26/08/2025
📢 PAHIBALO SA TANAN: LIBRENG TAMBAL GIKAN SA North Western Kidapawan,Super Health Center, Brgy. San Isidro -PRIMARY CARE FACILITY 💊
Para sa tanan residente:
Nalipay kami nga ipahibalo nga aduna kitay LIBRENG TAMBAL nga maangkon sa atong North Western Super Health. Kini nga tambal kabahin sa programa sa gobyerno ug ipanghatag walay bayad alang sa mga pasyenteng nanginahanglan.
✅ Wala’y bayad
✅ Para sa kwalipikadong residente
✅ Gipalit ug gisuportahan pinaagi sa pondo sa gobyerno
Nasayod kami nga ang uban ani makita ug ginabaligya sa botika, apan ang mga libre nga tambal gipalit sa gobyerno sa barato nga presyo ug giapod-apod pinaagi sa public health budget. Kini kabahin sa paningkamot nga mahatagan ug patas nga serbisyo medikal ang tanan, bisan unsa pa man ang kahimtang sa kinabuhi.
Aron makakuha ug tambal, kinahanglan una nga mukuha ang pasyente ug referral form sa ilang Barangay Health Station. Human niini, adto sila sa triage area para sa unang assessment. Sunod, muadto sa Out-Patient Department alang sa pagrekord ug dokumento. Kung mahuman na ang rekording, ang pasyente ipasa sa doktor para sa konsultasyon ug reseta. Sa katapusan, pinaagi sa reseta sa doktor, mahimo na kuhaon ang tambal sa botika.
📍 Bisitaha ang atong North Western Kidapawan Super Health Center, Brgy. San Isidro, Kidapawan City aron makapangutana bahin sa tambal ug sa pamaagi sa pagkuha niini.
Magkahiusa kita alang sa mas himsog nga komunidad! 🏥❤️
