Duale Health Center

08/06/2025

PABATID: Ang Limay Municipal Health Office ay nagpapaalala kasabay ng paggunita ng Dengue Awareness Month ngayong buwan ng Hunyo, na maging isang responsableng Limayan sa pamagitan ng pakikiisa sa mga gawaing makatutulong upang mapigilan ang pagdami ng lamok na nagdadala ng sakit na dengue.

Isang mabisang paraan at subok na ay ang SEARCH AND DESTROY.
Hanapin, itaob, itaktak, tuyuin at takpan ang mga bagay o lugar na maaaring pangitlugan ng mga Lamok.

Tara na at makiisa, ALAS-KWATRO NA!

04/06/2025

‼️PABATID: BAKUNA KONTRA- RABIES 💉‼️

Isang magandang balita para sa lahat ng Limayan!

Amin pong ipinababatid na simula bukas , June 4, 2025 ay muli nang makakakuha ng libreng bakuna kontra rabies sa ating Rural Health Unit.

Bagamat ilang linggo din ang lumipas na tayo po ay nawalan ng supply ng bakuna, hindi po tumigil ang Pamahalaang Bayan ng Limay upang tayo po ay muling makapag bigay ng libreng bakuna at masiguradong beripikado ang mga dokumento bago ito isapubliko.

Hinihingi po namin ang inyong pang-unawa at inaabisuhan po namin kayo sa posibleng dami ng pasyente na magiging dahilan ng mas mahabang oras ng paghihintay.

Umasa po kayo na ito po ay tutugunan ng mga kawani ng Municipal Health Office upang masiguro ang maayos na pagbigay ng serbisyo sa lahat ng ating mga pasyente.

Maari din pong pumunta ang mga pasyenteng naka-schedule noong May 13 na hindi pa nakakompleto ng bakuna.

Dalin lang po natin ang ating valid ID at Vaccination (Anti Rabies) card.

Maraming salamat po.

19/04/2025

ALAM NIYO BA?
Isa sa karaniwang problemang pangnutrisyon dito sa Pilipinas ay ang Vitamin A deficiency na nagdudulot ng pagkahina ng ating katawan sa paglaban nito sa impeksyon, pagbagal ng paglaki ng mga bata at ng development ng ilang mga organo. Sa mga pagkakataon namang hindi agad mabibigyang pansin, ito ay maaaring mauwi sa pagkabulag at kamatayan.

Ayon sa datos ng World Health Organization, nasa 250,000 hanggang 500,000 batang vitamin A deficient sa buong mundo ang nabubulag kada taon at kalahati ng mga ito ay namamatay.

Kung kaya't patuloy na ipinapaalala ng Bataan Provincial Health Office na dalhin ang inyong mga anak sa pinakamalapit na health center sa inyong lugar para sa vitamin A supplementation, gayundin sa mga kapapanganak na nanay.

Huwag balewalain ang nutrisyon para sa malakas at maayos na paggana ng bawat organo sa ating katawan. Patuloy ding sundin ang Pinggang Pinoy at ang 10 Kumainments. Sama-sama tayo sa pagkamit ng 1Bataan na nakatutok sa nutrisyon ng matatag na pamilyang Bataeño.

19/04/2025

MAGING ALERTO NGAYONG BAKASYON!
Dagdag ingat upang maiwasan ang mga karaniwang sakit ngayong tag-init gaya na lamang ng:

Heat Stroke - na nangyayari dahil sa init ng panahon na sinabayan pa ng kawalan ng kakayahan ng ating katawan na kontrolin ang sobrang pagtaas ng temperatura nito. Maaaring makaranas ng matinding pagkahilo, lagnat, pangangalay, mainit at namumulang balat, at pagkawala ng malay, pagkalito, o deliryo.

Diarrhea - ang pagtatae na dulot ng iba't-ibang bacteria gaya na lamang ng E. coli at salmonella na maaaring maging sanhi rin ng mas malubhang sakit sa tyan. Ngayong tag-init, mas mabilis at mas madali ang pagdami ng bacteria sa mga pagkain at tubig kung hindi wasto ang pagkaluto at pagiimbak nito.

Sakit sa Balat - na maaaring dulot ng iba't-ibang salik gaya na lamang ng UV rays mula sa araw kung saan ang inyong balat ay maaaring mamula at makaranas ng hapdi (sunburn); iritasyon dulot ng pawis, init, at alikabok kung saan ang inyong balat naman ay maaaring makaranas ng pangangati at pagkakaroon ng mga pantal (bungang araw); at virus na maaaring makuha sa infected na paliguan gaya ng swimming pool.

Ipinapaalala ng Bataan Provincial Health Office na gumamit ng proteksyon sa UV rays gaya ng payong at sombrero, uminom ng 8-10 baso ng malinis na tubig, magsuot ng maluwag at preskong damit, at iwasang maglagi nang matagal sa gitna ng tirik na araw.

Sanayin din ang regular na pagligo at paghihilamos gamit ang malinis na tubig at banayad na sabon. Kung maliligo naman sa mga pampublikong paliguan, siguraduhing makapagbanlaw ng katawan gamit pa rin ang malinis na tubig at sabon.

Tiyakin ding malinis at maayos ang pagkakaluto ng inyong mga kakainin. Huwag patagalin ang mga pagkain ngayong tag-init upang maiwasan ang pagkapanis ng mga ito.

Sama-sama tayo sa pagkamit ng ligtas na summer ng alerto at matatag na pamilyang Bataeño.

17/02/2025

Bago magmahal ng iba, mahalin muna ang sarili. Isang paalala mula sa Bataan Provincial Health Office, dahil kasabay ng pagdiriwang natin ng Valentine's Day ay ipinagdiriwang din natin ngayong buwan ng Pebrero ang Philippine Heart Month.

Alagaan ang inyong mga puso:
1. Para sa maayos na daloy ng dugo, sanaying magkaroon ng ligtas na mga physical activities araw-araw -- mag-ehersisyo, sumayaw, tumakbo, o maglinis sa loob at labas ng tahanan.

2. Umiwas sa mga nakasasamang bisyo gaya ng paninigarilyo, paggamit ng v**e, o pag-iinom ng alak.

3. Kumain ng masusustansyang pagkain; limitahan ang sarili sa mga maaalat, matatamis, at mamantikang pagkain; panatilihin din ang tamang timbang.

4. Panatilihin ang normal na blood pressure.

Sama-sama tayo sa pagkamit ng matatag at nagmamahalang pamilyang Bataeño.

17/02/2025

For inquiries about scheduling consultations and other services at our hospital, please refer to the contact hotlines below. Thank you, and kindly share this information.

13/01/2025

good am po.. bk po meron po gusto mgpafluvaccine po .. idad 10yrs old pataas meron po s duale health cnter po .. 9am -3pm . punta n lng po.. thank u

27/12/2024

Para sa tamang growth and development ni baby, mahalaga na siya'y makatanggap ng breast milk hanggang unang dalawang taon nito. Ngunit, ALAM NIYO BA? Kailangan din ni baby na mabigyan ng karagdagang pagkain maliban sa gatas ng ina kapag siya ay nasa angkop na gulang.

Ang mga sanggol na nasa anim na buwan o mahigit ay kinakailangan nang dagdagan ang kanilang pagkukunan ng nutrisyon at enerhiya. Ang tawag sa prosesong ito ay "complementary feeding".

Sa prosesong ito, kinakailangan pa rin isaalang-alang ang mga sumusunod:

1. Dalas - dapat isaalang-alang ang tamang panahon kung kailan dapat bigyan ng dagdag pagkain ang isang sanggol.

2. Sapat - sa paglipas ng panahon ay hindi na nagiging sapat ang breast milk lamang, gayundin ang isang klase lamang ng pagkain sa pagbibigay ng nutrisyon at enerhiya. Kung kaya't kinakailangan na unti-unting dinadagdagan ang mga binibigay na pagkain kay baby.

3. Ligtas - dahil kinukumpleto pa lamang ang proteksyon ni baby, kinakailangang ligtas karagdagang pagkain na ibibigay sa kanya, pati na ang prosesyo ng kaniyang pagdede kay nanay.

Tandaan, ang tamang nutrisyon para kay baby ay magbibigay ng magandang resulta hanggang sa kaniyang paglaki.

13/11/2024

MAPANGANIB ANG BAHA! Hanggaa’t maaari ay ‘wag lumusong sa baha! Mayroon itong:

☠️ Mikrobyong nagdadala ng leptospirosis

☠️Dumi ng tao at hayop

☠️Basura at iba pang kemikal

Agad na maghugas ng katawan gamit ang tubig at sabon. Tiyakin na magpakonsulta sa doktor pag lumusong sa baha!

12/11/2024

09/11/2024

Protektahan ang mga bata mula sa karahasan, pang-aabuso, at bullying. Ang bawat bata ay may karapatang lumaki nang ligtas, malusog, at masaya.

Suportahan ang mga programang nagbibigay proteksyon at edukasyon para sa mga bata, dahil Bawa't Buhay ay Mahalaga.