asia Pacific Cup sa Singapore karong Oktubre 21–26, 2025. Usa kini ka talagsaon ug kausa ra sa kinabuhi nga oportunidad aron ipakita ang ilang abilidad ug ang garbo ug determinasyon sa kabatan-onang Iliganon sa internasyonal nga entablado.
Apan, dako kaayo ang among giatubang nga hagit. Kadaghanan sa among mga manlalaro gikan sa mga simple ug mahuyang nga pamilya, ug kinahanglan pa namo makatigom ug pondo para sa plite sa eroplano, pagkaon, puy-anan, ug uban pang gasto alang sa biyahe. Sa miaging NYBL sa Cebu, nakaduwa ra mi tungod sa kabuotan ug tabang sa mga tao nga mitabang kanamo. Karun nga mas taas among pangandoy, nagpaabot na usab kami sa inyong tabang.
Sa ngalan sa CPF Dragons, tugoti ko nga ipaila ang akong kaugalingon. Usa lang ko ka volunteer file clerk sa team. Wala koy anak nga nagdula uban nila, apan gipili nako nga ihalad akong oras kay nakita gyud nako ang ilang kasingkasing para sa basketball, ilang disiplina, ug ilang kaandam nga modaog. Kini nga mga bata nagpadasig gyud nako, busa mao nga nagapangayo ko ug tabang kanimo karon.
Nasayod kami nga dako ang imong kasingkasing para sa mga batan-on, ug daghang Iliganon ang nagtan-aw ug nag-idolo kanimo. 🙏 Mao nga nanuktok kami sa imong kalooy ug kabuotan, basin matabangan mo kami—pinaagi sa personal nga donasyon, pagtabang nga makakonektar mi sa mga sponsor, o bisan pa pinaagi sa pagpaambit sa among istorya aron daghan pa ang makaila sa paningkamot sa among team.
Bisan unsa nga klase sa tabang, dako na gyud ug ikatabang aron makatabok ang mga batan-on ngadto sa Singapore ug madala nila ang ngalan sa atong nasud uban ang garbo.
Daghang salamat, Sir, sa imong panahon ug pagbasa ani nga sulat. Ang imong tabang dili lang maghatag ug higayon para sa ilang damgo, apan makapadasig usab sa tibuok Iligan City nga kung adunay pagkahiusa ug suporta, walay imposible.
Respectfully yours,
Marjorie Lou S Burda
Volunteer File Clerk – CPF Dragons
09756625492
P.S.
Attached are proof of their achievements.
