06/05/2026
πππ² ππ, ππππ | Nagpahigayon og usa ka information campaign ang TAHAS, Inc. sa Panabo City Health Office aron ipaila ug ipasabut kung unsa ang Community-Led Monitoring (CLM). Sa maong aktibidad, gipasabot nga ang CLM usa ka community feedback system diin ang mga katawhan makahatag sa ilang kasinatian kabahin sa health services aron kini mapalambo ug mapauswag.
Gihisgutan usab nga ang mga tawo mamahimong mogamit sa CLM aron ipaabot ang ilang mga kasinatian kabahin sa TB ug HIV services pinaagi sa nagkalain-laing channels sama sa hotline, page, ug website. Ang tanang channels kabahin sa usa ka integrated nga CLM system nga nagtumong sa pagpalig-on sa tingog sa komunidad.
Ang CLM o community-led monitoring usa ka proseso diin ang komunidad mismo ang motan-aw, mo-evaluate, ug motabang sa pagpalambo sa mga serbisyo sa HIV ug TB programs. Pinaagi niini, gihatagan og bili ang tingog sa komunidad tungod kay maminaw ang mga implementers sa ilang feedback alang sa mas maayong serbisyo nga adunay malasakit.
Gipaila usab ang βKomukonekβ isip usa ka kasaligan nga community feedback platform diin ang matag usa mamahimong mopili kung unsang paagi sila magpaabot sa ilang kasinatianβpinaagi sa pagtawag sa hotline, pag-chat sa page, o pagtubag sa website.
Ang orientation gipangunahan ni Erwin S. Espinosa, Executive Director sa TAHAS, Inc. Anaa sab sa maong aktibidad si Dr. Algae Rose Hechanova, City Health Officer II, si Jane Michelle Lumba, RN, STI/HIV Program Coordinator sa Panabo CHO, ug si Michael Gentiles, MPA, Population Program Officer I sa Panabo CHO.
