08/05/2026
MATAGUMPAY NA MAJOR SURGICAL OPERATIONS SA LABO DISTRICT HOSPITAL
Isang mahalagang tagumpay ang muling naitala sa Labo District Hospital matapos na maisagawa ngayong araw, Mayo 08, 2026, ang isang CHOLECYSTECTOMY O OPERASYON SA APDO. Ang naturang operasyon ay pinangunahan ni Dr. Raulo D. Rustia, Surgeon, katuwang si Dra. Veronica Chavez, Anesthesiologist, kasama ang dedikadong Operating Room Team at mga nurses ng ospital.
Patunay ito na unti-unti nang nakakamit ng ating ospital ang tiwala ng mamamayan ng lalawigan pagdating sa mga major operation at iba pang specialized medical services.
Samantala, noong Mayo 07, 2026, matagumpay ding naisagawa ang dalawang CESAREAN SECTION OPERATIONS sa pangunguna ni Dra. Hazelle Dizon, OB-Gyne Specialist, katuwang si Dr. Harold Ondis, Anesthesiologist, at si Dra. Christine Vigonte - Turiano, Pediatrician, upang matiyak ang kaligtasan at maayos na pangangalaga hindi lamang sa mga ina kundi maging sa mga bagong silang na sanggol.
Ang mga matagumpay na operasyong ito ay sumasalamin sa patuloy na pag-unlad ng serbisyong medikal ng Labo District Hospital sa tulong ng DOH Deployment Program. Isa rin itong patunay na dahan-dahan nang naisasakatuparan ang layunin ng Padilla- Ascutia Administration na mapalawak at mapalakas ang serbisyong pangkalusugan sa lalawigan.
Sa pamamagitan ng pagpapalawak ng kakayahan ng ospital sa pagsasagawa ng major operations, inaasahang makatutulong ito upang mabawasan ang dami ng mga pasyenteng inooperahan at nire-refer sa Camarines Norte Provincial Hospital, at higit na mailapit ang dekalidad na serbisyong medikal sa ating mga kababayan.
Maraming salamat po sa patuloy ninyong pagtitiwala. Ang inyong suporta at kumpiyansa ang nagbibigay sa amin ng inspirasyon upang lalo pang pagbutihin at paigtingin ang aming serbisyo para sa bawat mamamayan ng Camarines Norte.
โ๐ต๐๐ ๐ผ ๐๐พ๐๐ ๐๐๐๐๐๐๐ ๐๐๐ ๐๐ ๐ฝ๐๐ถ๐๐๐ฝ ๐ถ๐๐น ๐ฝ๐๐ถ๐ ๐๐๐๐ ๐๐๐๐๐น๐,โ ๐น๐๐ธ๐๐ถ๐๐๐ ๐๐ฝ๐ ๐ฟ๐๐๐น.โ ๐ฅ๐๐๐๐๐พ๐ถ๐ฝ ๐ฅ๐ข:๐ฃ๐ฉโ
