25/12/2025
Marami sa inyo ang bumati rito, at napansin ko na may mga tribute kayo para sa mga mahal sa buhay na pumanaw na.
Ramdam ko kayo.
Kaninang umaga ng Pasko, may lungkot. Matapos ang exchange gift sa pamilya, pinuntahan ko si Rhea Lyn—ina ni John Fariñas—at nagdala ng isang simpleng regalo.
Naalala ko si John—ang kanyang kabutihan, ang mga pangarap na hindi naipagpatuloy, at ang mga bakas ng buhay na iniwan niya sa mga taong nagmahal sa kanya. Sa ganitong mga sandali, tahimik nating pinanghahawakan ang alaala, at umaasang ang pag-ibig ay hindi kailanman nawawala.
Kanina sa homily sa misa, pinaalalahanan ni Father Almo ang kahalagahan ng kababaang-loob at ang pagtanggap sa karunungan ng Panginoon. Binati din niya ang lahat na mabigyan ng tapang na labanan ang kasamaan at mapuno ng liwanag ng kabutihan.
Nais kong malaman ninyo kung gaano ko kayo pinahahalagahan—kayo at ang inyong mga mahal sa buhay. Nawa’y magkaroon kayo ng kapayapaan at mas maraming pagpapala.
