Provincial Health Office Occidental Mindoro

05/11/2025

𝐏𝐀𝐀𝐋𝐀𝐋𝐀𝐍𝐆 𝐏𝐀𝐍𝐆𝐊𝐀𝐋𝐔𝐒𝐔𝐆𝐀𝐍 𝐍𝐆𝐀𝐘𝐎𝐍𝐆 𝐓𝐀𝐆-𝐔𝐋𝐀𝐍 | 𝐖.𝐈.𝐋.𝐃. 𝐃𝐈𝐒𝐄𝐀𝐒𝐄𝐒

Muling pinapaalalahanan ang publiko na ngayong tag-ulan, mas tumataas ang banta ng mga 𝐖𝐈𝐋𝐃 𝐝𝐢𝐬𝐞𝐚𝐬𝐞𝐬 (𝐖𝐚𝐭𝐞𝐫-𝐛𝐨𝐫𝐧𝐞, 𝐈𝐧𝐟𝐥𝐮𝐞𝐧𝐳𝐚, 𝐋𝐞𝐩𝐭𝐨𝐬𝐩𝐢𝐫𝐨𝐬𝐢𝐬 𝐚𝐭 𝐃𝐞𝐧𝐠𝐮𝐞). Kaya’t naritong muli ang ilang mahahalagang paalala upang manatiling ligtas at malusog ang bawat pamilya:
✅ Uminom lamang ng malinis at ligtas na tubig
✅ Iwasan ang pagkakalubog sa baha o magsuot ng proteksiyon sa paa kung kinakailangan
✅ Panatilihing malinis ang kapaligiran at tanggalin ang mga maaaring pamugaran ng lamok
✅ Palakasin ang resistensya sa pamamagitan ng tamang pagkain, sapat na tulog at ehersisyo
✅ Kumonsulta agad sa pinakamalapit na health facility kung may sintomas ng sakit
Sama-sama nating labanan ang WILD diseases ngayong tag-ulan. Ingatan ang sarili, pamilya, at komunidad!
Isang malusog na paalala mula sa Department of Health at Provincial Health Office ng Occidental Mindoro.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

05/11/2025

𝐌𝐔𝐋𝐈𝐍𝐆 𝐏𝐀𝐆𝐏𝐀𝐏𝐀𝐀𝐋𝐀𝐋𝐀 | 𝐏𝐀𝐍𝐀𝐓𝐈𝐋𝐈𝐇𝐈𝐍𝐆 𝐌𝐀𝐋𝐈𝐍𝐈𝐒 𝐀𝐍𝐆 𝐀𝐓𝐈𝐍𝐆 𝐌𝐆𝐀 𝐊𝐀𝐌𝐀𝐘

Kung walang malinis na tubig para maghugas ng kamay, pwede n’yo pa ring mapanatiling malinis at ligtas ang mga ito!
𝐆𝐮𝐦𝐚𝐦𝐢𝐭 𝐧𝐠 𝟕𝟎% 𝐚𝐥𝐜𝐨𝐡𝐨𝐥 𝐨 𝐡𝐚𝐧𝐝 𝐬𝐚𝐧𝐢𝐭𝐢𝐳𝐞𝐫 para makaiwas sa mikrobyo at sakit lalo na ngayong panahon ng tag-ulan at sakuna.
Pero tandaan: Kung may malinis na tubig at sabon, mas mainam pa rin ang paghuhugas ng kamay sa ilalim ng dumadaloy na tubig.
Simple lang: Malinis na kamay = Protektadong pamilya!

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

05/11/2025

𝐌𝐀𝐋𝐈𝐍𝐈𝐒 𝐍𝐀 𝐊𝐀𝐌𝐀𝐘, 𝐋𝐈𝐆𝐓𝐀𝐒 𝐍𝐀 𝐁𝐔𝐇𝐀𝐘!

Sa panahon ng bagyo, mas tumataas ang panganib ng mga sakit dala ng maruming tubig at kapaligiran. Kaya’t ulit-ulit naming ipinapaalala: Mahalaga ang tamang paghuhugas ng kamay!
Sa bahay man o sa evacuation centers, ang simpleng paghuhugas ng kamay ay nakakatulong para makaiwas sa:
❌ Diarrhea
❌ Typhoid fever
❌ Cholera
❌ Hepatitis A
❌ Iba pang sakit na nakukuha sa dumi at maruming tubig
Ugaliing maghugas ng kamay:
✅ Bago kumain at maghanda ng pagkain
✅ Matapos gumamit ng palikuran
✅ Pagkatapos humawak ng maruming bagay
✅ Pagkatapos lumusong sa baha

Tandaan: Iwas germs at sakit sa loob ng 20 seconds lang! Gumamit ng sabon at dumadaloy na tubig para masigurong malinis at ligtas ang inyong mga kamay.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

05/11/2025

𝐖𝐨𝐫𝐤𝐬𝐡𝐨𝐩 𝐩𝐚𝐫𝐚 𝐬𝐚 𝐇𝐞𝐚𝐥𝐭𝐡 𝐖𝐨𝐫𝐤𝐟𝐨𝐫𝐜𝐞 𝐌𝐚𝐬𝐭𝐞𝐫𝐩𝐥𝐚𝐧 𝐩𝐚𝐫𝐚 𝐬𝐚 𝐢𝐬𝐚𝐧𝐠 𝐋𝐢𝐠𝐭𝐚𝐬 𝐚𝐭 𝐦𝐚𝐬 𝐌𝐚𝐥𝐮𝐬𝐨𝐠 𝐧𝐚 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨

Upang mapatatag ang sistemang pangkalusugan sa lalawigan, isinagawa ng Provincial Health Office, katuwang ang Provincial DOH Office, ang 3-Day Workshop on Health Workforce Master Plan Development noong Oktubre 27–30, 2025 sa Biggy’s River Resort, Rizal, Occidental Mindoro.

Layunin ng workshop na ito na:

Suriin ang kasalukuyang kalagayan at distribusyon ng Human Resources for Health (HRH);

Tukuyin ang mga puwang, hamon, at oportunidad sa health workforce system;

Palawakin ang kaalaman sa HRH planning, standards, at management tools;

Bumuo ng mga estratehiya sa recruitment, deployment, training, at retention; at

Makapagbalangkas ng komprehensibong Health Workforce Master Plan (HWMP) na nakaayon sa pangangailangan ng mga komunidad.

Sa pagtatapos ng workshop, matagumpay na nakabuo ang mga kinatawan mula sa mga LGU at ospital ng kani-kanilang draft Health Workforce Outline Plan na magsisilbing gabay sa pagpapatatag ng isang handa, mahusay, at suportadong health workforce tungo sa mas matatag na health system ng probinsya.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

05/11/2025

𝐌𝐔𝐋𝐈𝐍𝐆 𝐏𝐀𝐆𝐏𝐀𝐏𝐀𝐀𝐋𝐀𝐋𝐀 | 𝐋𝐄𝐏𝐓𝐎𝐒𝐏𝐈𝐑𝐎𝐒𝐈𝐒

Lumusong ka ba sa baha? Ingat! Maaaring ikaw ay nalantad sa panganib ng 𝐋𝐞𝐩𝐭𝐨𝐬𝐩𝐢𝐫𝐨𝐬𝐢𝐬, isang sakit na nakukuha mula sa tubig-baha na kontaminado ng ihi ng daga.

Narito ang mga mahalagang impormasyon upang makaiwas:
✅ Iwasang lumusong sa baha hangga’t maaari.
✅ Kung hindi maiiwasan, magsuot ng bota o proteksyon sa paa.
✅ Agad na maligo at maghugas ng katawan matapos lumusong sa baha.
✅ Bantayan ang mga sintomas gaya ng lagnat, pananakit ng kalamnan, pamumula ng mata, at paninilaw ng balat. Kung maramdaman ang mga ito, agad na magpatingin sa doktor.
Mahalaga ring malaman na ang gamot laban sa leptospirosis ay 𝐋𝐈𝐁𝐑𝐄 𝐚𝐭 𝐀𝐕𝐀𝐈𝐋𝐀𝐁𝐋𝐄 sa lahat ng health centers at hospitals sa buong Occidental Mindoro.

Pumunta lang sa pinakamalapit na health care facility sa inyong lugar.

Paalala: 𝐊𝐚𝐢𝐥𝐚𝐧𝐠𝐚𝐧 𝐧𝐠 𝐫𝐞𝐬𝐞𝐭𝐚 𝐧𝐠 𝐝𝐨𝐤𝐭𝐨𝐫 bago makakuha ng gamot na ito. Huwag basta-basta uminom ng kahit anong gamot nang walang payo ng doktor.

Ulit-ulit naming ipinaalala: Kalusugan ang ating kayamanan, maging maagap, maging ligtas!

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

05/11/2025

𝐍𝐀𝐆𝐊𝐀𝐒𝐔𝐆𝐀𝐓 𝐊𝐀 𝐍𝐆𝐀𝐘𝐎𝐍𝐆 𝐓𝐀𝐆-𝐔𝐋𝐀𝐍? 𝐀𝐋𝐀𝐌𝐈𝐍 𝐀𝐍𝐆 𝐌𝐆𝐀 𝐇𝐀𝐊𝐁𝐀𝐍𝐆 𝐍𝐀 𝐃𝐀𝐏𝐀𝐓 𝐆𝐀𝐖𝐈𝐍 𝐔𝐏𝐀𝐍𝐆 𝐌𝐀𝐈𝐖𝐀𝐒𝐀𝐍 𝐀𝐍𝐆 𝐈𝐌𝐏𝐄𝐊𝐒𝐘𝐎𝐍 𝐀𝐓 𝐊𝐎𝐌𝐏𝐋𝐈𝐊𝐀𝐒𝐘𝐎𝐍

Sa panahon ng bagyo, hindi maiiwasan ang mga sugat at galos. Ulit-ulit naming ipinapaalala: Tamang First Aid ang susi para maiwasan ang impeksyon!

✅ Mga Dapat Gawin (DOs):
✔️ Hugasan agad ang sugat gamit ang malinis na tubig at sabon.
✔️ Takpan ng malinis na gasa o tela.
✔️ Gumamit ng antiseptic kung available.
✔️ Kung malalim o malaki ang sugat, magpatingin agad sa pinakamalapit na health facility.
✔️ Siguraduhin na updated ang tetanus vaccine lalo na kung sugat ay galing sa kalawang o maruming bagay.

❌ Mga Hindi Dapat Gawin (DON’Ts):
🚫 Huwag lagyan ng toothpaste, kape, dahon, o kahit anong hindi malinis.
🚫 Huwag balewalain ang kahit maliit na sugat lalo na kung galing sa baha.
🚫 Huwag balutin nang sobrang sikip ang sugat at baka magdulot ng komplikasyon.
Tandaan: Ang simpleng sugat ay maaaring lumala kung pababayaan.
Ulit-ulit naming sinasabi: Mas mabuti ang maagap na lunas kaysa gamutan sa huli.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

04/11/2025

The Office of Civil Defense (OCD) has issued a high-risk storm surge warning for the MIMAROPA region as Typhoon Tino continues to threaten the area.

Full story link in the comments section.

04/11/2025

𝐌𝐔𝐋𝐈𝐍𝐆 𝐏𝐀𝐀𝐋𝐀𝐋𝐀 𝐌𝐈𝐍𝐃𝐎𝐑𝐄Ñ𝐎𝐒! | 𝐌𝐀𝐍𝐀𝐓𝐈𝐋𝐈𝐍𝐆 𝐋𝐈𝐆𝐓𝐀𝐒 𝐀𝐓 𝐌𝐀𝐋𝐔𝐒𝐎𝐆 𝐒𝐀 𝐌𝐆𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒

Kung ikaw at ang iyong pamilya ay nasa evacuation center, siguraduhin na mananatiling ligtas at malusog. Ulit-ulit naming ipinaalala: Kaligtasan at kalusugan ay ating sandata laban sa sakit!
Narito ang mga dapat tandaan:
✅ Magsuot ng face mask
✅ Takpan ang bibig kapag uubo o babahing
✅ Maghugas ng kamay gamit ang sabon at tubig
✅ Gumamit ng alcohol kung walang sabon at tubig
✅ Maghugas ng kamay bago kumain
✅ Gumamit lang ng sariling gamit tulad ng tuwalya, suklay, at iba pa
Tandaan: Ang kalinisan at tamang pag-iingat ay nakakatulong para makaiwas sa sakit sa panahon ng sakuna.
Sama-sama nating panatilihin ang ligtas na kapaligiran sa mga evacuation centers!
Ibahagi ito upang mas maraming pamilya ang manatiling ligtas at malusog.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

04/11/2025

04/11/2025

𝐌𝐔𝐋𝐈𝐍𝐆 𝐏𝐀𝐀𝐋𝐀𝐋𝐀 𝐌𝐈𝐍𝐃𝐎𝐑𝐄Ñ𝐎𝐒! | 𝐌𝐆𝐀 𝐇𝐀𝐊𝐁𝐀𝐍𝐆 𝐏𝐀𝐑𝐀 𝐏𝐀𝐍𝐀𝐓𝐈𝐋𝐈𝐇𝐈𝐍𝐆 𝐋𝐈𝐆𝐓𝐀𝐒 𝐀𝐍𝐆 𝐏𝐀𝐌𝐈𝐋𝐘𝐀 𝐒𝐀 𝐁𝐀𝐇𝐀𝐘

Ulit-ulit naming ipinaalala: Ang kaligtasan ng pamilya ay nagsisimula sa loob ng tahanan
Narito ang mga simpleng hakbang para manatiling ligtas ang inyong pamilya:
✅ Ihanda ang emergency Go Bag
✅ Mag-charge ng mga gadget at powerbank
✅ Panatilihing nakasara ang mga pinto at bintana
✅ Itabi at ayusin ang mga gamit sa loob ng bahay
✅ Kung kaya, patayin ang kuryente at LPG kapag baha na ang bahay
✅ Tumawag sa National Emergency Hotline 911

Tandaan: Mas ligtas ang bawat isa kung sama-samang naghahanda.
Ulit-ulit naming sinasabi: Kaligtasan ng pamilya, responsibilidad nating lahat!
I-share ito para mas marami pa ang maghanda at manatiling ligtas sa kani-kanilang tahanan.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

04/11/2025

𝐏𝐚𝐚𝐥𝐚𝐥𝐚 𝐬𝐚 𝐏𝐮𝐛𝐥𝐢𝐤𝐨: 𝐈𝐰𝐚𝐬𝐚𝐧 𝐚𝐧𝐠 𝐌𝐚𝐩𝐚𝐧𝐢𝐫𝐚𝐧𝐠 𝐏𝐨𝐬𝐭

Ang paglalathala ng malisyoso, mapanira, o maling impormasyon tungkol sa isang government hospital ay may mabigat na pananagutan sa ilalim ng batas. Hindi pinapahintulutan ang pag-post ng defamatory content o anumang unauthorized na larawan, video, o personal na impormasyon ng pasyente at kawani. Ang mga ganitong gawa ay maaaring magresulta sa paglabag sa Cybercrime Prevention Act of 2012 (Republic Act 10175) at Data Privacy Act of 2012 na parehong may kaukulang parusa.

Cyber Libel
Ang cyber libel ay krimen na tumutukoy sa pagpapakalat ng mapanirang pahayag laban sa isang tao o institusyon, kabilang ang mga ospital na pag-aari ng pamahalaan, sa pamamagitan ng internet at social media. Batay sa Section (c) (4) ng RA 10175, ang sinumang magpaskil ng paninira gamit ang computer o online platforms ay maaring managot sa batas.

Kaparusahan:
Ang lumalabag ay maaaring maharap sa pagkakakulong, multa, o kapwa parusa. Maaari rin itong magdulot ng pagkasira ng reputasyon ng indibidwal at institusyong sangkot.

Igalang ang bawat tao at institusyon. Maging responsable sa paggamit ng social media. Tumulong sa pagpapalaganap ng tama at makabuluhang impormasyon upang mapanatili ang isang ligtas, maayos, at mapagkakatiwalaang online na komunidad.

04/11/2025

𝗠𝗨𝗟𝗜𝗡𝗚 𝗣𝗔𝗔𝗟𝗔𝗟𝗔 𝗠𝗜𝗡𝗗𝗢𝗥𝗘Ñ𝗢𝗦! | 𝗣𝗔𝗚𝗛𝗔𝗛𝗔𝗡𝗗𝗔 𝗡𝗚 “𝗚𝗢 𝗕𝗔𝗚”

Handa ka na ba kung biglang kailanganing lumikas?
Ulit-ulit naming ipinaalala: MAGKAROON NG GO BAG!
Ito ang magsisilbing pang-emergency na gamit para sa mabilis na paglikas at kaligtasan ng pamilya.
✅ Tubig at pagkain (ready-to-eat at sapat kahit 3 araw)
✅ Damit at kumot
✅ First aid kit at gamot
✅ Flashlight, kandila, posporo/bateria
✅ Whistle at cellphone na may powerbank
✅ Mga importanteng dokumento (birth certificate, ID, titulo, ATM, etc.) naka-sealed sa waterproof bag
✅ Cash at maliit na radio para sa balita
Tandaan: Mas mabilis kang makakakilos kung handa ang iyong Go Bag.
Ulit-ulit naming sinasabi: Kaligtasan ng pamilya ang pinakaimportante!
I-share ito para mas marami ang maging handa at ligtas sa oras ng sakuna!

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!