Provincial Health Office Occidental Mindoro

05/05/2026

𝐀𝐋𝐀𝐌𝐈𝐍 𝐀𝐓 𝐈𝐖𝐀𝐒𝐀𝐍: 𝐉𝐀𝐏𝐀𝐍𝐄𝐒𝐄 𝐄𝐍𝐂𝐄𝐏𝐇𝐀𝐋𝐈𝐓𝐈𝐒

Ang Japanese Encephalitis o “pamamaga ng utak” ay isang bihira ngunit seryosong sakit na naipapasa sa pamamagitan ng kagat ng lamok, lalo na sa mga lugar na may palayan at nakatigil na tubig.

𝐀𝐍𝐎 𝐀𝐍𝐆 𝐌𝐆𝐀 𝐒𝐈𝐍𝐓𝐎𝐌𝐀𝐒?

Maaaring magsimula sa:
✔️Lagnat
✔️Sakit ng ulo
✔️Pagkaantok

Sa mas malalang kaso, maaari ring maranasan ang:
✔️Paninigas ng leeg
✔️Pagkalito o pagbabago ng pag-iisip
✔️Kombulsyon (seizures)

𝐏𝐀𝐀𝐍𝐎 𝐈𝐓𝐎 𝐌𝐀𝐈𝐈𝐖𝐀𝐒𝐀𝐍?

Simple ngunit epektibong mga hakbang:
✔️ Gumamit ng insect repellent
✔️ Maglagay ng screen sa bintana at pintuan
✔️ Magsuot ng damit na may mahabang manggas at pantalon
✔️ Alisin ang mga naiipong tubig sa paligid ng bahay
✔️ Gumamit ng kulambo lalo na sa pagtulog
✔️ Suportahan ang fogging at iba pang vector control measures

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀:

Wala pang tiyak na lunas para sa sakit na ito, ngunit may bakuna na makakatulong upang maprotektahan ang sarili at pamilya.

Manatiling kalmado ngunit maging mapagmatyag. Sa tamang kaalaman at pag-iingat, maiiwasan ang sakit na ito.

Para sa karagdagang impormasyon, makipag-ugnayan sa inyong pinakamalapit na health care facility.

Isang malusog na paalala mula sa Department of Health at Provincial Health Office of Occidental Mindoro.

04/05/2026

MALIGAYANG KAARAWAN, SIR KIKO!

Sa iyong kaarawan, nais naming ipaabot ang aming taos-pusong pagbati at pasasalamat. Ikaw ay hindi lamang isang empleyado ng Provincial Health Office, kundi isang mahalagang bahagi ng ating misyon na maghatid ng dekalidad, makatao, at malasakit na serbisyong pangkalusugan sa bawat mamamayan.

Ang iyong sipag, dedikasyon, at pusong handang maglingkod ay patuloy na nagbibigay-inspirasyon sa ating mga kasamahan. Sa araw-araw na pagtupad sa tungkulin, maraming buhay ang naaabot at napapagaan.

Nawa’y ang iyong kaarawan ay maging paalala na ang lahat ng kabutihang iyong ibinibigay ay bumabalik sa iyo nang mas marami pa. Hangad namin ang mabuting kalusugan, kaligayahan, at patuloy na tagumpay sa iyong personal na buhay at propesyon.

Maraming salamat sa iyong walang sawang paglilingkod. Maligayang kaarawan at mabuhay ka!

Isang malusog at maligayang pagbati mula sa Provincial Health Office of Occidental Mindoro.

04/05/2026

MALIGAYANG KAARAWAN, MAAM ZARAH!

Sa iyong kaarawan, nais naming ipaabot ang aming taos-pusong pagbati at pasasalamat. Ikaw ay hindi lamang isang empleyado ng Provincial Health Office, kundi isang mahalagang bahagi ng ating misyon na maghatid ng dekalidad, makatao, at malasakit na serbisyong pangkalusugan sa bawat mamamayan.

Ang iyong sipag, dedikasyon, at pusong handang maglingkod ay patuloy na nagbibigay-inspirasyon sa ating mga kasamahan. Sa araw-araw na pagtupad sa tungkulin, maraming buhay ang naaabot at napapagaan.

Nawa’y ang iyong kaarawan ay maging paalala na ang lahat ng kabutihang iyong ibinibigay ay bumabalik sa iyo nang mas marami pa. Hangad namin ang mabuting kalusugan, kaligayahan, at patuloy na tagumpay sa iyong personal na buhay at propesyon.

Maraming salamat sa iyong walang sawang paglilingkod. Maligayang kaarawan at mabuhay ka!

Isang malusog at maligayang pagbati mula sa Provincial Health Office of Occidental Mindoro.

01/05/2026

28/04/2026

𝐌𝐎𝐍𝐈𝐓𝐎𝐑𝐈𝐍𝐆 𝐀𝐍𝐃 𝐄𝐕𝐀𝐋𝐔𝐀𝐓𝐈𝐎𝐍 𝐎𝐅 𝐋𝐎𝐂𝐀𝐋 𝐋𝐄𝐕𝐄𝐋 𝐏𝐋𝐀𝐍 𝐈𝐌𝐏𝐋𝐄𝐌𝐄𝐍𝐓𝐀𝐓𝐈𝐎𝐍 (𝐌𝐄𝐋𝐋𝐏𝐈) 𝐏𝐑𝐎

Isinagawa ang Monitoring and Evaluation of Local Level Plan Implementation (MELLPI) Pro sa bayan ng Sablayan noong Marso 12 at Abril 7, 2026 at bayan ng Magsaysay noong Abril 21–22, 2026.

Sa naturang gawain, sinuri ang Brgy. General Emilio Aguinaldo sa Sablayan, gayundin ang Brgy. Calawag at Brgy. Purnaga sa Magsaysay, bilang bahagi ng pagpili ng Provincial Outstanding Barangay Nutrition Scholar (POBNS) at Provincial Outstanding Barangay Nutrition Committee (POBNC).

Kabilang din sa sinuri ang Municipal Nutrition Committee (MNC), Municipal Nutrition Action Officer (MNAO), at Municipal Nutrition Program Coordinator (MNPC) ng dalawang bayan upang malaman ang kanilang pagganap sa pagpapatupad ng programang pangnutrisyon.

Layunin ng MELLPI Pro na masuri at mapahusay ang implementasyon ng mga programang ito sa lokal na antas.
Ang nasabing gawain ay isinagawa ng Provincial Nutrition Evaluation Team (PNET) sa pangunguna ng Provincial Health Office – Nutrition Section.

Nagtapos ang aktibidad sa pagpresenta ng initial findings, mga resulta, at rekomendasyon ng mga evaluators para sa higit pang pagpapabuti ng performance sa pagpapatupad ng nutrition program. Nagbigay rin ang mga kalahok ng kanilang mga tugon at paglilinaw kaugnay ng mga resultang naipresenta.

27/04/2026

𝐎𝐏𝐋𝐀𝐍 𝐊𝐀𝐋𝐔𝐒𝐔𝐆𝐀𝐍 𝐒𝐀 𝐃𝐄𝐏𝐄𝐃 – 𝐇𝐄𝐀𝐋𝐓𝐇𝐘 𝐋𝐄𝐀𝐑𝐍𝐈𝐍𝐆 𝐈𝐍𝐒𝐓𝐈𝐓𝐔𝐓𝐈𝐎𝐍𝐒 (𝐎𝐊𝐃-𝐇𝐋𝐈) 𝐌𝐎𝐍𝐈𝐓𝐎𝐑𝐈𝐍𝐆 𝐎𝐅 𝐋𝐀𝐒𝐓 𝐌𝐈𝐋𝐄 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋𝐒

Matagumpay na isinagawa ang monitoring ng Oplan Kalusugan sa DepEd – Healthy Learning Institutions (OKD-HLI) para sa mga Last Mile Elementary Schools (LMES) noong Abril 21–23, 2026. Ang gawaing ito ay pinangunahan ng Provincial Health Office, katuwang ang mga kinatawan mula sa DOH CHD MIMAROPA, Provincial DOH Office Occidental Mindoro, DepEd Division of Occidental Mindoro, Mamburao RHU, at Sta. Cruz RHU.

Layunin ng aktibidad na ito na masig**o ang maayos at epektibong implementasyon ng OKD-HLI sa mga paaralan, lalo na sa mga LMES na kadalasang may limitadong access sa serbisyong pangkalusugan. Mahalaga ang programang ito upang mapanatili ang kalusugan at kaligtasan ng mga mag-aaral at g**o, na direktang nakaaapekto sa kanilang kakayahang matuto at magturo nang maayos.

Isinagawa ang masusing site visits sa mga paaralan, kabilang ang:
✔️Sahing Elementary School
✔️Talapa Elementary School
✔️Tilago Minority School
✔️Lanas Elementary School
✔️Puricon Elementary School
✔️Banilad Elementary School
✔️Tuguilan Elementary School

Kasama sa monitoring ang pagsusuri ng mga Means of Verification (MOVs) at Self-Appraisal Checklist upang matiyak ang pagsunod sa pamantayan ng Healthy Learning Institutions framework.

Higit sa lahat, nagbigay ang DOH CHD MIMAROPA team ng mahalagang mentoring at technical assistance sa mga paaralan at lokal na implementers. Nakatuon ito sa pagpapalakas ng kakayahan ng mga paaralan sa pagpapatupad ng mga programang pangkalusugan, kabilang ang wastong hygiene practices, nutrisyon, mental health support, at disease prevention.

Ang matagumpay na monitoring na ito ay patunay ng patuloy na pagtutulungan ng iba’t ibang ahensya upang matiyak ang isang malusog at ligtas na kinabukasan para sa kabataang Mindoreño.

10/04/2026

𝗣𝗔𝗡𝗢𝗢𝗥𝗜𝗡: 𝗛𝗜𝗚𝗛𝗟𝗜𝗚𝗛𝗧𝗦 𝗢𝗙 𝗨𝗡𝗜𝗩𝗘𝗥𝗦𝗔𝗟 𝗛𝗘𝗔𝗟𝗧𝗛 𝗖𝗔𝗥𝗘 𝗦𝗨𝗠𝗠𝗜𝗧 𝟮𝟬𝟮𝟲

Isang mahalagang hakbang para sa kalusugan ng bawat Mindoreño ang isinagawa sa First-Ever Universal Health Care (UHC) Summit 2026 noong Abril 8, 2026 sa Capitol Training Center, Mamburao, Occidental Mindoro.

Sa ilalim ng pamumuno ni Eduardo B. Gadiano, muling pinagtibay na ang kalusugan ay pangunahing prayoridad ng lalawigan. Layunin ng UHC na matiyak na ang bawat mamamayan ay may pantay, sapat, at dekalidad na serbisyong pangkalusugan mula preventive care, sapat na health workers, maayos na pasilidad, hanggang sa abot-kayang pagpapagamot sa pamamagitan ng maayos na financing.

Ipinakita rin dito ang pagkakaisa ng iba’t ibang ahensya at sektor na patunay na ang tunay na pagbabago sa kalusugan ay nakasalalay sa sama-samang pagkilos.

Ang UHC Summit 2026 ay hindi lamang isang pagtitipon bagkus ito ay isang malinaw na paninindigan na walang maiiwan pagdating sa serbisyong pangkalusugan sa Occidental Mindoro.

“Malayo na, pero malayo pa.”
�Malaki na ang ating narating ngunit mas marami pang dapat gawin. Patuloy tayong magsusumikap, magtutulungan, at maglilingkod upang makamit ang ganap na malusog na pamayanan para sa bawat Mindoreño.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

10/04/2026

𝗨𝗡𝗜𝗩𝗘𝗥𝗦𝗔𝗟 𝗛𝗘𝗔𝗟𝗧𝗛 𝗖𝗔𝗥𝗘 𝗦𝗨𝗠𝗠𝗜𝗧 𝟮𝟬𝟮𝟲

Isang makasaysayang hakbang tungo sa mas matibay at inklusibong sistemang pangkalusugan ang naisakatuparan sa ginanap na First-Ever Universal Health Care (UHC) Summit 2026 noong Abril 8, 2026 sa Capitol Training Center, Mamburao, Occidental Mindoro.

Pinangunahan ito ng Pamahalaang Panlalawigan ng Occidental Mindoro sa ilalim ng pamumuno ni Governor Eduardo B. Gadiano, katuwang ang Provincial Health Office sa pangunguna nina Dr. Romualdo M. Salazar, Jr. (PHO II) at Dr. Reynaldo A. Feratero (PHO I). Naging mahalagang kabalikat din ang Center for Health Development (CHD) MIMAROPA sa pamumuno ni Dr. Rodolfo Antonio M. Albornoz (Regional Director), at ang Provincial DOH Office sa ilalim ni Dr. Kevin Javier (DMO V).

Dumalo ang mga Local Chief Executives (LCEs) ng pitong munisipalidad kasama ang kanilang mga health leaders, katuwang ang iba’t ibang ahensya ng gobyerno, Civil Society Organizations (CSOs), at iba pang stakeholders na patunay ng isang whole-of-government at whole-of-society approach sa pagpapatupad ng Universal Health Care. Sa ilalim ng UHC, ang bawat sektor ay may mahalagang papel: ang LGUs bilang pangunahing tagapagpatupad ng serbisyong pangkalusugan sa komunidad; ang DOH bilang tagapagbalangkas ng polisiya at teknikal na suporta; ang PhilHealth sa pagtiyak ng sapat at patas na financing; at ang mga development partners at CSOs bilang katuwang sa pagpapalakas ng serbisyo at pakikilahok ng komunidad.

Isa sa mga tampok ng summit ang makabuluhang plenary dialogue na dinaluhan nina Hon. Eduardo B. Gadiano (Governor), Dr. Reynaldo A. Feratero (PHO I) , Ms. Concepcion M. Arteza (PHIC LHIO Head), Mr. Neil Roy De Ocampo (Zuellig Family Foundation), Ms. Maria Victoria J. Del Rosario (DILG Provincial Director), Ms. Anna Birtha Datinguinoo (Chief UHCHSPSD), at Mr. Arfred Rosales (DMO III). Tinalakay dito ang mahahalagang usapin sa leadership at governance, financing, human resources for health, information and communication technology, logistics at supply chain, at service delivery. Napag-usapan ang pangangailangang palakasin ang koordinasyon, tiyakin ang sapat na pondo at benepisyo, tugunan ang kakulangan sa health workers, at pahusayin ang access at kalidad ng serbisyong pangkalusugan. Bagamat may mga hamon, nagbunga ito ng malinaw na mga kasunduan at konkretong hakbang pasulong.

Binigyang-pugay rin ang mga LGUs sa pamamagitan ng awarding ceremony bilang pagkilala sa kanilang dedikasyon at pagsisikap sa pagpapatupad ng UHC. Ang mga parangal na ito ay hindi lamang pagkilala kundi isang inspirasyon upang higit pang paigtingin ang kanilang mga programa, palawakin ang serbisyong abot-kamay ng mamamayan, at patuloy na mag-innovate para sa mas maayos na kalusugan ng bawat Mindoreño.

Sa pagtatapos ng summit, isinagawa ang Call to Action at Pledge of Commitment kung saan nagkaisa ang lahat ng stakeholders sa isang matibay na paninindigan na patuloy na magtulungan, magbahagi ng responsibilidad, at maghatid ng dekalidad, efficient, at makataong serbisyong pangkalusugan para sa lahat.

Sa kabuuan, ang UHC Summit 2026 ay nagsilbing unang hakbang sa mas pinaigting na reporma sa sistemang pangkalusugan ng lalawigan. Isa itong malinaw na pahayag na sa pamamagitan ng pagkakaisa, matibay na pamumuno, at sama-samang pagkilos, makakamit natin ang adhikaing Isang Malusog na Occidental Mindoro para sa Lahat.

01/04/2026

𝐏𝐀𝐀𝐋𝐀𝐋𝐀 𝐒𝐀 𝐏𝐔𝐁𝐋𝐈𝐊𝐎

Bilang paggunita sa Mahal na Araw, ipinapaalam po na ang lahat ng pampublikong pagamutan sa ilalim ng Pamahalaang Panlalawigan ng Occidental Mindoro ay magkakaroon ng 𝐍𝐨 𝐎𝐏𝐃 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 𝐬𝐚 𝐀𝐛𝐫𝐢𝐥 𝟐 (Huwebes) at 𝐀𝐛𝐫𝐢𝐥 𝟑, 𝟐𝟎𝟐𝟔 (Biyernes).

Ito po ay upang bigyang-daan ang taimtim na pagninilay, pagdarasal, at paggunita sa makabuluhang okasyong ito. Inaanyayahan namin ang ating mga kababayan na planuhin ang kanilang mga konsultasyon at pagbisita sa ospital bago o pagkatapos ng mga nasabing petsa upang maiwasan ang abala.

𝐌𝐚𝐠𝐩𝐚𝐩𝐚𝐭𝐮𝐥𝐨𝐲 𝐦𝐮𝐥𝐢 𝐚𝐧𝐠 𝐎𝐏𝐃 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 𝐬𝐚 𝐀𝐛𝐫𝐢𝐥 𝟔, 𝟐𝟎𝟐𝟔 (𝐋𝐮𝐧𝐞𝐬), 𝐦𝐮𝐥𝐚 𝟖:𝟎𝟎 𝐀𝐌 𝐡𝐚𝐧𝐠𝐠𝐚𝐧𝐠 𝟓:𝟎𝟎 𝐏𝐌.

Gayunpaman, nais po naming tiyakin sa publiko na 𝐦𝐚𝐧𝐚𝐧𝐚𝐭𝐢𝐥𝐢𝐧𝐠 𝐛𝐮𝐤𝐚𝐬 at handang maglingkod ang 𝐄𝐦𝐞𝐫𝐠𝐞𝐧𝐜𝐲 𝐑𝐨𝐨𝐦 (𝐄𝐑) at iba pang 𝐦𝐚𝐡𝐚𝐡𝐚𝐥𝐚𝐠𝐚𝐧𝐠 𝐬𝐞𝐫𝐛𝐢𝐬𝐲𝐨 ng lahat ng pampublikong ospital sa buong lalawigan. Ang ating mga health workers ay patuloy na nakaantabay upang agarang tugunan ang mga emergency at magbigay ng kinakailangang serbisyong medikal sa sinumang nangangailangan.

Hinihiling po namin ang inyong pang-unawa at pakikiisa sa panahong ito ng banal na pagninilay.

Habang ginugunita ang Mahal na Araw, paalala sa lahat na:

✔️ Alagaan ang kalusugan at iwasan ang labis na pagod
✔️ Uminom ng sapat na tubig at kumain ng wasto
✔️ Mag-ingat sa biyahe at sumunod sa mga safety measures
✔️ Panatilihin ang kalinisan at iwasan ang anumang maaaring magdulot ng sakit o aksidente

Nawa’y maging makabuluhan, mapayapa, at ligtas ang ating paggunita ng Mahal na Araw.

Isang malusog na paalala mula sa Provincial Health Office ng Occidental Mindoro

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

31/03/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐆𝐨𝐯𝐞𝐫𝐧𝐨𝐫 𝐄𝐝𝐮𝐚𝐫𝐝𝐨 𝐁. 𝐆𝐚𝐝𝐢𝐚𝐧𝐨!

Sa espesyal na araw na ito, nais naming ipaabot ang aming taos-pusong pagbati at pasasalamat sa inyong walang sawang paglilingkod sa lalawigan ng Occidental Mindoro. Ang inyong dedikasyon, malasakit, at matatag na pamumuno ay patuloy na nagbibigay inspirasyon sa bawat Mindoreño.

Sa ilalim ng inyong pamamahala, tunay na nararamdaman ng mamamayan ang mga pagbabagong naglalayong mapabuti ang kalusugan, kabuhayan, edukasyon, at pangkalahatang kapakanan ng ating probinsya. Hindi matatawaran ang inyong pagsisikap na maihatid ang serbisyong may malasakit lalo na sa mga komunidad na higit na nangangailangan.

Nawa’y patuloy kayong pagkalooban ng mabuting kalusugan, lakas ng loob, at karunungan upang maipagpatuloy ang inyong adhikain para sa kapakanan ng lahat ng Mindoreño. Hangad namin ang mas marami pang taon ng makabuluhang serbisyo at tagumpay sa inyong pamumuno.

Muli, maligayang kaarawan po, Gov. Ed! Mabuhay po kayo at ang buong Occidental Mindoro!

24/03/2026

𝐖𝐎𝐑𝐋𝐃 𝐓𝐁 𝐃𝐀𝐘 𝐂𝐄𝐋𝐄𝐁𝐑𝐀𝐓𝐈𝐎𝐍

Ngayong ika-24 ng Marso 2026, ating ginugunita ang World TB Day bilang paalala sa patuloy na laban kontra Tuberculosis (TB), isang sakit na nananatiling hamon sa kalusugan ng bawat Pilipino.

Sa taong ito, dala natin ang panawagang: “Magpasuri, Magpagamot at Magpa-TPTodo Para Protektado!”

Sa Pilipinas, kabilang pa rin tayo sa mga bansang may mataas na kaso ng TB. Sa ating lalawigan ng Occidental Mindoro, patuloy ang pagsisikap ng mga health workers at lokal na pamahalaan upang mahanap, magamot, at maprotektahan ang bawat mamamayan laban sa sakit na ito. Ngunit hindi ito laban ng iilan lamang bagkus ito ay laban ng buong komunidad.

🔍 𝐌𝐚𝐠𝐩𝐚𝐬𝐮𝐫𝐢
Huwag balewalain ang sintomas tulad ng:
✔️Ubo na tumatagal ng 2 linggo o higit pa
✔️Lagnat at pagpapawis sa gabi
✔️Pagbaba ng timbang at panghihina

Agad na magpatingin sa pinakamalapit na health center. LIBRE ang TB testing at gamutan!

💊 𝐌𝐚𝐠𝐩𝐚𝐠𝐚𝐦𝐨𝐭
Ang TB ay nagagamot at nalulunasan kung susundin nang tama ang gamutan. Tapusin ang 6 na buwang gamutan upang tuluyang gumaling at maiwasan ang paglala o pagkalat ng sakit.

🛡️ 𝐌𝐚𝐠𝐩𝐚-𝐓𝐏𝐓𝐨𝐝𝐨 𝐏𝐚𝐫𝐚 𝐏𝐫𝐨𝐭𝐞𝐤𝐭𝐚𝐝𝐨
Para sa mga may exposure sa TB, lalo na ang mga bata at malalapit sa pasyente, may TB Preventive Treatment (TPT) na makakatulong upang hindi tuluyang magkaroon ng sakit.

𝐏𝐚𝐚𝐥𝐚𝐥𝐚 𝐏𝐚𝐫𝐚 𝐌𝐚𝐢𝐰𝐚𝐬𝐚𝐧 𝐚𝐧𝐠 𝐓𝐁:
✔️ Takpan ang bibig kapag umuubo o bumabahing
✔️ Panatilihing maaliwalas ang bahay at may sapat na bentilasyon
✔️ Iwasan ang siksikan at matagal na exposure sa saradong lugar
✔️ Palakasin ang resistensya sa pamamagitan ng tamang nutrisyon
✔️ Huwag mahiya — magpasuri agad kung may sintomas

Sa sama-samang pagkilos, maari nating wakasan ang TB.

Yes! Pilipinas can !

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

24/03/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝗗𝗥𝗔. 𝐋𝐈𝐙𝐙𝐈𝐄!

Sa iyong kaarawan, nais naming ipaabot ang aming taos-pusong pagbati at pasasalamat. Ikaw ay hindi lamang isang empleyado ng Provincial Health Office, kundi isang mahalagang bahagi ng ating misyon na maghatid ng dekalidad, makatao, at malasakit na serbisyong pangkalusugan sa bawat mamamayan.

Ang iyong sipag, dedikasyon, at pusong handang maglingkod ay patuloy na nagbibigay-inspirasyon sa ating mga kasamahan. Sa araw-araw na pagtupad sa tungkulin, maraming buhay ang naaabot at napapagaan.

Nawa’y ang iyong kaarawan ay maging paalala na ang lahat ng kabutihang iyong ibinibigay ay bumabalik sa iyo nang mas marami pa. Hangad namin ang mabuting kalusugan, kaligayahan, at patuloy na tagumpay sa iyong personal na buhay at propesyon.

Maraming salamat sa iyong walang sawang paglilingkod. Maligayang kaarawan at mabuhay ka!

Isang malusog at maligayang pagbati mula sa Provincial Health Office of Occidental Mindoro.