07/10/2025
SAYOP BA NGA ISIP USA KA KATOLIKO NGA MO GREET UG HAPPY BIRTHDAY NGADTO SA ATONG MAHAL SA KINABUHI NGA NANGAMATAY NA?
NIA ANG KATOLIKONG TUBAG.
Dili kini sayop para sa usa ka Katoliko nga moingon og “Happy Birthday in Heaven”, kung ang imong tinguha mao ang paghinumdom ug pag-ampo alang sa namatay. Ang importante mao ang intensiyon sa kasingkasing.
- Ang Katoliko nga pagtulon-an nagtudlo nga bisan ang atong mga minahal nga namatay dili na nato makauban sa lawas, buhi gihapon sila sa presensya sa Diyos. Maayo nga ato silang hinumdoman pinaagi sa pag-ampo, misa, o simpleng pahinumdom nga puno sa gugma.
Apan, dili nato kini buhaton ingon nga murag buhi pa sila sa kalibutan — kay dili na sila magselebrar ug adlawng natawhan sama nato. Angay nga masabtan nga kini simbolo lamang sa atong gugma ug paglaom nga sila karon anaa sa langit.
- Mas angay nga mga Katolikong pamaagi:
“Happy heavenly birthday!”
“We remember you with love and prayers on your birthday.”
“Nag-ampo ko nga magmalipay ka diha sa presensya sa Ginoo karon sa imong adlawng natawhan.”
-Base sa tinuohan sa Simbahan:
Ang Catechism of the Catholic Church (CCC 958) nag-ingon:
“Our prayer for them is capable not only of helping them, but also of making their intercession for us effective.”
- Busa, kung moingon kag “Happy Birthday in Heaven,” ug ang imong tinguha mao ang paghinumdom ug pagampo, wala kini’y sayop — usa kini ka pamaagi sa pagpadayag sa gugma ug paglaom sa kinabuhing walay katapusan.
