Mariveles Rural Health Unit III

11/08/2025

Kalusugan Mula Eskwela, Lakas ng Kinabukasan

Alam mo ba na sa ilang minuto lang, puwede mong mabigyan ng dagdag na depensa ang isang bata laban sa mga sakit na kayang iwasan? 💉
Sa kasalukuyang School-Based Immunization (SBI) sa Mariveles, bawat turok ay hakbang tungo sa mas ligtas na kinabukasan para sa ating kabataan.

Panoorin ang mensahe ni Hon. Ivan Ricrafrente, Sangguniang Bayan Member on Health, at alamin kung bakit mahalaga ang pagbabakuna — hindi lang para sa isa, kundi para sa buong komunidad.

📽️ Click play, makinig, at maging bahagi ng ating misyon para sa mas malusog na Mariveles!

09/08/2025

PAALALA SA MGA NANALO SA RAFFLE NG ANNUAL PHYSICAL EXAMINATION

Ang Pamahalaang Bayan ng Mariveles, sa pangunguna ni Mayor Ace Jello “AJ” Concepcion at Vice Mayor Jesse Concepcion katuwang ang Sangguniang Bayan, sa pamamagitan ng Lokal na Tanggapan ng Kalusugan, ay inaanyayahan ang lahat ng maswerteng nagwagi ng 5 kilo ng bigas sa ginanap na raffle draw noong Hulyo 7 at Agosto 4, 2025.

Ang nasabing raffle ay para sa mga kawani na matagumpay na nakumpleto ang kanilang Annual Physical Examination sa itinakdang iskedyul. Inaanyayahan po kayong kunin ang inyong premyo sa mga sumusunod na detalye:

PETSA: Agosto 11 - 12, 2025 (Lunes at Martes)
LUGAR: Breastfeeding Room, G/F Municipal Hall
ORAS: 9:00 AM – 4:00 PM
IN-CHARGE: BNS on duty

Tingnan muli ang listahan ng mga pangalan ng nanalo.

Paalala: Mangyari po lamang na magdala ng valid ID para sa beripikasyon.

Maraming salamat at muli, pagbati sa lahat ng ating mga nagwagi!

06/08/2025

Matagumpay na Pagsasagawa ng School-Based Immunization
Antonio G. Llamas Elementary School
Agosto 05, 2025

w Ang Antonio G. Llamas Elementary School (AGLES) ay naging isa sa mga paaralang aktibong nakibahagi sa patuloy na kampanya para sa kalusugan ng mga kabataang mag-aaral, sa matagumpay na pagpapatupad ng School-Based Immunization (SBI) noong Agosto 5, 2025. Pinangunahan ito ng Municipal Health Office ng Mariveles, katuwang ang Department of Education (DepEd) - Mariveles bilang tugon sa programa ng Department of Health (DOH), sa ilalim ng pamumuno ni Mayor AJ Concepcion ng Pamahalaang Bayan ng Mariveles at ng Sangguniang Bayan na pinangungunahan ni Vice Mayor Jesse Concepcion.

Pinangunahan ni Dr. Jhia Caso ang pagbibigay-kaalaman at oryentasyon hinggil sa layunin at kahalagahan ng immunization program. Layunin ng nasabing aktibidad na maprotektahan ang mga bata laban sa mga sakit na maaaring umiwasan sa pamamagitan ng bakuna, bilang bahagi ng pambansang adbokasiya para sa mas ligtas at malusog na komunidad.

Ang pagbabakuna ay isinagawa ng mga masisigasig na Public Health Nurses at Rural Health Midwives mula sa Municipal Health Office at DOH Nurses, na naglaan ng kanilang oras at husay upang matiyak ang maayos at ligtas na pagbibigay ng bakuna sa mga mag-aaral. Nagbigay rin ng suporta ang mga g**o ng AGLES at ating mga Barangay Health Workers, na naging katuwang sa paghahanda, pag-aasikaso, at pagsig**ong maayos ang daloy ng programa.

Ang School-Based Immunization ay bahagi ng mas malawak na kampanyang pangkalusugan ng Pamahalaang Bayan ng Mariveles at ng Department of Health, na naglalayong mabigyan ng libreng bakuna ang mga mag-aaral sa mga piling pampublikong paaralan upang mapalakas ang proteksyon laban sa mga sakit tulad ng tigdas, rubella, tetano, at iba pa.

Sa pamamagitan ng ganitong mga inisyatibo, naipapakita ang pagtutulungan ng iba't ibang sektor para sa isang mas malusog at protektadong kinabukasan ng mga kabataang Mariveleño.

05/08/2025

Ceremonial Turn-Over ng mga Flip Chart para sa Mother's Class: Suporta sa Patuloy na Edukasyong Pangkalusugan sa mga Barangay
Mariveles Municipal Compound
Agosto 04, 2025

Isang makabuluhang hakbang tungo sa mas matibay na kalusugang pangkomunidad ang isinakatuparan, sa pamamagitan ng ceremonial turn-over ng mga flip chart para sa Mother's Class. Ang mga flip chart na ito ay magsisilbing pangunahing kagamitan sa pagbibigay-edukasyon sa mga ina sa bawat barangay, hindi lamang upang maghatid ng impormasyon, kundi upang magsulong ng kamalayang pangkalusugan na may direktang epekto sa buong pamilya.

Ang programa ay pinangunahan ng ating mga Rural Health Physicians sa pangunguna ng ating Municipal Health Officer; Dr. Gerald Sebastian kasama si Hon. Ivan Ricafrente, (SB on Health), at si G. Chuck Concepcion, (Executive Secretary - Vice Mayor's Officer). Tinanggap ito nang may malasakit at layuning makatulong ng mga Barangay Kagawad on Health at mga Rural Health Midwives, na gagamit ng mga ito sa pagbabahagi ng mahahalagang kaalaman sa kalusugan ng ina at bata.

Ang mga flip chart ay nilikha sa pagbuo ng ideya at gabay ni Dr. Jhia Caso - (Maternal and Child Health Medical Coordinator), upang gawing mas visual, interaktibo, at madaling maintindihan ang mga aralin para sa mga ina-mula sa prenatal care at tamang nutrisyon, hanggang sa pangangalaga sa kalinisan, bakuna, at tamang pagpapalaki ng mga bata. Ito ay isang konkretong hakbang upang mailapit ang kalidad na impormasyon sa mga nanay at tagapag-alaga.

At sa kabuuan, may 36 - Barangay Health Stations, 5-Rural Health Units and makikinabang sa kagamitan na ito.

Bukod dito, namahagi rin ng Quad Cane sa mga napiling benepisyaryo na mas higit na nangangailangan ng suporta sa pagkilos at paglalakad. Kasama sa namahagi sina Ma'am Jojie Madahan (Public Health Nurse) at Ma'am Clarence Melad (Registered Physical Therapist).

Ang mga proyektong ito ay inilunsad sa ilalim ng pamumuno ni Mayor AJ Concepcion, katuwang ang buong Pamahalaang Bayan ng Mariveles, at ang Sangguniang Bayan na pinangungunahan ni Vice Mayor Jesse Concepcion. Ipinapakita nito ang buo at matibay na suporta ng lokal na pamahalaan sa pagpapalawak ng kaalaman at serbisyong pangkalusugan na tunay na nakaangkla sa pangangailangan ng bawat pamilyang Mariveleño.

05/08/2025

📣Mensahe ng Pagsuporta para sa Kalusugan ng Kabataang Mariveleño!

Sa patuloy na kampanya para sa isang ligtas at malusog na komunidad buong pusong nagpapahayag ng suporta si Vice-Mayor, Dr. Jesse Concepcion sa School-Based Immunization (SBI) na kasalukuyang isinasagawa ng Mariveles Municipal Health Office katuwang ng DepEd Mariveles sa ilalim ng programa ng Department of Health (DOH).

📹 Panoorin at pakinggan ang mensahe ng ating butihing Bise-Alkalde ng Pamahalaang Bayan ng Mariveles.

Sa mga karagdagang impormasyon o detalye, mangyaring makipag-ugnayan sa ating mga school nurse, mga kawani sa ating mga Barangay Health Stations o Rural Health Units

01/08/2025

📣AGOSTO, Simula na ng School-Based Immunization 💉💉💉

Mga Magulang, ating g**o, at kawani ng kalusugan tayo na at siguraduhin ang Malusog na Kabataang Mariveleno.

Sa pagsusumikap ng Pamahalaang Bayan na bigyang priyoridad ang kalusugan ng bawat isa, kabilang ang ating mga mag-aaral. Sa pagtutulungan ng Lokal na Tanggapan ng Kalusugan at Lokal na Kagawaran ng Edukasyon ng Mariveles - isasagawa na sa mga pampublikong paaralan ang bakunahan.

Narito ang mensahe ng pagusporta at paghikayat ng ating Punong Lingkod Bayan, Atty. Ace Jello C. Concepcion. Isang paalala sa malasakit at pagkakaisa tungo sa mas ligtas na Mariveles.

Para sa mga karagdagang detalye o impormasyon, makipag-ugnayan sa inyong school nurse o sa mga Barangay Health Stations at Rural Health Units sa inyong mga lugar.

11/06/2025

Mahalagang Anunsyo!
ika-11 ng Hunyo 2025

Simula sa June 16, 2025 ang lahat po ng magpapavaccine sa Animal Bite Center (RHU 1 at RHU 5) ay kinakailangang magdala ng VALID ID with HOME address, kung bata po ang magpapavaccine kailangan na may dalang Valid ID ang magulang o nangangalaga.

Para sa iba pang detalye o katanungan pwede po kayong mag pagdala ng mensahe sa Mariveles RHU 1 at Mariveles RHU 5 official page:
Mariveles RHU 5 - https://www.facebook.com/profile.php?id=61568597730960
Mariveles RHU 1 - https://www.facebook.com/profile.php?id=100086942151274

Maraming Salamat po

01/10/2024

📢 Important Invitation!

Parents and students, are you ready for "Vaccine School" this October? Department of Health partner Mariveles Municipal Health Office invites you all to participate in the program for children safety and health.

Join us for immunization activities and information about immunization. Every vaccine is a step towards a safer future!

For more details, contact the nearest Barangay Health Station and Rural Health Unit in your area.

01/10/2024

Pagsisimula ng National Mental Health Month
October 01, 2024
(Week 1)

Sa pagpasok ng buwan ng Oktubre, ating ipinagdiriwang ang National Mental Health Month. Sa unang araw, mahalagang maunawaan ang tunay na kahulugan ng mental health. Ito ay tumutukoy sa estado ng ating kaisipan at emosyonal na kalusugan. Ang kalusugan sa kaisipan ay hindi lamang tumutukoy sa pagkakaroon ng kondisyon sa pag-iisip, ito rin ay ang maaaring pagkakaroon ng positibong pananaw, kakayahang humarap sa stress, at mahusay na ugnayan sa iba.

Sa pamamagitan ng tamang impormasyon at suporta, maari nating mapabuti ang ating mental health at mas mapalakas ang ating pansariling kakayahan. Isang hakbang ito patungo sa mas maliwanag, matatag at mas malusog na kinabukasan para sa lahat.

Sa buong buwan ng Oktubre, sama-sama tayong magtulungan upang buksan ang mga usapin ukol sa mental health at hikayatin ang bawat isa na alagaan ang kanilang isipan at damdamin.

19/08/2024

30/05/2024

Paanyaya!

Iniimbitahan po ang lahat ng may gustong magdonate ng dugo sa darating na sabado ika-1 ng Hunyo sa ganap na alas otso ng umaga hanggang alas dose ng tangghali (8 am to 12 nn) sa Cabcaben Covered Court.

Halina't maki isa sa "Dugo mo, Dugtong sa buhay ko", sa pangunguna ng Municipal Health Office at pakikiisa ng Philippine Red Cross.