Mga Tawo sa Syudad sang Iloilo

23/02/2021

Ako si Itik 65 anyos. Tumandok sang Mandurriao, Iloilo. Apat na ako ka tuig gapamunit diri sa suba sang Iloilo. Kis.a makadakup ako sang tag isa o duwa ka kilo nga isda. Daku pasalamat ko sina kay may isud.an ang akon nga pamilya. Masadya mamunit, ma relax ka na, taz may kan.on ka pa kung swertehon ka.

12/01/2021

Ako si Eden, isa sa mga contractual worker sa syudad. In charge kami maninlo sa esplanade sa aga kag hapon. Sadya na kami makita ang kapwa namun Ilonggo nga ga enjoy sa matinlo nga hangin kag manami nga view sang Esplanade.

12/01/2021

"Ako si Caryl, co-owner sang family business food truck The Traveling Cafe PH nga nagsugod lang last week. For those joggers and people nga galagaw-lagaw sa Esplanade feel free to visit us sa service road sa B.Aquino near skate park. Have a taste of our home baked goods and freshly brewed coffee.

17/12/2020

Isa ka jogger ang nakita.an nga gakuha sang picture sang sunset nga makit.an sa bag.o nga Esplanade(4) para ipadala kag ishare ang manami nga view sa iya nga miga nga yara sa Roxas City.

17/12/2020

"Ako Sam, 31 anyos, isa ka local Ilonggo artist kaupod sang 6 pa nga abyan nga mga artist man nga masobra na isa na ka semana nga gina amat amatan panami ang dingding sa bahin sang B.Aquino highway tabok SM city. Isa ka prebilihiyo ang mangin kaupod sa mga pili nga tawo nga makabulig makapanami sa syudad ta. Isa man ini sa mga paagi makapaguwa sang istress nga ginabatyag nga halit sang COVID. Handom ko nga paagi sini, bisan gamay lang makapasadya kami sa kapwa namun nga Ilonggo diri sa syudad sang Iloilo."

16/12/2020

14/12/2020

"Ako si Ruben, 48 anyos, isa ka locksmith diri sa syudad. Masobra 20 ka tuig na ko gahimu sang yabe. Gintudluan ako sang akon iloy asta ipamana nya sa akon ang pwesto kag mga gamit nya. Sa sinauna nga tyempo ang mga yabe himu pa na sa kalaptan sang kutsara kag tinidor. Subong pwede na kabakal blank key. Diri ko man nasugata ang babaye nga may kapot sang yabe sang akon corazon, kung sa diin nagbutlak ang amun higugmaanay."

13/12/2020

"Ako si Paolo, 26 anyos, mahilig ako sa motor kag mag brew sang akon kape. Handom ko subong nga paskwa is maayo nga panglawason kag malayo sa disgrasya ang pamilya kag mga pinalangga ko."

P.S handom ko man madula ang liquor ban. 😉

Check and like my page Coffee stroll (pop-up coffee shop) for updates kung diin ako nga lugar ga brew.

11/12/2020

at the moment. Visit and enjoy different variety of foods from local cuisine up to international.
Kaon ta.

11/12/2020

See you later fellow Ilonggos. Dont forget to wear your mask.

Iloilo's 1st night market in Esplanade

10/12/2020

"Ibooooos, Putooooo", amo ni ang mga tinaga mabatian mo kada aga pagsinag sang adlaw.

Ako si Terry, 69-anyos taga Ingore, LaPaz. Sa edad nga 9 nagumpisa na ako libod para lang maka bulig sa amun pag adlaw adlaw. Balo na ako, mga kabataan ko tanan may pangabuhi na nga ila. Ako na lang kag isa ko ka apo gaupuday sa amun gamay nga balay. Aga kag hapon nag libod ako, adlaw-adlaw. Samtang bakod pa akun mga tuhod kag kaya pa sang liog ko magkarga makayod gid ako.

10/12/2020

Yay! Amat-amat lang ah. Hehe

10/12/2020

"Ako si Steven, 33 anyos. Masobra na 14 ka tuig diri sa syudad sang Iloilo kag gatrabaho bilang isa ka Infection Prevention and Control Nurse sa isa ka hospital diri. Daku gid nga halit ang hatag sa COVID pero gapati ako nga malampasan ta ini kung magbululigay kita. Handom ko lang ang maayo nga panglawason kag masadyahon kita tanan sa pang adlaw-adlaw ta nga paghiliusa."

09/12/2020

"Ako si Manolito, 57 anyos. Diri ginbata kag nag mal-am sa syudad sang Iloilo. Masobra na 40 tuig na ako gabaligya prutas diri. Naabtan ko pa ang tyempo nga wala pa sang Marymart or SM Delgado kundi mga katangkehan lang da. Salamat sa Diyos napatapos ko man ang mga kabataan ko kag subong ara naman sila ga trabaho sa guwa. Ubra lang tarong kay ang grasya maabot gid na sa ulihi."

08/12/2020

"Ako si Niño, 33 anyos ga trabaho bilang isa ka security guard sa isa ka pawnshop diri sa syudad sang Iloilo kag pito na ako ka tuig ga serbisyo diri. Ang akon asawa manugbata subong nga disyembre sang amun agot kag ikatatlo nga bata. Bipang isa ka amay, handom ko lang sa palaabuton nga paskwa nga ma deliver ang bata sang mapagsik kag layo sa mga sakit. "

07/12/2020

"Ako si Perle, 43 anyos, isa ka medikal fronliner sa syudad sang Iloilo. May risgo man sa virus kaupod sang trabaho, kinahanglan man gihapon mag padayun kay may pamilya nga ginabuhi. Sa ila ako nagakuha sang akon kusog sa adlaw-adlaw ko nga pakigbato."

06/12/2020

Ako si Jun, 21 anyos. Nagapuyo diri sa syudad sang iloilo. Naga luto kag baligya sang barbeque kung hapon. Mahilig ako magtan.aw sang anime pareho sang One Piece kag Naruto. Nagapangabuhi para may ipadala sa akon pamilya.

04/12/2020

"Ako si James, 29 anyos tumandok sang Antique. Sobra na Isa ka dekada ga puyo diri sa syudad sang Iloilo. Gapangabuhi sang matarong para sa akun katauhan kag sa akun pamilya"