Kawit RHU

04/04/2026

Kasama ang lahat ng kawani ng Kawit Rural Health Unit, tayo ay umagapay at nagbigay ng libreng serbisyong medikal sa ating mga kababayan nagsagawa ng kanilang panata ngayon Semana Santa 2026. Hiling natin sa lahat ng ating kababayan na maglalakbay upang bumisita sa ating mga simbahan at parokya na magsuot ng komportableng damit, magdala ng kanilang mga inumin tubig, mga kinakailangan gamot, mga pananggalang sa init at siguruhin na nasa maayos na kalusugan upang maiwasan ang hindi magandang epekto ng mainit na panahon na ating nararanasan. Nawa'y maging makabuluhan at ligtas ang pagdaraos natin lahat ng pagdiriwang ng sakripisyong inialay sa atin ng ating Panginoon.

Muli, para po sa inyong mga pangangailangan o katanungan, maaari po kayong makipag-ugnayan sa amin sa numerong 431-9941 at 09915536716.

Maraming salamat, ingat po at Magandang Kawit po sa ating lahat!

03/04/2026

Nais po namin batiin ang aming masipag na PTV Driver, Mr.Tito Reyes ng isang Maligayang Kaarawan. Nawa ay patuloy ka pong pagpalain, bigyan kalakasan at ingatan sa lahat ng iying biyahe ng ating Poong Maykapal para sa ating patuloy na pagbibigay ng Serbisyong may Puso at Malasakit sa ating mga kapwa Kawiteño.

Happy birthday po, Sir Tito!

31/03/2026

Noong nakaraang Sabado, March 28, 2026, isinagawa ng Brgy. Toclong ang kanilang "Alagang Babaeng Toclong" Women's Month Celebration - Barangay-wide Medical Mission sa Kalayaan Homes Covered Court. Kasama ang mga Primary NGO Partners na Leighton, EEI Corporation, MPTC Tollways at MPCALA Holdings Inc., nagbigay ng libreng serbisyong medikal ang ating mga kasamang lingkod-bayan sa iba't ibang populasyon ng ating mga residente mula sa Brgy. Toclong, mula sa bata, matanda, PWDs at mga kabataan. Nakasama rin natin sa makabuluhang gawaing ito ang ating mga Medical & Logistics Partners San Pedro Calungsod Medical Center, Kawit Kalayaan Hospital, Binakayan Hospital & Medical Center, Cavite Medical Society, St. Jude College Dasmariñas Campus at PhilHealth.

Muli, taos pusong ipinapaabot ng ating Pamahalaang Bayan ang pasasalamat sa mga opisyales ng Samahan ng Kababaihan ng Brgy. Toclong sa inyong maibiging pag-aaruga sa ating mga kabarangay diyan sa Toclong. Maraming salamat po sa inyong pagmamahal at pagbibigay prayoridad sa aming kalusugan. Pasasalamat din ang ating ipinapaabot sa mga lider at kawani ng Brgy. Toclong at volunteers ng barangay na nakasama at nagasikaso sa gawaing pangkalusugan ngayon araw. Gayundin, ipinapahatid natin ang mainit na pagbati sa mga Home Owners Association Officers ng barangay na nagsama-sama at nagtulungan upang maging matagumpay ang aktibidad ngayon. Mabuhay po kayo mga opisyales ng HOA ng PhilHomes Subd., Joshua Village, Pinagkaloob Village, Acacia Task Force HOA, Rockwell Classic Homes, Boston Heights at Kalayaan Homes. Patunay po kayo na kapag nagsama-sama ang pamayanan sa iisang adhikain, posible na makamtam natin ang pangarap natin na malusog, masigla at masayang pamilyang Kawiteño.

Muli, maraming maraming salamat po sa lahat ng ating nakasama ngayon araw para sa "Alagang Babaeng Toclong" Women's Month Celebration - Barangay-wide Medical Mission sa Brgy. Toclong!

27/03/2026

23/03/2026

Ngayon March 24, nakiki-isa ang buong Bayan ng Kawit sa pagdiriwang ng World TB DAY, Ngayon taon, may temang "Yes! We Can End TB" ay nagpapahiwatig ng sama-sama natin paglaban upang tuluyan na natin mapuksa at mawala ang sakit na Tuberculosis (TB) sa ating mga pamayanan. Ating hinihikaya ang lahat, mula sa ating mga liders, mga organisasyon, mga kasamang lingkod-bayan, at mga mamamayan na samahan tayo sa adbokasiya na palawakin ang kaalaman patungkol sap ag-iwas, tamang gamutan at pagsugpo sa sakit na TB.

Para po sa inyong mga katanungan, mangyaring lumapit sa amin sa ating tanggapan sa Kawit Super Health Center at bisitahin po ang ating TB-DOTS facility upang sa sama-sama natin pakikibaka, tuluyan na natin mawawakasan ang sakit na TB sa ating bayan. Maraming salamat at Magandang Kawit po!


Municipality of Kawit, Cavite
Kawit Public Information Office

23/03/2026

📣 LIBRENG CHEST X-RAY! 🫁
Handog ng Kawit RHU TB-iDOTS Clinic para sa ating mga residente!

📅 Kailan: Marso 25, 2026 (Miyerkules)
🕗 Oras: 8:00 AM
📍 Lugar: Sta Isabel - Multi-Purpose Hall

🎯 Target: 15 years old and above, 150 katao o higit pa— kaya magpalista na agad!

Para sa pre-registration, makipag-ugnayan sa ating:
🏥 Barangay Sta Isabel Health Center
👩‍⚕️ Barangay Health Workers
👩‍🍳 Barangay Nutrition Scholars

❤️Kita-kits po tayo!
Sama-sama nating pangalagaan ang ating kalusugan!🙂



Municipality of Kawit, Cavite
Kawit Public Information Office

21/03/2026

Nais po namin batiin ang aming masipag na Nurse, Mr. Justine Crisostomo ng isang Maligayang Kaarawan. Nawa ay patuloy ka pong pagpalain, bigyan kalakasan at ingatan sa lahat ng iying biyahe ng ating Poong Maykapal para sa ating patuloy na pagbibigay ng Serbisyong may Puso at Malasakit sa ating mga kapwa Kawiteño.

Happy birthday po, Sir Justine!

20/03/2026

Matagumpay na naisagawa ang cascading ng Omnibus Health Guidelines (OHG) mula sa DOH para sa ating mga masisipag na midwives at nurses ng Kawit Municipal Health Office. 🩺

Layunin ng gawaing ito na palakasin ang kaalaman at kakayahan ng ating frontline health workers upang masigurong dekalidad, ligtas, at maayos ang serbisyong pangkalusugan para sa bawat Kawiteño. ❤️

Maraming salamat sa inyong dedikasyon at patuloy na paglilingkod sa ating komunidad!

18/03/2026

Malugod naming binabati ang buong team sa pagkamit ng DOH Certification para sa ating Animal Bite Treatment Center! 🐾
Ang tagumpay na ito ay patunay ng inyong dedikasyon, sipag, at malasakit sa pagbibigay ng ligtas at dekalidad na serbisyo sa komunidad. Patuloy nawa kayong maging instrumento ng kaligtasan at pag-asa para sa bawat pasyente.
Mabuhay kayo at maraming salamat sa inyong mahusay na serbisyo! Magandang Kawit po!



Municipality of Kawit, Cavite
Kawit Public Information Office

16/03/2026