https://www.facebook.com/112985885425412/

UP Manila School of Health Sciences Palo Student Council, Sevilla Street Brgy. Luntad, Palo (2025)

13/10/2025

Ang Oktubre ay para sa mga pesante! 🌾

Ngayong buwan, inaalala natin ang dating Araw ng mga Pesante noong ika-21 ng Oktubre 1972 dahil sa makasaysayang pagkilos ng sektor ng mga magsasaka laban sa mga peke at opresibong reporma sa lupa at mga nagsasaka rito. Bilang pagbibigay konteksto, isang buwan mula nang idineklara ni Marcos Sr. noon ay kumilos ang mga pesante upang ipanawagan ang tunay na reporma sa lupa, bukod pa sa pag-kundena sa diktadura niya. Ang dating isang araw lamang kinikilala ay naging buwan ng pag-aaral sa mga isyung pang-kanayunan, mga martir na pesante, at ang matagal nang ipinananawagang tunay na reporma sa lupa.

Kinikilala natin ang mandatong magserbisyo, hindi lamang sa ating mga kamag-aral bilang mga konseho, kundi pati sa malawak na hanay ng masa na kabilang ang mga pesante bilang mga iskolar ng bayan. Sa ganitong kalagayan, batay sa naihapag na mga suhestyon ng ika-46 na Pangkalahatang Asembleya noong unang kumbensyon nitong ika-5 ng Oktubre, na siyang inaprubahan ng ika-46 na Pambansang Konseho, at siyang ineendorso ng ika-46 na Pambasang Konsehong Tagapagpanagap, inilabas ang Memorandum No. KSUP-AMRM 2025-02: Peasant Month Celebration Activities.

Ipinidala sa ating mga kinatawan ng mga konseho ang kabuoang memorandum at mga nilalaman nitong gabay para sa pagpapataas ng diwa ng mga kinabibilangang mga kolehiyo at pakultad tungkol sa selebrasyon sa buwan na ito. Bukas lamang ang mga daluyan ng mensahe ng KASAMA sa UP para sa mga maaaring maipaabot na tulong, katulad na lamang ng mga gagamiting materyales o kaya ay mga instruktor, para sa inyong ilulunsad na mga inisiyatiba.

BASAHIN DITO: https://bit.ly/MemoNoKSUPAMRM2025-02

Hangga't ang lupa ay pinagkakakitaan ng iilan, at ang mga magsasaka ay patuloy na nagugutom at pinapaslang, nananatili ang mas malaking laban na dapat salihan nating mga kabataan, at isang mas malawak na pakikibaka upang magtanim ng organisadong mga pagkilos at umani ng maraming tagumpay. Bilang Unibersidad na pangako ang paglilingkod sa masa, mandato nating mag-aral sa labas ng ating mga pang-akademikong mga silid-aralan, at tumuntong sa mga sakahan kung saan makikita ang tunay na dangal at husay—mula sa mga magsasaka na matagal nang binubuhay at pinapakain ang sambayanang Pilipino.

TUNAY NA REPORMA SA LUPA, IPAGLABAN! MILITAR SA KANAYUNAN, PALAYASIN!

07/10/2025

MAGING COMMISSIONER OF THE REGENT! ❤️‍🔥

The UP Office of the Student Regent (OSR) is warmly opening applications for the Office's Commissioners of the Regent.

Commissioners will serve as committee heads of the UP OSR, tasked with overseeing and leading the day-to-day operations and projects of each division. We are currently looking for the following positions:

📝 Head Secretariat and Legislative Officer
📚 Education and Research Commissioner
🎨 Creatives and Publicity Commissioner
💰 Finance and Logistics Commissioner

🖊️ Sign-up at: https://tinyurl.com/OSRCORE-2025Application
🗓️ Deadline of applications: October 14, 2025

In the fight for our right to education, higher budget for UP, academic freedom, the protection of our democratic rights, collective action is integral for genuine and lasting change.

The Office of the Student Regent is the sole representative of more than 60,000 students across the UP System in the Board of Regents, UP’s highest policy-making body.

Join us in serving the students and the people!

27/09/2025

𝗕𝗔𝗦𝗔𝗛𝗜𝗡: 𝗡𝗔𝗚𝗞𝗔𝗞𝗔𝗜𝗦𝗔𝗡𝗚 𝗣𝗔𝗛𝗔𝗬𝗔𝗚 𝗡𝗚 𝗢𝗣𝗜𝗦𝗜𝗡𝗔 𝗡𝗚 𝗥𝗘𝗛𝗘𝗡𝗧𝗘 𝗡𝗚 𝗠𝗚𝗔 𝗠𝗔𝗚-𝗔𝗔𝗥𝗔𝗟 𝗦𝗔 𝗨𝗣, 𝗞𝗔𝗧𝗜𝗣𝗨𝗡𝗔𝗡 𝗡𝗚 𝗠𝗚𝗔 𝗦𝗔𝗡𝗚𝗚𝗨𝗡𝗜𝗔𝗡 𝗡𝗚 𝗠𝗚𝗔 𝗠𝗔𝗚-𝗔𝗔𝗥𝗔𝗟 𝗦𝗔 𝗨𝗣, 𝗮𝘁 𝗨𝗣 𝗦𝗢𝗟𝗜𝗗𝗔𝗥𝗜𝗗𝗔𝗗 𝗨𝗞𝗢𝗟 𝗦𝗔 𝗣𝗔𝗚𝗛𝗔𝗥𝗔𝗡𝗚 𝗡𝗚 𝗨𝗣 𝗧𝗔𝗖𝗟𝗢𝗕𝗔𝗡 𝗔𝗗𝗠𝗜𝗡 𝗦𝗔 𝗞𝗔𝗡𝗜𝗟𝗔𝗡𝗚 𝗞𝗢𝗡𝗦𝗘𝗛𝗢 𝗡𝗚 𝗠𝗚𝗔 𝗠𝗔𝗚-𝗔𝗔𝗥𝗔𝗟

𝗥𝗘𝗖𝗢𝗚𝗡𝗜𝗭𝗘 𝗬𝗢𝗨𝗥 𝗦𝗧𝗨𝗗𝗘𝗡𝗧 𝗖𝗢𝗨𝗡𝗖𝗜𝗟 𝗥𝗘𝗣𝗥𝗘𝗦𝗘𝗡𝗧𝗔𝗧𝗜𝗩𝗘𝗦, 𝗨𝗣 𝗧𝗔𝗖𝗟𝗢𝗕𝗔𝗡!

Ngayong araw, ika-27 ng Setyembre, naglabas ng pahayag ang mga pormasyon ng UP Tacloban College sa pagkilala sa pagiging kinatawan ng kanilang konseho bilang representasyon ng kanilang sangkaestudyantehan, matapos harangan ang konseho ng administrasyon ng yunit sa pagsasagawa ng mga inisyatiba nito ukol sa papalabas na .

Bilang pagbibigay konteksto, naglabas ang UP Tacloban Student Electoral Board ng “SEB Resolution No. 2025-003: A Resolution for the Designation of Interim Student Body Representatives for the First Semester of Academic Year 2025-2026.” Ito ay tugon sa lumipas na sa petsa ng termino ng ika-46 UP Tacloban Student Council mula sa kanilang pagkakahalal noong ika-13 ng Setyembre 2024. Katuwiran ng resolusyong ito na hindi na maaaring kilalanin ang mga incumbent na opisyales dahil lagpas na sila sa isang taong termino. Sa kagyat, sila ay nililimitahan din sa mga maaari nilang gawing hakbang para magserbisyo sa loob at labas ng komunidad ng UP Tacloban sa paggamit ng teknikalidad ng terminolohiyang “representatives” na ihinihiwalay sa depinisyon ng isang “student council.”

Makikita ito sa naging tugon ng administrasyon ng UP Tacloban nitong mga nakaraang araw, kung saan nasa ilalim ng Signal No. 3 ang Leyte dahil sa . Dahil dito, naglunsad ng insiyatiba ang ika-46 UP Tac SC para magpatuloy sana ng mga estudyanteng nangangailangan ng masisilungan sa tumitinding peligro na dulot ng bagyo. Ngunit, ito ay hinarang ng administrasyon ng UP Tacloban, at sa halip ay pinagsabihan ang UP Tac SC na huwag nang mangimbita pa ng mga mag-aaral na pumunta roon.

Karagdagan dito, naglunsad din ang konseho ng donation drive sa pamamagitan ng plataporma nilang Bulig Oble para sana sa mga pinansyal o in-kind na mga tulong sa mga nais magpaabot nito. Sa nakalulungkot na tugon, mangilang ulit na tinawagan ang incumbent na tagapangulo ng konseho para sabihang tanggalin ang mga post na ito sa kanilang page sapagkat “misrepresentation” daw ito. Tinutukoy nila na ang mga daluyan na nasa post ay pagmamay-ari ng isa sa mga ika-46 UP Tac SC, na siyang “representative” na nga lang daw at hindi na opisyal na miyembro ng konseho, ayon sa resolusyon ng kanilang SEB na pinamumunuan rin ng administrasyon.

Ang hindi makatarungang paggamit ng ganitong uri ng burukrasya ay hindi nagpapanatili ng pagiging organisado ng isang institusyon. Sa halip, ito ay humaharang sa tunay na representasyon at karapatan ng mga mag-aaral ng UP Tacloban na maging kanlungan ang pamantasang-bayan. Hindi teknikalidad ang natatanging batayan ng pagtugon sa mga pangangailangan ng komunidad, at mas lalong ang batayang serbisyo sa mga estudyante ay hindi nakukulong sa mga resolusyon at papeles kung demokrasya at buhay na ang nalalagay sa alanganin.

Habang pinipigilan ang mga lider-estudyante na mag-alok ng kanilang mga maitutulong sa mga mag-aaral, g**o, at kawani ng komunidad, wala rin namang maipaabot na tulong ang mismong administrasyon ng UP Tacloban kung siyang ayaw nilang pakilusin ang mga nasa konseho dahil sa teknikalidad ng kanilang mga puwesto. Sa ganitong kalagayan, sino ang aalalay, magseserbisyo, at magpapatuloy sa mga nangangailangan sa kanilang pamantasan? Kung hindi ang mga lider-estudyanteng nakikipagsapalaran pa upang maging mga lingkod-bayan, sino ang pangunahing magbubukas ng kanilang mga pintuan para masiguradong ginagamit natin ang bawat silid-aralan at bulwagan bilang tanggapan ng ating mga kababayan?

Bilang halimbawa, ang UP Los Baños na nakapailalim sa Signal No. 2 ang kinaroroonan sa kasalukuyang bagyo ay binubuksan ang pamantasan para magpatuloy sa mga nangangailangan ng kanilang mga espasyo. Mismong may bulwagan pa itong nakalaan para tumanggap at magpaabot ng tulong sa mga residenteng kailangang sumilong sa kanila. Sa pamamagitan ng kanilang Serve The People Brigade - UPLB, nakatalaga rin ang mga lider-estudyante upang magpaabot ng mga makakain para sa mga nakapalibot na barangay na apektado ng bagyo. Isa, sa napakaraming pagpapakita na likas ang pagseserbisyo ng mga iskolar ng bayan, at hindi sinasarado ang pamantasan, lalo na sa mga oras na kailangan ito bilang takbuhan ng mga nangangailangan.

Ang mandato ng Unibersidad ng Pilipinas ay ipamalas ang dangal, husay, at serbisyo. Hindi matatagpuan ang dangal kung tinatalikuran mismo ng administrasyon ang mga nangangailangan sa mga espasyo nito, lalo na sa mga panahong ang mga sakuna ay walang pinipiling lugar at panahon. Malabo nating mapayayabong ang husay ng ating mga mag-aaral kung ituturo nating may limitadong petsa ng bisa lamang ang paglilingkod. Higit sa lahat, ang serbisyo ng mga iskolar ng bayan ay hindi natatapos sa loob ng kanilang mga nakatalagang termino at sa loob lang mismo ng pamantasan. Sumusuong ito sa kahit ano pa mang ulan, baha, o hagupit ng hangin, masigurado lamang na hindi sila napeprente sa kanilang mga pribilehiyo habang lumulubog na ang kanilang bayan.

Sa lahat ng puntong ito, mariin din nating pinapaalala at tinitindigan na ang mga konseho ng mga mag-aaral ay may sariling katayuan. Ang mga mag-aaral ang nagpapasya kung sino ang kanilang magiging mga kinatawan, hindi ang mga adminstrador ng pamantasan. Ang esensya ng konseho ay para magkaroon ng tunay na tinig na primaryang pinaglilingkuran ang interes ng mga kapwa nila mag-aaral. Kaya hindi ito pinauubaya sa ibang opisina. Sa kabila ng mga naging tagumpay ng mga mag-aaral nitong mga nakaraang araw upang tumindig sa mga malawakang katiwalian sa pag-organisa ng mga wokawt at kilos-protesta, kitang-kita ang kahalagahan ng may tumitindig at nangungunang konseho sa libo-libong mga mag-aaral na biktima ng mga sakit sa lipunan, tao man o kalikasan ang sanhi nito.

Kinukundena ng OSR, KASAMA sa UP, at UP Solidaridad ang represyong ipinapataw ng administrasyon ng UP Tacloban sa mga mag-aaral at konseho nito. Hindi ito ang unang pagkakataong pinapabayaan ang komunidad ng yunit para tumugon sa kanilang mga nararanasang kahirapan. Mangilang beses na ring naiulat na walang-kibo at kibit-balikat lamang ang tugon ng administrasyon sa mga pananamantala, paninitiktik, at panunupil ng estado sa mga mag-aaral nila.

Mula sa nag-iisang kinatawan sa BOR ng mahigit 60,000 na mga mag-aaral sa UP, mula sa Katipunan ng mga Sanggunian ng mga Mag-aaral sa UP, at mula sa nagkakaisang alyansa ng mga publikasyon at mga manunulat sa UP, inuudyok namin ang administrasyon ng UP Tacloban na muling bisitahin kung para kanino nga ba ang inyong serbisyo. Ito ba ay naipamalas ninyo sa pagtalikod sa mga nangangailangan ng inyong bukas-palad na pagseserbisyo sa gitna ng nang-aagaw buhay na sakuna?

𝗗𝗢 𝗕𝗘𝗧𝗧𝗘𝗥, 𝗨𝗣 𝗧𝗔𝗖𝗟𝗢𝗕𝗔𝗡!

27/09/2025

UNITY STATEMENT OF UP TACLOBAN COLLEGE STUDENT BODY IN UPHOLDING GENUINE STUDENT REPRESENTATION

The UP Tacloban Student Council exists as the genuine representation of the student body. It is the highest representation in the policy-making body of the students subject to the will of the students. It is stipulated in the constitution of the student of UP Tacloban that the elected student council shall represent the students in college and promote students’ welfare. It is an independent institution that derives its legitimacy from the student body, not from the Office of Student Affairs nor from the UP Tacloban Administration. It does not require recognition to exercise its autonomy, nor permission to carry out its functions. Yet today, its very legitimacy is under attack not from students, but from the very offices that should respect its autonomy.

The Office of Student Affairs (OSA) and the UP Tacloban Administration are attempting to delegitimize the Student Council (SC) in the midst of a crisis. By unconstitutionally pushing that the council be declared vacant and reducing its current officers to mere “interim representatives”. This move was formalized in SEB Resolution No. 2025-003: A Resolution for the Designation of Interim Student Body Representatives for the First Semester of Academic Year 2025-2026. Instead of upholding the legitimacy of the elected Council as a holdover body and addressing the real crisis of declining student participation, the administration has chosen to undermine the very institution that has consistently defended the studentry, whether in ensuring representation, responding to urgent concerns, or advancing the broader struggle for the welfare of the Filipino people. This is not an isolated misstep but a deliberate attempt to manipulate and encroach on student power.

It is alarming that the administration has chosen to focus its authority on policing and undermining the credibility of the Student Council rather than addressing the actual concerns of students. Since the reopening of the university after the pandemic, bureaucratic processes have dominated not only during organizational recognition processes but even in times of emergency. Just recently, as Tacloban faced a storm surge warning in the wake of Typhoon Opong, UP Tacloban officials refused to open its college facilities as an evacuation site for non-UP dormer students despite repeated appeals from both the students and the Student Council to the DRRM Chair and current Housing Chair, and even to the Dean’s Office. Instead of providing refuge, students were told not to encourage others to seek shelter in UP on the grounds that the currently used evacuation site i.e., third floor library is not a registered/recognized one, which as a result indirectly yet effectively turned away its own students whom are the primary stakeholders of the institution.

As a result, the Student Council, together with other youth organizations in Tacloban City, launched a donation drive in an effort to assist affected students and communities across Leyte. Yet yesterday early morning, instead of promptly addressing urgent student concerns particularly the above mentioned issue, the Office of Student Affairs has instead, bombarded the Council particularly its Chairperson with incessant calls not to help, but to order the relief drive be taken down and then lectured the Council instead on what it supposedly cannot do as mere student representatives.
In the midst of a nationwide flood control scandal, where government negligence has already cost countless lives, the administration’s refusal to act during the onslaught of a typhoon reflects a failure to uphold the university’s mandate as a public service institution. If it cannot ensure the welfare of its own students in times of crisis, it raises serious doubts about its capacity to fulfill its broader responsibility as a university of the people.

Moreover, this pattern of inaction and neglect extends beyond emergencies. The UP Tacloban Administration has remained silent both in the faces of red-tagging and harassment of students, the shrinking democratic spaces, and the alarming decline in student participation. Not a single meaningful and even deliberative measure has been taken to protect the students’ rights or to strengthen student participation, let alone a single support towards condemnation of these security threats against its own students.
As Student Council and as student leaders, we are exposed to constant state-sponsored attacks that threaten our very right to life and liberty. We do this work without pay, without honorarium— and will continue to do so and will never demand such— because our service is rooted in genuine commitment to the people, not in personal gain, yet instead of protection, we are met with repression from the very administration that is bound to safeguard us. Rather than standing with the students they claim to serve, the UP Tacloban administration continues to be silent.

With this, the UP Tacloban Student Council, together with its student organizations and institutions, and batch organizations, expresses its strongest dismay at the Office of Student Affairs, and the UP Tacloban Administration, for their attacks on genuine student representation. Because at a time when students most need an autonomous and independent voice, they have instead chosen to neglect it. Thereby leading the administration to abandon its duty to uphold the students’ rights and has exposed itself as anti-student in both orientation and practice.

Hence, we urge the admin to heed to the calls of the students and respect the mandate of the Student Council as the legitimate representative of the student body. We demand that the current Office of Student Affairs Coordinator explain how it defines student representatives and why it confines our role, when our mandate is to serve the student body fully and without compromise. We are expecting prompt actions to address student concerns. With unwavering conviction, we affirm: no student shall be left behind.

22/09/2025

NAGKAKAISANG PAHAYAG NG MGA KONSEHO AT ORGANISASYON NG UP MANILA TUNGKOL SA KARAHASAN NG MGA PULIS

Kahapon, matagumpay na nagsagawa ng kilos-protesta ang libo-libong mamamayang Pilipino, kasama ang sangkaestudyantehan ng UP Manila. Mula Luneta ay nagtungo tayo sa Mendiola upang ipakita ang kolektibong galit sa korapsyon at kawalang pananagutan, at patuloy na singilin ang rehimeng Marcos-Duterte.

Subalit, ang protesta ay naharap sa karahasan ng kapulisan ng Maynila. Sila ay nang-intimida, nang-aresto, nanghila, naglabas ng tatlong teargas, nagwater cannon, at namaril ng mga sibilyan at kabataan na dumalo sa protesta. Isa sa mga hinuli ay si Mattheo Wovi Villanueva, isang mag-aaral mula sa UP Diliman College of Arts and Letters. Sa gitna ng mapayapang pagkilos, siya ay brutal na binugbog at sapilitang kinaladkad palayo ng mga kapulisan. Ito ay malinaw na halimbawa ng pamamasismo ng gobyerno sa sambayanang lumalaban. Patunay lamang na ang mga pwersa ng estado ay tagapagtanggol ng interes ng mga naghaharing-uri.

Mariing kinukundena ng mga konseho at organisasyon ang patuloy na kaharasan ng kapulisan – ang brutal na dispersal, pananakit, at arbitrary arrests laban sa mga nagprotesta sa Ayala at Mendiola. Binabatikos din namin ang pagpigil ng mga kapulisan na makausap ng kaanak at mga abogado ang mga arestado. Patuloy naming ipinapanawagan ang hustisya para sa mga biktima ng kaharasan ng pulis, at iginigiit namin ang kagyat na pagpapalaya sa lahat ng inaresto, lalo na sa mga menor de-edad at PWD. Dapat ding ipagamot ang mga sinaktan at inabuso ng mga pulis.

Naninidigan ang mga konseho at organisasyon na makatwiran ang magprotesta. Ang pagsasagawa nito ay pagpapahayag ng galit ng sambayanan sa korapsyon ng bulok na estado. Hindi kailanman krimen o terorismo ang paglaban. Sapagkat ang tunay na krimen ay ang pandarambong sa kaban ng bayan at ang tunay na terorista ay ang administrasyong Marcos-Duterte, ang imperyalistang US, at mga tuta nitong kapulisan, na patuloy inuuna ang pansariling interes habang nilulugmok sa kahirapan at pang-aapi ang mamamayang Pilipino.

Kasabay nito, inaanyayahan namin ang buong komunidad ng UP Manila na patuloy tumindig at makibaka laban korapsyon at pasismo ng bulok na administrasyong Marcos-Duterte.

Palayain si Mattheo Wovi Villanueva!
Palayain lahat ng bilanggong pulitikal!

21/09/2025

𝐍𝐄𝐕𝐄𝐑 𝐅𝐎𝐑𝐆𝐄𝐓, 𝐍𝐄𝐕𝐄𝐑 𝐀𝐆𝐀𝐈𝐍: 𝙂𝙪𝙖𝙧𝙙𝙞𝙣𝙜 𝙏𝙧𝙪𝙩𝙝 𝙖𝙣𝙙 𝙈𝙚𝙢𝙤𝙧𝙮 𝘼𝙜𝙖𝙞𝙣𝙨𝙩 𝙏𝙮𝙧𝙖𝙣𝙣𝙮

On 𝐒𝐞𝐩𝐭𝐞𝐦𝐛𝐞𝐫 21, 1972, 𝐅𝐞𝐫𝐝𝐢𝐧𝐚𝐧𝐝 𝐌𝐚𝐫𝐜𝐨𝐬 𝐒𝐫. 𝐬𝐢𝐠𝐧𝐞𝐝 𝐏𝐫𝐨𝐜𝐥𝐚𝐦𝐚𝐭𝐢𝐨𝐧 𝐍𝐨. 1081, 𝐩𝐥𝐚𝐜𝐢𝐧𝐠 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬 𝐮𝐧𝐝𝐞𝐫 𝐌𝐚𝐫𝐭𝐢𝐚𝐥 𝐋𝐚𝐰. What followed was one of the darkest chapters in our history: 𝐦𝐨𝐫𝐞 𝐭𝐡𝐚𝐧 70,000 𝐩𝐞𝐨𝐩𝐥𝐞 𝐰𝐞𝐫𝐞 𝐢𝐦𝐩𝐫𝐢𝐬𝐨𝐧𝐞𝐝, 𝐨𝐯𝐞𝐫 34,000 𝐰𝐞𝐫𝐞 𝐭𝐨𝐫𝐭𝐮𝐫𝐞𝐝, 𝐚𝐧𝐝 𝐭𝐡𝐨𝐮𝐬𝐚𝐧𝐝𝐬 𝐰𝐞𝐫𝐞 𝐤𝐢𝐥𝐥𝐞𝐝 𝐨𝐫 𝐝𝐢𝐬𝐚𝐩𝐩𝐞𝐚𝐫𝐞𝐝. Freedom of expression was silenced, the press was censored, and the law bent to serve authoritarian power.

Decades later, the scars of Martial Law remain visible-not only in the testimonies of survivors but also in the 𝐜𝐨𝐧𝐭𝐢𝐧𝐮𝐢𝐧𝐠 𝐬𝐭𝐫𝐮𝐠𝐠𝐥𝐞 𝐚𝐠𝐚𝐢𝐧𝐬𝐭 𝐝𝐢𝐬𝐢𝐧𝐟𝐨𝐫𝐦𝐚𝐭𝐢𝐨𝐧, 𝐡𝐢𝐬𝐭𝐨𝐫𝐢𝐜𝐚𝐥 𝐝𝐢𝐬𝐭𝐨𝐫𝐭𝐢𝐨𝐧, 𝐚𝐧𝐝 𝐚𝐭𝐭𝐚𝐜𝐤𝐬 𝐨𝐧 𝐩𝐫𝐞𝐬𝐬 𝐟𝐫𝐞𝐞𝐝𝐨𝐦. These persistent challenges remind us that 𝐭𝐡𝐞 𝐟𝐢𝐠𝐡𝐭 𝐟𝐨𝐫 𝐭𝐫𝐮𝐭𝐡 𝐚𝐧𝐝 𝐝𝐞𝐦𝐨𝐜𝐫𝐚𝐜𝐲 𝐝𝐢𝐝 𝐧𝐨𝐭 𝐞𝐧𝐝 𝐢𝐧 1986. It continues today in classrooms, newsrooms, and digital spaces where history is contested and narratives are twisted.

The lessons of Martial Law are clear. 𝐅𝐨𝐫𝐠𝐞𝐭𝐭𝐢𝐧𝐠 𝐢𝐧𝐯𝐢𝐭𝐞𝐬 𝐫𝐞𝐩𝐞𝐭𝐢𝐭𝐢𝐨𝐧; 𝐫𝐞𝐦𝐞𝐦𝐛𝐞𝐫𝐢𝐧𝐠 𝐠𝐮𝐚𝐫𝐝𝐬 𝐭𝐡𝐞 𝐟𝐮𝐭𝐮𝐫𝐞. To remember is not to dwell on bitterness, but to protect the 𝐡𝐚𝐫𝐝-𝐞𝐚𝐫𝐧𝐞𝐝 𝐟𝐫𝐞𝐞𝐝𝐨𝐦𝐬 𝐰𝐨𝐧 𝐭𝐡𝐫𝐨𝐮𝐠𝐡 𝐭𝐡𝐞 𝐬𝐚𝐜𝐫𝐢𝐟𝐢𝐜𝐞 𝐨𝐟 𝐭𝐡𝐨𝐮𝐬𝐚𝐧𝐝𝐬. As Iskolars ng Bayan, we carry the responsibility to serve the people by 𝐝𝐞𝐟𝐞𝐧𝐝𝐢𝐧𝐠 𝐭𝐫𝐮𝐭𝐡, 𝐚𝐦𝐩𝐥𝐢𝐟𝐲𝐢𝐧𝐠 𝐦𝐞𝐦𝐨𝐫𝐲, 𝐚𝐧𝐝 𝐫𝐞𝐣𝐞𝐜𝐭𝐢𝐧𝐠 𝐬𝐢𝐥𝐞𝐧𝐜𝐞 𝐢𝐧 𝐭𝐡𝐞 𝐟𝐚𝐜𝐞 𝐨𝐟 𝐥𝐢𝐞𝐬.

This generation may not have lived through Martial Law, but we are not exempt from its lessons. In an era when 𝐟𝐚𝐥𝐬𝐞𝐡𝐨𝐨𝐝 𝐬𝐩𝐫𝐞𝐚𝐝𝐬 𝐟𝐚𝐬𝐭𝐞𝐫 𝐭𝐡𝐚𝐧 𝐟𝐚𝐜𝐭, 𝐬𝐢𝐥𝐞𝐧𝐜𝐞 𝐜𝐚𝐧 𝐛𝐞 𝐚𝐬 𝐝𝐚𝐧𝐠𝐞𝐫𝐨𝐮𝐬 𝐚𝐬 𝐜𝐨𝐦𝐩𝐥𝐢𝐜𝐢𝐭𝐲. We must question, speak, and write— because 𝐭𝐡𝐞 𝐟𝐫𝐞𝐞𝐝𝐨𝐦 𝐭𝐨 𝐝𝐨 𝐬𝐨 𝐰𝐚𝐬 𝐨𝐧𝐜𝐞 𝐯𝐢𝐨𝐥𝐞𝐧𝐭𝐥𝐲 𝐝𝐞𝐧𝐢𝐞𝐝.

To honor the victims of Martial Law is to live with conviction: to 𝐬𝐭𝐚𝐧𝐝 𝐚𝐠𝐚𝐢𝐧𝐬𝐭 𝐝𝐢𝐬𝐢𝐧𝐟𝐨𝐫𝐦𝐚𝐭𝐢𝐨𝐧, 𝐭𝐨 𝐟𝐢𝐠𝐡𝐭 𝐜𝐨𝐫𝐫𝐮𝐩𝐭𝐢𝐨𝐧 𝐚𝐧𝐝 𝐚𝐛𝐮𝐬𝐞, 𝐚𝐧𝐝 𝐭𝐨 𝐝𝐞𝐟𝐞𝐧𝐝 𝐝𝐞𝐦𝐨𝐜𝐫𝐚𝐜𝐲 𝐞𝐯𝐞𝐫𝐲 𝐭𝐢𝐦𝐞 𝐢𝐭 𝐢𝐬 𝐭𝐡𝐫𝐞𝐚𝐭𝐞𝐧𝐞𝐝. Their courage demands nothing less.

𝐍𝐞𝐯𝐞𝐫 𝐅𝐨𝐫𝐠𝐞𝐭! 𝐍𝐞𝐯𝐞𝐫 𝐀𝐠𝐚𝐢𝐧!

✍️ 𝙈.𝙄. 𝙁𝙖𝙗𝙞𝙡𝙡𝙖
💻 𝙈.𝙋. 𝙈𝙤𝙧𝙖𝙡𝙞𝙩𝙖

20/09/2025

Limampu’t tatlong taon mula nang ipataw ang Martial Law—hindi natin malilimutan ang bangungot ng diktadura. Noon—libo-libong Pilipino ang dinukot, tinortyur, at pinaslang; bilyon-bilyong yaman ng bayan ang ninakaw; at ang kalayaan ay nilumpo. Ngayon—anak ng diktador, maanomalyang flood control projects, at walang habas na korapsyon. Kung walang hustisya at pananagutan, paulit-ulit tayong sasadlak sa parehong pandarambong at pagdurusa.

17/09/2025

𝗦𝗲𝗽𝘁𝗲𝗺𝗯𝗲𝗿 𝗶𝘀 𝗡𝗮𝘁𝗶𝗼𝗻𝗮𝗹 𝗦𝘂𝗶𝗰𝗶𝗱𝗲 𝗣𝗿𝗲𝘃𝗲𝗻𝘁𝗶𝗼𝗻 𝗠𝗼𝗻𝘁𝗵.🎗️

This month is a reminder to check in on ourselves and the people we care about. A simple, "How are you doing, really?" can make a big difference.
Let's use this month to spread hope, share resources, and create a safe space for conversations about mental health. You're not alone, and help is available.

08/09/2025

Tatanganan ng mga mamamahayag ang dangal, husay, at diwa ng paglilingkod — sa bawat salitang isusulat, sa bawat katotohanang ilalantad.

Higit kailanman kailangang maging mapagmatyag sa panahong patuloy ang panunupil sa karapatang pantao at pagbaluktot ng katotohanan. Hindi na sapat ang pananahimik; kailangang manindigan.

Sa gitna ng mga atake sa ating kalayaan at karapatang magpahayag, nananatiling matatag ang hanay ng mga estudyanteng mamamahayag. Sa bawat balita, inilalantad ang katotohanan. Sa bawat artikulo, ipinaglalaban ang interes ng mas nakararami.

Habang bumubukas ang panibagong akademikong taon, binubuksan din natin ang panibagong yugto ng pakikibaka. Panibagong yugto ng pagtutol, pag-oorganisa, at pagbibigay-tinig sa mga estudyante, g**o, manggagawa, at malawak na hanay ng masa.

Kung pagod ka nang manahimik, kung nais mong gamitin ang iyong boses para sa katarungan, kung handa kang maglingkod sa masa gamit ng tinta at diwa ng militanteng mamamahayag — ikaw ay tinatawag.

Sumapi sa Medikritiko!
Magsulat para sa bayan. Magmulat para sa katotohanan. Maglingkod nang may paninindigan.

Magfill out ng application form sa link na ito:
https://bit.ly/MK25-26
https://bit.ly/MK25-26
https://bit.ly/MK25-26

05/09/2025

TUTULAN ANG KORAPSYON AT PANAGUTIN ANG MGA MAGNANAKAW NG KABAN NG BAYAN!

Nabunyag kamakailan ang malawakang korapsyon sa mga flood control projects sa ilalim ng Department of Public Works and Highways (DPWH). Nakalaan ang ₱545.64 bilyon para sa 9,855 flood control projects mula Hulyo 2022 hanggang Mayo 2025, ngunit sa loob nito ang maraming ghost flood control projects. Itong mga flood control projects ay ibinida pa ni Marcos Jr. sa kanyang nakaraan na State of the Nation Address (SONA).

Sa Taft Avenue, kaunting ulan lamang ay halos abot-tuhod na ang baha na araw-araw nilulusong ng mga mag-aaral at manggagawa. Dahil dito, marami ang naii-stranded at maging ang mga naninirahan sa UP dorm ay nahihirapan pang makabili ng pagkain. Habang patuloy na binabayo ng bagyo at baha ang mamamayan, patuloy namang nagpapakasasa sa buwis ng taumbayan ang mga kontraktor at opisyal ng gobyerno.

Sa kabilang banda, ang University of the Philippines ay muling nakaranas ng budget deficit para sa taong 2026. Bagama’t mas mataas ito ng ₱3 bilyon kumpara sa 2025, ito ay mas mababa pa rin ng 45% sa ipinasa ng UP Board of Regent. Danas ng bawat iskolar ng bayan ang kakapusan ng badyet ng unibersidad: mga gusali na mistulang construction site, kawalan ng mga tambayan at sapat na silid-aralan, at agawan ng units at slots ng classes ng mga mag-aaral. Mahalaga ring tandaan na ang CAS Rizal Hall, isang gusali na ilang taon na ginagawa, ay proyekto sa ilalim ng DPWH at kontraktor noon dito ay ang St. Timothy Construction Corporation.

Ito ay nakakabahala at dapat magsilbing hudyat na repasuhin ng UP Manila Administration ang mga kontrata ng iba pang imprastrakturang isinasagawa sa pakikipag-ugnayan sa DPWH. Kailangang tiyakin na ang mga pondo ay nagagamit nang wasto at ang mga proyektong ipinangako ay natatapos sa tamang oras para hindi patuloy na maapektuhan ang mga estudyante at g**o.

Nakikita natin na sa halip na mapunta sa sektor ng edukasyon at kalusugan ang pondo ng taumbayan ay napunta ito sa bulsa ng mga magnanakaw. Dahil sa kasakiman at kapabayaan ng gobyerno, ang mamamayang Pilipino ang nagdurusa kaya higit sa lahat ang dapat managot dito ay ang rehimeng Marcos-Duterte.

Ang korapsyon ay matagal nang salot sa Pilipinas. Nag-iiba lamang ito ng anyo – mula sa Pork Barrel, Confidential and Intelligence Fund, hanggang ngayon sa ghost projects. Sa kabila ng paulit-ulit na eskandalo, nakakalusot pa rin ang mga pulitiko at mayayaman sa ilalim ng “due process.” Isa itong malinaw na inhustisya at pagtataksil sa sambayanan.

Nararapat lamang magalit ang taumbayan! Ang buwis na nilulustay ng mga tiwaling nasa kapangyarihan ay pinaghihirapan araw-araw ng mga ordinaryong mamamayan. Paulit-ulit na nating hinaharap ang ganitong uri ng korapsyon, ngunit palaging walang nananagot. Sa kaban ng bayan sila nagnakaw, kaya nararapat lamang na humarap sila sa galit ng taumbayan.

Nakikiisa ang UP Manila University Student Council at lahat ng lokal na konseho sa UP Manila sa panawagan na panagutin ang gobyerno at lahat ng sangkot sa malawakang korapsyon. Kasabay nito, ipinapanawagan din ng mga konseho ang mas mataas na badyet para sa sektor ng edukasyon at kalusugan. Inaanyayahan ng namin ang bawat iskolar ng bayan na tumindig tayo at lumabas sa lansangan! Panagutin ang mga korap at magnanakaw!

UP Manila School of Health Sciences Palo Student Council

13/10/2025

07/10/2025

27/09/2025

27/09/2025

22/09/2025

21/09/2025

20/09/2025

17/09/2025

08/09/2025

05/09/2025

Address

Website

Alerts

Contact The Practice

Shortcuts

Share