Polomolok Municipal Hospital

15/04/2026

𝐀𝐧𝐠 𝐦𝐞𝐧𝐭𝐚𝐥 𝐰𝐞𝐥𝐥-𝐛𝐞𝐢𝐧𝐠 𝐚𝐲 𝐦𝐚𝐡𝐚𝐥𝐚𝐠𝐚𝐧𝐠 𝐛𝐚𝐡𝐚𝐠𝐢 𝐧𝐠 𝐰𝐨𝐫𝐤𝐩𝐥𝐚𝐜𝐞 𝐬𝐚𝐟𝐞𝐭𝐲.
Kapag may access sa support systems tulad ng open communication, HR support, at wellness programs, mas nagiging handa ang workers na harapin ang mga hamon sa trabaho.

Alagaan ang isip para sa mas ligtas at mas maayos na workplace.

15/04/2026

Sa South Cotabato, hindi lamang hospitalisasyon ang LIBRE - pati ang paggamit ng ating mga Patient Transport Vehicles (PTVs), o ambulansya ay walang bayad.

Sa ilalim ng Free Patient Transport Services Program na pinangungunahan ng PDRRMO-South Cotabato, mahigpit nating ipinagbabawal ang anumang paniningil - maging para sa gasolina man o bayad sa driver.

Simula nang tayo’y manungkulan noong 2019, libo-libo na ang natulungan ng programang ito. Nitong nakaraang buwan ng Marso, ayon sa PDRRMO, 67 pasyente ang ligtas na naihatid sa mga pagamutan, o naiuwi sa kanilang mga tahanan mula sa pagpapagamot ng walang binabayaran.

Ganito sa South Cotabato - tama at maayos ang serbisyo, may malasakit, walang kapalit.

📞 Para sa mga nais mag-avail ng FREE Patient Transport Services Program, makipag-ugnayan sa:
• 0927-542-6430 (Globe)
• 0969-191-5810 (Smart)

14/04/2026

14/04/2026

𝗦𝗔 𝗟𝗔𝗕𝗔𝗡 𝗦𝗔 𝗞𝗔𝗡𝗦𝗘𝗥, 𝗠𝗔𝗬 𝗣𝗔𝗠𝗔𝗛𝗔𝗟𝗔𝗔𝗡𝗚 𝗡𝗔𝗞𝗔𝗔𝗟𝗔𝗟𝗔𝗬

Si Geremy ay isa sa mga mamamayang matapang na humaharap sa hamon ng Hodgkin Lymphoma Stage 2. Sa gitna ng kaniyang pakikipaglaban sa sakit at sa bigat ng gastusing medikal, nabigyan siya ng ginhawa sa pamamagitan ng tulong pinansiyal at libreng serbisyong medikal na ipinagkaloob ng Pamahalaang Panlalawigan ng South Cotabato sa pangunguna ni Governor Reynaldo S. Tamayo Jr. Ang serbisyong ito ang nagsilbing sandigan upang maipagpatuloy niya ang kaniyang gamutan.

Sa tulong ng Free Financial at Medical Assistance Program, mas maraming pasyenteng tulad ni Geremy ang nabibigyan ng pag-asa at pagkakataong makabangon. Ayon sa karanasan ng mga benepisyaryo, malaking tulong ang agarang suporta ng pamahalaan upang malampasan ang pagsubok. Ganito sa South Cotabato—walang pinipiling tinutulungan sa pagpapaabot ng serbisyo, sapagkat ang kalusugan ay patuloy na inuuna, tinututukan, at binibigyang-halaga.

09/04/2026

🇵🇭Sa paggunita ng Araw ng Kagitingan ngayong ika-9 ng Abril, binibigyang-pugay natin ang hindi matatawarang tapang, sakripisyo, at pagmamahal sa bayan ng ating mga bayani na nag-alay ng kanilang buhay para sa kalayaan na tinatamasa natin ngayon. Ang kanilang katapangan ay nagsisilbing ilaw at inspirasyon sa bawat Pilipino—isang paalala na sa gitna ng hamon at pagsubok, ang tunay na lakas ay nagmumula sa malasakit at pagkakaisa.

Taos-pusong pasasalamat sa lahat ng aming hospital personnel—mga doktor, nars, kawani, at bawat isa na bahagi ng aming institusyon—sa inyong walang humpay na serbisyo, sakripisyo, at pagmamalasakit sa kalusugan ng ating mga kababayan.

Mabuhay ang mga bayaning Pilipino, noon at ngayon!
Maligayang Araw ng Kagitingan!

08/04/2026

𝗦𝗲𝗿𝗯𝗶𝘀𝘆𝗼𝗻𝗴 𝗪𝗮𝗹𝗮𝗻𝗴 𝗕𝗮𝘆𝗮𝗱, 𝗣𝗮𝗴-𝗮𝘀𝗮𝗻𝗴 𝗪𝗮𝗹𝗮𝗻𝗴 𝗞𝗮𝗽𝗮𝗹𝗶𝘁

Ang kuwento ni Ate Maricar—isang ina na walang sawang lumalaban para sa kaniyang apat na anak, lalo na para kay Baby Gab na may sakit na cerebral palsy, hydrocephalus, meningitis, at severe malnutrition. Sa loob ng anim na buwang pananatili sa ospital, hindi niya inakalang may darating na tulong na magbibigay ng panibagong pag-asa sa buhay ng kaniyang anak.

Sa ilalim ng Cashierless Hospital Program ni Gov. Reynaldo S. Tamayo, Jr., ang mahigit ₱100,000 na gastusin ay naipagkaloob nang walang bayad—isang malaking ginhawa para sa mga pamilyang katulad ni Ate Maricar.

04/04/2026

𝗕𝗟𝗔𝗖𝗞 𝗦𝗔𝗧𝗨𝗥𝗗𝗔𝗬

Sa pagdating ng Black Saturday, ang Pamahalaang Panlalawigan ng South Cotabato, sa pangunguna ni Gobernador Reynaldo S. Tamayo Jr., ay nakikiisa sa sambayanan sa isang tahimik at makabuluhang pagninilay. Ito ang araw ng pag-asa sa gitna ng katahimikan-isang paalala na sa kabila ng pagdurusa ay may naghihintay na bagong buhay. Hinihikayat ang bawat South Cotabateño na maglaan ng panahon para sa panalangin, pagninilay-nilay, at pag-alala sa kahalagahan ng pananampalataya sa araw-araw na pamumuhay.

03/04/2026

𝗕𝗜𝗬𝗘𝗥𝗡𝗘𝗦 𝗦𝗔𝗡𝗧𝗢

Sa pagdiriwang ng Biyernes Santo, ang Pamahalaang Panlalawigan ng South Cotabato, sa pangunguna ni Gobernador Reynaldo S. Tamayo Jr., ay kaisa ng sambayanan sa pag-alala sa dakilang sakripisyo ni Hesukristo para sa kaligtasan ng sangkatauhan. Ang araw na ito ay paanyaya sa bawat isa na magnilay, manalangin, at pagyamanin ang pananampalataya bilang gabay sa pang-araw-araw na pamumuhay.

02/04/2026

02/04/2026

𝗗𝗜𝗪𝗔 𝗡𝗚 𝗛𝗨𝗪𝗘𝗕𝗘𝗦 𝗦𝗔𝗡𝗧𝗢
Sa paggunita ng Huwebes Santo, ang Pamahalaang Panlalawigan ng South Cotabato, sa pangunguna ni Gobernador Reynaldo S. Tamayo Jr., ay nakikiisa sa sambayanan sa pagninilay sa tunay na diwa ng pamumuno at paglilingkod. Ipinapaalala ng araw na ito na ang mabuting pamumuno ay nagmumula sa kababaang-loob at taos-pusong paglilingkod sa kapwa, na siyang pundasyon ng isang maayos at makataong pamahalaan.

𝗗𝗜𝗪𝗔 𝗡𝗚 𝗛𝗨𝗪𝗘𝗕𝗘𝗦 𝗦𝗔𝗡𝗧𝗢

Sa paggunita ng Huwebes Santo, ang Pamahalaang Panlalawigan ng South Cotabato, sa pangunguna ni Gobernador Reynaldo S. Tamayo Jr., ay nakikiisa sa sambayanan sa pagninilay sa tunay na diwa ng pamumuno at paglilingkod. Ipinapaalala ng araw na ito na ang mabuting pamumuno ay nagmumula sa kababaang-loob at taos-pusong paglilingkod sa kapwa, na siyang pundasyon ng isang maayos at makataong pamahalaan.

31/03/2026

𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗡𝗔 𝗠𝗔𝗬 𝗧𝗨𝗡𝗔𝗬 𝗡𝗔 𝗠𝗔𝗟𝗔𝗦𝗔𝗞𝗜𝗧

Kinilala ang lalawigan sa ilalim ng Sustainable Development Goal No. 3 (Good Health and Well-being) bilang Top 1 Province in the Philippines sa pagiging huwaran sa pagpapatupad ng libreng hospitalisasyon. Patunay ito na ang serbisyong may malasakit ay may konkretong epekto sa buhay ng mamamayan.

Sa bawat pasyenteng natutulungan, lalo pang napagtitibay na ang tapat at mahusay na pamamahala ay tunay na nararamdaman sa komunidad at nagdudulot ng positibong pagbabago sa pang-araw-araw na buhay ng bawat South Cotabateño.

𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗡𝗔 𝗠𝗔𝗬 𝗧𝗨𝗡𝗔𝗬 𝗡𝗔 𝗠𝗔𝗟𝗔𝗦𝗔𝗞𝗜𝗧

Kinilala ang lalawigan sa ilalim ng Sustainable Development Goal No. 3 (Good Health and Well-being) bilang Top 1 Province in the Philippines sa pagiging huwaran sa pagpapatupad ng libreng hospitalisasyon. Patunay ito na ang serbisyong may malasakit ay may konkretong epekto sa buhay ng mamamayan.

Sa bawat pasyenteng natutulungan, lalo pang napagtitibay na ang tapat at mahusay na pamamahala ay tunay na nararamdaman sa komunidad at nagdudulot ng positibong pagbabago sa pang-araw-araw na buhay ng bawat South Cotabateño.