03/07/2024
₱𝟐𝟎 𝐏𝐄𝐑 𝐊𝐈𝐋𝐎 𝐍𝐆 𝐁𝐈𝐆𝐀𝐒, 𝐏𝐖𝐄𝐃𝐈 𝐍𝐆 𝐌𝐀𝐁𝐈𝐋𝐈 𝐒𝐀 𝐁𝐀𝐘𝐀𝐍 𝐍𝐆 𝐌𝐈𝐃𝐒𝐀𝐘𝐀𝐏, 𝐂𝐎𝐓𝐀𝐁𝐀𝐓𝐎
NAGING trending sa social media ang murang bentahan ng bigas sa Barangay Villarica, bayan ng Midsayap nitong mga nagdaang araw.
Ngayong hapon, kinumperma mismo ni Feliciano "junjun" Tablan Jr. ang Chairman ng FT Minecart Foundation na totoo nga ang nasabing impormasyong kumakalat tungkol sa pagbebenta nila ng ₱20.00 bawat kilo ng bigas.
Idenitalye din ni Chairman Tablan na ang kanilang ginagawa ay tulong sa mga pamilyang hindi halos maka kain dahil sa mahal na presyo ng bigas.
Dagdag pa nito, bago pa man sila nakapag desisyon na ibenta ng tig-₱20 ang kilo ng bigas ay matagal na silang nagmimigay ng bigas sa mga Kabarangayan ng Midsayap bilang pasasalamat sa mga natamong blessing na ngayon ay kanilang inaani.
Nahinto lang ang pamimigay ng libreng bigas ng kanilang pamilya o foundation dahil sa mga negatibong reaksyon mula sa iilang tao at sa mga opisyal.
Hanggang sa napagtanto na imbes ibigay ng libre ay ibenta nalang nila ito ng ₱20 per kilo.
At ang maiipon na benta ay idadagdag bilang pondo na pambigas mula sa kanilang blessing na natatanggap dahil sa kanilang lumalagong kabuhayan na para kay Tablan ay bigay ng Diyos na ipinagkaloob sa kanyang anak at para sa mas maraming mahihirap ang makakakain ng murang bigas.
Inihayag din nito na ang kanilang tig-₱20 na bigas ay isang local Milled rice na kung benibenta sa palengke ay nasa ₱48 hanggang ₱50 ang kilo.
Sa kasalukuyan ay nasa 3 kilo bawat pamilya pa lang ang kanilang kanyang maibenta bawat araw.
