Doc Liza Ramoso-Ong

13/05/2026

Mag-hilamos At Maligo Araw-Araw
Payo Ni Doc Willie Ong

May mga Pilipino ang ayaw maghilamos o maligo. May maling paniniwala sila na mapapasma daw sila kapag naghilamos o maligo.
Ayon sa survey, 50% ng Pilipino ay hindi naghuhugas ng kamay pagkatapos gumamit ng banyo (umihi o dumumi).
Sana po ay maituwid na natin ang mga maling paniniwala. Heto ang dapat niyong gawin.
1. Maligo araw araw. (Iwas sipon, trangkaso, galis at pigsa.)
2. Maghilamos sa umaga at sa gabi. (Para gumanda ang balat at iwas pimples at kuliti.)
3. Mag-sipilyo 2 o 3 beses bawat araw. (Iwas sa sirang ngipin.)
4. Maghugas ng kamay pagkagamit ng banyo, umihi o dumumi. (Iwas sa sore eyes, tuberculosis at pulmonya.)
Wala pong excuse na pasmado, pagod, puyat, bagong gising, bagong tulog, may regla, nag-computer, nag-cellphone, nanahi at iba pa. Kahit pa sinabi ni Lola o Nanay. Puwedeng magpahinga ng 15 minutos kung pagod. Pero dapat pa rin maligo at maghilamos araw-araw.
Maging malinis sa katawan. Ang sabon at tubig ang iyong proteksyon laban sa sakit.
Maghilamos sa Umaga Para Gumanda:
Kailangan maghilamos ng mukha sa umaga at bago matulog sa gabi para malinis ang mukha. Hindi po tunay ang kasabihan na masama maghilamos. Maraming naiipon na dumi, muta at bacteria sa mukha. Napaka-oily din ng mukha sa umaga.
Kapag hindi tayo maghihilamos, puwede magkaroon ng pimples, kuliti (impeksyon sa mata), at pamumula ng mata. Ang pag-dami ng Muta ay isang senyales na maraming mikrobyo na ang iyong mata.
Ang payo ko: Maghilamos ng mukha sa umaga at sa gabi. Puwede po maghilamos kahit puyat, walang tulog, bagong gising o galing sa pagbabasa sa computer o cellphone. Puwedeng magpahinga ng 15 minutos muna. Pero huwag papasok sa trabaho o matutulog sa gabi nang hindi naghihilamos ng mukha.
Walang koneksyon ang paghilamos ng mata sa paningin. Sa katunayan, mas lilinaw ang iyong paningin kapag natanggal ang muta at dumi sa mata. Take care po.

12/05/2026

Senyales na Mataas ang Cholesterol Mo
By Doc Willie Ong
Alamin ang Paliwanag:

12 likes. "Senyales na Mataas ang Cholesterol Mo - By Doc Willie Ong"

12/05/2026

12/05/2026

Mga Sakit sa Tenga at Pandinig.
Tips By Doc Willie Ong (Internist and Cardiologist)

https://www.facebook.com/reel/380044804614003

12/05/2026

Lower Your Blood Pressure in 5 Minutes
By Doctor Willie Ong (Internist & Cardiologist)

Many people are suffering from high blood pressure without knowing you can easily control it using these very easy tips. Watch it here.

268 likes, 5 comments. "Lower Your Blood Pressure in 5 Minutes - By Doctor Willie Ong (Internist & Cardiologist)"

12/05/2026

Mali ang Pag-buhat, Kaya Masakit ang Likod, Tuhod
Payo ni Doc Willie Ong

Kaya sumakit ang likod, baywang, tuhod at talampakan, dahil madalas ay hindi natin napapansin na mali ang paraan natin sa pagtatrabaho.
Kaya heto ang tamang gagawin:
1. Sa pag-buhat ng balde.
Maling gawi: Mabigat ang binubuhat na balde ng tubig o basang damit.
Tamang paraan: Hatiin ang laman ng balde kapag bubuhatin para kalahati lamang ang bigat ng dinadala.
2. Sa pagbubuhat ng pinamalengke, sumasakit ang likod.
Maling gawi: Napakabigat ng dala o pinamalengke.
Tamang paraan: Gumamit ng may gulong na bag. Hatiin ang bigat sa kaliwa at kanang kamay. O magdala ng maraming bag.
3. Sa pagtatanim o pagdadamo sa bakuran at paglilinis, sumasakit ang likod at tuhod.
Maling gawi: Nakayuko
Tamang paran: Kumuha ng mababang silya at umupo habang nasa garden.
Mga Karagdagang Tips:
1. Kapag may inaabot na mataas, gumamit ng mahabang sungkit o stepper o ladder.
2. Gamitin ang buong katawan sa pagkilos, kailangan grupo ng muscles at hindi puro likod ang gamit.
3. Gumamit ng tamang lambot ng sapatos tulad ng rubber shoes. Dahil kapag matigas ang tapakan sasakit ang sakong at talampakan.
4. Mag-stretching muna sa umaga bago magsimula sa magtrabaho.
5. I-schedule ang trabaho, halimbawa isang araw paglalaba, 1 araw linis ng bakuran. Para makapahinga ang masel na ginamit mo sa isang gawain.
6. Pansinin palagi na tama ang posture, pag-upo at pagtayo mo. I-diretso and likod lagi, huwag kuba.

12/05/2026

Benepisyo ng SILI (chili pepper)
Payo ni Dr Willie Ong and Dr Liza Ong

Mahilig ba kayo sa sili o sa mga pagkaing maaanghang? Alam niyo ba na bukod sa pampagana ito sa ating pagkain ay may benepisyo pa ang sili.
Hindi pa ito tiyak ngunit mayroon nang pagsusuri na nagpapakita na may tulong ang sili sa ating katawan.
Ang sikretong sangkap ng sili ay ang Capsaicin. Sa katunayan, ginagawa nang supplement o capsula ang Capsaicin. Ang sili ay mayaman din sa vitamin A, vitamin C, potassium, folic acid at fiber.
Maraming klase at kulay ang sili at mayroon ding hindi maaanghang. May kulay dilaw, berde at p**a (green pepper, yellow pepper at red pepper), pero mas mabisa daw ang p**ang sili.
Heto ang posibleng benepisyo ng sili:
1. Para sa may diabetes – Ayon sa pag-aaral sa hayop, posibleng mapigilan ng sili ang pagkakaroon ng diabetes. Nakita din na nagpapababa ng blood sugar ang sili.
2. Pampapayat – Ang sili ay nagpapabilis ng ating metabolism at nagpapainit din ng katawan. Dahil dito, mas madali tayong makakatanggal ng calories (burning calories) para pumayat.
3. May tulong cholesterol at sakit sa puso – Ayon sa pag-aaral, maaaring mapigilan ng sili ang pagbabara sa ugat ng puso. Nagpapababa din ang lebel ng bad cholesterol sa ating katawan.
4. Nagpapaluwag ng baradong ilong dulot ng sinusitis at sipon.
5. Pang-alis ng sakit sa katawan – Ang sangkap na capsaicin ay puwedeng makaalis ng sakit sa katawan. Ang sili ay ginagawang pampahid sa masakit na joints at arthritis.
6. Marami pang pinag-aaralang benepisyo ang sili. Nalaman din na posibleng makapigil sa kanser tulad ng prostate cancer.
Para sa may almoranas, konti lang ang kainin na sili. Puwede din piliin ang siling hindi gaanong maanghang. Wala pang malinaw na rekomendasyon kung gaano karaming sili ang kakainin.
Para sa akin, wala naman masama kung paminsan-minsan tayong kumain ng sili, bilang gulay o sawsawan. Tandaan lamang na pantulong lang ito sa sakit.
Kailangan niyo pa rin magpasuri sa doktor para sa tamang gamutan. Good luck po.

11/05/2026

Mga Senyales ng Sakit sa Puso.
Alamin Kung Senryoso Ba o Hindi.
By Doc Willie Ong (Internist and Cardiologist)

https://www.facebook.com/reel/1452474612294260