Ospital ng Malabon

29/09/2025

📢 HIRING ALERT!

Magandang Araw Malabueños, sa mga nais pong mag lingkod sa ating Pamahalaang Lungsod ng Malabon at maging bahagi ng ating Medical and Support Team, narito po ang Job Vacancy dito sa Ospital ng Malabon.

🩺(4) PEDIATRICIAN

📄 Ipadala ang iyong Personal Data Sheet (PDS) sa:
📧 ospitalngmalabon@yahoo.com
📞 O tumawag sa (8)518 8602 para sa iba pang detalye.

Halina't maging bahagi ng ating Medical and Support Team! 💙👶🩺

29/09/2025

29/09/2025

Ipinagbibigay alam po sa lahat ang oras ng dalaw ng Ospital ng Malabon. At MAGSUOT PO NG FACEMASK para maiwasan ang pagkalat ng karamdaman at ang pagpapatupad ng isang dalaw sa kada pasyente upang maiwasan ang pagsisikip sa ward.

Maraming Salamat po.

28/09/2025

BABALA SA THUNDERSTORM Blg. 9
Ipinahayag: 12:22 PM, 28 Setyembre 2025 (Linggo)

Inaasahan ang katamtaman hanggang malakas na buhos ng ulan na may kasamang pagkulog, kidlat, at malalakas na hangin sa loob ng susunod na 2–3 oras sa mga lugar ng Tarlac, Zambales, Pampanga, Quezon, Laguna, Batangas, Cavite, Bataan at Nueva Ecija.

Kasalukuyan na itong nararanasan sa Bulacan (Bulakan, Malolos, Guiguinto, Balagtas, San Rafael, Bustos, Baliuag, San Jose del Monte), Metro Manila (Caloocan, Quezon City) at Rizal (Rodriguez, San Mateo), na maaaring magtagal sa loob ng 2 oras at makaapekto rin sa mga kalapit na lugar.

Pinapayuhan ang lahat na mag-ingat sa posibleng epekto ng mga hazard na ito gaya ng biglaang pagbaha at pagguho ng lupa.

Patuloy na mag-monitor para sa mga susunod na update.

28/09/2025

Ngayong ipinagdiriwang natin ang World Rabies Day, muling paalala sa ating lahat ang kahalagahan ng kaligtasan at kalusugan ng tao at ng ating mga alagang hayop. Ang rabies ay isang nakamamatay ngunit maiwasan na sakit, kung tayo ay magiging responsable at maagap.

Mahalagang siguruhing ang ating mga a*o at pusa ay regular na nababakunahan laban sa rabies upang maprotektahan sila at ang kanilang mga amo. Ang simpleng pagpapabakuna ay isang malaking hakbang upang maputol ang pagkalat ng sakit at mapanatili ang ligtas na komunidad.

Ang Ospital ng Malabon, katuwang ang Pamahalaang Lungsod at iba pang ahensya, ay patuloy na naglalayong magbigay ng tamang impormasyon, serbisyong medikal, at programa para sa kaligtasan ng bawat mamamayan. Sama-sama nating isulong ang adhikain na “Zero Rabies” para sa mas ligtas at mas malusog na Malabon.

💉🐶🐱 Magpabakuna. Mag-ingat. Maging responsable.

27/09/2025

⚠️ Sintomas ng Rabies sa Tao: Huwag Balewalain! 🛑

🚨 Kung nakagat ng hayop, bantayan ang mga senyales:
🔥 Lagnat, sakit ng ulo, at panghihina 🤒
🩸 Pananakit, pamamaga, o pamamanhid sa sugat 🩹
💧 Takot sa tubig at hangin (hydrophobia, aerophobia) 🚱💨
😨 Pagkairita, pagkalito, o matinding takot
💪 Pananakit ng kalamnan, pangingisay, at pagkaparalisa

⚠ Kapag nakagat o nakalmot ng hayop, pumunta sa Animal Bite and Treatment Center at magpasuri sa healthcare worker! 🏥❗

27/09/2025

27/09/2025

🌍🌱 MALIGAYANG ARAW NG KALIKASAN!
Ngayong World Environmental Day, ipinapaalala ng Ospital ng Malabon ang ating mahalagang papel sa pangangalaga ng kalikasan para sa isang mas ligtas, malusog, at masaganang hinaharap para sa lahat.

Ang kalikasan ang ating tahanan—mula sa malinis na hangin, tubig, at pagkain, hanggang sa mga likas na yaman na nagbibigay-buhay sa bawat nilalang. Ngunit dahil sa patuloy na polusyon, pagkalbo ng kagubatan, at pagbabago ng klima, nahaharap tayo sa matinding hamon.

🧑‍🌾🌿 Kaya't ngayong espesyal na araw, tayo'y magkaisa sa mga simpleng hakbang na may malaking epekto:
✅ Magtanim ng mga puno at halaman
✅ Mag-segregate at mag-recycle ng basura
✅ Iwasan ang paggamit ng plastik
✅ Suportahan ang mga renewable energy sources
✅ Maging mapanagot sa paggamit ng likas na yaman

🤝 Ang kalikasan ay responsibilidad nating lahat—kabataan man o nakatatanda, bawat isa ay may maiaambag sa pangangalaga nito.

💚 Sa pangunguna ng Ospital ng Malabon, patuloy tayong magsusulong ng mga programang eco-friendly at sustainable, hindi lamang para sa kalusugan ng tao, kundi pati na rin sa kalusugan ng ating kapaligiran.

📍 Dahil ang malusog na kalikasan ay daan sa malusog na pamayanan.

26/09/2025

⚠️𝑴𝒂𝒚 𝒔𝒖𝒈𝒂𝒕 𝒌𝒂? 𝑩𝒆𝒔, 𝒎𝒂𝒔 𝒎𝒂𝒈-𝒊𝒏𝒈𝒂𝒕 𝒌𝒂.🩹

Ang pagkakaroon ng sugat, maliit man o malaki, ay pwedeng magkaroon ng impeksyon dulot ng baha. Kaya 𝗶𝘄𝗮𝘀𝗮𝗻 𝗶𝘁𝗼𝗻𝗴 𝗺𝗮𝗯𝗮𝘀𝗮 𝗻𝗴 𝘁𝘂𝗯𝗶𝗴-𝗯𝗮𝗵𝗮 upang makaiwas sa mga nakamamatay na sakit, tulad ng leptospirosis.

🙅🏻𝑯𝒖𝒘𝒂𝒈 𝒎𝒐 𝒃𝒂𝒍𝒆𝒘𝒂𝒍𝒂𝒊𝒏 ‘𝒚𝒂𝒏, 𝒃𝒆𝒔.
𝗦𝗶𝗴𝘂𝗿𝗮𝗱𝘂𝗵𝗶𝗻𝗴 𝗵𝘂𝗴𝗮𝘀𝗮𝗻 𝗮𝗻𝗴 𝘀𝘂𝗴𝗮𝘁 gamit ang tubig at sabon araw-araw, at panatilihing 𝗺𝗮𝗹𝗶𝗻𝗶𝘀, 𝘁𝘂𝘆𝗼, 𝗮𝘁 𝗽𝗿𝗼𝘁𝗲𝗸𝘁𝗮𝗱𝗼 ang sugat.

Kung hindi maiwasang lumusong o mabasa ng baha, 𝙖𝙜𝙖𝙙 𝙣𝙖 𝙢𝙖𝙜𝙥𝙖𝙠𝙤𝙣𝙨𝙪𝙡𝙩𝙖 𝙨𝙖 𝙙𝙤𝙠𝙩𝙤𝙧 para sa tamang gabay at gamutan.

26/09/2025

👩‍⚕️👨‍⚕️ WORLD CONTRACEPTION DAY
📅 Tuwing ika-26 ng Setyembre, ating ginugunita ang World Contraception Day upang itaguyod ang kahalagahan ng kaalaman at malayang pagpili pagdating sa reproductive health at family planning.

Sa Ospital ng Malabon, kami ay patuloy na nagsusulong ng mga ligtas, epektibo, at abot-kayang paraan ng kontrasepsyon upang matulungan ang bawat pamilya sa paggawa ng matalinong desisyon ukol sa pagpapamilya. 💊🩺💞

Ang tamang impormasyon at access sa mga contraceptive ay nagbibigay kapangyarihan lalo na sa mga kababaihan—upang mapangalagaan ang kanilang katawan, kalusugan, at kinabukasan. Kasama rin dito ang pagtataguyod ng mas maayos na kalidad ng buhay para sa buong pamilya at komunidad.

📣 Tandaan: Ang kontrasepsyon ay hindi lamang tungkol sa pagpigil sa pagbubuntis, ito rin ay bahagi ng ating karapatang pantao, kalusugan, at kabuuang kapakanan.

🤝 Sama-sama nating itaguyod ang edukasyon at access sa family planning para sa lahat.
📍Bisitahin ang aming mga health centers at alamin ang mga libreng serbisyo para sa’yo at sa’yong pamilya!

🔵 Ospital ng Malabon – Katuwang sa Kalusugan ng Bayan