Quezon Provincial Health Office

Quezon Provincial Health Office The official page of the Integrated Provincial Health Office of Quezon Province.

Mayo 7-8, 2026, matagumpay na isinagawa sa pangungunan ng PHO–Planning and Research Unit ang Planning Workshop on Utiliz...
09/05/2026

Mayo 7-8, 2026, matagumpay na isinagawa sa pangungunan ng PHO–Planning and Research Unit ang Planning Workshop on Utilizing AOP 2025 Implementation Lessons to Enhance the 2027 AOP na dinaluhan ng mga kinatawan mula sa iba’t ibang Rural Health Units (RHUs), mga Program Coordinators at Unit Heads ng Provincial Health Office (PHO) at Center for Health Development (CHD).

Layunin ng nasabing aktibidad na suriin at pag-aralan ang implementasyon ng AOP 2025, tukuyin ang mga hamon, kakulangan, at mahahalagang aral mula sa pagpapatupad nito, at makapagbigay ng mga rekomendasyon upang higit pang mapahusay ang pagpaplano, pagbabadyet, at pagpapatupad ng mga programang pangkalusugan para sa 2027 AOP ng mga lokal na pamahalaan.

Muling naramdaman ang tunay na kalinga ng Pamahalaang Panlalawigan ng Quezon sa pangunguna ng ating ina ng lalawigan, Go...
08/05/2026

Muling naramdaman ang tunay na kalinga ng Pamahalaang Panlalawigan ng Quezon sa pangunguna ng ating ina ng lalawigan, Gov. Doktora Helen Tan, sa isinagawang Kalinga sa Mamamayan, Libreng Gamutan Medical Mission sa bayan ng Macalelon at Unisan, ngayong Mayo 7–8. Sa mahalagang gawaing ito, nakiisa at aktibong nakilahok ang Quezon Provincial Health Office (PHO) sa paghahatid ng mga libreng serbisyong medikal at diagnostic para sa ating mga kababayan.

Dala ang adbokasiya para sa kalusugan, katuwang ang PHO sa pagbibigay ng libreng CBC, Urinalysis, RBS, Cholesterol, at Uric Acid, gayundin ang screening para sa lifestyle-related diseases, HIV/STI, Cervical, at Breast Cancer. Nagpaabot din ng suporta ang tanggapan sa pagkakaloob ng libreng Chest X-Ray para sa lahat, Ultrasound para sa mga buntis, at iba’t-ibang Family Planning services para sa bawat pamilyang Quezonian.

Bukod sa mga pagsusuri, naging bahagi rin ng aktibidad ang mga piling dentista ng probinsya para sa libreng bunot ng ngipin. Matagumpay ring naisagawa ang libreng tuli sa dalawang bayan para sa mga kabataang kalalakihan na pinamahaginan ng libreng gamot matapos ang pagtutuli. Patuloy naman ang pamimigay ng Pamahalaang Panlalawigan ng libreng gamot para sa lahat ng Quezonian at mga OB Supplements para sa mga buntis, bilang patunay na sa bawat misyong medikal ay laging prayoridad ang kalusugan ng bawat mamamayan.

Cervical Cancer Awareness MonthAng Cervical Cancer ay isang uri ng kanser na nakakaapekto sa cervix. Ito ay itinuturing ...
07/05/2026

Cervical Cancer Awareness Month

Ang Cervical Cancer ay isang uri ng kanser na nakakaapekto sa cervix. Ito ay itinuturing na isang maiiwasang sakit at malulunasan kapag maagang natukoy.

✔️ Magpabakuna laban sa HPV
✔️ Magpa-screen nang regular
✔️ Kumain ng masustansiya

Mahalaga ka. Alagaan ang sarili. Magpabakuna. Magpa-screen. Kumain nang tama.

Mahalaga ang maayos na pagpaplano bago ang sakuna o kalamidad, kaya dapat laging handa ang mga pasilidad tulad ng ospita...
06/05/2026

Mahalaga ang maayos na pagpaplano bago ang sakuna o kalamidad, kaya dapat laging handa ang mga pasilidad tulad ng ospital.

Naging daan ito upang magdaos ng Hospital DRRM-H Workshop for All Hazards for Quezon Provincial Hospital Networks (QPHN) sa pangunguna ng PHO-Disaster Risk Reduction and Management in Health (DRRM-H) Unit noong Mayo 5-6, 2026 sa St. Jude Coop Hotel, Isabang, Tayabas City.

Pinag-ugnayang ito ng mga Chiefs of Hospitals, Chief Nurses, Administrative Officers, at DRRM-H Managers upang masiguro ang epektibong pagpaplano at pagbuo ng DRRM-H Plan para sa bawat ospital. Isa rin itong hakbang sa patuloy na pag-institutionalize ng DRRM-H sa bawat pangkalusugang pasilidad .

Katuwang ang lokal na pamahalaan at ang mga kawani ng Rural Health Unit Gumaca, matagumpay na nagsagawa ang Quezon Provi...
06/05/2026

Katuwang ang lokal na pamahalaan at ang mga kawani ng Rural Health Unit Gumaca, matagumpay na nagsagawa ang Quezon Provincial Health Office – Non-Communicable Disease at Infectious Disease Unit ng Primary Care Facility Caravan nitong ika-5 ng Mayo, 2026.

Layunin ng gawaing ito na matukoy, maagapan, at agarang matugunan ang mga posibleng panganib na dulot ng mga sakit na hypertension, diabetes mellitus, kanser at tuberculosis, gayundin ang pagpapalakas ng kamalayan ng komunidad hinggil sa kahalagahan ng regular na pagpapatingin at pangangalaga sa kalusugan.

Sa isinagawang caravan, naihatid ang iba’t ibang libreng serbisyong pangkalusugan sa mga mamamayan. Narito ang kabuuang bilang ng mga serbisyong naipagkaloob:
• Konsultasyon – 80
• Laboratory Services:
– Blood Sugar – 90
– Cholesterol – 90
– Uric Acid – 90
• Chest X-ray – 68
• Cervical at Breast Screening – 56

Patuloy ang Quezon PHO at mga LGUs sa pagsisikap na maipalapit ang serbisyong pangkalusugan sa bawat mamamayan, lalo na sa mga komunidad na higit na nangangailangan.

Nagtungo ang PDOHO–NIP Team sa Supply Chain Management Unit ng Provincial Health Office nitong Mayo 5, 2026 upang magsag...
05/05/2026

Nagtungo ang PDOHO–NIP Team sa Supply Chain Management Unit ng Provincial Health Office nitong Mayo 5, 2026 upang magsagawa ng monitoring sa cold chain management.

Layunin nito na masiguro ang maayos na pag-iimbak, tamang temperatura, at ligtas na distribusyon ng mga bakuna upang mapanatili ang kanilang bisa at kalidad. Bahagi ito ng patuloy na pagsisikap na mapalakas ang immunization program at maprotektahan ang kalusugan ng bawat mamamayan.


Nagsagawa ang Provincial Health Office-National Immunization Program katuwang ang Quezon Provincial Department of Health...
04/05/2026

Nagsagawa ang Provincial Health Office-National Immunization Program katuwang ang Quezon Provincial Department of Health Office ng Data Quality Check (DQC) sa City Health of Tayabas nitong ika-30 ng Abril 2026.

Layunin nito na matiyak ang wasto, kumpleto, at mapalalakas ang kalidad ng datos para sa mas maayos at epektibong pagpapatupad ng National Immunization Program.

Sa pagdiriwang ng World Immunization Week ng buong lingo ng abril 24- 30, 2026 ay nagsagawa ng sabay-sabay na aktibidad ...
04/05/2026

Sa pagdiriwang ng World Immunization Week ng buong lingo ng abril 24- 30, 2026 ay nagsagawa ng sabay-sabay na aktibidad ang iba’t ibang bayan sa buong Lalawigan ng Quezon bilang pagpapakita ng matibay na suporta sa kahalagahan ng pagbabakuna.
Nakiisa ang Provincial Health Office katuwang ang mga lokal na pamahalaan at health workers mula sa iba’t ibang bayan upang maisulong ang ligtas, epektibo, at libreng bakuna sa komunidad.

Sa loob ng isang linggong aktibidad, patuloy nating pinagtibay ang ating adhikain na protektahan ang bawat pamilya at komunidad laban sa mga sakit na maiiwasan sa pamamagitan ng bakuna.



Ang sore eyes (conjunctivitis) ay ang pamumula, pagluluha at eye discharge na maaaring may kasamang pananakit at pangang...
04/05/2026

Ang sore eyes (conjunctivitis) ay ang pamumula, pagluluha at eye discharge na maaaring may kasamang pananakit at pangangati ng mata na bunga ng iba’t ibang mga impeksyon, irritation at allergy.
Maaaring makahawa ang sore eyes kung ang dulot ng sakit ay mikrobyo kung kaya naman ipinapayo sa publiko na gawin ang sumusunod:
🔎Hugasan ang mga kamay gamit ang sabon at malinis na tubig bago at pagkatapos hipuin ang mga mata.
🔎 Labhan at palitan ang mga pillowcase araw-araw para iwas impeksyon.
🔎Huwag hawakan o kuskusin ang mga mata gamit ang mga daliri
🔎Alisin ang mga muta sa mga mata gamit ang malinis na cotton ball o paper towel
🔎 Gumamit ng eyedrop ayon sa payo ng doktor
🔎 Panatilihing malinis ang kapaligiran
🔎 Palakasin ang resistensya ng katawan sa pamamagitan ng wastong pagkain.
Kung may nararamdaman, agad na lumapit at magpakonsulta sa inyong Primary Care Provider sa lugar.

Isang matagumpay na aktibidad ang isinagawa kaugnay ng “Strengthening the Implementation of Maternal Perinatal Death Sur...
04/05/2026

Isang matagumpay na aktibidad ang isinagawa kaugnay ng “Strengthening the Implementation of Maternal Perinatal Death Surveillance and Response Implementation” na ginanap noong Abril 30, 2026 sa Queen Margarette Hotel - Downtown, Lucena City.

Sa pagtutulungan ng Lucena City DOH Office at ng City Health Office – Lucena City, naipabatid ang mahahalagang polisiya at updates ukol sa implementasyon ng Maternal-Perinatal Death Surveillance and Response (MPDSR) program. Naging daan din ang aktibidad upang mapagtibay ang mga alituntunin, tungkulin, at responsibilidad ng bagong MPDSR team, lalo na sa community-level panel review.

Dinaluhan ito ng mga kinatawan mula sa Regional Department of Health Safe Motherhood Program Team, SMP City Health Coordinators, Provincial Health Officer I, Provincial Health Office – Family Health Unit, at Private Lying-In Association, patunay ng matibay na pagtutulungan para sa mas ligtas na kalusugan ng mga ina at sanggol.

PCF-F1K CaravanApril 30, 2026 | Pagbilao, QuezonKatuwang ang lokal na pamahalaan ng Pagbilao at mga kawani ng Rural Heal...
04/05/2026

PCF-F1K Caravan
April 30, 2026 | Pagbilao, Quezon

Katuwang ang lokal na pamahalaan ng Pagbilao at mga kawani ng Rural Health Unit na pinangungunahan ni Dr. Riki J. Tolentino, matagumpay na isinagawa ng Quezon Provincial Health Office ang Primary Care Facility - First 1,000 Days of Life: Kalusugan at Nutrisyon ng Mag-Nanay (PCF-F1K) Caravan nitong Abril 30, 2026.

Layunin ng aktibidad na ito na palakasin ang maagang pagtukoy at agarang pagtugon sa mga posibleng panganib sa kalusugan ng mjga buntis at kanilang dinadalang saggol sa loob ng unang 1,000 araw ng buhay.

Narito ang kabuuang bilang ng mga kababaihang buntis na nabigyan ng libreng serbisyong pangkalusugan sa isinagawang caravan:
*Ultrasound - 56
*CBC & Blood Typing - 57
*Urinalysis - 57
*HIV & Syphilis Counseling & Testing - 54
*HbsAg Testing - 2
*Nutrition Education & Counseling - 55
*FP Counseling - 58
*Oral Health Exam - 58
*OB Supplements given - 56
*Identified High Risk - 40

Sa pamamagitang ng libreng pagsusuri at pagbibigay ng mga kinakailangang suplemento, patuloy na isinusulong ng programa ang ligtas na pagbubuntis, maayos na panganganak, at mas malusog na pagsisimula ng buhay para sa bawat sanggol sa laalwigan ng Quezon.




Address

Lucena
4301

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Quezon Provincial Health Office posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Quezon Provincial Health Office:

Shortcuts

Share

Category