What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

http://www.facebook.com/quezontelemed

Quezon Provincial Health Office, Lucena (2025)

16/09/2025

Bilang pakikiisa sa ika-125 taon ng Philippine Civil Service, nagsagawa ng Bloodletting and Medical Mission sa Quezon Convention Center, Lucena City. Sa temang “Bawat Kawani, Lingkod Bayani: Puso, Dangal, at Galing para sa Bayan” matagumpay na naisakatuparan ang aktibidad sa pagtutulungan ng Civil Service Commission, Provincial Human Resource Management Office, Provincial Health Office, QPHN-Quezon Medical Center Blood Bank, Mount Carmel Diocesan General Hospital, at Philippine Red Cross – Quezon Lucena Chapter.

Nakapagtala ng 222 voluntary blood donors na nagmula sa pampubliko at pribadong sektor partikular ang Philippine National Police, mga kawani ng pamahalaang panlalawigan, mga g**o mula sa Dalubhasaan ng Lungsod ng Lucena at mga miyembro ng Rotary Club of Lucena.

Kasabay rin ng bloodletting ay ang medical mission na naghatid ng serbisyong medikal tulad ng ‎RBS, UACR (Uric Acid Cholesterol, Urine Albumin-Creatinine Ratio), CBC (Complete Blood Count), Urinalysis, Blood Typing, STI-HIV Screening, Family Planning Insertion and Removal, at Active Case Finding (ACF) X-RAY. Nakatanggap rin ng libreng gamot ang mga nagpakonsulta sa isinagawang medical mission.

15/09/2025

Phase 1 Internal Verification para sa Performance-Based Grant (PBG) Tranche 2 | September 8-9, 2025 • Hotel Marciano, Calamba Laguna

Bilang bahagi ng PMNP Regional Local Government Unit Mobilization–Technical Assistance Team (RLGU-MobTAT), nakibahagi ang mga kinatawan mula sa Provincial Health Office – Provincial Nutrition Action Office (PHO–PNAO) bilang miyembro ng assessment team na nagsuri sa mga dokumentong isinumite ng 24 PMNP municipalities.

Isinagawa ang Phase 1 Internal Verification ng Performance-Based Grant (PBG) Tranche 2, kung saan maingat na pinagaralan ang mga dokumento at nagbigay ng feedback sa mga LGUs hinggil sa kanilang ipinasa.

Layunin ng aktibidad na ito na masig**o na natutugunan ng mga LGUs ang lahat ng kinakailangang requirements upang maging kuwalipikado sa pag-release ng ikalawang tranche ng PBG.

Sa pamamagitan ng masusing pagsusuri at pagtutulungan, higit pang napagtitibay ang pagpapatupad ng Philippine Multisectoral Nutrition Project (PMNP) para sa mas mahusay na serbisyong pangnutrisyon sa ating mga komunidad.

-PNAO

15/09/2025

Buntis Congress
September 11, 2025
Candelaria, Quezon

Nakiisa ang Quezon Provincial Health Office sa selebrasyon ng Buntis Congress sa Bayan ng Candelaria na may temang "Healthy Pregnancy, Healthy Future. KALUSUGAN NI MOMMY, KINABUKASAN NI BABY: SAMA-SAMANG AKSYON PARA SA LIGTAS AT MASAYANG PAGBUBUNTIS" upang magsagawa ng serbisyong pangkalusugan sa ating mga kababayang nagdadalang tao.

Kabilang sa mga serbisyong inihandog sa kanila ang Ultrasound, HIV Screening and Testing, CBC and Blood Typing, at mga libreng OB supplements.

Katuwang ng tanggapan ang lokal na pamahalaan ng Candelaria at mga kawani ng Rural Health Unit na pinangungunahan ni Dr. Quennie M. Mateo upang maging matagumpay ang pagsasagawa ng mga libreng serbisyong pangkalusugan sa ating kababayan sa Quezon.

15/09/2025

Patuloy na isinasagawa ng Quezon Provincial Health Office – Infectious Disease Unit ang assessment sa mga pampubliko at pribadong Animal Bite Treatment Centers (ABTCs) at Animal Bite Centers (ABCs) sa buong lalawigan bilang bahagi ng proseso para sa Department of Health (DOH) Certification. Kabilang sa mga nasuri ngayong ikatlong quarter ng taon ang Mitra San Antonio Animal Bite Center, San Antonio Rural Health Unit ABTC, Morgan’s Animal Bite Center, Agdangan Rural Health Unit ABTC, at Pagbilao Primary Care Facility ABTC.

Layunin ng pagsusuring ito na matiyak na ang bawat pasilidad ay nakakasunod sa itinakdang pamantayan ng DOH para sa ligtas, maayos, at epektibong Rabies Prevention and Animal Bite Management.

Sa gitna ng patuloy na pagtaas ng kaso ng animal bites, muling paalala sa lahat na agad na magpakonsulta sa pinakamalapit na DOH-certified ABTC/ABC kapag nakagat o nakalmot ng hayop. Tandaan, ang Rabies ay 100% nakamamatay ngunit 100% ding naiiwasan sa tamang kaalaman, maagap na pagpapatingin, at kumpletong bakuna.

15/09/2025

Nakiisa ang mga kinatawan ng Environmental & Occupational Health Unit sa isinagawang Clean-Up Drive Activity noong ika-12 ng Setyembre, 2025 para sa nalalapit na World Environmental Health Day sa ika-26 ng Setyembre taong kasalukuyan.

Nagtungo at bumisita ang naturang tanggapan sa Barangay Angeles Zone-3, Mateuna, Lacawan, Lawigue at Ibabang Palale sa Lungsod ng Tayabas.

Layunin nito na magtatag ng positibong kaugalian sa komunidad bilang pagtataguyod at pangangalaga sa malinis na kapaligiran.

15/09/2025

Kamakailan lamang ay sumailalim sa pagsasanay tungkol sa programa ng Food and Waterborne Disease (FWBD) at mga protokol ng Water and Sanitation Hygiene (WASH) ang mga
mga kawani ng BJMP clinic sa buong lalawigan at Barangay Health Workers ng Indigenous People at pinuno nito mula sa bayan ng General Nakar, Real at Lungsod ng Lucena.

Layunin ng pagsasanay na turuan ng mga pamamaraan upang makaiwas at makontrol ang pagdami ng mga may sakit na dulot ng pagkain at inuming tubig kagaya ng Acute Bloody Diarrhea (e.g. Amoebiasis, Shigellosis); Cholera; Rotavirus; Typhoid at Hepatitis A.

Bilang paghahanda at pag-iwas sa mga naturang sakit,
namahagi ng hygiene kits, Oresol at IEC materials/ leaflets para sa lahat ng dumalo.

12/09/2025

Ngayong araw, kinilala natin ang mga natatanging Local Government Units at Program Coordinators na buong pusong nagsusulong ng mga programa sa Family Planning sa kani-kanilang mga lugar.

Matagumpay na naisagawa ang 2025 Search for Most Outstanding LGUs and Program Coordinators in Family Planning na pinangunahan ng Department of Health – Center for Health Development Calabarzon, katuwang ang Quezon Provincial Health Office – Family Health Unit at Provincial Department of Health Quezon ngayong ika-12 ng Setyembre 2025 sa 3F PHO Hall A and B, Administrative Building, QMC Compound, Quezon Avenue, Lucena City.

Ang mga nagwaging bayan sa patimpalak ay ang Calauag, Real, at Sariaya mula sa lalawigan ng Quezon.

Isang taos-pusong pagpupugay sa kanilang dedikasyon at malasakit para sa kalusugan ng bawat pamilyang Pilipino. Nawa’y magsilbing inspirasyon ang kanilang mga tagumpay sa iba pang mga komunidad upang higit pang mapaigting ang mga serbisyong pangkalusugan at programang pagpaplano ng pamilya.

12/09/2025

Nakilahok ang Quezon Provincial Health Office sa isinagawang Kalinga sa Mamamayan, Libreng Gamutan Medical Mission ng Provincial Government of Quezon sa pangunguna ng Ina ng Lalawigan, Gov. Doktora Helen D.L. Tan ngayong Sabado at Linggo, 6-7 September 2025 sa bayan ng General Nakar at Real, Quezon.

Bukod sa adbokasiya ukol sa kalusugan ay bitbit ng mga kinatawan ng Provincial Health Office ang mga libreng diagnostic services tulad ng CBC, Urinalysis, RBS, Cholesterol, Uric Acid, Screening on Lifestyle Related Disease, Screening on Chronic Kidney Disease gamit ang UACR Machine, HIV and STI Screening, Cervical at Breast Cancer Screening.Mayroon ding serbisyo para sa libreng Chest X-Ray para sa lahat ng mamamayan at libreng Ultrasound sa mga buntis. Nagbigay din ng ibat ibang Family Planning Services para sa pamilyang Quezonian partikular ang pagkakabit ng Progestin Implant, IUD at DMPA.

Namigay din ng mga libreng OB supplements at gamot para sa mga buntis at patuloy ang pamimigay ng Pamahalaang Panlalawigan ng Quezon ng libreng gamot para sa lahat ng Quezonian.

Nilahukan din ng mga piling dentista ng probinsya ang libreng bunot ng ngipin.

12/09/2025

Matagumpay na isinagawa ng PHO – Provincial Nutrition Action Office (PHO–PNAO) ang 2025 Quezon Nutritionist-Dietitians’ Summit sa Nawawalang Paraiso Resort and Hotel, September 10–11, 2025. Ang kauna-unahang pagsasama-sama ng mahigit kumulang 50 Registered Nutritionist-Dietitians (RNDs) sa Lalawigan ng Quezon. Dinaluhan ito ng mga RNDs mula sa iba’t ibang larangan—pampubliko at pribadong ospital, akademya, at maging sa mga nasa pribadong praktis.

Ang pagtitipong ito ang nagmarka ng isang makasaysayang milestone dahil sa unang pagkakataon ay nagtipon ang lahat ng RNDs ng Quezon upang magbahagi ng kaalaman, mag-ugnayan, at magsanib-puwersa para sa mas matibay na mga programa sa nutrisyon.

Sa unang araw, naging makabuluhan ang mga sesyon na nakatuon sa mga plano at programang pambansa laban sa malnutrisyon, ang pagpapalawig ng outpatient therapeutic care at pagtataguyod ng mga community vegetable gardens.

Tinalakay rin ang tungkol sa clinical service tulad ng Nutrition Care Process o ADIME at ang paggamit ng medical nutrition therapy para sa diabetes, cardiovascular diseases, at kidney disease. Ang mga talakayan ay nagbigay-diin sa napakahalagang papel ng nutrisyon sa pangangalaga at pagpapabuti ng kalusugan ng bawat pasyente. Gayun din, tinalakay rin ang tungkol sa culinary medicine—isang makabagong pagsasanib ng medisina at nutrisyon para sa mas epektibong pangangalaga sa kalusugan.

Naghatid ng inspirasyonal na mensahe si Hon. Romano Franco Talaga, Executive Assistant IV ng Gobernador, bilang kinatawan ni Governor Angelina “Doktora Helen” D.L. Tan, MD, MBA, na nagsilbing pangunahing panauhing pandangal ng summit.
Tunay na ang 2025 Quezon ND Summit ay hindi lamang isang pagtitipon, kundi isang milestone sa kasaysayan ng nutrisyon sa lalawigan.

-PNAO

12/09/2025

Nagsagawa ang Quezon Provincial Health Office (QPHO) katuwang ang Quezon Provincial Department of Health Office (PDOHO) at ang World Health Organization Vaccine-Preventable Disease and Immunization (VDI) Team ng Monitoring and Supportive Supervisory noong ika-10 hanggang 11 ng Setyembre 2025 sa Bayan ng Tiaong, Candelaria, Lucena, Tayabas at maging sa QPHO.

Layunin nito na magabayan at masupportahan ang mga health care workers para sa mas maging epektibo ang serbisyo sa pagbabakuna sa mga batang Quezonians.

11/09/2025

Quezon Mobile PCF Caravan
September 9, 2025 | Calauag, Quezon

Matagumpay na isinagawa ng ilang kawani ng Quezon Provincial Health Office ang Quezon Mobile PCF Caravan, katuwang ang lokal na pamahalaan ng Calauag at mga kawani ng Rural Health Unit na pinangungunahan ng kanilang Municipal Health Officer na si Dr. Catherine Ruby, nitong ika 9 ng Setyembre, 2025 sa Calauag Evacuation Center at Sangguniang Bayan Building sa Calauag, Quezon.

Layunin ng aktibidad na ito na mabigyan at mailapit sa ating mga kalalwigan ang libreng serbisyong pangkalusugan, ito man ay mga bata o matanda, mga kalalakihan o kababaihan maging buntis at hindi.

Sa pakikipagtulungan ng bawat kawani ng Rural Health Unit at Quezon Provincial Health Office, narito ang mga libreng serbisyong pangkalusugan na naibahagi para sa ating mga kalalawigan sa Bayan ng Calauag:

OB Services
*Ultrasound
*HIV/Syphilis Screening -
*OB Supplements

Family Planning Services
*PSI Insertion
*PSI Removal
*DMPA Injection

Cervical and Breast Cancer Screening
*Visual Inspection in Acetic Acid (VIAA)
*Breast Examination

Lifestyle Related Diseases (LRD)
*Uric Acid
*Cholesterol
*RBS / FBS
*Konsulta
*Konsulta Medicines

Pagtukoy sa Chronic Kidney Disease gami ang UACR Machine

Chest X-ray

Dental Services
*Oral health exam
*Tooth extraction
*Medicines given

11/09/2025

Bilang tugon sa patuloy na laban kontra tuberculosis, inilunsad ang Engagement Forum para sa National Tuberculosis Control Program (NTP) sa lalawigan ng Quezon noong Setyembre 9, 2025 sa St. Jude Cooperative Hotel and Events Center sa Tayabas City.

Pinangunahan ito ng Quezon Provincial Health Office katuwang ang Department of Health at Provincial DOH-Quezon, na dinaluhan ng mga kinatawan mula sa iba't-ibang Rural Health Units, City Health Offices, at mga piling pampubliko’t pribadong ospital sa lalawigan.

Tinalakay sa pagtitipon ang mga naging tagumpay ng programa sa unang kalahati ng taon, sinuri ang mga hamon, at inilatag ang mga susunod na hakbang sa ilalim ng PhilSTEP Phase 2. Ibinahagi rin ang mga proseso sa pag-claim ng PhilHealth TB DOTS Package. Sa tulong ng matibay na ugnayan sa pagitan ng mga lokal na health unit at iba pang stakeholders, sama-samang isinusulong ang layuning gawing TB-free ang buong lalawigan.

Quezon Provincial Health Office

16/09/2025

15/09/2025

15/09/2025

15/09/2025

15/09/2025

15/09/2025

12/09/2025

12/09/2025

12/09/2025

12/09/2025

11/09/2025

11/09/2025

Address

Opening Hours

Website

Alerts

Contact The Practice

Shortcuts

Share

Category

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm