Ospital ng Malabon

29/04/2026

29/04/2026

‼️PROTEKTAHAN ANG BAGA. ALAMIN ANG AIR QUALITY INDEX SA IYONG LUGAR‼️

Basahin ang comment section para sa detalye.

29/04/2026

29/04/2026

!

Magandang araw Malabueños, para po sa schedule ngayong para po sa schedule ngayong araw ang OB/GYNE ay magsisimula ng 1:00 pm ng hapon Miyerkules. Maraming salamat po sa inyong pang-unawa. Narito ang bagong schedule ng konsultasyon ng ating Outpatient Department (OPD). Ang registration ay MAGSISIMULA lamang tumanggap ng pagpapalista kapag sumapit na ang alas-sais (6:00am) ng umaga.

Ipinapaalala na din po namin na mainam po na may kasamang kaagapay ang mga Senior Citizen at PWD, habang kasamang nasa legal na gulang naman ang mga menor de edad na pasyente. Magdala ng philhealth ID o kahit anong valid na government ID o birth certificate upang makinabang sa e-konsulta program ng philhealth.

Para sa mga karagdagang impormasyon, maaari po kayong tumawag sa Hotline ng Ospital #8-518-8602 local 202.
Manatili lamang pong nakaantabay sa OsMal Fb page para sa mga anunsyo ng aming mga serbisyo o kung may mga biglaang pagbabago, upang tayo ay mas magabayan at maging palaging updated.

Maraming salamat po sa inyong pakikiisa!

28/04/2026

Ngayong huling linggo ng Abril 2026, sama-sama nating ipagdiwang ang Head and Neck Consciousness Week! 💙

Mahalagang pangalagaan ang ating ulo at leeg dahil dito nakasalalay ang ilan sa pinakamahalagang bahagi ng ating katawan—ang utak, mata, ilong, bibig, at lalamunan. Ang simpleng pananakit o kakaibang sintomas ay maaaring senyales ng mas seryosong kondisyon kung hindi agad mabibigyang pansin.

Hinihikayat ng Ospital ng Malabon ang bawat isa na maging mapagmatyag sa kanilang kalusugan: magpatingin agad kung may nararamdamang bukol, pananakit, hirap sa paglunok, o pagbabago sa boses. Ang maagang pagtuklas ay susi sa mas epektibong gamutan.

Alagaan ang sarili, pahalagahan ang kalusugan, at huwag ipagwalang-bahala ang mga senyales ng ating katawan. 💪

27/04/2026

27/04/2026

Sa huling linggo ng Abril 2026, ating ipinagdiriwang ang World Immunization Week—isang mahalagang paalala na ang kalusugan ay kayamanang dapat pangalagaan mula sa murang edad. 💉💙

Sa pangunguna ng Ospital ng Malabon, patuloy nating isinusulong ang kahalagahan ng bakuna bilang sandata laban sa iba’t ibang sakit. Ang simpleng pagtanggap ng bakuna ay isang malaking hakbang tungo sa mas ligtas, mas malusog, at mas matatag na komunidad. Hindi lamang nito pinoprotektahan ang bawat indibidwal, lalo na ang ating mga kabataan, kundi pati na rin ang buong pamilya at lipunan.

Ang bawat turok ng bakuna ay simbolo ng pag-asa, pag-iingat, at pagmamahal sa sarili at sa kapwa. Sa pamamagitan ng sama-samang pagkilos, naipapakita natin ang ating malasakit at responsibilidad sa kalusugan ng bawat isa. 💪✨

Hinihikayat namin ang lahat na makiisa, magpabakuna, at ipalaganap ang tamang kaalaman tungkol sa immunization. Tandaan: ang pag-iwas ay mas mabuti kaysa sa paggagamot. Sama-sama nating protektahan ang kinabukasan—dahil ang bawat buhay ay mahalaga.

27/04/2026