06/02/2025
Typhoid fever and Dengue fever
GOVERNOR LACSON NAGPANUGYAN SA MGA NEGRENSE NGA MAGHALONG BATUK SA TYPHOID FEVER KAG DENGUE
Nagpanugyan si Negros Occidental Governor Eugenio Jose "B**g" Lacson sa mga Negrense nga mag-halong kag mangin mabinantayon batuk sa balatian nga Dengue kag Typhoid Fever.
Ini kasunod sang pagsaka sang kaso sang duha ka mga nasambit nga balatian sa probinsya.
Ginpahayag ni Lacson, apisar indi tuman ka damo ang kaso sang Typhoid Fever, apang ang kaso ang nagsaka kag mas madamo ikumpara sa mga na-record nakaligad nga tuig.
Base sa record sang Provincial Health Office (PHO) halin Enero 1 tubtub Pebrero 1, 2025 nagsaka na sa 144 ang kaso sang Typhoid Fever samtang 509 na man sa dengue.
Suno kay Lacson, ang Typhoid ang parehos man sa Dengue nga pwede malikawan paagi sa pagtinlo sang palibot.
Nahibaloan, suno pa sa record sang PHO tubtub Pebrero 1, duha na ang nagkalamatay sa Typhoid Fever kag tatlo na man ang napatay sa Dengue sa Negros Occidental.
