30/12/2024
PAUNAWA
Hindi po nageendorso si Dra. Anna Kristina Hernandez ng anumang produkto. Huwag pong paniwalaan ang mga pekeng page na tulad ng nakalarawan sa ibaba. Kung maaari, paki-report po sa Facebook ang mga pekeng page na kagaya nito.
Paano malalaman kung totoo ang pag-endorso ng produkto?
Ayon sa Physicians' Code of Ethics (ang tala ng mga pamantayan ng moralidad at wastong gawi ng mga doktor upang mapanatili ang dangal ng pagiging manggagamot), ipinagbabawal ang hayagang pag-endorso ng mga produktong medikal o gamot, lalo na kung may matatanggap na benepisyo ang doktor tulad ng pera o dagdag na kita. Karamihan sa mga doktor ay umiwas sa tahasang pag-endorso ng anumang produkto. Kaya't mahalagang maging maingat at mapanuri sa mga impormasyong makikita online.
Maraming salamat po, at sana ay mabawasan na ang mga manloloko ngayong bagong taon.
