Quezon Provincial Health Office

30/01/2026

Ngayong World Neglected Tropical Disease Day, sama-sama nating isulong ang mga programa para sa pagkontrol at pag-alis ng mga sakit na epekto ng Neglected Tropical Diseases tulad ng schistosomiasis, filariasis, soil-transmitted helminthiasis.Panatilihin ang kalinisan sa ating sarili, sa kapaligiran at tubig, at magpakonsulta sa pinakamalapit na health center kung may nararamdamang hindi maganda.

29/01/2026

MAAARI NANG MAGPA-APPOINTMENT ng inyong schedule ng Konsultasyon sa Out Patient Department (OPD) kasama ang Animal Bite Treatment Center (ABTC) at Dental Clinic gamit lamang ang inyong Facebook!

Layunin ng OPD Appointment System na mas mapadali ang proseso ng inyong konsultasyon at masiguradong may angkop na health personnel na aalalay at titingin sa inyong kondisyon.

Magpunta lamang sa sa page ng Quezon Provincial Hospital Network Bondoc Peninsula (Catanauan) at i-click ang [BOOK NOW] button para masimulan ang proseso ng inyong appointment. Sagutin ang katanungan at HINTAYIN ANG KOMPIRMASYON ng page.
Siguraduhin lamang na ang pipiliing schedule ay sa susunod na araw pa ng pagpapa-appointment, mas maaga, mas maginhawa!

Mabait at may Ngiti!

25/01/2026

Ang Leprosy ay may mabisang lunas. Ngayong World Leprosy Day, sama-sama nating puksain ang maling paniniwala at itaguyod ang tamang kaalaman para sa Leprosy-free na bukas!

22/01/2026

Sa layunin ng Provincial Health Office na mas mapaganda ang serbisyong pangkalusugan at maisulong ang makabagong teknolohiya, binisita tayo ngayong Enero 22, 2026 ng Infinity MCI Solutions Representatives upang ipresenta ang Cloud PACS – Mity Cloud Version 6.0.

Ito ay isang web-based system na makatutulong sa mas mabilis at mabisang pamamanihala ng patient information at diagnostic images sa mga doktor ng Quezon Provincial Health Network, bilang bahagi ng bukas na pakikipag-ugnayan ng Quezon Provincial Health Office sa mga technology partners para sa mas de-kalidad na serbisyong pangkalusugan.

22/01/2026

📢 PABATID SA PUBLIKO ❗️

Ipinapaalam po sa lahat ng walk-in blood donors, na ang walk-in blood donation sa Quezon Medical Center ay pansamantalang hindi tatanggap ng donors sa mga sumusunod na petsa:

🗓 January 23 at January 31, 2026

Ito ay bunsod ng isasagawang Mobile Blood Donation (MBD) Activities sa:
📍 RHU Atimonan, Quezon
📍 Pacific Mall, Lucena City

🩸 Ang regular na schedule ng walk-in blood donation ay Monday to Saturday, 8:00 AM–3:00 PM.

📢 PABATID SA PUBLIKO ❗️

Ipinapaalam po sa lahat ng walk-in blood donors, na ang walk-in blood donation sa Quezon Medical Center ay pansamantalang hindi tatanggap ng donors sa mga sumusunod na petsa:

🗓 January 23 at January 31, 2026

Ito ay bunsod ng isasagawang Mobile Blood Donation (MBD) Activities sa:
📍 RHU Atimonan, Quezon
📍 Pacific Mall, Lucena City

🩸 Ang regular na schedule ng walk-in blood donation ay Monday to Saturday, 8:00 AM–3:00 PM.

21/01/2026

Kalibrasyon at Beripikasyon para sa Wastong Implementasyon ng Operation Timbang Plus (OPT+) sa bayan ng Tiaong, Quezon

Bilang paghahanda sa isasagawang Operation Timbang Plus (OPT+), isinagawa ang kalibrasyon ng mga mechanical weighing scale at beripikasyon ng mga wooden height boards na ginagamit ng bawat Barangay at Day Care center sa buong bayan ng Tiaong, Quezon.

Ang gawaing ito ay pinangunahan sa tulong ng mga sinanay na personnel mula sa Quezon Provincial Nutrition Action Office (PNAO) at Quezon Provincial Department of Health Office (QPDOHO).

Sa kabuuan, 61 mechanical weighing scale ang isinailalim sa kalibrasyon kung saan 31 ang pumasa, habang 38 wooden height boards ang naverify at 36 ang pumasa sa itinakdang pamantayan. Sa pagiging handa ng mga anthropometric tools ng mga Barangay Nutrition Scholar (BNS), maaari nang simulan ang maayos at wastong pagkuha ng timbang at tangkad ng mga bata sa bayan ng Tiaong, Quezon.

Mahalaga ang paniniguro sa maayos na kalagayan ng mga kagamitang ginagamit sa OPT+ upang maiwasan ang maling pagtatala ng timbang at tangkad ng mga bata. Sa pamamagitan nito, masisiguro na ang lahat ng makakalap na datos ay wasto, tumpak, at mapagkakatiwalaan sa buong panahon ng implementasyon ng OPT+.

Tandaan: Kapag ang OPT tools ay beripikado, ang datos ay tiyak at sigurado! ✅

19/01/2026

Ang sore eyes (conjunctivitis) ay ang pamumula, pagluluha at eye discharge na maaaring may kasamang pananakit at pangangati ng mata na bunga ng iba’t ibang mga impeksyon, irritation at allergy.

Maaaring makahawa ang sore eyes kung ang dulot ng sakit ay mikrobyo kung kaya naman ipinapayo sa publiko na gawin ang sumusunod:
🔎Hugasan ang mga kamay gamit ang sabon at malinis na tubig bago at pagkatapos hipuin ang mga mata.
🔎 Labhan at palitan ang mga pillowcase araw-araw para iwas impeksyon.
🔎Huwag hawakan o kuskusin ang mga mata gamit ang mga daliri
🔎Alisin ang mga muta sa mga mata gamit ang malinis na cotton ball o paper towel
🔎 Gumamit ng eyedrop ayon sa payo ng doktor
🔎 Panatilihing malinis ang kapaligiran
🔎 Palakasin ang resistensya ng katawan sa pamamagitan ng wastong pagkain.

Kung may nararamdaman, agad na lumapit at magpakonsulta sa inyong Primary Care Provider sa lugar.

19/01/2026

Patuloy na isinasagawa ng Quezon Provincial Health Office – Infectious Disease Unit ang assessment sa mga pampubliko at pribadong Animal Bite Treatment Centers (ABTCs) at Animal Bite Centers (ABCs) sa buong lalawigan bilang bahagi ng proseso para sa Department of Health (DOH) Certification.

Kabilang sa mga nasuri ngayong huling bahagi ng taon ang General Nakar RHU, Pitogo RHU, Atimonan RHU, Gumaca RHU Guinayangan RHU at ang St. Anne General Hospital Animal Bite Center Lucena City.

Layunin ng pagsusuring ito na matiyak na ang bawat pasilidad ay nakakasunod sa itinakdang pamantayan ng DOH para sa ligtas, maayos, at epektibong Rabies Prevention and Animal Bite Management. Inaasahan din ang pag-taas ng dami ng mga DOH Certified Animal Bite Center (Private) sa buong lalawigan.

Sa gitna ng patuloy na pagtaas ng kaso ng animal bites, muling paalala sa lahat na agad na magpakonsulta sa pinakamalapit na DOH-certified ABTC/ABC kapag nakagat o nakalmot ng hayop.

Tandaan, ang Rabies ay 100% nakamamatay ngunit 100% ding naiiwasan sa tamang kaalaman, maagap na pagpapatingin, at kumpletong bakuna.

15/01/2026

Sa bisa ng Republic Act 10526, itinalaga ang Enero bilang Liver Cancer and Viral Hepatitis Awareness & Prevention Month na may layuning palawakin ang kaalaman ng publiko ukol sa naturang sakit.

Pangalagaan ang iyong atay sa pamamagitan ng regular na checkup, ehersisyo, at responsableng pamumuhay!

14/01/2026

🩸 Isang patak ng dugo, isang buhay ang nailigtas.

Bilang pakikiisa sa ika-40 anibersaryo ng QPHN San Narciso Quezon nitong ika-13 ng Enero, isang Mobile Blood Donation Activity ang isinagawa katuwang ang Quezon Provincial Health Office at QPHN QMC Blood Bank. Sa araw na ito, 73 blood units ang naipon hindi lamang bilang numero, kundi bilang pagkakataon para mabuhay, at buhay na binigyan ng pag-asa.

Ang kabayanihan ay hindi maingay, ngunit nararamdamdam sa bawat buhay na nangangailangan. Patuloy ang panawagan at adbokasiya ng Quezon Provincial Health Office sa mga Voluntary Blood Donation Activity upang mas madagdagan ang supply ligtas na dugo sa Quezon.

13/01/2026

Ang pagpasok ng bagong taon ay isang pagkakataon upang magsagawa ng makabuluhang pagbabago sa ating sarili, pamayanan, at organisasyon.

Nakikiisa ang Provincial Health Office sa pagdiriwang ng National Zero Waste Month ngayong Enero tungo sa isang mas malinis at makakalikasang bukas para sa lahat.

07/01/2026

Ang buwan ng Enero ay National Deworming Month!

Iwasan ang Soil Transmitted Helminths (STH) Infection!
- Ugaliing gumamit ng malinis na palikuran o banyo.
- Maghugas ng kamay gamit ang sabon at malinis na tubig matapos magbanyo, at bago at pagkatapos kumain.
- Panatilihing maikli at malinis ang mga kuko.
- Tiyaking malinis at ligtas ang pagkain at tubig.
- Magsuot ng tsinelas or proteksyon sa paa.
- Magpurga dalawang beses sa isang taon.